
遍知贝玛嘎波大师教言集PK42སྡོམ་གསུམ་གྱི་རྒྱུད་ཡིག་བཞུགས་སོ།།
7-125
༄༅། །སྡོམ་གསུམ་གྱི་རྒྱུད་ཡིག་བཞུགས་སོ།།
༄། །ས་ར་ཧ་དང་། ཀླུ་སྒྲུབ་ཡབ་སྲས་འབའ་ཞིག་ལས་བརྒྱུད་པ།
༄༅། །སྡོམ་གསུམ་གྱི་རྒྱུད་ཡིག་བཞུགས་སོ།། ༄༅༅། །འཇིག་རྟེན་སྟོན་པར་འཛིན་དབུས་ཟས་གཙང་སྲས། །འབའ་ཞིག་ཀུན་མཁྱེན་དེ་ཕྱིར་དེ་ཡི་ཚིག །བསླུ་མེད་མཐོང་ནས་དེ་ཡི་རྗེས་ཞུགས་པས། །ཀུན་གྱི་མཆོད་འོས་གྱུར་རྣམས་ཕྱག་གི་གནས། །བག་མེད་རྒྱུས་ན་མངོན་མཐོའི་ཚལ་གཞོམ་པ། །ཉོན་མོངས་མི་དགེའི་འབབ་ཆུ་གནོད་པ་ཅན། །བགག་པའི་ཆུ་ལོན་སྟོན་པས་བརྩིགས་པ་འདི། །
7-126
གཅེས་པར་བསྐྱངས་མཁན་གང་ཡིན་ཐུབ་པའི་བུ། །བྱིས་པའི་སྐྱེ་བོའང་ཁྲིམས་ལྡན་བསྟོད་བཀུར་ན། །ལུགས་གཟིགས་དམ་པའི་ཚོགས་རྣམས་ཅིས་མི་བསྔགས། །དེས་ན་འབྱོན་འགྱུར་རྒྱལ་བ་རྣམས་མཇལ་བའི། །གཞུང་ལམ་འདི་ནང་
སྐྱེ་བོ་ཀུན་ཞུགས་ཤིག ། དེ་ཡང་ཆོས་འདི་པ་དག་ལ། ཆོས་ཀྱི་རྒྱལ་པོས་བཅས་པའི་ཁྲིམས་ནི། སོ་ཐར་སྡོམ་པ་དང་། བྱང་ཆུབ་སེམས་ཀྱི་སྡོམ་པ་དང་། རིག་པ་འཛིན་པ་སྔགས་ཀྱི་སྡོམ་པ་
གསུམ་མོ། །དང་པོ་ནི་ཉན་ཐོས་ཀྱི་ལུང་ལས། འདོད་པ་དང་ཉེས་དམིགས་གཉིས་ཀ་སྤོང་མི་ནུས་པ་ལ། ཉིན་ཞག་གཅིག་པའི་སྡོམ་པ་བསྙེན་གནས། ཁྱིམ་པའི་གསོ་སྦྱོང་ཞེས་ཀྱང་བྱའོ། །འདོད་པ་སྤོང་
མི་ནུས་ཉེས་པ་སྤོང་ནུས་པ་དེ་ལ་དགེ་བསྙེན་ཏེ། དེ་གཉིས་ནི་ཁྱིམ་པའི་ཕྱོགས་སོ། །འདོད་པ་དང་ཉེས་པ་གཉིས་ཀ་སྤོང་ནུས་པ་དེ་ལ་དགེ་ཚུལ་དང་། དགེ་སློང་གི་བསླབ་པའི་གཞི་
བཀས་གནང་། དེ་ཡང་བསླབ་པ་མ་རྫོགས་པ་དང་རྫོགས་པའི་ཁྱད་དེ། །ཕྱི་མ་འདི་དགེ་འདུན་ལས་སྐྱེ་བ་ཡིན་ཀྱང་སྡོམ་རྒྱུན་མཁན་པོ་ལས་འདེད་པ་ནི། བདག་ཅག་ལ་འདིའི་དྲིན་ལས་བྱུང་བས་
ཏེ། དཔེར་ན་བུ་མ་ལས་སྐྱེས་ཀྱང་རིགས་ཕ་ལས་འདེད་པ་བཞིན་ནོ། །དེ་ཡང་བོད་དུ། སྨད་འདུལ་བ་དང་། སྟོད་འདུལ་བ་དང་། པཎ་ཆེན་སྡོམ་རྒྱུན་གསུམ་དུ་གྲགས་ཏེ། དང་པོ་ནི། ཟ་ཧོར་གྱི་བྷཀྵུ་ཆེན་པོ་པ། 
7-127
ཡུལ་ཁས་ར་ཎར་འཁྲུངས་པ་དྷརྨ་ཤཱནྟི་གྷོ་ཥ་ཞེས་བྱ་བ་འཇིག་རྟེན་གྱིས་ཨཱ་ཙརྻ་བོ་དྷི་སཏྭ་ཞེས་བཏགས་པ་གསུང་རབ་ཐམས་ཅད་ལ་མཁས་ཤིང་ཚུལ་ཁྲིམས་དང་ཤེས་རབ་ཏུ་ལྡན་པ་མི་
འཕྲོགས་པའི་བརྩོན་འགྲུས་ལ་ཞུགས་པ་དེའི་མཁན་བུ་རིམ་པར་མཆོད་པ་ལས། གླང་དར་གྱི་སྐབས་སུ་རྩངས་རབ་གསལ་སོགས་ཁམས་སུ་བྱོན། །དེས་མཁན་པོ། །གཡོས་སློབ་དཔོན། དམར་གྱིས་གསང་སྟོན་བྱས་ནས་རྩོང་
ཁ་པ་མུ་ཟུ་བསྙེན་པར་རྫོགས་པའི་མཚན་དགེ་བ་རབ་གསལ་ཏེ། ད་ལྟ་བླ་ཆེན་དགོངས་པ་རབ་གསལ་དུ་གྲགས་པ་དེ་བྱུང་། དེ་ལས་མཆེད་པའོ། །གཉིས་པ་ནི། ལྷ་བླ་མ་ཡེ་ཤེས་འོད་
ཀྱིས་རྒྱ་གར་ཤར་ཕྱོགས་ཀྱི་པཎྜི་ཏ་དྷརྨ་པཱ་ལ་སྤྱན་དྲངས། དེས་འདུལ་བའི་བཤད་པ་དང་ལག་ལེན་གཙུགས་པའི་སློབ་མའི་གཙོ་བོ་ས་དྷུ་པཱ་ལ། གུ་ཎ་པཱ་ལ། པྲཛྙཱ་པཱ་ལ་སྟེ་པཱ་
ལ་རྣམ་གསུམ་ལས་མཆེད་པའོ། །གསུམ་པ་ནི་ཁྲོ་ཕུ་ལོ་ཙ་བྱམས་པའི་དཔལ་གྱིས་ཁ་ཆེའི་པཎྜི་ཏ་ཆེན་པོ་ཤཱཀྱ་ཤྲཱི་སྤྱན་དྲངས། ས་པཎྜི་ཏ་དང། རྡོ་རྗེ་དཔལ་དང་བྱང་ཆུབ་དཔལ་ལ་སོགས་
པ་མང་པོ་བསྙེན་པར་རྫོགས་པ་ལས་མཆེད་པའོ། །དེ་གསུམ་གའང་ས་ར་ཧ་དང་། ཀླུ་སྒྲུབ་ཡབ་སྲས་འབའ་ཞིག་ལས་བརྒྱུད་པ། སྡེ་པ་བཞིའི་ནང་ནས་གཞི་ཐམས་ཅད་ཡོད་པར་སྨྲ་བའི་སྡེ་པ་ཁོ་ན་དེ་ཡང་བོད་དུ་སྡེ་པ་དེའི་ལུགས་ལས་གཞན་གྱིས་རབ་ཏུ་འབྱིན་པ་བཀས་བཅད་ལས་བཀག་གོ་ཞེས་ཤེས་པར་བྱས་ལ། 
7-128
བརྒྱུད་པ་ནི། མུནཱིནྡྲ་(ཐུབ་པའི་དབང་པོ་)ཤཱ་རི་པུ་ཏྲ།(ཤཱ་རིའི་བུ་) རཱ་ཧུ་ལ་ཀྵེ་ཏྲི་ཡ།(སྲས་སྒྲ་གཅན་འཛིན་) རཱ་ཧུ་ལ་བྲཱཧྨ་ཎ།(བྲམ་ཟེ་སྒྲ་གཅན་འཛིན་) ནཱ་གཱརྫུ་ན།(ཀླུ་གྲུབ་)
གུ་ཎ་མ་ཏི།(ཡོན་ཏན་བློ་གྲོས་) རཏྣ་མི་ཏྲ། (རིན་ཆེན་བཤེས་གཉེན་)ཤྲཱི་དྷརྨ་པཱ་ལ།(དཔལ་ཆོས་སྐྱོང་) གུ་ཎ་སཱ་ག་ར།(གུ་ཎ་ས་རི་ཟེར་བའང་སྣང་)(ཡོན་ཏན་རྒྱ་མཚོ་) དྷརྨ་མཱ་
ལ།(ཆོས་ཀྱི་ཕྲེང་བ་) ཨཱ་ཀ་ར་གུཔྟ།(འབྱུང་གནས་སྦས་པ་) མ་ཧཱ་པཎྜི་ཏ་ཤཱཀྱ་ཤྲཱི།(ཤཱཀྱ་དཔལ་) བྱང་ཆུབ་དཔལ་བཟང་པོ། བདེ་བ་དཔལ་བཟང་པོ། བྱང་སེམས་རིན་པོ་ཆེ་བསོད་ནམས་གྲགས་པ།
གྲགས་པ་བཤེས་གཉེན། རྒྱལ་དབང་གྲགས་པ། ཉི་མ་རྒྱལ་མཚན། ངག་དབང་ལྷུན་གྲུབ། བཀྲ་ཤིས་དཔལ་བཟང་། བཀྲ་ཤིས་རྣམ་རྒྱལ། མི་ཕམ་པདྨ་དཀར་པོ་ཕྱོགས་ཐམས་ཅད་ལས་རྣམ་པར་རྒྱལ་བའི་ལྷའོ། །དེ་ལྟར་
སྔར་བསྙེན་པར་རྫོགས་པ་ལ་སོགས་པ་མ་བླངས། བྱང་ཆུབ་སེམས་དཔའི་སེམས་བསྐྱེད་འབའ་ཞིག་བླངས་པ་ཞིག་ཡིན་ན། དེའི་སོ་སོ་ཐར་པ་ནི་སྡོམ་པ་དེའི་ཡན་ལག་ཉེས་སྤྱོད་སྡོམ་པའི་ཚུལ་ཁྲིམས་
ཞེས་བྱ་བ་ཡིན་པས་སྡོམ་རྒྱུན་གཞན་མི་འདེད་དོ། །དེ་ལ་ཇོ་བོ་ཨ་ཏི་ཤ་ལ་བརྒྱུད་པའི་བཀའ་གཉིས་བབས་པའི་དང་པོ། །ཟབ་མོ་ལྟ་བའི་བླ་མ་དག་ལས་བྱུང་བ་སྟེ། དེའི་བརྒྱུད་པ་ནི། 
7-129
སྟོན་པ། འཇམ་དབྱངས། ཀླུ་སྒྲུབ། ཨཱརྱ་དེ་བ། ཟླ་བ་གྲགས་པ། རིགས་པའི་ཁུ་བྱུག། །ཇོ་བོ་ཨ་ཏི་ཤའོ། །ཡང་རྒྱ་ཆེན་སྤྱོད་པའི་བརྒྱུད་པ་ནི། སྟོན་པ། བྱམས་པ། ཐོགས་མེད། དབྱིག་གཉེན། འཕགས་པ་
གྲོལ་སྡེ། མཆོག་སྡེ། དུལ་བའི་སྡེ། གྲགས་པའི་དཔལ། སེང་གེ་བཟང་པོ། །ཀུ་ས་ལ་ཆེ་བ། ཀུ་ས་ལ་ཆུང་བ། གསེར་གླིང་པ་ཆོས་ཀྱི་གྲགས་པ། ཇོ་བོ་རྗེ་ལྷ་གཅིག། །དེས་དགེ་བཤེས་འབྲོམ་
སྟོན་པ་ལ། དེས་རྒྱ་ལྕགས་རི་བ། དེས་ཆོས་ཀྱི་རྒྱལ་པོ་ཟླ་འོད་གཞོན་ནུ། དེས་དཔལ་ཕག་མོ་གྲུ་པ། རིག་པ་འཛིན་པ་སྔགས་ཀྱི་སྡོམ་པ་ཁོ་ན་ལ་དང་པོ་ནས་ཞུགས་ན་སྡོམ་
པ་གཉིས་ཀ་དེ་དང་བརྒྱུད་པ་མཐུན་ཏེ། དེ་ཡང་། རྡོ་རྗེ་འཆང་། རྡོ་རྗེ་རྣལ་འབྱོར་མ། རྗེ་བཙུན་ཏིལླི་པ། པཎ་ཆེན་ནཱ་རོ་པ། རྗེ་ལོ་ཙ་བ་ཆེན་པོ། དབང་ཕྱུག་མི་ལ་རས་པ།
ཆོས་རྒྱལ་ཟླ་འོད་གཞོན་ནུ། བདེ་གཤེགས་ཁམས་པ་ཆེན་པོ། །གྲུབ་ཐོབ་གླིང་། ཆོས་རྗེ་གཙང་པ། སངས་རྒྱས་དབོན། གཞོན་ནུ། ཉི་མ། རྡོར་གླིང་པ། སྤོས་སྐྱ་པ། བཅུ་གསུམ་པ། འཇམ་དབྱངས་རྗེ། མཁན་ཆེན་
རྡོར་རིན། བློ་གྲོས་སེང་གེ །སྤྲུལ་སྐུ་ཤེར་སེང་། །ཡེ་ཤེས་རིན་ཆེན། ནམཁའ་དཔལ་བཟང་། ཤེས་རབ་བཟང་པོ། །རྒྱལ་བའི་དབང་པོ། འབྲུག་པ་རིན་པོ་ཆེ། ངག་དབང་ཆོས་རྒྱལ། ཤར་ཀོང་པོའི་བཙུན་པ་པདྨ་དཀར་པོའོ། །
7-130
མཆོག་གཟིགས་གཉིས་ནས་བརྒྱུད་པ་སེམས་བསྐྱེད་སྒེར་དུ་ལེན་པའི་ཆོ་ག་ནི་ཀླུ་སྒྲུབ་ལུགས་ཁོ་ནའོ།། །།
༄། །བཀའ་འགྱུར་གྱི་བརྒྱུད་ཡིག་ལས་འདུལ་བ་ལུང་སྡེ་བཞིའི་སྐབས།
བཀའ་འགྱུར་གྱི་བརྒྱུད་ཡིག་ལས་འདུལ་བ་ལུང་སྡེ་བཞིའི་སྐབས།། ཐམས་ཅད་མཁྱེན་པ་ལ་ཕྱག་འཚལ་ལོ། །
འགྲོ་ལ་སྐྱིད་པ་ཀུན་སྟེར་རྒྱལ་བ་ཡི། །བསྟན་པའི་དཔག་བསམ་སྤེལ་དང་ཀུན་འཛིན་ལ། །འདུལ་བའི་སྡེ་སྣོད་རྩ་བ་ཉིད་དང་ཡང་། །སྟོན་དང་བསྟན་བཅོས་དངོས་དེར་ཕྱག་འཚལ་ལོ། །དེ་ཡང་ལུང་སྡེ་
བཞི་ཞེས་གྲགས་པ་ནི། གཞི་དང་རྣམ་འབྱེད་དང་། ཕྲན་ཚེགས་དང་གཞུང་བླ་མ། དང་པོ་ལ། བཤད་བྱ་གཞི་བཅུ་བདུན་གྱིས་འཆད་(སུམ་ཁྲི་ཉིས་སྟོང་བདུན་བརྒྱ་)པ། །བམ་པོ་བརྒྱ་དང་དགུ། ལོ་ཙ་
བ་དཔལ་གྱི་ལྷུན་པོ་དང་། །དཔལ་བརྩེགས་ཀྱི་འགྱུར། གཉིས་པ་ལ། རྩ་བ་སོ་ཐར་མདོ། དེའི་འགྲེལ་པ་(པའི་ཉིས་ཁྲི་བཞི་སྟོང་དགུ་བརྒྱ་)རྣམ་འབྱེད། དེ་ཡང་ཕ་མ་གཉིས་སུ་དབྱེ་བའི་ཕའི་སོ་
ཐར་ལ་ཤློཀ་བདུན་བརྒྱ། བམ་པོ་གཉིས། དེའི་འགྲེལ་པ་ཕའི་རྣམ་འབྱེད་ལ་བམ་པོ་བརྒྱད་ཅུ་རྩ་གསུམ། དགེ་སློང་མའི་སོ་ཐར་ཤློཀ་བརྒྱད་བརྒྱ་བམ་པོ་གཉིས། འདི་གསུམ་ཅོག་རོ་ཀླུའི་རྒྱལ་མཚན་གྱི་
འགྱུར། དགེ་སློང་མའི་རྣམ་(བདུན་སྟོང་བཞི་བརྒྱ་)འབྱེད་བམ་པོ་ཉེར་བརྒྱད་དཔལ་གྱི་ལྷུན་པོ་དང་དཔལ་བརྩེགས་ཀྱི་འགྱུར། འདི་རྩ་བ་འདི་ཀའི་འགྲེལ་བ་ཡིན་མིན་ལ་མཁས་པ་བུ་དཔྱད་གཞིར་མཛད། གསུམ་པ། 
7-131
གཞི་རྣམ་འབྱེད་དང་བཅས་པར་བཤད་པ་མ་ཚང་པ་ཁ་སྐོང་བ་ལུང་། ཕྲན་ཚེགས་(ཉིས་ཁྲི་བཞི་སྟོང་དྲུག་བརྒྱ་)ཏེ་བམ་པོ་ང་བཞི་དཔལ་གྱི་ལྷུན་པོའི་འགྱུར་རོ། །བཞི་པ་ལ། ཞུ་བ་(ཁྲི་
དྲུག་སྟོང་ཉིས་བརྒྱ་)རྫོགས་པ་དང་མ་རྫོགས་(སུམ་སྟོང་སུམ་བརྒྱ་)པ་གཉིས་སུ་བྱུང་སྟེ། དང་པོ་གཅིག །ཕྱིས་གཉིསུ་སོང་བ་སྟེ། དེ་ལྟར་འགྲོ་བ་ཡང་སྟོན་པ་འདས་ནས་རིང་ཞིག་ལོན་པ་ན།
བྲམ་ཟེའི་རྒྱལ་པོ་རྒྱལ་ཞེས་བྱ་བ་བསྟན་པ་ལ་སྡང་བ་ཞིག་བྱུང་། དེས་དགེ་སློང་མང་པོ་བསད། མཆོད་རྟེན་བཤིག། །དགེ་འདུན་གྱི་ཀུན་ར་དང་གླེགས་བམ་མང་པོ་བསྲེགས་སོ། །དེར་དགེ་སློང་རྣམས་
ཀྱིས་བཅོམ་བརླག་གི་གྲོང་ཁྱེར་དུ་ཚོགས་ཏེ། ཡུལ་སྣ་ཚོགས་ནས་སྡེ་སྣོད་ཀྱི་གླེགས་བམ་བསྡུས་པས་གཞན་འགྲིག་ལ་བླ་མའི་གླེགས་བམ་མ་རྙེད་དོ། །དེའི་ཚེ་བརྩད་བཅད་པས་ཁ་ཆེའི་ཡུལ་ན་དགེ་
སློང་གཅིག་པུ་ཞིག་གཞུང་དེ་ཁ་ཏོན་དུ་བྱེད་དོ་ཞེས་ཐོས་ནས་དེར་དོང་སྟེ། ཚེ་དང་ལྡན་པས་གཞུང་བླ་མ་ཐོན་ཏེ་ཞེས་ཐོས་པས་བདག་ཅག་དེ་བྲི་བའི་སླད་དུ་འོངས་སོ་ཞེས་སྨྲས་
སོ། །དེས་སྨྲས་པ། ཅུང་ཟད་ཅིག་ནི་དྲན། ཅུང་ཟད་ཅིག་ནི་མི་དྲན་ནོ། །དགེ་སློང་རྣམས་ཀྱིས་རེ་ཞིག་གཞུང་བསྡུ་བར་བྱ་སྟེ། ཕྱིས་ཚིག་དང་ཚིག་གི་དོན་རྣམ་པར་དཔྱད་དོ་སྙམ་ནས་ཇི་སྐད་དུ་དྲན་པ་དེ་སྐད་དུ་སྨྲོས་ཤིག་ཅེས་སྨྲས་ཏེ། 
7-132
དེའི་འདོན་པ་བཞིན་དུ་བྲིས་སོ། །ཕྱིས་འཕྲལ་གྱི་བྱ་བས་གཡེངས་ནས་དཔྱད་པ་མ་བྱུང་སྟེ་གཞན་དུའང་སྟོན་པ་དེ་ལ་ཞུ་བ་རྫོགས་པའམ་ཞུ་བ་ཁ་ཆེ་བ་ཟེར་ལ། ཕྱིས་གླེགས་བམ་བསྲེགས་
པའི་བཤུལ་ནས་དཔེ་རྙེད་པ་ནི་ཞུ་བ་མ་རྫོགས་པ་ཟེར་ཏེ། ཕྱི་མ་དག་པར་བྱེད་དོ། །དེ་ལྟར་ཡོན་ཏན་འོད་ཀྱི་རྣམ་བཤད་དུ། ཡང་དང་ཡང་དུ་ཞུས་བ་ལ། ལ་ལ་ལས་འདི་
སྐད་དུ་འབྱུང་ངོ་། །ཞེས་བཤད་པ་དང་། འཕགས་པ་ཉེ་བར་འཁོར་གྱིས་ཞུས་པའི་གཞུང་རྒྱ་གར་ཡུལ་པ་ཡང་ཤློཀ་སྟོང་ཙམ་གྱི་ཚད་གཅིག་ལ་ལན་སྤྱོད་པ་ཁོ་ནའོ་ཞེས་གསུངས། ཁམས་ནས་འདུལ་བའི་
གླེགས་བམ་སླར་དབུས་གཙང་དུ་ཕེབས་པ་ལས་མཆེད་པ་ལ་ཞུ་བ་མ་རྫོགས་པ་འདི་མ་བྱུང་ཞིང་། ཕྲན་ཚེགས་ཀྱང་ལྷག་ཆད་མང་ནས་ལ་སྟོད་འོལ་རྒོད་ཀྱི་གཙུག་ལག་ཁང་དུ་གནས་བརྟན་དར་
མ་སེང་གེས་ལུང་བཞེངས་པའི་དུས་སུ་དགེ་བའི་བཤེས་གཉེན་ཞིང་མོ་ཆེ་པ་བྱང་ཆུབ་སེང་གེས་དབུས་གཙང་གི་གཙུག་ལག་ཁང་དུ་ཞུ་བ་མ་རྫོགས་པ་འཚོལ་དུ་བཏང་བ་ལས། བསམ་ཡས་འཆིང་
བུ་ནས་དྭགས་ཆུང་པ་དང་དགེ་སློང་ཚུལ་ཁྲིམས་ཡོན་ཏན་གྱིས་རྙེད་ནས་ལག་ལེན་མི་མཐུན་པ་ཐམས་ཅད་ཀྱི་སྒྲོ་འདོག་དེར་ཆོད། དེ་ནས་སྣར་ཐང་། ཞ་ལུ་སོགསུ་མཆེད་དོ། །དུས་དེར་ཕྲན་ཚེགས་ཀྱི་ཁ་ཅིག་ན་བཞུགས་ཁ་ཅིག་ན་མི་བཞུགས་པའང་ལེགས་པར་དཔྱད་དེ་མ་བཞུགས་པ་རྣམས་ཁ་བསྐང་བ་ནི་འདི་ལྟར་། 
7-133
བམ་པོ་སུམ་ཅུ་རྩ་གསུམ་པའི་དབུ། སྨན་ཆེན་པོའི་གཏམ་རྒྱུད་ཀྱི་སྐབས་ནས་སྨན་ཆེན་པོས་སྨྲས་པ། གལ་ཏེ་དེ་ལྟར་ན། སྐྱུགས་ཤིག་དང་བདེན་ནམ་རྫུན་བལྟའོ། །ཞེས་སྨྲས་པ་དང་། ཞེས་བྱ་བ་
ནས། བམ་པོ་སུམ་ཅུ་རྩ་བཞི་པའི་དབུ། ཇི་ཙམ་ན་དེ་གྲོང་ཁྱེེར་ནས་བྱུང་བ་དང་། བྲམ་ཟེ་མོ་བརྟུལ་ཞེས་བྱ་བས་གོས་ཀྱི་མཐའ་མ་ནས་འཇུས་ནས་ཞེས་བྱ་བའི་བར་དུ་བམ་པོ་
གཅིག་ཆད་པ་བསྐང་། སྡོམས་ནི། ང་ཡང་སྨན་གྱི་དེ་བཞིན་ནོ། །ཞེས་བྱ་བའི་འོག་ཏུ་ཡིག་ཚར་གཅིག་ཆད་པ་བསྐང་། དེ་ནས་བམ་པོ་སུམ་ཅུ་རྩ་བཞི་པའི་སྨད། ནེེ་ཙོ་སྤྱོད་གསལ་གྱི་སྐབས་
རྫོགས་པའི། ཨེ་མའོ། །འདི་ལྟར་ཁྱོད་མཁས་པ་ཤ་སྟག་དང་ཕྲད་པ་ནི་བསོད་ནམས་དང་ལྡན་ནོ། །ཞེས་སྨྲས་སོ། །ཞེས་བྱས་ནས། བམ་པོ་བཞི་བཅུ་རྩ་གསུམ་པའི་སྟོད། སྤྱིའི་སྡོམས་ནི། དགེ་སློང་མ་
ཡི་བཀུར་སྟི་བྲི་ཞེས་བྱ་བའི་བར་དུ། བམ་པོ་སུམ་ཅུ་རྩ་བཞི་པའི་སྨད་ནས། བཞི་བཅུ་རྩ་གསུམ་པའི་སྟོད་ཀྱི་བར་དུ། བམ་པོ་དགུ་ཆད་པ་བསྐང་། སྡོམས་ཚིག་དེ་ཡི་འོག་ཏུ། སྡོམས་
ཚིག་ཡིག་ཚར་གཅིག་ཆད་པ་བསྐང་། དེ་ནས་བམ་པོ་བཞི་བཅུ་རྩ་དྲུག་པའི་མཇུག །བྲམ་ཟེའི་ཁྱེའུ་མ་སྡུག་གི་གླེང་གཞིའི་སྐབས་ཀྱི་དགེ་སློང་རྣམས་ཀྱིས་ཡོན་པའི་དཔྱད་ཀྱིས་ལོག་པའི་འཚོ་བ་ལྟ་བུ་ལས་སླར་ལོག་པ་ཡིན་ནོ། །
7-134
ཞེས་བྱ་བ་ནས་བམ་པོ་བཞི་བཅུ་རྩ་བརྒྱད་པའི་དབུ། དེ་ནས་དེའི་ཚེ་བྲམ་ཟེ་པདྨའི་སྙིང་པོ་ཁྱིམ་མཆོག་གི་མཐོན་པོ་ཞིག་ན་ཤས་ཆེ་བའི་བྲམ་ཟེ་རྒན་རབས་རྣམས་དང་ལྷན་ཅིག་འདུས་
ཤིང་འཁོད་པར་གྱུར་ཏོ། །ཞེས་བྱ་བའི་བར་དུ། བམ་བོ་བཞི་བཅུ་རྩ་བདུན་པ་ཆད་པ་བསྐང་ངོ་། །དེ་ནས་བམ་པོ་ལྔ་བཅུ་པའི་མཇུག་ཀུན་དགའ་བོ་ལ་གདམས་པའི་སྐབས་ཀྱི། ཀུན་དགའ་བོ། །
དགེ་སློང་འདི་ལྟ་བུ་ནི་བདག་ཉིད་གླིང་དང་། བདག་ཉིད་སྐྱབས་དང་། ཆོས་ཀྱི་གླིང་དང་། ཆོས་ཀྱི་སྐྱབས་ཀྱི་གནས་པར་བྱའི། གླིང་གཞན་དང་སྐྱབས་གཞན་གྱིས་ནི་མ་ཡིན་ནོ། །ཞེས་བྱ་བ་ནས། བམ་
པོ་ལྔ་བཅུ་རྩ་གཉིས་པའི་སྟོད། བར་སྡོམ་ནི། ཙ་པ་ལ་དང་ཚེ་ཡི་འདུ་བྱེད་མཛད། ཅེས་བྱ་བའི་བར་དུ་བམ་པོ་གཅིག་ཆད་པ་བསྐང་སྟེ། སྤྱིར་སྡོམ་ན་བམ་པོ་བཅུ་གཉིས་དང་། །སྡོམ་
ཚིག་ཡིག་ཚར་གཉིས་ཆད་པ་བསྐང་། ། དེ་རྣམས་ཀྱི་ལུང་གི་བརྒྱུད་པ་ནི། སྟོན་པ་སངས་རྒྱས། འོད་སྲུངས་ཆེན་པོ། །ཀུན་དགའ་བོ། །ཤ་ནའི་གོས་ཅན།(དགྲ་བཅོམ་པ་གྲགས་པ་) ཉེར་སྦས། བྷ་ག་ཝཱན།
(ལེགས་ལྡན་) མེ་ཙ་ཀ།།(གྲོལ་བྱེད་) པཱུརྞ་ཏེ།(གང་པོ་) དེ་རྣམས་ནི་དགྲ་བཅོམ་པའོ། །ཨ་ཤྭ་གྷོ་ཥ།(རྟ་དབྱངས་) ཀུ་མཱ་ར་ལ་ལི་ཏ།(གཞོན་ནུ་རོལ་པ་) ཤྲཱི་མ་ཏི།(བློ་གྲོས་དཔལ་) ཧ་ར་བྷ་དྲ། 
7-135
(འཕྲོག་བྱེད་བཟང་པོ་) ཤུ་ར་ཝཱ་ན།(དཔལ་ལྡན་) བ་སུ་མི་ཏྲ།(ནོར་གྱི་བཤེས་གཉེན་) བ་སུ་ལི་ཏི།(བྱིན་འཛིན་ཅན་) དེ་རྣམས་རྒྱ་གར་དབུས་ཀྱི་པཎྜི་ཏ་བདུན་ནོ། །སངྒྷ་བྷ་དྲ།(དགེ་འདུན་
བཟང་པོ་) ཨཱི་ཤྭ་ར།(དབང་ཕྱུག་) ཀན་དྷ་ལི།(བདེ་འཆང་ཅན་)སངྒྷ་བ་སུ།(དགེ་འདུན་དབྱིག་) པཱུ་རྞ་མི་ཏྲ།(གང་བའི་བཤེས་གཉེན་) དྷརྨ་དཏྟ། (ཆོས་སྦྱིན་)བུདྡྷ་དེ་ཝ།(སངས་རྒྱ་ལྷ་) དྷཱ་ར་དཏྟ་
ཏེ།(དབྱིག་འཛིན་) དེ་རྣམས་ནི་ཁ་ཆེ་བ་བརྒྱད་དོ། །པུ་ཎྱ་སེ་ན།(བསོད་ནམས་སྡེ་) སངྒྷ་སེ་ན།(དགེ་འདུན་སྡེ་) པུ་ཎྱཱ་ནནྡ།(བསོད་ནམས་ཀུན་དགའ་) ཛྙཱན་ཙནྡྲ།(ཡེ་ཤེས་ཟླ་བ་) ཛྙཱན་སྭཱ་མི།
(ཡེ་ཤེས་རྗེ་) ཨ་ཤོ་ཀ་རཀྵི་ཏ།(མྱ་ངན་མེད་བསྲུངས་) སརྦ་རཀྵི་ཏ། (ཐམས་ཅད་བསྲུང་བ་) དྷརྨཱ་ཀོ་ཥ་སྟེ། (ཆོས་མཛོད།) དེ་རྣམས་ནི་ཁུ་སེན་གྱི་སློབ་དཔོན་བརྒྱད་དོ། །དྷརྨ་རཀྵི་ཏ།(ཆོས་བསྲུངས་)
ཀལྱཱ་ཎ་རཀྵི་ཏ།(དགེ་ལེགས་འཚོ་) པྲཛྙཱ་རཀྵི་ཏ།(ཤེས་རབ་འཚོ་) ཤྲཱི་མརྒ་ཨུ་པ་དེ་ཤ།།(དཔལ་གྱི་ལམ་སྟོན་) མོཀྵ་རཀྵི་ཏ། (ཐར་པ་འཚོ་) ཀལྱཱ་ཎ་བྷ་དྲ། (དགེ་ལེགས་བཟང་པོ་) བི་ཛ་ཡ་
པྲ་བྷ།(རྣམ་རྒྱལ་འོད་) ཨམྲྀ་ཏ་ཝརྨ།(བདུད་རྩི་གོ་ཆའམ་འཆི་མེད་གོ་ཆ་) པྲ་བྷཱ་ཀཱ་ར་སེ་ན། (འོད་འབྱུང་སྡེ་) ཨཱ་དི་ཏྱ་སེ་ན།(ཉི་མའི་སྡེ་) མརྒ་ཨུ་པ་དེ་ཤ །(ལམ་སྟོན)
7-136
སངྒ་སེ་ན།(དགེ་འདུན་སྡེ་) ཤཱི་ལ་དཱ་ས། (ཚུལ་ཁྲིམས་འབངས་) ཡ་ཤ་དཱ་ས། (གྲགས་པ་འབངས་) བུདྡྷ་དཱ་ས།(སངས་རྒྱས་འབངས་) ཤིཀྵ་བྷ་དྲ། (བསླབ་པ་བཟང་པོ་) གུ་ཎ་སོ་མ།(ཡོན་ཏན་ཟླ་
བ་)ཨ་ཤོ་ཀ་མི་ཏྲ།(མྱ་ངན་མེད་པའི་བཤེས་གཉེན་)ཤུ་ཀླ་ལ་མི་ཏྲ། (དཀར་པོའི་བཤེས་གཉེན་) ཤཱཀྱ་མི་ཏྲ་སྟེ།(ཤཱཀྱ་བཤེས་གཉེན་) ཡུ་གུར་གྱི་སློབ་དཔོན་ཉི་ཤུའོ། །དེ་ནས་ཀ་མོལ་གྱི་
སློབ་དཔོན་ཤཱི་ལ་མི་ཏྲ་དབུས་པ་སངས་རྒྱས་འབུམ། འགྲོ་མགོན་ཆོས་རྒྱལ་འཕགས་པ། བླ་མ་རིན་པོ་ཆེ་འོད་ཟེར །མཁན་ཆེན་བཟོད་པ་དཔལ། དགའ་གཟུངས་པ། བསོད་ནམས་ཚུལ་ཁྲིམས །མཁན་ཆེན་ཤེས་རབ་
རྡོ་རྗེ། མཁན་ཆེན་བློ་གསལ་བ། དམར་སྟོན་དཔལ་ལྡན་རིན་ཆེན། །རྗེ་བཙུན་བསོད་ནམས་རིན་ཆེན། མཁན་ཆེན་འགྲོ་བ་བཟང་པོ། །འདུལ་འཛིན་དཔལ་ལྡན་རྒྱལ་མཚན། མཁས་པའི་དབང་པོ།(རིན་ཆེན་ཆོས་དབང་) རྡོ་
རྗེ་འཛིན་པ་བསྟན་པ་རྒྱ་མཚོ། །དཔལ་འབྲུག་པ་རིན་པོ་ཆེ་ངག་དབང་ཆོས་ཀྱི་རྒྱལ་པོ། རྒྱལ་ཚབ་དམ་པ་གཅུང་རིན་པོ་ཆེ། དེས་པདྨ་དཀར་པོ་ལའོ༎ །།
༄། །བཀའ་འགྱུར་བརྒྱུད་ཡིག་ལས་མདོ་མངས་ཀྱི་སྐབས།
བཀའ་འགྱུར་བརྒྱུད་ཡིག་ལས་མདོ་མངས་ཀྱི་
སྐབས། གང་ལ་སྐྱབས་ཕྱིར་མངོན་བཏུད་དེ་ནི་མོད། །སྲིད་པའི་དུཿཁ་ཀུན་གྱིས་སྤངས་གྱུར་ཕྱིར། །དཀོན་མཆོག་གསུམ་གྱི་མཆོད་སྡོང་འདི་ཕྲད་པ། །བསོད་ནམས་ཆེན་པོའི་མཐུ་ཡིས་བསྒུལ་བ་ཡིན། །ཚངས་སོགས་བླུན་པོའི་ཚིག་གིས་འཇིག་རྟེན་འདི། །
7-137
མུན་པར་བྱས་ལ་ཁྲོས་ལྡན་ཟས་གཙང་སྲས། །ཆོས་ཕུང་སྟོང་ཕྲག་བརྒྱད་ཅུ་བཞི་འོད་ཅན། །བསྐལ་བཟང་འདིར་བྱོན་ཀུན་གྱི་ཉི་མར་གྱུར། །དེ་ཕྱིར་དེ་དག་གཙུག་ཏུ་ལེགས་མཆོད་པ། །ལེགས་བྱས་བྱ་བའི་
སྤུན་གྱི་ཐུ་བོ་ཞེས། །དག་ཚིག་སྨྲ་བའི་མ་རྣམས་ལེགས་འདོམས་པ། །གུས་ནས་ལེན་པའང་པད་དཀར་ཁོ་བོའི་ལས། །འདིར་ལྷ་སྲས་ཁྲི་སྲོང་ལྡེ་བཙན་གྱི་སྐུའི་རིང་ལ་དཔའ་གྱི་བསམ་ཡས་སུ་ཟ་
ཧོར་གྱི་མཁན་པོ་ཨཱ་ཙརྻ་བོ་དྷི་སཏྭ་དང་བོད་ཀྱི་མཁན་པོ་ཡེ་ཤེས་དབང་པོ་ལ་སོགས་པས་ཆོས་ཀྱི་སྐད་བོད་ལ་མ་གྲགས་པ་ལས་མིང་དུ་བཏགས་པ་དག་ཤིག་མཆིས་པའི་ནང་ནས་
ཁ་ཅིག་ཆོས་ཀྱི་གཞུང་དང་བྱཱ་ཀ་ར་ཎའི་ལུགས་དང་མི་མཐུན་ཏེ། མི་བཅོས་སུ་མི་རུང་བ་རྣམས་འོན་ལྗང་རྡོའི་གཙུག་ལག་ཁང་དུ་ཁྲི་ལྡེ་སྲོང་བཙན་ནམ་ཁྲི་རལ་པ་ཅན་གྱི་སྐུའི་
རིང་ལ་ཉི་འོག་གི་མཁན་པོ། །ཨ་ཙཱརྻ་ཛི་ན་མི་ཏྲ་སོགས་དང་བོད་ཀྱི་མཁན་པོ་རཏྣ་རཀྵི་ཏ། ཞང་ཡེ་ཤེས་སྡེ་སོགས་ཀྱིས་བཅོས་ཏེ། གཏན་ཚིགས་ཀྱིས་གཏན་ལ་ཕབ་པ་ལས་རྒྱལ་བའི་
མདོ་ཚན་དུ་མ་འདུས་པས་སྡེ་སྟེ། དེའི་ཕྱིར་མདོ་སྡེའོ། །འདི་ལ་ཆོས་ཀྱི་རྒྱལ་པོའི་མདོ་ལྟ་བུ་གནའ་དུས་ཇི་ལྟ་བར་ལས་པའང་སྣང་ངོ་། །དེ་དུས་ཀྱི་ལུང་གི་བརྒྱུད་པ་ཆད་ནས། ཕྱི་དར་གྱི་ཚེ་རྔོག་ལོ་ཆེན་པོའི་སློབ་མའི་གཙོ་བོ་གྲོ་ལུང་པ་བློ་གྲོས་འབྱུང་གནས་ཀྱིས། 
7-138
སྟེང་པ་ལོ་ཙ་བའམ་ག་རོད་ལོ་ཙ་བ་མཚན་དངོས་ཚུལ་ཁྲིམས་འབྱུང་གནས་ཞེས་གྲགས་པ་དེ་ལ་ཁྱོད་རྒྱ་གར་དུ་སོང་ལ། བྱེ་བྲག་བཤད་མཛོད། སྐྱེས་རབས་དཔག་བསམ་འཁྲི་ཤིང་སོགས་སྔར་མ་
འགྱུར་བ་རྣམས་དང་། ཁྱད་པར་མདོ་མངས་ཀྱི་ལུང་ཚོལ་ལ་ཤོག་གསུངས་ནས་བརྫངས། དེས་རྒྱ་གར་དུ་བྱོན་རྩད་བཅད་པས། པཎྜིཏ་ཛྙཱ་ན་ཤྲཱི་དང། པུ་ཎྱེ་ཤྲཱི་མི་ཏྲ་གཉིས་ལ་མདོ་སུམ་བརྒྱ་དང་
དགུའི་ལུང་དག་པར་ཡོད་ཟེར་ལ། དེ་གཉིས་ཀྱང་ཕྱི་མ་རྒྱ་ཆེ་ཟེར་ནས། པུ་ཎྱེ་ཤྲཱི་མི་ཏྲ་ལ་ཞུས་སོ། །ཡང་ཁ་ཆེ་པཎ་ཆེན་ནས་དཔྱལ་ཆོས་བཟངས་བརྒྱུད་པར་མདོ་སྣ་ཉིས་བརྒྱ་ཉེར་
ལྔ་ཤབ་སྟོད་གཡུ་དགའ་ལྡན་དུ་རོང་པ་ཤེས་རབ་སེང་གེ་ལ་ཤབ་པ་བག་སྟོན་གཞོན་ཞུ་ཚུལ་ཁྲིམས་ཀྱིས་ཞུས་ལ། པདྨོ་ཅན་པ་དང་མཁན་པོ་གཞོན་ཡེས་ཀྱི་བར་དང་། དེ་དང་རོང་པ་
ཤེར་སེང་བའི་བར་དུ་ལུང་ལ་ཧོར་བསྟོངས་ཡོད་ཟེར་བ་གསན་ནས། ལུང་རྒྱུན་དག་བར་བྱ་བའི་ཕྱིར། ས་སྐྱ་ཡང་དགོན་པ་ཞང་ཀུན་དགའ་འོད་ཟེར་ལ་པཎ་ཆེན་ནས་བརྒྱུད་པའི་ལུང་དག་པོ་
ཡོད་ཟེར་ནས་གསན། འདི་ལ་པཎ་ཆེན་གྱིས་སུ་ལ་གསན་དང་། །པཎ་ཆེན་ལ་དཔྱལ་ཆོས་བཟངས་ཀྱིས་ཁྲོ་ཕུར་གསན་པའི་དུས་སུ། ལྷོ་པ་ཐམས་ཅད་མཁྱེན་པས་ཀྱང་གསན་ཟེར་ཏིག་པ་མི་འདུག་པ་དང་། 
7-139
ཆོས་ཀྱི་རྒྱལ་པོ་འཕགས་པའི་ལུང་གིས། མདོ་མངས་ཀྱི་ལུང་དག་པ་ཞིག་འཚོལ་གསུངས་ནས་བཙལ་བས་ཤངས་ན་མངའ་བདག་མྱང་རལ་ནས་བརྒྱུད་པའི་ལུང་དག་པོ་ཡོད་ཟེར་ནས་གསན་དུ་བྱོན། ཕྱིས་སྟེང་
ལོ་བརྒྱུད་པ་བརྩད་ཆོད། དེ་ཡང་གསན་པས་ལུང་འདི་ལ་བག་སྟོན་གཞོན་ནུ་ཚུལ་ཁྲིམས་དྲིན་ཆེའོ། ། བསྐལ་བཟང་།(དུན་སྟོང་བརྒྱད་བརྒྱ་)༡ ལང་གཤེགས་ཇི་སྙེད་འགྱུར་བ།(སུམ་སྟོང་སུམ་བརྒྱ་) ༢ ད་ལྟར་
གྱི་སངས་རྒྱས་མངོན་སུམ་དུ་བཞུགས་པའི་ཏིང་ངེ་འཛིན་གྱི་མདོ། (ཉིས་སྟོང་བརྒྱ་)༣ སྙིང་རྗེ་པད་དཀར། (བཞི་སྟོང་བརྒྱ་) ༤ མྱང་འདས་ཆེན་མོ།(སུམ་སྟོང་དགུ་བརྒྱ་) ༥ ཏིང་ངེ་འཛིན་རྒྱལ་པོ། །(བཞི་
སྟོང་ལྔ་བརྒྱ་)༦ འཕགས་པ་ཆོས་བཞི་པ། (བཅུ་) ༧ གནས་འཇོག་གི་མདོ། (ཉི་ཤུ་) ༨ སྐྱེས་བུ་དམ་པའི་མདོ། (ཉིས་བརྒྱ་) ༩ བསམ་གྱིས་མི་ཁྱབ་པའི་མདོ། (དོན་ལྔ་) ༡༠ དགེ་བའི་རྩ་བ་ཡོངས་
སུ་འཛིན་པ།(ལྔ་སྟོང་བཞི་བརྒྱ་) ༡༡ སྦྱིན་སོགས་ཕར་ཕྱིན་ལྔ་སྟོན་པ། (སྟོང་བརྒྱད་བརྒྱ་) ༡༢ ཆོས་ཐམས་ཅད་འབྱུང་བ་མེད་པ། ༡༣ གསལ་རྒྱལ་ལ་ཚིགས་སུ་བཅད་པ།(བརྒྱ་) ༡༤ མེ་ཏོག་གི་ཚོགས།
(དགུ་བརྒྱ་) ༡༥ ཕུང་པོ་གསུམ་པའི་མདོ། ༡༦ ལས་ཀྱི་སྒྲིབ་པ་རྒྱུན་གཅོད་པ། (ཉིས་བརྒྱ་སུམ་ཅུ་) ༡༧ དོན་དམ་པའི་ཆོས་ཀྱི་རྣམ་པར་རྒྱལ་བ། (ཉིས་བརྒྱ་བརྒྱད་ཅུ་) ༡༨ བྱང་ཆུབ་སེམས་དཔའི་སྤྱོད་པ་བསྟན་པ། 
7-140
(ཉིས་བརྒྱ་ཉི་ཤུ་)༡༩ རྣམ་པར་འཐག་པ་ཐམས་ཅད་བསྟན་པ།(སུམ་བརྒྱ་དྲུག་ཅུ་) ༢༠ བུད་མེད་འགྱུར་བ་ལུང་བསྟན་པ།(དྲུག་བརྒྱ་) ༢༡ བུ་མོ་ཟླ་བ་མཆོག་ལུང་བསྟན་པ། (དྲུག་བརྒྱ་) ༢༢ མར་
མེ་འབུལ་བ། (སུམ་བརྒྱ་) ༢༣ སངས་རྒྱས་ཀྱི་དབུ་རྒྱན། (ཉིས་བརྒྱ་) ༢༤ དེ་བཞིན་གཤེགས་པའི་ཡེ་ཤེས་ཀྱི་ཕྱག་རྒྱའི་ཏིང་ངེ་འཛིན། (དྲུག་བརྒྱ་བཅུ་) ༢༥ སཱ་ལུ་ལྗང་པ། (ཉིས་བརྒྱ་ཉེར་དྲུག་) ༢༦ འཕགས་
པ་ཆོས་ཀྱི་ཕུང་པོ། །(བརྒྱ་ལྔ་བཅུ་) ༢༧ བློ་གྲོས་རྒྱ་མཚོས་ཞུས་པ། (སུམ་སྟོང་) ༢༨ ཀླུའི་རྒྱལ་པོ་མ་དྲོས་པས་ཞུས་པ། (སྟོང་ཉིས་བརྒྱ་) ༢༩ སའི་སྙིང་པོ་འཁོར་ལོ་བཅུ་པ།(སུམ་སྟོང་དགུ་
བརྒྱ་) ༣༠ ཁྱེའུ་བཞིའི་ཏེང་ངེ་འཛིན། (དགུ་བརྒྱ་) ༣༡ ཀླུའི་རྒྱལ་པོ་རྒྱ་མཚོས་ཞུས་པ། (ཉིས་སྟོང་བརྒྱ་)༣༢ ཀླུའི་རྒྱལ་པོ་རྒྱ་མཚོས་ཞུས་པ་འབྲིང་པོ། ༣༣ གཟུངས་ཀྱི་མདོའི་ཆོས་ཀྱི་རྣམ་གྲངས། །༣༤ དཔའ་
བར་འགྲོ་བའི་ཏིང་ངེ་འཛིན། (སྟོང་ལྔ་བརྒྱ་)༣༥ རབ་ཏུ་ཞི་བ་རྣམ་པར་ངེས་པའི་ཆོ་འཕྲུལ་གྱི་ཏིང་ངེ་འཛིན། (དགུ་བརྒྱ་བཅུ་)༣༦ མ་སྐྱེས་དགྲའི་འགྱོད་པ་བསལ་བ། (སྟོང་ལྔ་བརྒྱ་) ༣༧ རྔ་
བོ་ཆེན་པོའི་ལེའུ། (སྟོང་ལྔ་བརྒྱ་) ༣༨ དམ་ཆོས་པད་དཀར། (སུམ་སྟོང་དགུ་བརྒྱ་) ༣༩ སྙིང་རྗེ་ཆེན་པོ་པད་དཀར། (སྟོང་བརྒྱད་བརྒྱ་) ༤༠ གསེར་འོད་དམ་པ། (སྟོང་ལྔ་བརྒྱ་) ༤༡ བདུད་རྩི་བརྗོད་པ། ༤༢ 
7-141
ཆོས་ཡང་དག་པར་བསྡུད་པ། (ཉིས་སྟོང་བརྒྱ་) ༤༣ དཀོན་མཆོག་སྤྲིན། (ཉིས་སྟོང་བཞི་བརྒྱ་) ༤༤ ཐེག་པ་ཆེན་པོའི་མན་ངག་བུ་མོ་རིན་ཆེན་གྱིས་ཞུས་པ། (ཉིས་སྟོང་བརྒྱད་བརྒྱ་བཞི་བཅུ་) ༤༥ སངས་རྒྱས་
ཐམས་ཅད་ཡུལ་ལ་འཇུག་པ་ཡེ་ཤེས་སྣང་བ་རྒྱན། (དགུ་བརྒྱ་ལྔ་བཅུ་) ༤༦ རིན་ཆེན་དྲ་བ་ཅན། (སུམ་བརྒྱ་དྲུག་ཅུ་) ༤༧ རྡོ་རྗེ་སྙིང་པོའི་གཟུངས་ཀྱི་མདོ། (བརྒྱ་བདུན་ཅུ་) ༤༨ བྱང་ཆུབ་སེམས་
པའི་སོ་སོ་ཐར་པའི་ཆོས་བཞི་སྒྲུབ་པ། (བདུན་བརྒྱ་) ༤༩ ས་བཅུ་པའི་མདོ། ༥༠ སེང་གེའི་སྒྲ་བསྒྲགས་པ། (སུམ་བརྒྱ་) ༥༡ རྒྱ་ཆེ་རོལ་པ།(ལྔ་སྟོང་བཞི་བརྒྱ་) ༥༢ དཔལ་སྦས་ཀྱི་མདོ། (བཞི་བརྒྱ་
བཅུ་) ༥༣ ངེས་པ་དང་མ་ངེས་པར་འགྲོ་བ་ཕྱག་རྒྱའི་མདོ། (སུམ་བརྒྱ་) ༥༤ བཅོམ་ལྡན་འདུས་ཀྱི་ཡེ་ཤེས་རྒྱས་པའི་མདོ་སྡེ་རིན་པོ་ཆེ་མཐར་ཕྱིན་པ། (བདུན་སྟོང་ལྔ་བརྒྱ་) ༥༥ འཕགས་པ་སྣང་
བ་བསམ་གྱིས་མི་ཁྱབ་པ་བསྟན་པ་ཞེས་བྱ་བ་ཆོས་ཀྱི་རྣམ་གྲངས། (ཉིས་བརྒྱ་བདུན་ཅུ་) ༥༦ འཕགས་པ་སྤྱན་རས་གཟིགས་ཞེས་བྱ་བ། (སུམ་བརྒྱ་དྲུག་ཅུ་) ༥༧ བྱང་ཆུབ་སེམས་དཔའི་སྤྱོད་ཡུལ་གྱི་
ཐབས་ཀྱི་ཡུལ་ལ་རྣམ་པར་འཕྲུལ་བ་བསྟན་པ། (སུམ་བརྒྱ་ལྔ་བཅུ་) ༥༨ སོར་མོའི་འཕྲེང་བ་ལ་ཕན་པ། (ཉིས་སྟོང་བརྒྱ་) ༥༩ དཀོན་མཆོག་འབྱུང་གནས་ཞེས་བྱ་བ། །(ཉིས་སྟོང་བརྒྱ་) ༦༠ མདོ་སྡེ་ལས་བརྒྱ་པ། 
7-142
(ཁྲི་སྟོང་བརྒྱ་) ༦༡ ཆེད་དུ་བརྗོད་པའི་ཚོམས་ལ། (སྟོང་ཉིས་བརྒྱ་) མི་རྟག་པའི་ཚོམས་ནས། བྲམ་ཟེའི་ཚོམས་ཀྱི་བར་སུམ་ཅུ་སོ་གསུམ་དགྲ་བཅོམ་པ་ཆོས་སྐྱོབ་ཀྱིས་བསྡུས་པ། ༦༢ བདེ་བྱེད་ཀྱིས་ཞུས་
པ། (བརྒྱ་བཅུ་) ༦༣ ཟ་མ་ཏོག་བཀོད་པ། (སྟོང་སུམ་བརྒྱ་རེ་ལྔ་) ༦༤ ཡི་གེ་མེད་པའི་ཟ་མ་ཏོག་རྣམ་པར་སྣང་མཛད་ཀྱི་སྙིང་པོ། །(བརྒྱ་) ༦༥ མར་མེ་མཛད་ཀྱིས་ལུང་བསྟན་པ། (ཉིས་བརྒྱ་
བཅུ་) ༦༦ དེ་བཞིན་གཤེགས་པའི་སྙིང་རྗེ་ཆེན་པོ་བསྟན་པ་གཟུངས་དབང་རྒྱལ་པོས་ཞུས་པ། (ཉིས་སྟོང་བརྒྱ་) ༦༧ དེ་བཞིན་གཤེགས་པ་བགྲོ་བ། (དགུ་བརྒྱ་དོན་ལྔ་) ༦༨ དགོངས་པ་ངེས་པར་འགྲེལ་བ། (སྟོང་
ཉིས་བརྒྱ་ཉི་ཤུ་) ༦༩ སངས་རྒྱས་ཀྱི་སྡེ་སྣོད་ཚུལ་ཁྲིམས་ངན་པ་ཚར་གཅོད་པ། (ཉིས་སྟོང་བརྒྱ་)༧༠ དད་པའི་སྟོབས་བསྐྱེད་པ་ལ་འཇུག་པ་ཕྱག་རྒྱའི་མདོ། (སྟོང་ལྔ་བརྒྱ་དོན་ལྔ་) ༧༡ ནམཁའ་མཛོད་
ཀྱིས་ཞུས་པ། (ཉིས་སྟོང་བཞི་བརྒྱ་) ༧༢ ཚངས་པ་ཁྱད་པར་སེམས་ཀྱིས་ཞུས་པ། (ཉིས་སྟོང་བརྒྱ་) ༧༣ དྲན་པ་ཉེར་གཞག་ཆུང་ངུ་། ༧༤ ལས་ལེགས་ཉེས་ཀྱི་རྒྱུ་དང་འབྲས་བུ་བསྟན་པ། ༧༥ དེ་བཞིན་
གཤེགས་པའི་གཟུགས་བརྙན་བཞག་པའི་ཕན་ཡོན་ཡང་དག་པར་བརྗོད་པ། (ཉི་ཤུ) ༧༦ ཀུན་ཏུ་རྒྱུ་སེན་རིང་གིས་ཞུས་པ། (སོ་གསུམ་) ༧༧ རྟེན་ཅིང་འབྲེལ་བར་འབྱུང་བའི་མདོ། (བཅུ་གསུམ་) ༧༨ སངས་རྒྱས་ཀྱི་རྟོགས་པ་བརྗོད་པ་ཤེས་ལྡན་གྱི་མདོ། 
7-143
(བཅོ་ལྔ་) ༧༩ སངས་རྒྱས་ཀྱི་མཚན་ལྔ་སྟོང་བཞི་བརྒྱ་ལྔ་བཅུ་རྩ་གསུམ་པ། (ཉིས་སྟོང་བཞི་བརྒྱ་) ༨༠ ཕྱིར་མི་ལྡོག་འཁོར་མདོ། (སྟོང་བརྒྱད་བརྒྱ་) ༨༡ ཆོས་ཀྱི་ཕྱག་རྒྱའི་མདོ། (བཞི་བརྒྱ་) ༨༢ སྒྲེས་མོས་
ཞུས་པ། (བརྒྱ་བཅོ་ལྔ་) ༨༣ ཐེག་པ་ཆེན་པོ་ལ་དད་པ་རབ་ཏུ་སྒོམ་པ་སྦྱིན་པའི་ཕ་རོལ་ཏུ་ཕྱིན་པའི་མདོ། ༨༥ རྒྱན་སྟུག་པོ་བཀོད་པ། (སྟོང་ཉིས་བརྒྱ་) ༨༦ མིའམ་ཅིའི་རྒྱལ་པོ་ལྗོན་
པས་ཞུས་པ། (སྟོང་ལྔ་བརྒྱ་) ༨༧ ཡང་དག་པར་སྤྱོད་པའི་ཚུལ་ནམཁའི་མདོག་གིས་འདུལ་བའི་བཟོད་པ། (སུམ་སྟོང་སུམ་བརྒྱ་) ༨༨ བསོད་ནམས་ཀྱི་སྟོབས་ཀྱིས་རྟོགས་པ་བརྗོད་པ། ༨༩ རྒྱུ་གདགས་པ། (ཉིས་སྟོང་
སུམ་བརྒྱ་) ༩༠ རྒྱལ་བུ་དོན་གྲུབ་ཀྱི་མདོ། (སུམ་བརྒྱ་) ༩༡ མངོན་པར་འབྱུང་བའི་མདོ། ༩༢ མདོ་ཆེན་པོ་སྟོང་པ་ཉིད། (དགུ་བཅུ་) ༩༣ མདོ་ཆེན་པོ་སྟོང་པ་ཉིད་ཆེན་པོ། (བརྒྱ་བཞི་བཅུ་) ༩༤ བློ་
གྲོས་མི་ཟད་པས་བསྟན་པ། (ཉིས་སྟོང་གཅིག་བརྒྱ་) ༩༥ ཐབས་ལ་མཁས་པ་ཆེན་པོ་སངས་རྒྱས་དྲིན་ལན་བསབ་པ། (ཉིས་སྟོང་བརྒྱ་) ༩༦ མཛངས་བླུན། (སུམ་སྟོང་དགུ་བརྒྱ་) ༩༧ ཕྱོགས་བཅུ་མུན་སེལ། ༩༨ དཀོན་
མཆོག་ཟ་མ་ཏོག །༩༩ སངས་རྒྱས་པའི་མདོ། ༡༠༠ སྒྱུ་མ་ལྟ་བུའི་ཏིང་ངེ་འཛིན། (བཞི་བརྒྱ་ལྔ་བཅུ་) ༡༠༡ ཏིང་ངེ་འཛིན་མཆོག་དམ་པ། ༡༠༢ ཚངས་པས་ཞུས་པ། ༡༠༣ བྱམས་པ་ལུང་བསྟན། (བརྒྱ་བཅུ་)
7-144
༡༠༤ གྲོང་ཁྱེར་གྱི་འཚོ་བ་ཀླུའི་དབང་པོ། །༡༠༥ ལྷའི་མདོ་ཆེ་བ། (སོ་བདུན་) ༡༠༦ ལྷས་ཞུས་པའི་མདོ་ཉུང་ངུ་། (བཅུ་བདུན་) ༡༠༧ སངས་རྒྱས་བཅུ་པ། ༡༠༨ གཎྜཱིའི་མདོ། (བཅུ་) ༡༠༩ མི་རྟག་པ་ཉིད་ཀྱི་
མདོ། (བཅོ་ལྔ་) ༡༡༠ བཅོམ་ལྡན་འདས་ཀྱི་གཙུག་ཏོར་ཆེན་པོ་དེ་བཞིན་གཤེགས་པའི་གསང་བ་སྒྲུབ་པའི་དོན་མངོན་པར་འཐོབ་པའི་རྒྱུ་བྱང་ཆུབ་སེམས་དཔའ་ཐམས་ཅད་ཀྱི་སྤྱོད་པ་དང་དཔའ་བར་འགྲོ་བ།
༡༡༡ མདོ་སྡེ་མིག་བཅུ་གཉིས་པ། ༡༡༢ ཐུབ་པ་ཆེན་པོ་དྲང་སྲོང་གརྒའི་ལྷས་ཀྱི་སྣང་བ་བསྟན་པ། ༡༡༣ འཕགས་པ་རྒྱ་གར་རྣ་བའི་ནང་ནས་བྱུང་བ་གཟའ་དང་རྒྱུ་སྐར་གྱི་བཤད་པ། ༡༡༤
ཟླ་བའི་ཁྱིམ་བརྩི་བ་དང་རྒྱུ་སྐར་བརྩི་བའི་ཆོ་ག་མདོ་སྡེ་ལས་བྱུང་བ། ༡༡༥ གླང་རུ་ལུང་བསྟན་པ། (སུམ་བརྒྱ་) ༡༡༦ བསོད་ནམས་ཐམས་ཅད་འདུས་པའི་ཏིང་ངེ་འཛིན། (སྟོང་ཉིས་བརྒྱ་) ༡༡༧ ཕོ་
བྲང་འཁོར་སྐྱོང་གིས་ཞུས་པ། ༡༡༨ གང་པོ་ལ་སོགས་པའི་རྟོགས་པ་བརྗོད་པ། (དྲུག་སྟོང་དྲུག་བརྒྱ་) ༡༡༩ ལས་རྣམ་པར་འབྱེད་པ། (ཉིས་བརྒྱ་བདུན་ཅུ་) ༡༢༠ ཚངས་པའི་དཔལ་ལུང་བསྟན་པ། ༡༢༡ སྦྱིན་པའི་
ལེགས་པ་བརྗོད་པ། ༡༢༢ བཀྲ་ཤིས་ལེགས་པའི་མདོ། ༡༢༣ སྤྲིན་ཆེན་པོ། ༡༢༤ སྤྲིན་ཆེན་པོ་ལས་ཕྱོགས་བཅུའི་བྱང་ཆུབ་སེམས་དཔའ་རྒྱ་མཚོ་འདུས་པའི་དགའ་སྟོན་ཆེན་པོ་ལ་རྣམ་པར་རྩེ་བའི་ལེའུ། (བརྒྱད་བརྒྱ་ཉི་ཤུ་)
7-145
༡༢༥ སྤྲིན་ཆེན་པོ་རླུང་གི་དཀྱིལ་འཁོར་ལེའུ། (སུམ་བརྒྱ་ལོང་ཙམ་) ༡༢༦ སྤྲིན་ཆེན་པོའི་མདོ་རླུང་གི་དཀྱིལ་འཁོར་ལས་ཆར་དབབ་པའི་ལེའུ། ༡༢༧ སྤྲིན་ཆེན་པའི་མདོ་རླུང་གི་དཀྱིལ་འཁོར་ལས་སྤྲིན་ཆེན་པོའི་
ལེའུ། ༡༢༨ ཐར་པ་ཆེན་པོ་ཕྱོགས་བཅུ་རྒྱས་པ། (སྟོང་ཉིས་བརྒྱ་) ༡༢༩ སངས་རྒྱས་ཉེ་བའི་སྲས་བརྒྱད་དང་དེ་བཞིན་གཤེགས་པ་རྣམས་ཀྱི་མཚན་བརྒྱ་རྩ་བརྒྱད་པ་གཟུངས་དང་བཅས་པ། (དྲུག་བརྒྱ་) ༡༣༠ ངན་
འགྲོ་ཡོངས་སུ་སྦྱོང་བའི་གཙུག་ཏོར་རྣམ་པར་རྒྱལ་བའི་རྟོག་པའི་གཟུངས། (བརྒྱ་ཉི་ཤུ་) ༡༣༡ བཟའ་ཡུམ། (དྲུག་ཅུ་) ༡༣༢ གདུགས་དཀར། (བརྒྱ་སུམ་ཅུ་) ༡༣༣ ཚེ་དཔག་མེད། (བརྒྱ་བཅུ་) ༡༣༤ ཆོས་ཀྱི་རྒྱ་མཚོ། ༡༣༥
དཔལ་དབྱིག་གིས་ཞུས་པ། ༡༣༦ སངས་རྒྱས་མི་སྤང་བ། ༡༣༧ མདོ་ཆེན་པོ་ལྔ་གསུམ་པ། (ཉིས་བརྒྱ་ཉི་ཤུ་) ༡༣༨ མདོ་ཆེན་པོ་སྒྱུ་མའི་དྲ་བ། (སུམ་བརྒྱ་བཞི་བཅུ་) ༡༣༩ མདོ་ཆེན་པོ་རྒྱལ་མཚན་
དམ་པ། (བཞི་བཅུ་) ༡༤༠ ཡུལ་འཁོར་སྐྱོང་གིས་ཞུས་པ། (དོན་གསུམ་) ༡༤༡ བྱང་ཆུབ་སེམས་དཔའི་སྤྱོད་ཡུལ་གྱི་ཐབས་ཀྱི་ཡུལ་ལ་རྣམ་པར་འཕྲུལ་པ། (སྟོང་ལྔ་བརྒྱ་) ༡༤༢ ཆོས་ཀྱི་ཚུལ་གྱི་མདོ། (སུམ་བརྒྱ་)
༡༤༣ (འདི་ནས་)སངས་རྒྱས་བཅོམ་ལྡན་འདས་ལ་བསྟོད་པར་འོས་པ་ལས་བསྔགས་པ་ཐམས་ཅད་མཁྱེན་པ་ཉིད་གྲུབ་པ། ༡༤༤ སྟོབས་དང་གཟི་བརྗིད་ལ་བསྟོད་པ། ༡༤༥ གསུང་རྣམ་པར་དག་པ། ༡༤༦ རྩོད་པ་ལ་མི་འབད་པ། 
7-146
༡༤༧ ཚངས་པ་དང་མཚུངས་པར་གསུངས་པ། ༡༤༨ ཕན་པར་མཛད་པ། ༡༤༩ ལན་མི་ལྡོན་པ། ༡༥༠ སྐུའི་ཕྱོགས་གཅིག ༡༥༡ ལྗགས་ལ་བསྟོད་པ། (འདིའི་བར་དཔའ་བོས་མཛད་པ་ལ་ནི། མདོ་སྡེ་རྙིང་པའི་ཁྲོད་
དུ་བྱུང་བས་བགྲང་བར་སྣང་) ༡༥༢ གཟུགས་ཅན་སྙིང་པོས་བསུ་བ། (བརྒྱ་བཞི་བཅུ་) ༡༥༣ གསེར་གྱི་བྱེ་མ་ལྟ་བུ། (བརྒྱད་ཅུ་) ༡༥༤ དགའ་བོ་རབ་ཏུ་བྱུང་བ། (ལྔ་བཅུ་) ༡༥༥ རིན་ཆེན་ཟླ་བས་ཞུས་
པ། (ཉིས་བརྒྱ་བདུན་) ༡༥༦ ཚངས་པས་བྱིན་གྱིས་ཞུས་པ། (སུམ་བརྒྱ་) ༡༥༧ འཇམ་དཔལ་གནས་པའི་མདོ། (བརྒྱ་བཞི་བཅུ་) ༡༥༨ འཇམ་དཔལ་གྱིས་དྲིས་པ། (དགུ་བཅུ་) ༡༥༩ བསམ་པ་ཐམས་ཅད་ཡོངསུ་རྫོགས་པ་ཞེས་བྱ་
བ་ཡོངསུ་བསྡོ་བ། ༡༦༠ བྲམ་ཟེ་མོ་དཔལྡན་གྱིས་ཞུས་པ། (དགུ་བཅུ་) ༡༦༡ སེང་གེས་ཞུས་པ། ༡༦༢ བདག་མེད་པ་དྲིས་པ། ༡༦༣ ཆོས་བཞི་མི་བཏང་བ་བཞི་པ་སྒྲུབ་པ། ༡༦༤ འཇིག་རྟེན་གྱི་རྗེས་
སུ་མཐུན་པར་འཇུག་པ། (བརྒྱ་བཅུ་གཅིག་) ༡༦༥ ཤིན་ཏུ་རྒྱས་པ་ཆེན་པོའི་མདོ་སྡེ་ཉི་མའི་སྙིང་པོ། །(སུམ་སྟོང་དགུ་བརྒྱ་) ༡༦༦ དགའ་བ་ཅན། (ཉིས་བརྒྱ་) ༡༦༧ བདེ་བ་ཅན་གྱི་བཀོད་པ། (སུམ་བརྒྱ་)
༡༦༨ འཇམ་དཔལ་རྣམ་པར་འཕྲུལ་བ། (སུམ་བརྒྱ་གོ་བཞི་) ༡༦༩ འཇམ་དཔལ་རྣམ་པར་རོལ་པ། (དྲུག་བརྒྱ་བཅུ་) ༡༧༠ འཇམ་དཔལ་གྱིས་བསྟན་པ། (ཕྱེད་དང་བཅོ་ལྔ་) ༡༧༡ ལྷག་པའི་བསམ་པ་བསྟན་པ། (ཉིས་སྟོང་ཉིས་བརྒྱ་བཞི་བཅུ་)
7-147
༡༧༢ རིན་པོ་ཆེའི་མཐའ་ཞེས་བྱ་བ། (ཉིས་བརྒྱ་བཅུ་) ༡༧༣ སུམ་ཅུ་རྩ་གསུམ་པའི་ལེའུ། (དགུ་བརྒྱ་) ༡༧༤ ཀུན་རྫོབ་དང་དོན་དམ་པའི་བདེན་པ་བསྟན་པ། (དྲུག་བརྒྱ་) ༡༧༥ དེ་བཞིན་གཤེགས་པའི་ཡོན་ཏན་
དང་ཡེ་ཤེས་བསམ་གྱིས་མི་ཁྱབ་པའི་ཡུལ་ལ་འཇུག་པ་བསྟན་པ་ཞེས་བྱ་བའི་ཆོས་ཀྱི་གཞུང་། །(དགུ་བརྒྱ་ཉི་ཤུ་) ༡༧༦ འཇིག་རྟེན་གྱིས་ཡོངས་སུ་དྲིས་པ། ༡༧༧ ལྷའི་བུ་རབ་རྩལ་སེམས་ཀྱིས་ཞུས་
པ། (དགུ་བརྒྱ་) ༡༧༨ བྱམས་པས་འཇུག་པ། (དྲུག་བརྒྱ་) ༡༧༩ དམ་པའི་ཆོས་ཀྱི་རྒྱལ་པོ། (བཞི་བརྒྱ་) ༡༨༠ རྒྱལ་པོ་ལ་གདམས་པ། ༡༨༡ དྲི་མ་མེད་པར་གྲགས་པས་བསྟན་པ། (སྟོང་བརྒྱད་བརྒྱ་) ༡༨༢ ཚེ་མཐའི་
མདོ། (ཉིས་བརྒྱ་རྩ་ལྔ་) ༡༨༣ འཕགས་པ་ག་ཡ་གོ་རི། (བརྒྱ་གྱ་བརྒྱད་) ༡༨༤ སྨན་བླའི་མདོ། (དྲུག་བརྒྱ་) ༡༨༥ རྨད་དུ་བྱུང་བའི་ཆོས་ཀྱི་རྣམ་གྲངས། (བདུན་ཅུ་དོན་བཞི་) ༡༨༦ འཕགས་པ་སྒྲ་ཆེན་པོ།
(རེ་བཞི་) ༡༨༧ བྱམས་པས་ཞུས་པ། ༡༨༨ སྤོབས་པའི་བློ་གྲོས་ཀྱིས་ཞུས་པ། (སུམ་བརྒྱ་བཅུ་) ༡༨༩ མདོ་ཆེན་པོ་རྒྱལ་མཚན་མཆོག །(བརྒྱད་ཅུ་) ༡༩༠ ཆོས་དང་དོན་རྣམ་པར་འབྱེད་པ། (གོ་གཉིས་) ༡༩༡ དོན་རྣམ་
པར་གདོན་མི་ཟ་བའི་ཆོས་ཀྱི་རྣམ་གྲངས། (བརྒྱ་) ༡༩༢ སངས་རྒྱས་བགྲོ་བ། (དགུ་བརྒྱ་) ༡༩༣ དྲི་མ་མེད་པའི་འོད་ཀྱིས་ཞུས་པ། (སྟོང་བརྒྱད་བརྒྱ་) ༡༩༤ དེ་བཞིན་གཤེགས་པའི་སྙིང་པོ། (སུམ་བརྒྱ་བཅུ་) ༡༩༥ 
7-148
བདེ་ལེགས་ཀྱི་ཚིགས་སུ་བཅད་པ། ༡༩༦ མཆོག་གི་སྤྱོད་པའི་སྨོན་ལམ། ༡༩༧ མདོ་ཆེན་པོ་ཀུན་ཏུ་རྒྱུ་བ་དང་ཀུན་ཏུ་རྒྱུ་བ་མ་ཡིན་པ་དང་མཐུན་པ། (སུམ་སྟོང་ལྔ་བཅུ་) ༡༩༨ མདོ་ཆེན་
པོ་འདུས་པ་ཆེན་པོ། །(སུམ་བརྒྱ་) ༡༩༩ གསེར་མདོག་གི་སྔོན་གྱི་སྦྱོར་བ། (བཅུ་བདུན་) ༢༠༠ གཙུག་ཏོར་ཆེན་པོ་བམ་པོ་དགུ་པ་ལས་བདུད་ཀྱི་ལེའུ་ཉི་ཚེ་ཕྱུང་བ། (དྲུག་བརྒྱ་) ༢༠༡ ཟས་ཀྱི་འཚོ་
བ་རྣམ་པར་དག་པ། ༢༠༢ འདའ་ཀ་ཡེ་ཤེས། (བཅུ་) ༢༠༣ སྲིད་པ་འཕོ་བ། ༢༠༤ ལག་ན་རྡོ་རྗེ། ༢༠༥ སྒྲིབ་པ་རྣམ་སེལ། ༢༠༦ སའི་སྙིང་པོ་གསུམ་པའི་གཟུངས་ཀྱི་མཚན་བརྒྱ་རྩ་བརྒྱད་པ་གཟུངས་
སྔགས་དང་བཅས་པ། ༢༠༧ ཀུ་ན་ལའི་རྟོག་བརྗོད། ༢༠༨ འདུས་པ་ཆེན་པོའི་མདོ་སྡེ་ལས་དེ་བཞི་གཤེགས་པ་དཔལ་གྱི་དམ་ཚིག །(དགུ་བརྒྱ་) ༢༠༩ ཁམས་མང་པོའི་མདོ། (ཉིས་བརྒྱ་) ༢༡༠ ཚུལ་ཁྲིམས་ཡང་དག་
པར་བསྟན་པ། ༢༡༡ འཕགས་པ་ཆོས་བཞི་པ། (བཅུ་གསུམ་) ༢༡༢ ཆོས་བཞི་བསྟན་པ། (བཅུ་གསུམ་) ༢༡༣ རྒྱལ་བུ་དག་པའི་དག་ཡོད་ཀྱི་མདོ། ༢༡༤ ཕག་མོའི་རྟོག་བརྗོད། (ང་བདུན་) ༢༡༥ བྱམས་པས་ཞུས་པ། (བདུན་
ཅུ་) ༢༡༦ འཁར་གསིལ་གྱི་མདོ། ༢༡༧ སྦྱིན་པའི་ཕན་ཡོན། (སུམ་ཅུ་) ༢༡༨ དོན་རྒྱས་པའི་ཆོས་ཀྱི་རྣམ་གྲངས། ༢༡༩ གཞོན་ནུ་དཔེའི་མདོ། (ཉི་ཤུ་) ༢༢༠ དགོངས་པའི་རྒྱུད་ཀྱི་འཕྲེང་བ་ཆེན་པོ་ལས་ཡོངས་སུ་བསྔོ་བ་ཆེན་པོའི་རྒྱལ་པོ། །
7-149
༢༢༡ འཕགས་པ་ཡོངས་སུ་བསྔོ་བའི་རྒྱལ་པོ་ཆེན་པོ་གཟུངས་སྔགས་དང་བཅས་པ། ༢༢༢ ཡོངས་སུ་བསྔོ་བའི་འཁོར་ལོ་དོན་རྣམ་པར་ངེས་པ་ཞེས་བྱ་བའི་ཆོས་ཀྱི་རྣམ་གྲངས། (སུམ་སྟོང་) ༢༢༣ བདེ་ལྡན་
མ་ལུང་བསྟན་པ། ༢༢༤ དྲན་པ་ཉེར་གཞག་ཆེན་པོ། (ཁྲི་ཉིས་སྟོང་དགུ་བརྒྱ་) ༢༢༥ གསེར་འོད་དམ་པ། ༡ བཀླག་པ་ཚེའི་མདོ། ༢ བྱམས་པ་དམ་བཅས་པ། ༣ རྡོ་འཕངས་པ་བམ་པོ་གཉིས་པ།
(དྲུག་བརྒྱ་) ༤ ཏིང་ངེ་འཛིན་ཆོས་ཀྱི་ཡི་གེ། །(སྟོང་བརྒྱད་བརྒྱ་) ༥ མོའུ་འགལ་གྱི་མདོ་བམ་པོ་གཅིག་པ། ༦ མཛོད་དང་འཇིག་རྟེན་བརྗོད་པའི་མདོ་བམ་པོ་གཅིག་པ། ༧ ཤྲར་མ་ལས་གསར་འགྲེལ་
པ། ༨ ཀླུའི་རྒྱལ་པོ་རྔ་སྒྲའི་ཚིགས་སུ་བཅད་པ། (བརྒྱ་) ༩ ཆོས་ཀྱི་རྒྱལ་མོ། ༡༠ དགྲ་བཅོམ་པ་དགེ་འདུན་འཕེལ་ལུང་བསྟན་པ། (བརྒྱ་) ༡༡ སངས་རྒྱས་རྗེས་སུ་དྲན་པ་ཏིང་ངེ་འཛིན་གྱི་རྒྱ་
མཚོ། །༡༢ འཇིག་རྟེན་བཞག་པ་བམ་པོ་བདུན། །(སྟོང་བརྒྱ་) ༡༣ དེ་བཞིན་གཤེགས་པའི་མཚན་བརྒྱ་རྩ་བརྒྱད་པ། ༡༤ ཕྱག་འཚལ་བའི་བསྟོད་པ། ༡༥ ནོར་བུ་རིན་ཆེན་ཐབས་ལ་མཁས་པ། ༡༦ ཚངས་པའི་དྲ་
བ། (དྲུག་བརྒྱ་) ༡༧ བྱམས་པས་ཞུས་པ། ༡༨ རྣམ་པར་མི་རྟོག་པ་ལ་འཇུག་པའི་གཟུངས། (བརྒྱ་གཅིག་) ༡༩ བྱང་ཆུབ་ཀྱི་ཕྱོགས་བསྟན་པ། ༢༠ སངས་རྒྱས་ཀྱི་སྟོབས་བསྐྱེད་པའི་ཆོ་འཕྲུལ་བསྟན་པ། ༢༡ རྒྱལ་བའི་བློ་གྲོས་ཀྱིས་ཞུས་པ། 
7-150
༢༢ གནས་གསུམ་དུ་སྐྱེ་བ་བླང་བ། ༢༣ སངས་རྒྱས་རྗེས་སུ་དྲན་པ། ༢༤ ལི་ཡུལ་ལུང་བསྟན་པ། ༢༥ ཐེག་པ་ཆེན་པོའི་ཆོས་ཀྱི་མཛོད། ༢༦ རྟེན་ཅིང་འབྲེལ་བར་འབྱུང་བའི་དང་པོ་དང་རྣམ་
པར་དབྱེ་བ་བསྟན་པ། ༢༧ སངས་རྒྱས་དབང་བསྐུར་བའི་བསྟོད་པ་རིན་ཆེན་བཟང་པོ། །༢༨ ལས་གདགས་པ། (སྟོང་ལྔ་བརྒྱ་) ༢༩ དམ་པའི་ཆོས་དྲན་བ་ཉེ་བར་གཞག་པ་ལས་ཚིག་ལེའུར་བྱས་པ། (བརྒྱ་)
༣༠ བྱམས་པ་དགའ་ལྡན་དུ་སྐྱེ་བ་བླངས་པ། ༣༡ ལྗོན་ཤིང་གི་མདོ། ༣༢ མཚན་མོ་བཟང་པོ་གསུང་གི་སྙིང་པོའི་ལེའུ། ༣༣ ཐབས་ལ་མཁས་པའི་མདོ། (སུམ་བརྒྱ་) ༣༤ ཐབས་ལ་མཁས་པ་ཡོངས་སུ་
བསྔོ་བའི་རྒྱལ་པོ། །༣༥ ཆོས་ཀྱི་ཡི་གེ། ༣༦ སངས་རྒྱས་ཀྱི་མཛོད། །༣༧ ཤེས་པ་མཐར་ཕྱིན་པའི་གྲུབ་པའི་མཆོད་རྟེན་གྱི་གཟུངས། ༣༨ ཏིང་ངེ་འཛིན་མཆོག་དམ་པ། ༣༩ ཐེག་པ་ཆེན་པོ་གཅིག་ཏུ་
བསྟན་པ། ༤༠ དོན་དམ་པར་གྲུབ་པའི་ལེའུ། ༤༡ ཆོས་བསྟན་པའི་མདོ། ༤༢ ཡོན་ཏན་བཀོད་པ་རྣམ་པར་གདོན་མི་ཟ་བའི་མདོ། ༤༣ ལས་བདེན་དོན་འཐོབ་པ་ཡོངས་སུ་བསྟན་པ། ༤༤ ཐེག་པ་ཆེན་
པོ་ཆོས་ཀྱི་རྒྱ་མཚོ། ༤༥ མོའུ་འགལ་གྱི་བུས་མ་དམྱལ་བ་ནས་དྲངས་པ། ༤༦ འཕགས་པ་ཆོས་ཐམས་ཅད་ཀྱི་ཡོན་ཏན་བསྐྱེད་པ། ༤༧ སྤྱན་རས་གཟིགས་ཀྱིས་ཞུས་པ་ཆོས་བདུན་པ། ༤༨ མདོ་ཁང་བུ་བརྩེགས་པ། 
7-151
༡ ཡེ་ཤེས་རྒྱན་གྱིས་ཞུས་པ། ༢ ཡེ་ཤེས་པད་དཀར། ༣ བཀོད་པའི་རྒྱལ་པོ། །༤ ཤེར་ཕྱིན་ཟླ་བའི་སྙིང་པོ། །༥ ཤེར་ཕྱིན་ཉི་མའི་སྙིང་པོ། །༦ ཤེར་ཕྱིན་ཀུན་ཏུ་བཟང་པོ། །༧ ཤེར་
ཕྱིན་ཕྱག་ན་རྡོ་རྗེ། ༨ ཤེར་ཕྱིན་རྡོ་རྗེ་རྒྱལ་མཚན། ༩ ཚེ་འཕོས་པ་ཇི་ལྟར་འགྱུར་བ་ལུང་བསྟན་པ། ༡༠ ཟླ་བའི་མདོ། ༡༡ དཀོན་མཆོག་ཏ་ལའི་མདོ། (སྟོང་ཉིས་བརྒྱ་ལྔ་བཅུ་) ༡༢ འགྲོ་
བ་ཐམས་ཅད་ཡོངས་སུ་སྐྱོབ་པར་བྱེད་པའི་བསྔོ་བ། ༡༣ དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པ་སེམས་ཅན་ཐམས་ཅད་ལ་གཟིགས་ཤིང་སངས་རྒྱས་ཀྱི་ཞིང་གི་བཀོད་པ་ཀུན་ཏུ་སྟོན་
པ། ༡༤ དཀྱིལ་འཁོར་བརྒྱད་པ། (བདུན་ཅུ་) ༡༥ གནས་བརྟན་ཉེ་བ་འཁོར་སྤྱན་དྲངས་པ། (ཉིས་བརྒྱ་) ༡༦ བ་ཚྭ་ཅན་ཆུ་ཀླུང་གི་མདོ། ༡༧ འཕགས་པ་གསུམ་ལ་སྐྱབསུ་འགྲོ་བ། ༡༨ སངས་རྒྱས་བརྒྱད་པ།
(གོ་གཅིག་) ༡༩ སངས་རྒྱས་བཅུ་གཉིས་པ། (དོན་བདུན་) ༢༠ ཆོས་གསུམ་པ། ༢༡ ཕ་མའི་མདོ། ༢༢ དགེ་སློང་ལ་རབ་ཏུ་གཅེས་པའི་མདོ། ༢༣ ལྟུང་བ་སྡེ་ལྔའི་དགེ་བ་དང་མི་དགེ་བ་བསྟན་པ།
༢༤ རྣམ་པར་གྲོལ་བའི་ལམ་སྦྱངས་པའི་ཡོན་ཏན་བསྟན་པ། ༢༥ འཁར་གསིལ་འཆང་བའི་ཀུན་ཏུ་སྤྱོད་པ། ༢༦ གཎྜཱིའི་དུས་ཀྱི་མདོ། ༢༧ ཤཱ་རིའི་བུའི་མདོ། ༢༨ ཆོས་ཉིད་རང་གི་ངོ་བོ་ཉིད་ལས་མ་གཡོ་པར་ཐ་དད་པར་ཐམས་ཅད་ལ་སྣང་བ། 
7-152
༢༩ རྒྱུ་བ་དང་རྒྱུ་བ་མ་ཡིན་པ་དང་མཐུན་པ། ༣༠ དཔལ་ཆེན་མོའི་མདོ། ༣༡ དེ་བཞིན་གཤེགས་པ་ཐམས་ཅད་ཀྱི་སྙིང་པོ་གསང་བ་རིང་བསྲེལ་ཟ་མ་ཏོག་གི་མདོ། ༣༢ ཆོས་ཐམས་ཅད་
ཀྱི་ཡོན་ཏན་བཀོད་པའི་རྒྱལ་པོ། །(སྟོང་བརྒྱད་བརྒྱ་) ༣༣ བདེན་པ་བཞིའི་མདོ། ༣༤ ཆོས་ཀྱི་འཁོར་ལོའི་མདོ། ༣༥ བཅོམ་ལྡན་འདས་ཀྱི་གསུང་ཆེམས། ༣༦ འདུ་ཤེས་བཅུ་བསྟན་པ། ༣༧ གསེར་མདོག་གི་རྟོག་བརྗོད།
༣༨ དགའ་བའི་བཤེས་གཉེན་གྱི་རྟོག་བརྗོད། ༣༩ རྒྱལ་པོ་དཔལ་གྱི་སྡེའི་རྟོག་བརྗོད། ༤༠ མ་ག་དྷ་བཟང་མོའི་རྟོགས་བརྗོད། །༤༡ རིན་པོ་ཆེའི་ཕུང་པོའི་མདོ་སྡེ་བཞི་བཅུ་ཞེ་གཉིས་དང་། སྔར་གྱི་བསྟན་
བཅོས་དགུ་བཞག་པའི་སུམ་བརྒྱ་དང་དྲུག ། བཀྲ་ཤིས་ཀྱི་བསྐོར་ལ། ཚོང་པ་ག་གོན་དང་བཟང་པོ་ལ་གསུངས་པ། ལྷའི་རྒྱལ་པོ་རབ་དགའ་ལྡན་གྱིས་བསྟོད་པའི་བཀྲ་ཤིས། ༡ སངས་རྒྱས་ཉིད་ཀྱིས་གསུང་
པའི་བཀྲ་ཤིས། ༢ སངས་རྒྱས་རབ་འདུན་གྱི་བཀྲ་ཤིས། ༣ བཀྲ་ཤིས་དྲུག་པ། ༤ མཛད་པ་བཅུ་གཉིས་ཀྱི་བཀྲ་ཤིས། ༥ དཀོན་མཆོག་གསུམ་གྱི་བཀྲ་ཤིས། ༦ བཀྲ་ཤིས་རིང་མོ། །༧ བཀྲ་ཤིས་བརྒྱད་
པ། ༨
༈ མདོ་སྡེ་དག་གི་བརྒྱུད་པ།
ཀླུ་སྒྲུབ་ཀྱིས་མཛད་པའི་བཀྲ་ཤིས་དགུ་པ་དང་བཅས་པ། མདོ་སྡེ་དག་གི་བརྒྱུད་པ་ནི། རྫོགས་པའི་སངས་རྒྱས། འཇམ་དབྱངས། ཀླུ་སྒྲུབ། ཨཱརྱ་དེ་ཝ། འཇམ་དཔལ་གྲགས་པ། རཏྣ་ཨཱ་ཀ་ར་ཤཱནྟི། 
7-153
སཽ་རི་པ། ཨ་བྷ་ཡཱ་ཀཱ་ར་གུཔྟ། དགེ་བའི་འབྱུང་གནས་སྦས་པ། འདི་གསུམ་ལ་རྡོ་རྗེ་གདན་པ་ཆེ་འབྲིང་ཆུང་བའི་ཐ་སྙད་བྱས་སོ། །པུཎྱ་ཤྲཱི་མི་ཏྲ། སྟེང་པ་ལོ་ཙ་བ། སོ་
ཐམས་ཅད་མཁྱེན་པ། སོ་འཛམ་གླིང་རྒྱན། ལྷོ་པ་ཐམས་ཅད་མཁྱེན་པ། ཀོང་ནག་རལ་གྲི། ཤངས་པ་གྲགས་སེང་། ཤངས་པ་ཀུན་དགའ་འབུམ། ཕག་ཁུར་བ་དཀོན་མཆོག་ཡེ་ཤེས། ཕག་ཁུར་བ་དཀོན་མཆོག་བླ་
མ། དེ་གཉིས་ཀ་ལ་ཤབ་ཀྱི་བག་སྟོན་གཞོན་ནུ་ཚུལ་ཁྲིམས་ཀྱིས་གསན། དེ་ལ་ས་བཟང་ལོ་ཙ་བ། དེ་ལ་གཉལ་པ་བདེ་ལེགས། རྒྱང་ལོ་ནར་པ། རྒྱལ་སྲས་གྲགས་པ་རིན་ཆེན། རིན་ཆེན་
རྡོ་རྗེ། བླ་མ་དབང་བློ་བ། རྒྱལ་དབང་རྗེ། དཔལ་འབྲུག་པ་རིན་པོ་ཆེ་ངག་དབང་ཆོས་རྒྱལ། རྒྱལ་ཚབ་དམ་པ་གཅུང་རིན་པོ་ཆེ། དེས་པདྨ་དཀར་པོ་ལའོ། །ཡང་ན་བག་སྟོན་ནས། བླ་མ་
མགོན་པོ་འབུམ། སྤྲུ་སྟོན་བསོད་རྒྱལ། མཁན་ཆེན་ཤེས་རྡོར། ཆོས་དཔལ་ཤེས་རབ། བསོད་ནམས་སེང་གེ། རིན་ཆེན་གྲགས་དོན་ལ། བླ་མ་རིན་ཆེན་གྲགས་པ། བཀའ་འགྱུར་བ་ཤཱཀྱ་རྒྱལ་མཚན། གོང་དཀར་རྡོ་རྗེ་
གདན་པ་ཆེན་པོ་ཀུན་དགའ་རྣམ་རྒྱལ། ཆེན་པོ་བློ་གྲོས་རྒྱལ་མཚན། འབུམ་རམ་པ་རིན་ཆེན་ཆོས་ཀྱི་དབང་པོ། །མཚན་གཞན་མཁས་པའི་དབང་པོའང་ཟེར། དེས་ཙ་རི་ཅིག་ཅར་གྱི་རྡོ་རྗེ་འཛིན་པ་བསྟན་པ་རྒྱ་མཚོ། 
7-154
དེས་འབྲུག་པ་རིན་པོ་ཆེ་ངག་དབང་ཆོས་ཀྱི་རྒྱལ་པོ་ལའོ། །མདོ་སྣ་ཉིས་བརྒྱ་ཉེར་ལྔ་པོ་ཡན་ལ། སངས་རྒྱས་། ཀུན་དགའ་བོ། ཤ་ནའི་གོས་ཅན། ཉི་མ་གུང་པ། དགྲ་བཅོམ་པ་ཆོས་སྐྱོབ།
ཀྲིཥྞ་གོས་ཅན། རྒྱལ་རིགས་ཐམ་ཅད་མཁྱེན་པའི་བཤེས་གཉེན། ཀླུ་སྒྲུབ། ཨཱརྱ་དེ་ཝ། འཇམ་དཔལ་གྲགས་པ། ཤཱནྟི་པ། རྡོ་རྗེ་གདན་པ་ཆེ་བ། ཆུང་བ། པཎ་ཆེན་ཤཱཀྱ་ཤྲཱི། དཔྱལ་ཆོས་བཟང་། དཔྱལ་པདྨོ་ཅན།
མཁན་པོ་གཞོན་ནུ་ཡེ་ཤེས། རོང་པ་ཤེས་རབ་སེང་གེ །ཤབ་པ་བག་སྟོན་གཞོན་ནུ་ཚུལ་ཁྲིམས། ཡང་པཎ་ཆེན་ནས་ལྷོ་པ་ཐམས་ཅད་མཁྱེན་པ། ཀོང་ནག་རལ་གྲི། ཇོ་གདན་ཟས་གཙང་། ཤངས་པ་
གྲགས་སེང་། ཞང་ཀུན་དགའ་འོད་ཟེར། དེ་ནས་བག་སྟོན་ནོ། །སྔར་གྱི་སྟེངས་སུ་མདོ་ཚན་ཞེ་བརྒྱད་བསྣན་པའི་བརྒྱུད་པ་ལུགས་གཅིག་ལ། སྟོན་པ། བྱམས་པ། ཐོགས་མེད། དབྱིག་གཉེན། སངས་རྒྱས་བསྐྱངས། ཡེ་ཤེས་
ཞབས། མར་མེ་མཛད་བཟང་པོ། །དྲི་མེད་སྦས་པ། རིན་ཆེན་རྡོ་རྗེ། ཤཱནྟི་པ། སྨྲྀ་ཏི་ཛྙཱ་ན། དེ་ལ་རོང་ཟོམ་པ་ཆོས་ཀྱི་བཟང་པོ། །དེས་མངའ་བདག་མྱང་། དེས་སྲས་མྱང་རལ་མི་བསྐྱོད་རྡོ་
རྗེ། དེས་ལྷོ་བ་ཐམས་ཅད་མཁྱེན་པ། སྤང་ཁང་པ་གྲགས་རྒྱལ། ཤངས་པ་གྲགས་སེང་། སྟག་སྟོན་ཤེས་རབ་འོད་ཟེར། ཞང་ཀུན་འོད། སངས་རྒྱས་སྲས། བག་སྟོན་གཞོན་ཚུལ། སྔར་གསན་པའི་བླ་མ་རྣམས་ཀྱི་བར་དུ་གཞན་འཚངས་པ་ནི་མདོ་ལྷག་པོ་ཡོད་པའི་དབང་དུ་བྱའོ། །
7-155
སོ་སོའི་བརྒྱུད་པ་ཡོད་པ་དཔྱད་པས་དག་པ་ནི། འཇམ་དཔལ་རྣམ་པར་རོལ་པ། ༡ འཇམ་དཔལ་རྣམ་པར་གནས་པ། ༢ འཇམ་དཔལ་གྱིས་དྲིས་པ། ༣ བུ་མོ་བློ་གྲོས་བཟང་མོས་ཞུས་པ། ༤
ནམཁའ་མཛོད་ཀྱིས་ཞུས་པ། ༥ རྟོགས་པ་ཆེན་པོའི་མདོ། ༦ བཟང་པོ་སྤྱོད་པའི་སྨོན་ལམ། ༧ འཕགས་པ་ལྗོན་ཤིང་། ༨ ལས་དགེ་སྡིག་བསྟན་པ། ༩ ཁྱེའུ་རིན་ཆེན་ཟླ་བས་ཞུས་པ། ༡༠ ཚངས་པས་
བྱིན་གྱིས་ཞུས་པ། ༡༡ བསམ་པ་ཐམས་ཅད་ཡོངསུ་རྫོགས་པར་བྱེད་པའི་བསྔོ་བ། ༡༢ བྲམ་ཟེ་དཔལ་ལྡན་མས་ཞུས་པ། ༡༣ སེང་གེས་ཞུས་པ། ༡༤ བདག་མེད་པ་དྲིས་པ། ༡༥ འཕགས་པ་བཞི་པ་
སྒྲུབ་པ། ༡༦ འཇིག་རྟེན་དང་རྗེས་སུ་མཐུན་པར་འཇུག་པ། ༡༧ དགའ་བ་ཅན་གྱི་མདོ། ༡༨ བདེ་བ་ཅན་གྱི་བཀོད་པ། ༡༩ འཇམ་དཔལ་རྣམ་པར་འཕྲུལ་པ། ༢༠ འཇམ་དཔལ་གྱིས་བསྟན་པ། ༢༡ ལྷག་
པོའི་བསམ་པ་བསྟན་པ། ༢༢ རིན་པོ་ཆེའི་མཐའ་ཞེས་བྱ་བ། ༢༣ སུམ་ཅུ་རྩ་གསུམ་པའི་ལེའུ། ༢༤ ཀུན་རྫོབ་དང་དོན་དམ་པ་བསྟན་པའི་ལེའུ། ༢༥ དེ་བཞིན་གཤེགས་པའི་ཡོན་ཏན་དང་ཡེ་ཤེས་
བསམ་གྱིས་མི་ཁྱབ་པའི་ཡུལ་ལ་འཇུག་པ་བསྟན་པ། ༢༦ འཇིག་རྟེན་འཛིན་གྱིས་ཡོངསུ་དྲིས་པ། ༢༧ ལྷའི་བུ་རབ་རྩལ་སེམས་ཀྱིས་ཞུས་པ། ༢༨ དམ་པའི་ཆོས་ཀྱི་རྒྱལ་པོ། །༢༩ རྒྱལ་པོ་ལ་གདམས་པ། 
7-156
༣༠ དྲི་མ་མེད་པར་གྲགས་པས་བསྟན་པ་སྟེ་མདོ་སུམ་ཅུ་སོ་གཅིག་གི་བརྒྱུད་པ་ནི། ཡང་དག་པར་རྫོགས་པའི་སངས་རྒྱས། འཇམ་དཔལ། ཀླུ་སྒྲུབ། ཀླུའི་བྱང་ཆུབ། ཌོམྦི་པ། འཇམ་དཔལ་གྲགས་པ། རཏྣ་
ཨཱ་ཀ་ར་ཤཱནྟི་པ། རྡོ་རྗེ་གདན་ཆེ་བ། བར་པ། ཆུང་བ། སཽ་མ་ཤྲཱི་བྷ་དྲ། བི་མ་ལ་ཤྲཱི། བི་ན་ཡ་ཤྲཱི། པཎ་ཆེན་ཤཱཀྱ་ཤྲཱི། ཁྲོ་ཕུ་ལོ་ཙ་བ། ལྷོ་པ་ཐམས་ཅད་
མཁྱེན་པ། ཡང་། མདོ་སྡེ་པད་དཀར་གསུམ། ༡ སངས་རྒྱས་ཀྱི་མཚན་ལྔ་སྟོང་བཞི་བརྒྱ་ལྔ་བཅུ་རྩ་གསུམ་པ། ༢ མདོ་སྡེ་ཉི་མའི་སྙིང་པོ། །༣ གཟུངས་ཀྱི་དབང་ཕྱུག་རྒྱལ་པོས་ཞུས་པ། ༤ ཡེ་
ཤེས་སྣང་བ་རྒྱན་གྱི་མདོ། ༥ བུ་མོ་རིན་ཆེན་གྱིས་ཞུས་པ། ༦ སངས་རྒྱས་བགྲོ་བ། ༧ དྲི་མ་མེད་པའི་འོད་ཀྱིས་ཞུས་པ།༨ མཆོག་གི་སྤྱོད་པའི་སྨོན་ལམ། ༩ ཀུན་ཏུ་རྒྱུ་བ་
དང་ཀུན་ཏུ་རྒྱུབ་མ་ཡིན་པ་དང་མཐུན་པའི་མདོ། ༡༠ མདོ་ཆེན་པོ་འདུས་པ་ཆེན་པོ། །༡༡ གསེར་མདོག་གི་སྔོན་གྱི་སྦྱོར་བ། ༡༢ ཟས་ཀྱི་འཚོ་བ་རྣམ་པར་དག་པ། ༡༣ འདའ་ཀ་ཡེ་
ཤེས། ༡༤ སྲིད་པ་འཕོ་བ། ༡༥ ཀུ་ན་ལའི་རྟོག་བརྗོད། ༡༦ དེ་བཞིན་གཤེགས་པའི་དཔལ་གྱི་དམ་ཚིག །༡༧ ཁམས་མང་པོའི་མདོ། ༡༨ ཚུལ་ཁྲིམས་དང་ལྡན་པའི་མདོ། ༡༩ འཕགས་པ་ཆོས་བཞི་པ། ༢༠ 
7-157
ཆོས་བཞི་བསྟན་པའི་མདོ། ༢༡ རྒྱལ་པོ་ཀུན་ཏུ་དགྱིར་གྱིས་ཞུས་པ། ༢༢ ཕག་མོའི་རྟོག་བརྗོད། །༢༣ འཁར་གསིལ་གྱི་མདོ། ༢༤ སྦྱིན་པའི་རབས་དང་ཕན་ཡོན་བསྟན་པ། ༢༥ དོན་རྒྱས་པའི་ཆོས་ཀྱི་རྣམ་
གྲངས། ༢༦ གཞོན་ནུ་དཔེའི་མདོ། ༢༧ དགོངས་བརྒྱུད་ཀྱི་ཕྲེང་བ་ཆེན་པོ་ཡོངསུ་བསྔོ་བ་འཁོར་ལོའི་མདོ། ༢༨ དཔལ་དབྱིག་གིས་ཞུས་པ། ༢༩ སངས་རྒྱས་མི་སྤང་བ། ༣༠ མདོ་ཆེན་པོ་ལྔ་གསུམ་པ། ༣༡
མདོ་ཆེན་པོ་སྒྱུ་མའི་དྲ་བ། ༣༢ མདོ་ཆེན་པོ་རྒྱལ་མཚན་དམ་པ།༣༣ ཡུལ་འཁོར་སྐྱོང་གིས་ཞུས་པ། ༣༤ རྣམ་པར་འཕྲུལ་པའི་རྒྱལ་པོ། །༣༥ ཆོས་ཀྱི་ཚུལ་གྱི་མདོ། ༣༦ ཆོས་ཀྱི་རྒྱ་མཚོའི་
མདོ། ༣༧ མཛངས་བླུན། ༣༨ ཕྱོགས་བཅུ་མུན་སེལ། ༣༩ དཀོན་མཆོག་ཟ་མ་ཏོག །༤༠ སངས་རྒྱས་ཀྱི་སའི་མདོ། ༤༡ སྒྱུ་མ་ལྟ་བུའི་ཏིང་ངེ་འཛིན་གྱི་མདོ། ༤༢ ཏིང་ངེ་འཛིན་མཆོག་དམ་པ། ༤༣ ཚངས་
པས་ཞུས་པ། ༤༤ བྱམས་པ་ལུང་བསྟན་པ། ༤༥ གྲོང་ཁྱེར་གྱི་འཚོ་བ། ༤༦ ལྷའི་མདོ། ༤༧ སངས་རྒྱས་བཅུ་པ། ༤༨ གཎྜཱིའི་མདོ། ༤༩ མི་རྟག་པ་ཉིད་ཀྱི་མདོ། ༥༠ བཅོམ་ལྡན་འདས་ཀྱི་གཙུག་ཏོར་
ཆེན་པོའི་དེ་བཞིན་གཤེགས་པའི་གསང་བ་སྒྲུབ་པའི་དོན་མངོན་པར་འཐོབ་པའི་རྒྱུ་བྱང་ཆུབ་སེམས་དཔའི་སྤྱོད་པ་དཔའ་བར་འགྲོ་བའི་ཏིང་ངེ་འཛིན་གྱི་མདོ་སྡེ་ལྔ་བཅུ་རྩ་གཅིག་གི་བརྒྱུད་པ་ནི། 
7-158
སངས་རྒྱས། བྱམས་པ། ཀླུ་སྒྲུབ། སྐལ་ལྡན་གྲགས་པ། ཟླ་བ་གྲགས་པ། འཇམ་དཔལ་གྲགས་པ། ཆོས་ཀྱི་གྲགས་པ། ཏེ་ལོ་པ། ནཱ་རོ་པ། ཞི་བའི་བཤེས་གཉེན །ཛྙཱ་ན་ཤྲཱི། གཉན་ལོ་ཙ་བ། ཁྱུང་
པོ་གྲགས་སེང་། འོར་སྟོན་ལྷ་དབང་། འོར་སྟོན་ཆོས་ཤེས། ཞང་དར་སེང་། རོང་པ་ཆོས་མགོན། དབུས་པ་སངས་རྒྱས་འབུམ། ལོ་ཙ་བ་མཆོག་ལྡན་ལེགས་པའི་བློ་གྲོས་སམ་དཔུང་རྒྱན་མཛེས་པའི་ཏོག །བག་སྟོན་
གཞོན་ཚུལ། ཡང་། མདོ་སྡེ་མིག་བཅུ་གཉིས་པ། ༡ དྲང་སྲོང་གརྒ་(ངན་སྤོང་ཟེར་)འི་ལྟས་བསྟན་པ། ༢ འཕགས་(བྱཱ་ཀ་ར་ཎ་ཟེར་)པ་བྱ་གར་རྣ་བའི་ནང་ནས་གཟའ་དང་རྒྱུ་སྐར་གྱི་ལྟས་
ཀྱི་རང་བཞིན་བསྟན་པ། ༣ ཟླ་བའི་ཁྱིམ་དང་རྒྱ་སྐར་གྱི་རྩིས་མདོ་ལས་བྱུང་བ། ༤ གླང་རུ་ལུང་བསྟན་པ། ༥ བསོད་ནམས་ཐམས་ཅད་བསྡུས་པའི་ཏིང་ངེ་འཛིན། ༦ ཕོ་བྲང་འཁོར་སྐྱོང་གིས་
ཞུས་པ། ༧ གང་པོ་ལ་སོགས་པའི་རྟོགས་བརྗོད་བརྒྱ་པ། ༨ ལས་རྣམ་པར་འབྱེད་པ། ༩ ཚངས་པའི་དཔལ་ལུང་བསྟན་པ། ༡༠ སྦྱིན་པའི་ལེགས་པ་བརྗོད་པ། ༡༡ ལས་གདགས་པ་ཆེད་དུ་བརྗོད་པའི་
ཚོམས། ༡༢ ཟ་མ་ཏོག་བཀོད་པ། ༡༣ ཡི་གེ་མེད་པའི་ཟམ་ཏོག་བཀོད་པ། ༡༤ མར་མེ་མཛད་ཀྱིས་ལུང་བསྟན་པ། ༡༥ དེ་བཞིན་གཤེགས་པ་བགྲོ་བ། ༡༦ སངས་རྒྱས་ཀྱི་སྡེ་སྣོད་ཚུལ་ཁྲིམས་ངན་པ་ཚར་གཅོད་པ། 
7-159
༡༧ དད་པའི་སྟོབས་བསྐྱེད་པ། ༡༨ ནམ་མཁའ་མཛོད་ཀྱིས་ཞུས་པ། ༡༩ ཚངས་པ་ཁྱད་པར་སེམས་ཀྱིས་ཞུས་པ། ༢༠ དེ་བཞིན་གཤེགས་པའི་གཟུགས་བརྙན་བཞག་པའི་ཕན་ཡོན། ༢༡ ཀུན་ཏུ་རྒྱུ་སེན་རིང་གིས་
ཞུས་པ། ༢༢ རྟེན་འབྲེལ་གྱི་མདོ། ༢༣ སངས་རྒྱས་ཀྱི་རྟོགས་པ་བརྗོད་པ་ཤེས་ལྡན་གྱི་མདོ། ༢༤ ཕྱིར་མ་ལྡོག་པ་འཁོར་ལོའི་མདོ། ༢༥ ཆོས་ཀྱི་ཕྱག་རྒྱ། ༢༦ བགྲེས་མོས་ཞུས་པ། ༢༧ ཐེག་པ་
ཆེན་པོ་ལ་དད་པ་རབ་ཏུ་བསྒོམ་པ། ༢༨ སྦྱིན་པའི་ཕ་རོལ་ཏུ་ཕྱིན་པའི་མདོ། ༢༩ མིའམ་ཅིའི་རྒྱལ་པོ་སྡོང་པོའམ་ལྗོན་པས་ཞུས་པ། ༣༠ ཡང་དག་པར་སྤྱོད་པའི་ཚུལ་གྱི་ནམཁའི་མདོག་གིས་
འདུལ་བའི་བཟོད་པ། ༣༡ བསོད་ནམས་སྟོབས་ཀྱི་རྟོག་པ་བརྗོད་པ། ༣༢ རྒྱུ་གདགས་པ། ༣༣ རྒྱལ་བུ་དོན་གྲུབ་ཀྱི་མདོ། ༣༤ ཐམས་ཅད་སྒྲོལ་གྱི་རྟོག་པ་བརྗོད་པ། ༣༥ མངོན་པར་འབྱུང་བའི་མདོ། ༣༦
མདོ་ཆེན་པོ་སྟོང་པ་ཉིད་ཅེས་བྱ་བ། །༣༧ མདོ་ཆེན་པོ་སྟོང་པ་ཉིད་ཆེན་པོ་ཞེས་བྱ་བ། ༣༨ བློ་གྲོས་མི་ཟད་པས་བསྟན་པ། ༣༩ དྲིན་ལན་བསབ་པ། ༤༠ གསལ་རྒྱལ་གྱི་ཚིགསུ་བཅད་
པ། ༤༡ མེ་ཏོག་ཚོགས་ཀྱི་མདོ། ༤༢ ལས་ཀྱི་སྒྲིབ་པ་རྒྱུན་གཅོད་པ། ༤༣ དོན་དམ་པའི་ཆོས་ཀྱི་རྣམ་གྲངས། ༤༤ བྱང་ཆུབ་སེམས་དཔའི་སྤྱོད་པ་བསྟན་པ། ༤༥ རྣམ་པར་འཐག་པ་ཐམས་ཅད་བསྡུས་པ། 
7-160
༤༦ བུད་མེད་འགྱུར་པ་ལུང་བསྟན་པ། ༤༧ བུ་མོ་ཟླ་བ་མཆོག་ལུང་བསྟན་པ། ༤༨ མར་མེ་འབུལ་བའི་མདོ། ༤༩ ཆོས་ཀྱི་ཕུང་པོའི་མདོ། ༥༠ བློ་གྲོས་མཚོས་ཞུས་པ། ༥༡ གླང་པོའི་རྩལ་གྱི་
མདོ། ༥༢ སངས་རྒྱས་ཀྱི་དབུ་རྒྱན། ༥༣ བཞིན་གཤེགས་པའི་ཡེ་ཤེས་ཀྱི་ཕྱག་རྒྱའི་ཏིང་ངེ་འཛིན། ༥༤ ཆོས་ཀུན་འགྲོ་བ། ༥༥ སཱ་ལུ་ལྗང་པའི་མདོ། ༥༦ མ་དྲོས་པས་ཞུས་པ། ༥༧ སའི་སྙིང་པོ་
འཁོར་ལོ་བཅུ་པ། ༥༨ ཁྱེའུ་བཞིས་ཞུས་པའི་ཏིང་ངེ་འཛིན། ༥༩ ཀླུའི་རྒྱལ་པོ་རྒྱ་མཚོས་ཞུས་པ། ༦༠ ཀླུའི་རྒྱལ་པོ་རྒྱ་མཚོས་ཞུས་པ་ཆུང་བ། ༦༡ གཟུངས་ཀྱི་མདོའི་ཆོས་ཀྱི་རྣམ་གྲངས། ༦༢ དཔའ་
བར་འགྲོ་བའི་ཏིང་ངེ་འཛིན། ༦༣ རབ་ཏུ་ཞི་བ་རྣམ་པར་ངེས་པའི་ཆོ་འཕྲུལ་གྱི་ཏིང་ངེ་འཛིན། ༦༤ མ་སྐྱེས་དགྲའི་འགྱོད་པ་བསལ་བ། ༦༥ རྔ་བོ་ཆེ་ཆེན་པོའི་ལེའུ། །༦༦ ད་ལྟར་གྱི་
སངས་རྒྱས་མངོན་སུམ་དུ་བཞུགས་པའི་ཏིང་ངེ་འཛིན། ༦༧ འཕགས་པ་ཆོས་བཞི་པ་གནས་འཇོག་གི་མདོ། ༦༨ བསམ་གྱིས་མི་ཁྱབ་པ་རྒྱལ་པོའི་མདོ། ༦༩ ཆོས་ཐམས་ཅད་འབྱུང་བ་མེད་པར་བསྟནཔ། ༧༠ རོལ་
ཏུ་ཕྱིན་པ་ལྔ་བསྟན་པའི་ལེའུ་རེ་རེ་ལ་རྫོགས་སོ་རེ་ཡོད་པ། ༧༡ སྤྱོད་ཡུལ་ཡོངསུ་དག་པའི་མདོ་སྡེ་བདུན་ཅུ་དོན་གཉིས་དང་། ༧༢ དེའི་སྟེང་དུ་ཐར་ལོས་བསྒྱུར་བའི་ཆོས་ཀྱི་འཁོར་ལོ་བསྐོར་བའི་མདོ། 
7-161
༧༣ སྐྱེས་རབས་ཀྱི་གླེང་གཞིའི་བཤད་པ། ༧༤ ལྕང་ལོ་ཅན་གྱི་ཕོ་བྲང་གི་མདོ། ༧༥ འདུས་པ་ཆེན་པོའི་མདོ། ༧༦ བྱམས་པའི་མདོ། ༧༧ བྱམས་པ་བསྒོམས་པའི་མདོ། ༧༨ ཚུལ་ཁྲིམས་ལྔའི་ཕན་ཡོན་བསྟན་
པ། ༧༩ ཚེ་དང་ལྡན་པ་རི་ཀུན་དགའི་མདོ། ༨༠ ཀླུའི་རྒྱལ་པོ་དགའ་བོ་དང་ཉེར་དགའ་འདུལ་བའི་མདོ། ༨༡ གནས་བརྟན་ཆེན་པོ་འོད་བསྲུངས་ཀྱི་མདོ། ༨༢ ཉི་མའི་མདོ། ༨༣ ཟླ་བའི་མདོ། ༨༤
༈ མདོ་བརྒྱད་ཅུ་གྱ་བཞིའི་བརྒྱུད་པ།
བཀྲ་ཤིས་ཆེན་པོའི་མདོ་སྟེ་བཅུ་གསུམ་དང་བཅས་པས་མདོ་བརྒྱད་ཅུ་གྱ་བཞིའི་བརྒྱུད་པ་ནི། རྫོགས་པའི་སངས་རྒྱས། འཇམ་དཔལ། ཡེ་ཤེས་ཞབས། མར་མེ་མཛད་བཟང་པོའོ། །སྨན་ཞབས། རྒྱལ་བས་བྱིན་པ། རདྣ་
ཤྲཱི། ཤཱིནྟ་བཛྲ། ཀརྨ་བཛྲ། པུཎྱེ་ཤྲཱི་མི་ཏྲ། བི་ཛ་ཡ་རཀྵི་ཏ་ཐར་ལོ་ཉི་མ་རྒྱལ་མཚན། ཕག་ཁུར་བ་དཀོན་མཆོག་བླ་བ། བག་སྟོན་གཞོན་ནུ་ཚུལ་ཁྲིམས། ཡང་། མདོ་མྱང་འདས་ཆེན་པོ་རྒྱ་
ནག་འགྱུར་བམ་པོ་ཞེ་གཉིས་མ་དང་། (ཁྲི་ཉིས་སྟོང་དྲུག་བརྒྱ་) གཙུག་ཏོར་བམ་པོ་དགུ་པ་ལས་བདུད་ཀྱི་ལེའུ་ཉི་ཚེ་བ་དང་པོ་དང་། ལེའུ་གཉིས་པ་བཅོམ་ལྡན་འདས་ཀྱི་གཙུག་ཏོར་ཆེན་པོའི་
མདོ་ལས་བམ་པོ་གཉིས་ཡོད་པ་དང་། གསེར་འོད་དམ་ཆེན་བམ་པོ་བཅུ་པ། ཐབས་ལ་མཁས་པ་སངས་རྒྱས་དྲིན་ལན་བསབ་པ། ཚེ་དཔག་མེད་རྒྱས་པ། རི་བོ་ཆེན་པོའི་མདོ། འོད་ཟེར་ཅན་རྣམས་ཀྱི་བརྒྱུད་པ་ནི། 
7-162
རྫོགས་པའི་སངས་རྒྱས། འཇམ་དཔལ། ཀླུ་སྒྲུབ། པཎྜིཏ་བྱང་ཆུབ་བཟང་པོ། །འཇམ་དབྱངས་སྤྲུལ་པ་ཞུ་ཞུ་ན། གྱིམ་བཙུན་ཇ། ཏེན་ཞི་དུ་ཀེ་ཞི། ཚྭ་ལང་ཀེ་ཞི། གྱི་དེའུ་ཧྭ་ཤཾ་ཧོ་ཏི། ཚལ་མགོ་
བཞི། ཧ་ཐི་ཐ། སོང་ཆེན་གྱིན་སིང་ཀ་ལང་། གྱི་ཇུ། དེ་ནས་དབུས་པ་སངས་རྒྱས་འབུམ། ལོ་ཙ་བ་མཆོག་ལྡན། རྭ་ས་བ་སྟོན་ཤཱཀ །བག་སྟོན་གཞོན་ནུ་ཚུལ་ཁྲིམས་མན་འདྲའོ། །བཀའ་འགྱུར་གྱི་
བརྒྱུད་ཡིག་ལས་ཕལ་པོ་ཆེའི་སྐབས། །འཇམ་དཔལ་གཞོན་ནུར་གྱུར་པ་ལ་ཕྱག་འཚལོ། །སྨོན་འཇུག་སེམས་ཀྱི་རྩ་བ་བརྟན་ཟུག་ཅིང་། །ཚོགས་གཉིས་སྡོང་པོ་རྫོགས་པའི་ཡལ་འདབ་རྩེར། །སྐུ་གསུམ་འབྲས་བུ་སྨིན་པས་
ཕྱུག་གྱུར་འདིས། །ཐེག་ཆེན་སྟོན་ཀའི་ལུགས་བཟང་བསྔགས་པར་འོས། །འདིའི་ཐེག་པ་ཆེན་པོའི་མདོ་སྡེ་ཤིན་ཏུ་རྒྱས་པའི་ཕྱོགས་སུ་གཏོགས་པ་ལ། འཕགས་པ་ཤིན་ཏུ་རྒྱས་པ་ཆེན་པོའི་སྡེ་སངས་རྒྱས་ཕལ་
པོ་ཆེ། ལེའུ་བཞི་བཅུ་རྩ་ལྔ་ཡན་ཆད་ལ། ཤློཀ་སུམ་ཁྲི་དགུ་སྟོང་སུམ་ཅུ་སྟེ། བམ་པོ་བརྒྱ་སུམ་ཅུ་དང་། ཤློཀ་སུམ་ཅུ་ཡོད་པ་ལས། དེ་བཞིན་གཤེགས་པ་ཕལ་པོ་ཆེའི་ལེའུར་གཏོགས་པ་
ལ། ཤློཀ་བཞི་སྟོང་ཉིས་བརྒྱ་སྟེ། བམ་པོ་བཅུ་བཞི། ༡ བྱང་ཆུབ་སེམས་དཔའ་རྡོ་རྗེ་རྒྱལ་མཚན་གྱིས་ཡོངསུ་བསྔོ་བའི་ལེའུ། ཤློཀ་སུམ་སྟོང་དགུ་བརྒྱ་སྟེ། བམ་པོ་བཅུ་གསུམ། །༢ འཕགས་པ་བྱང་ཆུབ་སེམས་དཔའི་ས་བཅུ་བསྟན་པ། 
7-163
ཤློཀ་ཉིས་སྟོང་བཞི་བརྒྱ་སྟེ། བམ་པོ་བརྒྱད། ༣ འཕགས་པ་ཀུན་ཏུ་བཟང་པོའི་སྤྱོད་པ་བསྟན་པ། ཤློཀ་ཞི་སྟོང་བརྒྱད་བརྒྱ་སྟེ། བམ་པོ་བཅུ་དྲུག །༤ འཕགས་པ་དེ་བཞིན་གཤེགས་པ་སྐྱེ་བ་འབྱུང་
བ་བསྟན་པ། ཤློཀ་སྟོང་ལྔ་བརྒྱ་སྟེ། བམ་པོ་ལྔ། ༥ འཕགས་པ་འཇིག་རྟེན་ལས་འདས་པའི་ལེའུ། ཤློཀ་སྟོང་གསུམ་བརྒྱ་སྟེ། བམ་པོ་བཅུ་གཅིག །༦ འཕགས་པོ་སྡོང་པ་བཀོད་པའི་མདོ། ཤློཀ་དགུ་སྟོང་
སྟེ། བམ་པོ་སུམ་ཅུ་ཐམ་པ། ༧ རྣམས་ཀྱི་བརྒྱུད་པ་ནི། ཡང་དག་པར་རྫོགས་པའི་སངས་རྒྱས། འཕགས་པ་འཇམ་དཔལ། སློབ་དཔོན་ཀླུ་སྒྲུབ། དེ་ལ་པཎྜི་ཏ་བྱང་ཆུབ་བཟང་པོ་དང་། པཎྜི་ཏ་དགའ་
བ་གཉིས་ཀྱིས་ཞུས་ཏེ། དེ་གཉིས་ཀྱིས་རྒྱ་ནག་ཏུ་འགྱུར་བ་མཛད་ཅིང་། །དེ་གཉིས་ལ་འཇམ་དབྱངས་ཀྱི་སྤྲུལ་པ་རྒྱ་ནག་པ་ཞུ་ཞུ་ན། དེས་གྱིམ་བཙུན་ཇ། ཏན་ཞི་དུ་གེ་ཞི། ཚྭ་ལང་
ཀེ་ཞི། གྱི་དེའུ་ཧྭ་ཤམ་ཧོ་ཏི། ཚ་ལ་མགོ་ཞི། ཧ་ཐི་ཐ། སོང་ཆེན་གིང་། སིང་ཀ་ལམ། གྱི་ཇུ། དེས་དབུས་པ་སངས་རྒྱས་འབུམ། ལོ་ཙ་བ་མཆོག་ལྡན་ལེགས་པའི་བློ་གྲོས། བསོད་ནམས་
སེང་གེ། གར་ཐིག་པ་བསོད་རྒྱལ། མཁན་ཆེན་ཤེས་རབ་རྡོ་རྗེ། ཆོས་སྒོ་བ་ཆོས་དཔལ་ཤེས་རབ། མཐའ་རྩའི་མཁན་ཆེན་གྲགས་པ་ཤེས་རབ། རིན་པོ་ཆེ་གྲགས་དོན་པ། བླ་ན་རིན་ཆེན་གྲགས་པ། 
7-164
རྗེ་བཙུན་བཀའ་འགྱུར་བ་ཤཱཀྱའི་མཚན་ཅན། རྗེ་བཙུན་རིན་ཆེན་ཟླ་བ། གཏེར་མཛོད་རབ་འབྱམས་རིན་ཆེན་འབྱུང་གནས། །རྡོ་རྗེ་འཛིན་པ་བསྟན་པ་རྒྱ་མཚོ། །འབྲུག་པ་རིན་པོ་ཆེ་ངག་དབང་ཆོས་ཀྱི་རྒྱལ་
པོ། །རྒྱལ་ཚབ་དམ་པ་གཅུང་རིན་པོ་ཆེ། དེས་པདྨ་དཀར་པོ་ལའོ། །བཀའ་འགྱུར་གྱི་བརྒྱུད་ཡིག་ལས་དཀོན་བརྩེགས་ཀྱི་སྐབས། རྣ་བའི་སྐྱོགས་ཀྱིས་བཏུང་འོས་འདུད་རྩིའི་རྒྱུན། །གང་གི་ཞལ་ལས་འཛག་པ་ཟླ་
བ་བཞིན། །འཇིག་རྟེན་གསུམ་ན་གྲགས་པའི་བ་དན་ཅན། །ཐུབ་བའི་དབང་པོ་དེ་ལ་ཕྱག་འཚལོ། །དེ་ཡང་མདོ་སྡེ་དཀོན་མཆོག་བརྩེགས་པ་ཞེས་བྱ་བ་ཆོས་ཀྱི་རྣམ་གྲངས་འབུམ་བཤད་པ་ལས་རྣམ་གྲངས་
ཞེ་དགུ། །འདི་ཆོས་མངོན་པ་ལ་དགྲ་བྱུང་བའི་དུས། སློབ་དཔོན་བློ་བརྟན་གྱི་ཐུཌ་ལས་བཏོན། དེས་བདག་བློ་ཕྱོགས་གཅིག་བཞག་པ་དང་། །གཞན་བློ་ཕྱོགས་གཅིག་གཞག་པ་གཉིས། །སྲང་ལ་བཅལ་ན་བདག་བློ་
ལྕི། །ཞེས་གསུངས་སོ། །ཞེས་མང་པོ་ཞིག་སྨྲ་བ་མ་དག་པ་སྟེ། ཆོས་མངོན་པ་ལ་དགྲ་ལན་གསུམ་བྱུང་ངོ་ཞེས་གྲགས་པ་ནི་ཐོགས་མེད་སྐུ་མཆེད་ཀྱི་སྔ་རོལ་ཏུ་ཡིན་ལ། །བློ་བརྟན་ནི་
མཁས་མཆོག་དབྱིག་གཉེན་གྱི་སློབ་མ་མངོན་པ་རང་ལ་མཁས་པ་ཞེས་གྲགས་པ་དེ་ཡིན་པས། དུས་མི་འགྲིག་གོ། །དེ་བས་ན་མདོ་སྡེ་མང་དུ་བཞུགས་པ་ལས་དུམ་བུ་ཙམ་ཕེབས་པ་ཕལ་ནི་ལྷ་ཡུལ་ལ་སོགས་པར་སྤྱོད་པ་དག་ལས་བྱོན་པས་ལྷག་མ་དེ་དག་ཏུ་རིག་པར་བྱའོ། །
7-165
ཐེག་དམན་གྱི་ཆོས་མངོན་པའི་མདོ་ནི། །མངོན་པ་སྡེ་བདུན་དུ་གྲགས་པ་སྟེ་མདོ་མངས་ཀྱི་ནང་དུ་སོང་། ཆོས་ཀྱི་རྣམ་གྲངས་ཞེ་དགུ་ནི། སྡོམ་པ་གསུམ་བསྟན་པའི་ལེའུ་བམ་པོ་གསུམ་པ། (དགུ་
བརྒྱ་) ༡ སྒོ་མཐའ་ཡས་པ་རྣམ་པར་སྦྱང་བའི་ལེའུ་བམ་པོ་བཞི་པ། (སྟོང་ཉིས་བརྒྱ་) ༢ གསང་བ་བསམ་གྱིས་མི་ཁྱབ་པ་བསྟན་པ་བམ་པོ་བཅུག་ཅིག །(སུམ་སྟོང་ལྔ་བརྒྱ་) ༣ ལེའུ་ཉེར་ལྔ་
པ། ༤ རྨི་ལམ་བསྟན་པ་བམ་པོ་གསུམ་པ། (སྟོང་) ༥ འོད་དཔག་མེད་ཀྱི་ཞིང་བཀོད་བམ་པོ་གསུམ་པ། (དགུ་བརྒྱ་) ༦ མི་འཁྲུགས་པའི་ཞིང་བཀོད་བམ་པོ་ལྔ་ལེའུ་དྲུག་པ། (སྟོང་ལྔ་བརྒྱ་) ༧
གོ་ཆ་བཀོད་པ་བམ་པོ་དྲུག་པ། (སྟོང་བརྒྱ་) ༨ ཆོས་ཀྱི་དབྱིངས་རང་བཞིན་གྱིས་དབྱེར་མེད་པར་བསྟན་པ་བམ་པོ་གཉིས། (དྲུག་བརྒྱ་ལྔ་བཅུ་) ༩ ཆོས་བཅུ་པ་ཤློཀ་ལྔ་བརྒྱ་པ་བམ་པོ་གཅིག །
༡༠ ཀུན་ནས་སྒོའི་ལོའུ་ཤློཀ་ཉིས་བརྒྱ་དྲུག་ཅུ་པ། ༡༡ འོད་ཟེར་བཀྱེ་བ་བམ་པོ་ལྔ། (སྟོང་ལྔ་བརྒྱ་) ༡༢ བྱང་ཆུབ་སེམས་དཔའི་སྡེ་སྣོད་བམ་པོ་ཉི་ཤུ་ལེའུ་བཅིུག །(དྲུག་སྟོང་) ༡༣ དགའ་བོ་
མངལ་འཇུག་བམ་པོ་གཅིག །༡༤ དགའ་བོ་མངའ་དུ་གནས་པ་བམ་པོ་གཉིས། (དྲུག་བརྒྱ་) ༡༥ འཇམ་དཔལ་ཞིང་བཀོད་བམ་པོ་ཕྱེད་དང་བཞི། (སྟོང་དང་བརྒྱ་བཞི་བཅུ་) ༡༦ ཡབ་སྲས་མཇལ་བ་བམ་པོ་བཅོ་ལྔ། 
7-166
(བཞི་སྟོང་ལྔ་བརྒྱ་) ༡༧ གང་པོས་ཞུས་པ་བམ་པོ་དྲུག །(སྟོང་བརྒྱད་བརྒྱ་) ༡༨ ཡུལ་འཁོར་སྐྱོང་གིས་ཞུས་པ་བམ་པོ་གསུམ། (སྟོང་) ༡༩ ཁྱིམ་བདག་དྲག་ཤུལ་ཅན་གྱིས་ཞུས་པ་བམ་པོ་ཕྱེད་དང་གསུམ།
(བདུན་བརྒྱ་ལྔ་བཅུ་) ༢༠ གློག་ཐོབ་ཀྱིས་ཞུས་པ་བམ་པོ་གཉིས། (དྲུག་བརྒྱ་) ༢༡ སྒྱུ་མ་མཁན་བཟང་པོ་ལུང་བསྟན་པ་བམ་པོ་གཅིག །(བཞི་བརྒྱ་སུམ་ཅུ་) ༢༢ ལྷའི་བུ་དེད་དཔོན་གྱིས་ཞུས་པ་ཆོ་
འཕྲུལ་ཆེན་པོ་བསྟན་པ་བམ་པོ་གསུམ། (དགུ་བརྒྱ་) ༢༣ བྱམས་པ་སེང་གེ་སྒྲ་བམ་པོ་བཞི། (སྟོང་ཉིས་བརྒྱ་) ༢༤ འདུལ་བ་རྣམ་པར་གཏན་ལ་ཕབ་པ་ཉེ་བ་འཁོར་གྱིས་ཞུས་པ་བམ་པོ་གཉིས།
(དྲུག་བརྒྱ་) ༢༥ ལྷག་པའི་བསམ་པ་སྐུལ་བ་བམ་པོ་གཉིས། (དྲུག་བརྒྱ་) ༢༦ ལག་བཟང་གིས་ཞུས་པ་བམ་པོ་གཉིས་དང་ཤློཀ་བརྒྱ་དང་བརྒྱད། (བདུན་བརྒྱ་) ༢༧ དེས་པས་ཞུས་པ་བམ་པོ་གཅིག །(སུམ་བརྒྱ་)
༢༨ ཁྱིམ་བདག་དཔལ་སྦྱིན་གྱིས་ཞུས་པ་བམ་པོ་གཅིག །(སུམ་བརྒྱ་) ༢༩ འཆར་བྱེད་ཀྱིས་ཞུས་པ་ཤློཀ་ཉིས་བརྒྱ། ༣༠ བུ་མོ་བློ་གྲོས་བཟང་མོས་ཞུས་པ་བམ་པོ་ཕྱེད། (ཉིས་བརྒྱ་) ༣༡ བུ་མོ་གང་
མཆོག་གིས་ཞུས་པ་ཤློཀ་བརྒྱད་ཅུ། (བརྒྱད་ཅུ) ༣༢ བུ་མོ་མྱ་ངན་མེད་ཀྱིས་བྱིན་པ་ལུང་བསྟན་པ་བམ་པོ་གཅིག །(སུམ་བརྒྱ་) ༣༣ བུ་མོ་དྲི་མ་མེད་ཀྱིས་བྱིན་པས་ཞུས་པ་བམ་པོ་ཕྱེད་དང་གཉིས། 
7-167
(བཞི་བརྒྱ་ལྔ་བཅུ་) ༣༤ ཡོན་ཏན་རིན་ཆེན་མེ་ཏོག་ཀུན་ཏུ་རྒྱས་པས་ཞུས་པ་ཤློཀ་བརྒྱ་བཞི་བཅུ། ༣༥ སངས་རྒྱས་ཀྱི་ཡུལ་བསམ་གྱིས་མི་ཁྱབ་པ་བསྟན་པ་བམ་པོ་གཉིས། (དྲུག་བརྒྱ་) ༣༦ ལྷའི་
བུ་བློ་གྲོས་རབ་གནས་ཀྱིས་ཞུས་པ་བམ་པོ་བཞི། (སྟོང་ཉིས་བརྒྱ་) ༣༧ སེང་གེས་ཞུས་པ་ཤློཀ་དྲུག་ཅུ། ༣༨ གསང་ཆེན་ཐབས་ལ་མཁས་པ་བམ་པོ་བཞི། (སྟོང་ཉིས་བརྒྱ་བཅུ་གསུམ་) ༣༩ ཚོང་དཔོན་
བཟང་སྐྱོང་གིས་ཞུས་པ་བམ་པོ་གཉིས། (དྲུག་བརྒྱ་) ༤༠ བུ་མོ་རྣམ་དག་དང་བས་ཞུས་པ་བམ་པོ་ཕྱེད། (བརྒྱ་ལྔ་བཅུ་) ༤༡ བྱམས་པས་ཞུས་པ་ཆོས་བཅུ་པ་བམ་པོ་གཅིག །(སུམ་བརྒྱ་) ༤༢ བྱམས་
པས་ཞུས་པ་ཆོས་བརྒྱད་པ་བམ་པོ་གཅིག །(སུམ་བརྒྱ་) ༤༣ འོད་སྲུངས་ཀྱིས་ཞུས་པ་བམ་པོ་གསུམ། (དགུ་བརྒྱ་) ༤༤ རིན་པོ་ཆེའི་ཕུང་པོ་བམ་པོ་གཉིས། །(དྲུག་བརྒྱ་བདུན་ཅུ་) ༤༥ བློ་གྲོས་མི་བཟད་
པས་ཞུས་པ་ཤློཀ་ཉིས་བརྒྱ། ༤༦ གཙུག་ན་རིན་ཆེན་གྱིས་ཞུས་པ་བམ་པོ་གསུམ། (དགུ་བརྒྱ་) ༤༧ ལྷ་མོ་དཔལ་འཕྲེང་སེང་གེའི་ང་རོས་ཞུས་པ་བམ་པོ་གཉིས། (དྲུག་བརྒྱ་) ༤༨ དྲང་སྲོང་རྒྱས་པས་
ཞུས་པ་བམ་པོ་གཉིས་ཏེ། (དྲུག་བརྒྱ་) ༤༩
༈ དེ་རྣམས་ཀྱི་ལུང་ཐོབ་པའི་བརྒྱུད་པ།
དེ་རྣམས་ཀྱི་ལུང་ཐོབ་པའི་བརྒྱུད་པ་ནི། ཡང་དག་པར་རྫོགས་པའི་སངས་རྒྱས། འཇམ་དཔལ། སློབ་དཔོན་ཀླུ་སྒྲུབ། ཨཱརྱ་དེ་ཝ། འཇམ་དཔལ་གྲགས་པ། རདྣ་ཨཱ་ཀ་ར་ཤཱནྟི། 
7-168
སཽ་རི་པའམ། རིན་ཆེན་འབྱུང་གནས་སྦས་པ། ཨབྷ་ཡཱ་ཀ་ར། དགེ་བའི་འབྱུང་གནས་སྦས་པ། བ་རི་ལོ་ཙ་བ། ལྷོ་པ་ཁྱུང་སྟོན། གཙང་པ་སྟོན་གྲགས། གཡོར་པོ་ལུས་སྟོན། མྱང་སྟོད་པ་བསོད་
ནམས་དབང་། ཇོ་སྟོན་ཟས་གཙང་། ཀོང་ནག་རལ་གྲི། ཤངས་པ་གྲགས་སེང་། ཤངས་པ་ཀུན་དགའ་འབུམ། །ཕག་ཁུར་བ་དཀོན་མཆོག་ཡེ་ཤེས། ཕག་ཁུར་བ་དཀོན་མཆོག་བླ་མ། བླ་མ་ཀུན་དགའ་སེང་གེ །བླ་
མ་སེང་གེ་རྒྱལ་མཚན། གར་ཐིག་པ་བསོད་རྒྱལ། མཁན་ཆེན་ཤེས་རྡོར། ཆོས་སྒོ་བ་ཆོས་དཔལ་ཤེས་རབ། བླ་མ་བསོད་རྒྱལ་བ། ཆོས་མགོན་པོ། །གྲགས་བློ་བ། གཅོད་པ་རྟོགས་ལྡན། ལྷུན་བདེ་བ། འཕགས་
ཆེན་ནམཁའ་དཔལ་འབྱོར། མཁས་པའི་དབང་པོ་རིན་ཆེན་ཆོས་དབང་། བྲག་སླེ་བ་ཆོས་རྒྱལ་ལྷུན་གྲུབ། དེས་པདྨ་དཀར་པོ་ལའོ། །བཀའ་འགྱུར་བརྒྱུད་ཡིག་ལས་ཤེར་ཕྱིན་གྱིས་སྐབས། །མ་བརྟགས་ཉམས་དགར་རྟེན་ཅིང་འབྲེལ་
པར་འབྱུང་། །དཔྱད་ན་དམིགས་པ་མེད་པ་ཉེར་ཞི་བའི། །དུས་གསུམ་རྒྱལ་བའི་ཡུམ་ལ་གུས་བཏུད་ནས། །དེ་འཆད་མདོ་ཡི་བརྒྱུད་པ་རྣམ་པར་དབྱེ། །དེ་ཡང་། སྟོན་པས་བྱ་རྒོད་ཕུང་པའི་རིར་རྒྱས་འབྲིང་
བསྡུས་ལ་དགའ་བའི་གདུལ་བྱ་ལ་ཤེས་རབ་ཀྱི་ཕ་རོལ་ཏུ་ཕྱིན་པའི་མདོ་རྒྱས་འབྲིང་བསྡུས་པ་གསུམ་དུ་གསུངས་པར་ནི་ཀུན་མཐུན། བོད་ཀྱི་མཁས་པ་སྔ་རབས་རྣམས་རྒྱས་པ་སྐོར་གསུམ་དུ་འབྱེད་དེ། 
7-169
ཤེར་ཕྱིན་བྱེ་བ་ཕྲག་བརྒྱ་པ་ལྷ་ཡུལ། འབུམ་ཕྲག་བརྒྱ་པ་དྲི་ཟ། སྟོང་ཕྲག་བརྒྱ་པ་ཀླུའི་ཡུལ་ན་ཡོད་པར་འཆད་ཀྱང་འཕགས་པའི་ཡུལ་ན་གཏམ་འདི་མེད་པ་འདྲ་སྟེ། སློབ་དཔོན་ཧ་རི་
བྷ་དྲའི་བརྒྱད་སྟོང་འགྲེལ་པར། རྒྱས་པ་ད་ལྟའི་འབུམ་སྟོང་ཕྲག་བརྒྱ་པ་འདི་དང་། འབྲིང་པོ་ཉི་ཁྲི། བསྡུས་པ་བརྒྱད་སྟོང་པ་ལ་བཞག་ཅིང་། ཁྲི་བརྒྱད་སྟོང་དང་། ཤེས་རབ་ཁྲི་པ་ཡུལ་འགའ་ཞིག་
ན་སྤྱོད་པར་གསུངས་ཀྱི་གཞན་མ་གསུངས་པས་སོ། །འབུམ་འདི་ཡང་ཀླུ་སྒྲུབ་ཀྱིས་ཀླུའི་ཡུལ་དུ་བྱོན་ནས་ཀླུའི་རྒྱལ་པོ་འཇོག་པོ་ནད་ལས་ཐར་བར་བྱས་པའི་གཏང་རག་ཏུ་བཞེས་ནས་འཛམ་བུ་གླིང་
དུ་བསྣམས་པ་ཡིན་ལ། འདིའི་རྟག་ཏུ་ངུའི་ལེའུ་མན་སླར་འབྱོན་དགོས་པའི་དོན་དུ་ཀླུས་བཟུང་། ། ད་ལྟ་དེའི་ལེའུ་མན་ཉི་ཁྲིའི་ཞབས་དང་མཐུན་པར་གྲགས། དེ་བཞིན་ཉི་ཁྲི་སོགས་བཞི་ཡང་དེ་ཉིད་
ནས་སྤྱན་དྲངས་པ་སྟེ། དེ་སྔ་དེ་དག་འཛམ་བུ་གླིང་པས་དངོས་སུ་སྤྱོད་པ་མེད་དོ། །དེའི་ཕྱིར་འདི་དག་ལ་ཉན་ཐོས་སེན་དྷ་པས་ཀླུ་སྒྲུབ་ཀྱི་ཟོག་ཆོས་སོ་ཞེས་སྨྲ་བར་གྲགས་སོ། །
དེ་ལས་གཞན་པའི་ཐེག་པ་ཆེན་པོའི་མདོ་རྣམས་ཀྱང་དེའི་ཚེ་རྒྱ་གར་ན་སྤྱོད་པ་ཉུང་། །ཕྱིས་སློབ་དཔོན་འདིས་གཞན་དང་གཞན་ལས་དང་ཐོགས་མེད་ཀྱིས་དགའ་ལྡན་ནས་སྤྱན་དྲངས་པས་མང་པོར་གྱུར་པ་དེ། 
7-170
ཐེག་ཆེན་བཀར་སྒྲུབ་དགོས་པའང་འདི་ལ་དགོངས་ནས་མདོ་སྡེ་རྒྱན་དུ། སྔར་ལུང་མ་བསྟན་ལྷན་ཅིག་བྱུང་། །སོགས་གསུངས་སོ། །དེའི་ཕྱིར། སློབ་དཔོན་འདི་མ་བྱོན་ཕན་ཉན་ཐོས་ཀྱི་བསྟན་པ་ཁོ་ན་དར་
ལ། དེ་ནས་དེ་དག་བྲི་ཐེག་པ་ཆེན་པོ་ཆེས་རྒྱས་པར་གྱུར་པ་ཡིན་ནོ། །དེ་ལ་འབུམ་པ་ནས། ཡི་གེ་གཅིག་མའི་བར་དུ་གསུངས་པ་ལ་བརྗོད་བྱེད་རྒྱས་བསྡུས་ནི་མངོན་སུམ་དུ་གྲུབ་
ལ། དོན་ལ་རྒྱས་བསྡུས་ནི་མེད་དེ། ཡི་གེ་ཨ་ཞེས་བྱ་བ་ནི་ཆོས་ཐམས་ཅད་བརྗོད་པའི་སྒོའོ། །ཞེས་གསུངས་པས་སོ། །དེ་བས་ན་སྙིང་པོའི་དོན་ཙམ་སྟོན་པ་སྲས་དང་མངོན་པར་རྟོགས་པ་
བརྒྱད་སྟོན་པས་ཡུམ་གྱི་མདོ། དང་པོ་ལ་བཅུ་གཅིག །ཕྱི་མ་ལ་དྲུག་ཏུ་འབྱེད་པའང་རིགས་པ་མ་ཡིན་ཏེ། རྒྱས་པ་ལ་སོགས་པའང་དངོས་བསྟན་ལྟར་འགྲེལ་བའི་ཚེ། དེ་དག་ཀྱང་སྲས་སུ་ཐལ་
བར་འགྱུར་རོ། །དེ་དག་ཀླུ་སྒྲུབ་ཀྱིས་དངོས་བསྟན་དུ་བཀྲལ་བ་ནི་ཤེས་རབ་ཀྱི་བསླབ་པ་གཙོ་བོར་བསྟན་པར་སོང་བས། དེའི་ཚེ་ལུང་རྒྱས་འབྲིང་སོགས་མངོན་པའི་སྡེ་སྣོད་དུ་བཞག །ཡང་བྱམས་པའི་
མན་ངག་བཞིན་ཐོགས་མེད་ཀྱིས་སྦས་དོན་སྒྱུ་མ་ལྟ་བུའི་ལམ་རིམ་ཕྱེ་ནས་བཤད་པས། དེའི་ཚེ་ལྷག་པ་སེམས་ཀྱི་བསླབ་པ་གཙོ་བོར་བཏོན་པས་མདོ་སྡེར་བཞག །དེའི་དབང་གིས་འགྱུར་མཛད་པ་རྣམས་ཀྱི་མཆོད་པར་བརྗོད་པར་ཡང་། །
7-171
སངས་རྒྱས་དང་བྱང་ཆུབས་མས་དཔའ་ཐམས་ཅད་ལ་ཕྱག་འཚལ་ལོ་ཞེས་འབྱུང་། །དོན་དུ་ནི་བྱང་ཆུབ་སེམས་དཔའི་འདུལ་བ་ཡང་འདི་ཉིད་ཡིན་པས་ཆོས་ཀྱི་མ་མོའི་སྙིང་པོ་ཡིན་པས། སྔོན་གྱི་གཏམ་
ལ་བསྟན་པའི་སྙིང་པོ་ཡིན་པས་ཕར་ཕྱིན་སློབས་ཞེས་གྲགས་པ་ཡིན་ནོ། །དེ་བས་ན་མདོ་དེ་དག་གི་ནང་ནས་འབུམ་ལེའུ་བདུན་ཅུ་རྩ་གཉིས། །བམ་པོ་སུམ་བརྒྱ་པའི་བརྒྱུད་ཡིག་ནི། རྗེ་བཙུན་
བྱམས་པ་མགོན་པོ། །འཕགས་པ་ཐོགས་མེད། མཁས་མཆོག་དབྱིག་གཉེན། སློབ་དཔོན་བློ་བརྟན། རིག་པའི་ཁུ་བྱུག །ཆེ་བའི་སྡེ། སློབ་དཔོན་བཟང་པོའི་ཞབས། མར་མེ་མཛད་བཟང་པོ། །གངྒཱ་དྷཱ་ར། ཀ་ན་ཀ་ཤྲཱི།
པུ་ཎྱེ་ཤྲཱི་མི་ཏྲ། ཁ་ཆེ་དྷརྨ་ཤྲཱི། བ་རེག་ལོ་ཙ་བ་རྒྱལ་མཚན། བག་རེག་སྟོན་སྐྱབས། དགེ་བསྙེན་ཡོན་ཏན་ཀུན་དགའ་རྒྱལ་པོ། །བླ་མ་བཀྲ་ཤིས་རྡོ་རྗེ། བླ་མ་འོད་ཟེར་ཤེས་རབ།
བྲག་སྟོན་སྤྱིལ་པོ་པ། དར་མ་འོད་ཟེར། ཞང་ཆོས་ཀྱི་བླ་མ། སློབ་དཔོན་ཇོ་བཙུན། སློབ་དཔོན་བསམ་གཏན་གྲུབ། འདུལ་འཛིན་སེའུ་པ་བློ་གྲོས་བཟང་པོ། མཉྫུ་གྷོ་ཥ་རཏྞ། འདུལ་འཛིན་སྟན་གཅིག་པ་
བློ་གྲོས་བྱང་ཆུབ། །སློབ་དཔོན་ཤཱི་ལ་བྷ་དྲ། སློབ་དཔོན་བསོད་ནམས་སེང་གེ། །རིན་པོ་ཆེ་གྲགས་སྟོན་པ། བླ་མ་རིན་ཆེན་གྲགས་པ། ། རྗེ་བཙུན་བཀའ་འགྱུར་བ་ཤཱཀྱ་རྒྱལ་མཚན། རིན་པོ་ཆེ་རིན་ཆེན་ཟླ་བ། 
7-172
གཏེར་མཛོད་རབ་འབྱམས་རིན་ཆེན་འབྱུང་གནས། རྡོ་རྗེ་འཛིན་པ་བསྟན་པ་རྒྱ་མཚོ། དཔལ་འབྲུག་པ་རིན་པོ་ཆེ་ངག་དབང་ཆོས་ཀྱི་རྒྱལ་པོ། །རྒྱལ་ཚབ་དམ་པ་གཅུང་རིན་པོ་ཆེ། དེས་པདྨ་དཀར་པ་
ལའོ། །སྡུད་པའང་དེ་དང་གཅིག་གོ། །(སུམ་བརྒྱ་) ཉི་ཁྲིའི་ལེའུ་བདུན་ཅུ་རྩ་དྲུག །བམ་པོ་བརྒྱད་ཅུ་རྩ་གསུམ་པའི་བརྒྱུད་པ་ནི། རྗེ་བཙུན་བྱམས་པ་མགོན་པོ། །འཕགས་པ་ཐོགས་མེད། དབྱིག་གཉེན། འཕགས་པ་
གྲོལ་སྡེ། བཙུན་པ་གྲོལ་སྡེ། མཆོག་གི་སྡེ། དུལ་བའི་སྡེ། རྣམ་པར་སྣང་མཛད་བཟང་པོ། །སློབ་དཔོན་སེང་གེ་བཟང་པོ། སངས་རྒྱས་ཡེ་ཤེས་ཞབས། གུ་ཎ་མི་ཏྲ། རདྣ་བྷ་དྲ། སློབ་དཔེན་ཤཱནྟི་པ།
པཎྜི་ཏ་འབུམ་ཕྲག་གསུམ་པ། རྔོག་ལོ་ཙ་བ་བློ་ལྡན་ཤེས་རབ། འབྲེ་ཆེན་པོ་ཤེས་རབ་འབར། ཨར་བྱང་ཆུབ་ཡེ་ཤེས། ཁུ་སྟོན་ཤེས་རབ་བརྩོན་འགྲུས། དཀར་ཆུང་རིང་མོ། །གཞོན་ནུ་ཚུལ་ཁྲིམས། ཞང་
གཡེ་པ་ཆེན་པོ། །བླ་མ་གཉལ་ཞིག་པ། རྒྱ་ཤེས་རབ་དབང་ཕྱུག །གཙང་ཆུ་མིག་པ་སེང་གེ་དཔལ། དགེ་བའི་བཤེས་གཉེན་ལྷོ་བྲག་པ། མཁས་པ་དབེན་དགེ་བ། སློབ་དཔོན་རྒྱུད་བླ་བ་རྡོ་རྗེ་
རིན་ཆེན། མཐའ་རྩའི་སློབ་དཔོན་ཆོ་སྒོ་བ་ཤཱི་ལ་བྷ་དྲ་མན་འདྲ། ཁྲི་བརྒྱད་སྟོང་པ་ལེའུ་གྱ་གཉིས་པ་བམ་པོ་དྲུག་ཅུ་པའི་ལུང་བརྒྱུད་ནི། ཤཱནྟི་པ་ཡན་འདྲ། དེ་ནས་སྨྲྀ་ཏི། རོང་པ་ཆོས་བཟང་། 
7-173
མངའ་རིས་པ་ཚུལ་དབང་། །ལ་སྟོད་པ་དབང་རིན། བླ་མ་བཀྲ་ཤིས་རྡོ་རྗེ། སྤང་ཁྲོད་འདུལ་འཛིན་ཆེན་པོ། །འཛད་ར་ལྔ་པ་ཤེས་རབ་མཚོ། །བླ་མ་དར་མ་འོད་ཟེར། བླ་མ་བློ་གྲོས་རྒྱལ་
མཚན། མཁས་པ་བྱང་ཆུབ་འབུམ། བླ་མ་བྱང་ཆུབ་རྒྱལ་པོ། །བླ་མ་བསོད་ནམས་ཤེས་རབ། མཐའ་རྩ་བ་གཞོན་ནུ་དར། རིན་པོ་ཆེ་གྲགས་དོན་པ། བཀའ་འགྱུར་བ་ཤཱཀྱའི་མཚན་ཅན། རྡོ་རྗེ་གདན་པ།
རྡོར་འཛིན་ཀུན་དགའ་རྒྱལ་པོ། །མཁས་པའི་དབང་པོ་མན་འདྲ། །ཤེས་རབ་ཁྲི་པ་ལེའུ་སུམ་ཅུ་རྩ་གསུམ། །བམ་པོ་སུམ་ཅུ་རྩ་གསུམ་པའི་བརྒྱུད་པ་ནི། སྟོན་པ་སངས་རྒྱས། བྱམས་པ། གསེར་གླིང་པ་
ཆོས་ཀྱི་གྲགས་པ། ཇོ་བོ་རྗེ། འབྲོམ་སྟོན་པ། ནམཁའི་གོ་ཆ། ཆག་དབང་ཕྱུག་རྒྱལ་མཚན། ལ་སྟོད་དཀོན་མཆོག་འབར། ལ་སྟོད་དབང་རིན། བླ་མ་བཀྲིས་རྡོ་རྗེ། སྤོང་ཁྲོད་འདུལ་འཛིན་པ། རྟ་ནག་པ་
སྒོམ་ཤེ། བླ་མ་དར་མ་འོད་ཟེར། བླ་མ་བློ་གྲོས་རྒྱལ་མཚན། བླ་མ་བྱང་ཆུབ་འབུམ། བླ་མ་མཚོ་དཀར་བ་བྱང་རྒྱལ། ཡ་ཀླུངས་པ་བསོད་ནམས་ཤེས་རབ། བླ་མ་གཞོན་ནུ་དར། རིན་པོ་
ཆེ་གྲགས་དོན་པ། བཀའ་འགྱུར་བ་ཤཀྱའི་མཚན་ཅན། ཆོས་རྗེ་རྡོ་རྗེ་གདན་པ། རབ་འབྱམས་རིག་པའི་གློང་འཕྲེང་། །རྡོ་རྗེ་འཛིན་པ་བསྟན་བརྒྱ་མཚོ་མན་འདྲ། བརྒྱད་སྟོང་པ་བམ་པོ་ཉེར་དྲུག །ལེའུ་སུམ་ཅུ་རྩ་གཉིས་པའི་བརྒྱུད་པ་ནི། 
7-174
སངས་རྒྱས། བྱམས་པ། ཐོགས་མེད། དབྱིག་གཉེན། འཕགས་པ་གྲོལ་སྡེ། བཙུན་པ་གྲོལ་སྡེ། མཆོག་གི་སྡེ། དུལ་བའི་སྡེ། རྣམ་སྣང་བཟང་པོ། །སློབ་དཔོན་སེང་གེ་བཟང་པོ། །སློབ་དཔོན་སངས་རྒྱས་ཡེ་ཤེས་ཞབས། ཡོན་
ཏན་ཤེས་རབ། རིན་ཆེན་རི་བོ་པ། ཟླ་བ་བཟང་པོ། འབུམ་ཕྲག་གསུམ་པ། རྔོག་ལོ་ཆེན་པོ། །འབྲེ་ཤེས་རབ་འབར། ཨར་བྱང་ཡེ། ཤེས་རབ་བརྩོན་འགྲུས། དཀར་ཆུང་རིང་པོ། ཞང་གཡེ་པ། གཉལ་ཞིག་
འཇམ་པའི་རྡོ་རྗེ། ཤེས་རབ་དབང་ཕྱུག །ཆུ་མིག་པ། ལྷོ་བྲག་པ། དབེན་དགེ་བ། རྡོ་རྗེ་རིན་ཆེན། ཆོས་སྒོ་བ་ཚུལ་ཁྲིམས་བཟང་པོ། བསོད་ནམས་སེང་གེ །རིན་པོ་ཆེ་གྲགས་དོན་པ། རྗེ་བཙུན་
བཀའ་འགྱུར་བ་ཆེན་པོ། །བླ་མ་རིན་ཆེན་ཟླ་བ། གཏེར་མཛོད་རབ་འབྱམས་རིན་ཆེན་འབྱུང་གནས། རྡོ་རྗེ་འཛིན་པ་བསྟན་པ་རྒྱ་མཚོ་མན་འདྲ། འཕགས་པ་རབ་ཀྱི་རྩལ་གྱི་རྣམ་པར་གནོན་པ། ཤློཀ་
ཉིས་སྟོང་ཆིག་བརྒྱ་དྲུག་ཅུ་སྟེ། བམ་པོ་འདུན། འཕགས་པ་བདུན་བརྒྱ་པ། བམ་པོ་གཉིས། འཕགས་ལྔ་བརྒྱ་པ། བམ་པོ་གཅིག །འཕགས་པ་རྡོ་རྗེ་གཅོད་པ་ཤློཀ་སུམ་བརྒྱ་བམ་པོ་གཅིག །འཕགས་པ་ཚུལ་
བརྒྱ་ལྔ་བཅུ་པ། འཕགས་པ་ལྔ་བཅུ་པ། འཕགས་པ་ཀཽཤི་ཀ །ཤློཀ་སུམ་ཅུ་རྩ་གཅིག །འཕགས་པ་ཤེས་རབ་སྙིང་པོ་ཤློཀ་རྩ་བརྒྱད། འཕགས་པ་སྒོ་ཉེ་ཤུ་རྩ་ལྔ་པ། འཕགས་པ་ཡི་གེ་ཉུང་ངུ་། 
7-175
ཤློཀ་སུམ་ཅུ་ཐམ་པ། ཤེར་ཕྱིན་ཡི་གེ་གཅིག་མ། འདི་རྣམས་ཀྱི་བརྒྱུད་པ་ནི། སྨྲྀ་ཏི་ཡན་འདྲ། དེ་ལ་རོང་ཟོམ་པ་ཆོས་ཀྱི་བཟང་པོ། །དེས་མངའ་བདག་མྱང་། དེས་སྲས་མྱང་རལ་མི་བསྐྱོད་
རྡོ་རྗེ། དེས་ལྷོ་པ་ཐམས་ཅད་མཁྱེན་པ། སྤང་ཁང་པ་གྲགས་རྒྱལ། ཤངས་པ་གྲགས་པ་སེང་གེ །སྤྱིལ་པོ་བ་འོད་ཤེ། བླ་མ་དར་མ་འོད་ཟེར། བླ་ཞིག་བྱང་ཆུབ་རྡོ་རྗེ། བླ་མ་ཡེ་
ཤེས་མགོན་པོ། །བླ་མ་སེང་གེ་རྒྱལ་མཚན། གར་ཐིག་པ་བསོད་རྒྱལ། མཁན་ཆེན་ཤེས་རབ་རྡོ་རྗེ། བླ་མ་ཆོས་དཔལ་ཤེས་རབ། སློབ་དཔོན་བསོད་ནམས་སེང་གེ། །རིན་པོ་ཆེ་གྲགས་དོན་པ། བླ་མ་
རིན་ཆེན་གྲགས་པ། བཀའ་འགྱུར་བ་ཤཱཀྱ་རྒྱལ་མཚན། ཐུབ་ཙུན་ཀུན་དགའ་རྣམ་རྒྱལ། རབ་འབྱམས་རིག་པའི་གློག་འཕྲེང་། རྡོ་རྗེ་འཛིན་པ་བསྟན་པ་རྒྱ་མཚོ་མན་འདྲའོ། །བཀའ་འགྱུར་བརྒྱུད་ཡིག་ལས་རྒྱུད་འབུམ་གྱི་
སྐབས། །རྡོ་རྗེ་སེམས་དཔའ་ལ་ཕྱག་འཚལ་ལོ། །ཕ་རོལ་ཕྱིན་ཐབས་རོལ་མཚོ་ལས་འཕགས་པ། །བྱ་སྤྱོད་རྣལ་འབྱོར་བླ་མེད་བང་རིམ་ཅན། །མཁའ་སྤྱོད་ཆེན་པོ་གྲུབ་པའི་གཞིར་གྱུར་པ། །གསང་སྔགས་ལྷུན་པོ་
རྟག་ཏུ་བསྔགས་པར་བགྱི། །ནམ་ཡང་རྙོག་པར་མ་ལངས་ཆོས་ཀྱི་སྡེ། །ཇི་བཞིན་ལམ་དུ་ཁྱེར་པས་དེ་ལྟ་བ། །མངོན་དུ་གྱུར་འདིས་སྤང་བླང་བཅོས་མའི་སྡེའི། །ཁེངས་པའི་རི་བོ་བསྙིལ་མཁས་རྣམས་ལ་འདུད། །
7-176
འོ་སྐོལ་གྱི་སྟོན་པས་ཨོ་རྒྱན་དུ་རྒྱལ་པོ་ཨནྡྲི་བྷཱུ་ཏི་ལ་གསང་བ་འདུས་པ་གསུངས་པ་དང་།ཡུལ་དབུས་སུ་གཟུངས་གྲྭ་ལྔ་ལྟ་བུ་ལ་སོགས་པའི་གསང་སྔགས་ཀྱི་ཆོས་མིའི་གདུལ་བྱ་ལ་
དངོས་སུ་བསྟན་པ་ཡོད་མོད་ཀྱང་ཐོར་བུར་ཟད་དེ་མ་ལུས་པ་ནི་སྟོན་པ་དགོངས་ལོ་དོན་དགུས་ནག་པའི་ཉ་ལ་རྒྱ་གར་ལྷོ་ཕྱོགས། (མན་ལུང་གུ་རུ་) སངས་རྒྱས་གསེར་ཐུབ་ཀྱི་བསྟན་པ་
ལ་དྲང་སྲོང་གྲུབ་པ་བརྙེས་པ་ཞིག་གིས་འབྲས་སོ་བའི་ཆར་ཕབ་དེ་ལ་རྨང་ལྷས་བཏིང་སྟོད་མི་རྫུ་འཕྲུལ་གྲུབ་པ་རྣམས་ཀྱིས་བཞེངས་པ་དཔལ་འབྲས་སྤུངས་ཀྱི་མཆོད་རྟེན་ཞེས་སྔ་རབས་པ་རྣམས་
བཞེད་ཀྱང་། རྡོ་རྗེ་གདན་པ་ཆེ་ཆུང་སྔོན་རྒྱལ་པོ་གསེར་མདོག་གི་དུས་འབྲས་སོ་བའི་ཆར་བབ་པ་ནས་འབྲས་སྤུངས་ཞེས་ཡུལ་དེ་ལ་གྲགས། དེར་སྟོན་པས་རྒྱུད་གསུངས་པའི་དུས་མཆོད་རྟེན་འདི་ལྷ་
རྣམས་ཀྱིས་བཞེངས་པ་ཡིན་དེས་པར་ལྡན་རྒྱུ་སྐར་གྱི་དཀྱིལ་འཁོར་ཆེན་པོར། ཤམྦྷ་ལའི་རྒྱལ་པོ་ཆེན་པོ་ཟླ་བ་བཟང་པོ་འཁོར་དང་བཅས་པ་ལ་གསུངས་ཏེ། འདི་ནི་ཆོས་ཀྱི་འཁོར་ལོ་གསུམ་པ་
བསྐོར་བ་ཡིན་ནོ། །དེ་ནས་སྡུད་པ་པོ་རྣམས་ཀྱིས་ལེགས་པར་བསྡུས། ཨུ་རྒྱན་དུ་རྒྱ་རིམ་པ་བདུན་གྱིས་བཏབ་ཏེ་མཁའགྲོ་མ་རྣམས་ལ་གཏད་དོ། །དེས་ན། ཤམྦྷ་ལ་དང་ཨུ་རྒྱན་གཉིས་སུ་དེ་ཀ་ནས་གསང་སྔགས་དར་བར་བཞུགས་ལ། 
7-177
སྟོན་པ་འདས་ནས་ཛམྦུའི་གླིང་གཞན་དུ་གསང་སྔགས་དངོས་སུ་སྤྱོད་པ་ཉུང་ངོ་། །ཕྱིས་བྲམ་ཟེའི་བུ་རབ་བྱུང་བ་སྒྲ་གཅན་འཛིན་བཟང་པོས་རྒྱལ་པོ་བི་སུ་ཀལྤ་ལས་རྙེད་དེ་བསྒྲུབས། ཀླུའི་རྣལ་འབྱོར་
མ་ལ་བརྟེན་ནས་བརྟུལ་ཞུགས་ཀྱི་སྤྱོད་པ་མཛད་པས་མཚན་ས་ར་ཧ་ཞེས་གྲགས་སོ། །དེ་ལས་ཀླུ་སྒྲུབ་ཀྱིས་གསན་པས་ཡུལ་དབུས་དང་ལྷོ་ཕྱོགས་སུ་ལེགས་པར་དར། གྲུབ་པ་བརྙེས་པའང་མང་དུ་
བྱོན་ནོ། །ཀླུ་སྒྲུབ་ཀྱི་དུས་ཀྱི་མཇུག་ཙམ་ལ་རྒྱ་གར་ཤར་ཕྱོགས་ཟ་ཧོར་གྱི་རྒྱལ་ཁམས་སུ་རྒྱལ་པོ་ཛའི་(རྒྱལ་པོ་ཙ་དང་ཛ་དོན་གཅིག །ཕལ་སྐད་ལ་རཱ་ཙ་དང་རཱ་ཛ་གང་ཡང་
ཡོང་བ་བཞིན་ནོ། །འདི་དང་རྒྱལ་པོ་རབ་གསལ་ཟླ་བ་དོན་གཅིག །འགའ་ཞིག་ཏུ་རྒྱལ་པོ་ཟླ་བའི་གོ་ཆ་ཞེས་ཀྱང་བྱུང་། དཀར་ཤཱཀྱ་གྲགས་ཀྱིས་འདི་ཤར་ལྷོའི་གྲོང་ཁྱེར་བ་ཊི་ཀོ་རེ་རུ་
སངས་རྒྱས་གཤེགས་ནས་ལོ་ཉི་ཤུ་ལ་བྱོན། རྒྱལ་པོ་ཛ་དང་ཅིག་ཅེས་འདོད་དེ་མྱུར་བ་འདྲའོ། །མདོ་དགོངས་འདུས་ལས། ལོ་ནི་བརྒྱ་དང་བཅུ་གཉིས་ན། །ཞེས་བྱུང་། ལུང་ཚིག་བརྒྱ་རྩ་བཅུ་གཉིས་ན་
ཞེས་པ་དང་ཤིན་ཏུ་འགྲིག །དང་སྒྲས་བཅད་ན་མྱུར་སྐྱོན། )ཁང་ཐོག་ཏུ་གསང་སྔགས་ཀྱི་པོ་ཏི་ཆར་དུ་བབས་པ་ལས་རྒྱལ་པོས་དོན་མ་འཚལ། འདིའི་དོན་ཤེས་པ་སུ་ཡོད་བཙད་བཅད་པས་ཡུལ་དབུས་ན་ཁྱིའི་སློབ་དཔོན་ཀུ་ཀུ་རཱ་ཛས་ཤེས་སོ་ཞེས་གསན་ནས་སྤྱན་འདྲེན་པའི་ཕོ་ཉ་བ་བཏང་བས། 
7-178
སློབ་དཔོན་དེའི་དོན་མ་མཐོང་ན་ལེགས་པར་མི་འགྱུར་གྱི་རེ་ཞིག་འདིར་བརྟག་པར་དགོངས་ཏེ་དཔེ་བསྐུར་ཞེས་ཕྱག་ཏུ་ལོན་ནས་གཟིགས་མ་མཁྱེན་ནས་རྨོངས་ཞེས་སྨྲེ་སྔགས་ཕྱུང་བ་ན་རྡོ་རྗེ་སེམས་
དཔའ་ཞལ་མཐོང་གི་སྒྲུབ་ཐབས་གོ་ནས་བསྒྲུབས་པས་གྲུབ། རྒྱུད་སྡེ་དེ་ཐམས་ཅད་ཀྱི་རྡོ་རྗེ་སློབ་དཔོན་དུ་གྱུར། རྒྱལ་པོ་འཁོར་བཅས་ཀྱང་རང་གི་གདུལ་སྐལ་དུ་གཟིགས་ནས་ཟ་ཧོར་དུ་གཤེགས་ཏེ་
གསང་སྔགས་དར་བར་མཛད། །འདི་ནི་ཀུ་ཀུ་རི་པ་ཆེན་པོ་ཞེས་བྱ་ལ། དེ་ལྟར་མཚན་འཇགས་པ་ཡང་མཚན་བཞིན་ཁྱི་མོ་བརྒྱ་ཕྱག་རྒྱར་བཞེས་པས་སོ། །པཎྜིཏ་འགྲོ་བཟང་སྙིང་པོར་བུ་སྟོན་གསུང་
སྟེ་སྔ་མ་ལྟར་ལེགསོ། །ཕྱི་མ་འདི་སྔ་མའི་སློབ་མ་ཆོས་ཀྱི་བར་གྲགས་པ་དེ་ཡིན། དེ་ལ་མར་པའི་བླ་མ་གཉིས་ཀྱིས་མ་ཡཱ་གསན་པར་བྱས་སོ། །དེ་ནས་བྱང་ཕྱོགས་ཁ་ཆེ་སོགས་
སུའང་ལེགས་པར་དར་རོ། །དེ་ཡང་ཡུལ་དབུས་དང་ལྷོར་ཕེབས་པ་ཕལ་ནི་ཨུ་རྒྱན་ནས་ཡིན་ལ། དུས་ཀྱི་འཁོར་ལོ་ནི་ཤམྦྷ་ལ་ནས་བླངས་ཏེ་ཙི་ལུ་པཎྜི་ཏ་དང་། དུས་འཁོར་ཞབས་ཆེན་པོས་
སོ། ། བོད་ཀྱི་ལོ་རྒྱུས་ཕལ་དུ་འདི་གཉིས་ཐ་དད་དུ་མཛད། སྔ་མ་སློབ་དཔོན་ཕྱི་མ་སློབ་བརྒྱུད་དུ་བྱས། ནགས་ཀྱི་རིན་ཆེན་གཅིག་ཏུ་བཞེད། ཡང་ཙི་ལུ་པའི་ལོ་རྒྱུས་འགའ་ཞིག་ན། དེ་ཨུ་རྒྱན་དུ་རྣལ་འབྱོར་མ་ཙི་ཏོ་ཞེས་པ་གཤིན་རྗེ་གཤེད་ལ་གྲུབ་པ་བརྙེས་པ་ཆང་ཚོང་མའི་རྣམ་པར་བཞུགས་པ་ཞིག་ལ་ནངས་ཅིག་རྣལ་འབྱོར་པ་མཐིང་ནག་རལ་པའི་ཐོར་ཚུགས་བཅིངས་ཤིང་། 
7-179
ཕྱག་རྒྱ་དྲུག་གིས་བརྒྱན་པ་སྟག་ཤམ་ཅན་ཅིག་འོངས་ནས་ཆང་ཉོས། །རིན་དུ་ཅི་དགོངས་གསུངས་པས་བུ་འདོད་ཟེར་། དེ་ནུབ་ཕྱག་རྒྱར་མཛད་དེ་བུ་འབྱུང་བར་ལུང་བསྟན་པའི་རྣལ་འབྱོར་པ་དེ། གླན་
ལོའི་ཕྱག་རྡོར་ལོ་རྒྱུས་ལས་ཕྱག་ན་རྡོ་རྗེ་རང་ངོ་། །སྲས་ཙི་ལུ་པ་ཟེར། གྲུབ་པ་སྡེ་འདུན་སོགས་ཀྱི་ལོ་རྒྱུས་ན་རྣོར་དབང་ཕྱུག་ཌོམྦི་ཧེ་རུ་ཀ །སྲས་ཏིལླི་པའོ་ཞེས་འབྱུང་། དེས་ན་
ཏེ་ལོ་དང་ཙི་ལུ་པ་གཅིག་ཏུ་བྱས། དུས་ཞབས་པ་ཆེན་པོའང་དེ། དུས་ཞབས་པ་ཆེ་བ་ཀླུའི་བྱང་ཆུབ་ཀྱི་སློབ་མར་བཞེད་པ་དང་གནད་གཅིག །དུས་ཞབས་པ་ཆུང་བའི་མཚན་འཛིན་པ་མང་
ཡང་དཔའ་པོ་ཡིད་འོངས་མཛད་པ་པོ་པའམ་སྔ་མ་ནི་དཔལ་ནཱ་རོ་པའོ་(འདི་ལ་རྒྱལ་སྲས་ན་ལནྡ་པ་ཞེས་གྲགས།)ཞེས་ཀྱང་ཇོ་ནང་པ་སོགས་བཞེད་མཁན་མང་ངོ་། །སློབ་དཔོན་ཏིལླི་པ་དང་
པདྨ་སམྦྷ་ཝ་སོགས་ཀྱི་མཛད་པའི་ཚུལ་ལ་ནི། འགའ་ཤིག་ཏུ་རྫུས་སྐྱེས། འགའ་ཞིག་ཏུ་མངལ་སྐྱེས་དེས་ཡུལ་ཡང་གཅིག་ཏུ་བཞག་པར་དཀའོ། །དེ་ཡན་རྒྱ་གར་དུ་རྒྱུད་བྲེང་ཆགས་སུ་བཞུགས་པ་ཉུང་
སྟེ་གསང་སྔགས་སྣོད་ལྡན་འགའ་རེ་ལས་ཀུན་ལ་གསང་བ་དམ་མོ། །བོད་དུ་ནི་མང་ལ་གསར་རྙིང་གི་ཐ་སྙད་ཀྱང་བྱུང་སྟེ། ཐ་སྙད་དེ་ཡང་སྨྲྀ་ཏིས་བསྒྱུར་བ་མན་ལ་གསར་མ་ཞེས་དང་། 
7-180
ལོ་ཆེན་རིན་ཆེན་བཟང་པོས་བསྒྱུར་བ་མན་ལ་གསར་མ། དེ་ཡན་ལ་རྙིང་མའོ་ཞེས་ཟེར་མཁན་གཉིས་ལས་པཎ་ལོ་གཉིས་ཀྱང་ལོ་ཆེན་སྔ་བས་ན། དེ་ནས་མཚམས་འཛིན་པ་འཐད། དེ་ཡང་སྔགས་
བསྒྱུར་ཚད་དེ་ལྟར་བཞག་པ་ནི་མ་ཡིན་ཏེ་བསྟན་པ་སྔ་དར་གྱི་སྐབས་སམ་ཡ་སུ་དེ་ཉིད་འདུས་པ་དང་། རྣམ་སྣང་མངོན་བྱང་དང་བསམ་གཏན་ཕྱི་མ་སོགས་དར། དེ་དག་རྙིང་མར་སུ་
ཡང་མི་འདོད་པས་སོ། །འོ་ན་གང་གིས་བཞག་ཅེ་ན། དེ་དུས་བཀའ་བླ་མེད་ཀྱི་རྒྱུད་སྒྲ་ཇི་བཞིན་དུ་དཔྱད་དོགས་བསྒྱུར་བར་མ་གནང་ལ། ལྐོག་ཏུ་སློབ་དཔོན་པདྨ་སོགས་ཀྱིས་པཎྜི་ཏ་མཛད།
བཻ་རོ་ཙ་ན་སོགས་སྐལ་ལྡན་རྣམས་ཀྱིས་གསངས་ཏེ་བསྒྱུར་བ་དོན་ལ་རྙིང་མ། ལོ་ཆེན་མན་ཀྱི་བླ་མེད་འགྱུར་བ་རྣམས་ལ་གསར་མ་ཞེས་བྱའོ། །དེ་དུས་ཏནྟ་སྡེ་བཅོ་བརྒྱད་སོགས་བསྒྱུར་བའི་
ཐོག་མར་གསང་འདུས། (བསྡུས་རྒྱུད་ལེའུ་བཅུ་བདུན་པ་མིན། འདི་གཉིས་མེད་རྣམ་རྒྱལ་ཆེན་པོ། །དེའི་ནང་ནས་སྤྲུལ་སོགས་ལས་འབྱུང་བའི་དབང་ཡང་བཤད། །) ཟླ་གསང་ཐིག་ལེ་སངས་རྒྱས་མཉམ་སྦྱོར་གསུམ་པོ་སྒྱུར་
བ་ཇི་ལྟར་གྲངས་སྙམ་ན། རྒྱུད་དེ་དག་གཏན་ལ་འབེབས་ལུགས་ཀྱི་ཁྱད་པར་ལས་གསར་རྙིང་གི་འགྲོས་གཉིས་རེ་ཡོད། དེས་ན་ལོ་ཆེན་རིན་ཆེན་བཟང་པོའི་ཕྱི་ནས་བླ་ཆེན་འབྲོག་མི་དང་། འགོས་དང་། 
7-181
ཁྱད་པར་བྱང་ཆུབ་སེམས་དཔའ་ཀུན་ཏུ་བཟང་པོའི་རྣམ་པར་འཕྲུལ་པ། རྒྱ་གར་ན་ཌོམྦི་ཧེ་རུ་ཀ །བོད་ཡུལ་ན་མར་པ་ལོ་ཙ་ཆོས་ཀྱི་བློ་གྲོས་ཞེས་སྙན་པ་འཇིག་རྟེན་གསུམ་གྱིས་བསྒྲགས་
པ་དེས་བསྐྱེད་རྫོགས་ཀྱི་གནད་བཤད་ཚོད་དུ་མ་ལུས་པར་ཤ་ཚོད་དུ་ཟོས་ཆོག་པ་འདི་བྱུང་བ་ཡིན་ནོ། །ཞེས་གླེང་བསླངས་ནས། ད་ནི་རྒྱུད་དེ་དག་གི་ལུང་གི་བརྒྱུད་པ་ནི་ཇི་ལྟ་
བུ་སྙམ་པ་དག་ལ་བཤད་པར་བྱ་སྟེ། ཐོག་མར་རྒྱུད་ཐམས་ཅད་ཀྱི་རྡོ་རྗེའི་ཚིག་རྣམ་པར་འབྱེད་པའི་ལྡེ་མིག་ལྟ་བུ་འཇམ་དཔལ་ཡེ་ཤེས་སེམས་དཔའི་མཚན་ཡང་དག་པར་བརྗོད་པ་ཕན་ཡོན་
དང་བཅས་པ་ཡིན་པས་དེ་ཐོག་མར་བཞག་པའི་བརྒྱུད་པ་ནི། སྟོན་པ་སངས་རྒྱས། དབང་པོའི་གཙུག་རྒྱན། པདྨའི་རྗེ། མཁས་པའི་རྗེ། སངས་རྒྱས་ཡེ་ཤེས། ལེགས་སྐྱེས། བཀྲིས་འོད་ལྡན། ཕྱོགས་ཀྱི་ཐར་པ། ཆོས་
ཀྱི་བསྲུང་བ། ཡེ་ཤེས་རྒྱ་མཚོ། ཆོས་ཀྱི་རྒྱལ་མཚན། སྲིད་པའི་དཔུང་གཅིག །གྲགས་པ་རྡོ་རྗེ། ཆོས་ཀྱི་གྲགས་པ། སངས་རྒྱས་དབྱངས། པཎྜིཏ་ཆེན་པོ་བ་ན་རཏྣ། རྒྱལ་བའི་དབང་པོ་ཀུན་དགའ་དཔལ་འབྱོར།
དཔལ་འབྲུག་པ་རིན་པོ་ཆེ་ངག་དབང་ཆོས་ཀྱི་རྒྱལ་པོ། །དེས་རྒྱལ་ཚབ་དམ་པ་གཅུང་རིན་པོ་ཆེ། དེས་པདྨ་དཀར་པོ་ལའོ། ། ཡང་ན། སྟོན་པ། འཇམ་དཔལ་ཡེ་ཤེས་སེམས་དཔའ། འཇམ་དཔལ་བཤེས་གཉེན། 
7-182
སྒེག་པའི་རྡོ་རྗེ། སུརྻ་སདྷི། དྷརྨ་བཛྲ། །མུདྲ་སིདྡྷི། དེ་ཝ་ཤྭར། དེ་ལ་སློབ་མ་གཉིས་ཏེ། ཤཱནྟི་གརྦྷ་དང་སྨྲྀ་ཏི། དང་པོས་སཱུརྱ་སིདྡྷི། དེས་བྱེ་ལུང་པ། དེས་རྔོག་གམ། སྨྲྀ་ཏིས་ཚོང་སྡེ་ངག་
གི་དབང་ཕྱུག །ཁམས་པ་ཤེར་རྡོར། རྔོག་ཆོས་རྡོར། མདོ་སྡེ། རྩགས་ཆོས་རྒྱལ། མཚུར་དུམ་བུ་ཁ་པ། གཟའ་མོ་པ། རྔོག་རིན་ཆེན་བཟང་པོ། །རྔོག་ཆོས་རྒྱལ། རྔོག་དོན་གྲུབ་དཔལ། རྔོག་སྟོན་རིན་པོ་ཆེ་
བདུན་པ་བྱང་ཆུབ་དཔལ། མཚུངས་མེད་རྒྱལ་དབང་རྗེ། ཡང་ན་འཇམ་དཔལ་བཤེས་གཉེན། སངས་རྒྱས་ཡེ་ཤེས་ཞབས། ནཱ་རོ་པ། རྐན་ལོ་དབང་ཕྱུག་བློ་གྲོས། འགར་སྟོན་རྡོར་སྙིང་། མྱང་སྟོད་ལྕེ་འབར། ལ་ཆོག་
ཁྲོ་སྟོན་ཀུན་དགའ་འོད་ཟེར། མཁན་པོ་ཆོས་རིན། བླ་མ་ཆོས་སྐུ་འོད་ཟེར། འཕགས་འོད་ཡོན་ཏོན་རྒྱ་མཚོ། །བུ་སྟོན་ཐམས་ཅད་མཁྱེན་པ་ནས་དུས་འཁོར་དང་མཐུན། ༡ དུས་ཀྱི་འཁོར་ལོ་ལ་རྩ་
རྒྱུད་ཀྱི་དུམ་བུ་དབང་མདོར་བསྟན། བསྡུས་པའི་རྒྱུད་ལེའུ་ལྔ་པ། རྒྱུད་ཕྱི་མ་དང་། སྦས་བཀོལ་དབང་རབ་བྱེད་དང་བཅས་པའི་བརྒྱུད་པ་རྭ་ལུགས་ནི། དང་པོའི་སངས་རྒྱས། ཆོས་རྒྱལ་ཟླ་བཟང་། ལྷ་དབང་
གཟི་བརྗིད་ཅན། ཟླ་བས་བྱིན་ལྷའི་དབང་ཕྱུག །སྣ་ཚོགས་གཟུགས། ལྷའི་དབང་ལྡན་ཏེ་ཆོས་རྒྱལ་བདུན། རིགས་ལྡན་འཇམ་དབྱངས་གྲགས་པ། པདྨ་དཀར་པོ་གཉིས། འཇམ་དབྱངས་སྤྲུལ་པ། ཙི་ལུ་པ། པིཎྜོ་ཨ་ཙཱརྱ། དུས་ཞབས་པ་ཆེ་བ། 
7-183
ཆུང་བ། མིཉྫུ་ཀཱིརྟི། ས་མནྟ་ཤྲཱི། རྭ་ལོ་ཙ་བ་ཆོས་རབ། རྭ་ཡེ་ཤེས་སེང་གེ །རྭ་འབུམ་སེང་། རོང་པ་རྒྭ་ལོ། བླ་མ་ཤེས་རབ་སེང་གེ །བླ་མ་རྡོ་རྗེ་རྒྱལ་མཚན་པ། ཐམས་ཅད་
མཁྱེན་པ་བུ་སྟོན། འབྲོ་ལུགས་ནི། རིགས་ལྡན་པདྨ་དཀར་པོ་ནས། བཟང་པོ་རྣམ་རྒྱལ། བཤེས་གཉེན་བཟང་པོ། །ཕྱག་དམར། ཁྱབ་འཇུག་སྦས་པ། ཉི་མ་གྲགས། ཤིན་ཏུ་བཟང་། རྒྱ་མཚོ་རྣམ་རྒྱལ། རྒྱལ་དཀའ། ཉི་
མ། སྣ་ཚོགས་གཟུགས། ཟླ་འོད། མཐའ་ཡས། ས་སྐྱོང་། དཔལ་སྐྱོང་། དུས་ཞབས་པ་ཆེ་བ། ཆུང་བ། ཁ་ཆེ་ཟླ་མགོན། སྒོམ་པ་དཀོན་མཆོག་སྲུངས། སྒྲོ་སྟོན་གནམ་ལ་བརྩེགས། ཡུ་མོ་མི་བསྐྱོད་རྡོ་རྗེ། སྲས་
དྷརྨེ་ཤྭ་ར། ནམཁའ་འོད་ཟེར། སེ་མོ་ཆེ་པ་མཁའ་རྒྱལ་མཚན། འཇམ་གསར་ཤེས་རབ་འོད་ཟེར། ཀུན་མཁྱེན་ཆོས་སྐུ་འོད་ཟེར། ཀུན་སྤངས་ཐུགས་རྗེ་བརྩོན་འགྲུས། བྱང་སེམས་རྒྱལ་བ་ཡེ་ཤེས། འཕགས་འོད། བུ་
སྟོན། དེ་ལ་དུས་ཀྱི་འཁོར་ལོ་བཤད་པའི་སྲས་ཀྱི་གཙོའི་གསུམ་ནི། ཐུགས་སྲས་ལོ་ཙ་བ། དཔལ་ལྡན་བླ་མ་དམ་པ། མཁན་ཆེན་དྷརྨ་ཤྲཱིའོ། །ཐུགས་སྲས་པ་ནས་དུས་ཞབས་པ་དོན་གྲུབ་ཀུན་དགའ།
རྗེ་བྱམས་པ་གླེང་པ་བསོད་ནམས་རྣམ་རྒྱལ། རྒྱལ་དབང་རྗེ་ལའོ། ། དཔལ་ལྡན་བླ་མ་དམ་པ། གཟུངས་ཀྱི་དཔལ། བཟང་རྒྱན། ཐར་པ་དཔལ་བཟང་། དམར་སྟོན། མཁན་ཆེན་ཀུན་དགའ་རྒྱལ་མཚན། ཡང་ན་གོང་གསུམ་པ་དྷརྨ་ཤྲཱི། 
7-184
རྗེ་ཙོང་ཁ་པ། མཁན་ཆེན་ཀུན་དགའ་རྒྱལ་མཚན། ནམཁའ་དབང་ཕྱུག །མཁས་པའི་དབང་པོ། །རྡོ་རྗེ་འཛིན་པ་བསྟན་པ་རྒྱ་མཚོ། །འབྲུག་པ་རིན་པོ་ཆེ། མཁས་བཙུན་ཡོན་ཏན་རྒྱ་མཚོ་ནས། ཀུན་མཁྱེན་དོལ་
བུ་སངས་རྒྱས། མངའ་རིས་པ་ཕྱོགས་ལས་རྣམ་རྒྱལ། ལྷ་ཁང་སྟེང་པ་སངས་རྒྱས་རིན་ཆེན། འགོས་ལོ་ཙ་བ་གཞོན་ནུ་དཔལ། མཚུངས་མེད་རྒྱལ་བའི་དབང་པོ། །ཡང་ན། བུ་སྟོན། རྒྱལ་ལྷ་ཁང་པ་བླ་
མ་དབང་རིན། མཁན་པོ་ཤཱཀྱ་ཤྲཱི། འགོས་ལོ་ཙ་བས་སོ། །དུས་ཞབས་པས། རྡོ་རྗེ་གདན་པ། དེ་ལ་བོ་དྷི་བྷ་དྲ་དང་། ས་དྷུ་པུ་ཊ་གཉིས། བོདྷི་བྷ་དྲ་ལ། ཙ་མི་དང་ཨ་བྷ་
ཡ། ཨ་བྷི་ཛུཀྟ་གསུམ། མཉྫུ་ཀཱིརྟི་དང། ཨ་བྷ་ཡ་གཉིས་ཀ་ནཱ་རོ་པའི་སློབ་མ། ཙ་མི་སངས་རྒྱས་གྲགས་པ་དང་། ཨ་བྷ་ཡ་གཉིས་ལ། སེ་ལོ། དེས་གཉོས་དར་མ་འོད་ལ། དེས་དུས་
འཁོར་བ་བཀྲ་ཤིས་རིན་ཆེན་ལ། དེས་དུས་འཁོར་བ་སངས་རྒྱས་རྡོ་རྗེ་ལ། དེས་གྲུབ་ཐོབ་ཨུ་རྒྱན་པ་ལ། དེས་ཤོང་རྡོ་རྗེ་རྒྱལ་མཚན། གཅུང་བློ་བརྟན། དེས་སྒྲ་ཚད་པ་རིན་ཆེན་རྒྱལ་མཚན།
ལོ་ཙ་བ་མཆོག་ལྡན་ལེགས་བློ། །དེས་སྐྱི་སྟོན་འཇམ་དབྱངས། །ཀུན་མཁྱེན། ཡང་ན། ཨུ་རྒྱན་པ་ནས། ཆོས་ཀྱི་རྒྱལ་མཚན། དེ་ནས་བླ་མ་གར་ཐིག་པ། མཁན་ཆེན་ཤེས་རྡོར། བླ་མ་ཆོས་དཔལ་ཤེས་རབ། 
7-185
གྲགས་རྡོར་པ། གྲགས་པ་སྟོན་པ། རྔོག་བྱང་ཆུབ་དཔལ་པ། མཁན་ཆེན་ཀུན་དགའ་རྒྱལ་མཚན། ཡང་ན་རོང་པ་ཤེར་སེང་། སྐྱི་སྟོན། ཀུན་མཁྱེན་ཆེན་པོ། །ཡང་ན། སེ་མོ་ཆེ་པ་ནས། མངོན་གྲྭ་པ།
བོ་དོང་རིན་རྩེ། སྟག་སྡེ་བ་སེང་གེ་རྒྱལ་མཚན། དེ་ལ་ཤང་ལོ་ཙ་བ་རྡོ་རྗེ་རྒྱལ་མཚན་དང་དཔང་ལོ་ཙ་བ་གཉིས་ཀས་གསན། དང་པོས་རང་གི་གཅུང་བློ་བརྟན་མན་སྔ་མ་བཞིན།
གཉིས་པས་ལོ་ཆེན་བྱང་རྩེ། ལྷ་ཁང་པ་སངས་རྒྱས་རིན་ཆེན་མན་འདྲ། ཡང་དུས་ཞབས་པ་ཆུང་བ་ནས། ཤཱཀྱ་སེང་གེ་རྒྱལ་མཚན། གོ་ཏམ་དཔལ། མེ་དྷངྐ་ར་སྭཱ་མི། རིན་ཆེན་བཀྲ་ཤིས། རྒྱལ་
བའི་རྒྱལ་མཚན། བློ་ལྡན་རྗེ། ཤཱཀྱ་མཚོ། ལེགས་སྐྱེས། སངས་རྒྱས་དབྱངས། པཎ་ཆེན་ནགས་རིན། རྒྱལ་དབང་རྗེ། རྒྱུད་ཐམས་ཅད་ཀྱི་ཡང་སྙིང་དཔལ་འཁོར་ལོ་སྡོམ་པ་རྩ་བའི་རྒྱུད་ཉུངུ་ལེའུ་ལྔ་བཅུ་རྩ་གཅིག་
གི་བརྒྱུད་པ་ནི། རྡོ་རྗེ་འཆང་། རྣལ་འབྱོར་མ། ཏིལླི་པ། ནཱ་རོ་པ། མར་པ་ལོ་ཙ། མི་ལ་རས་པ། རས་ཆུང་པ་། སུམ་པ། གླིང་། ཡང་ན། ཟླ་འོད་གཞོན་ནུ། དཔལ་ཕག་གྲུ་པ། གྲུབ་
ཐོབ་གླིང་རས་། གཙང་པ་རྒྱ་རས། སངས་རྒྱས་དབོན། གཞོན་ནུ་སེང་གེ །ཉི་མ་སེང་གེ །སེང་གེ་ཤེས་རབ། སེང་གེ་རིན་ཆེན། སེང་གེ་རྒྱལ་པོ། །ཀུན་དགའ་སེང་གེ། རྡོ་རྗེ་རིན་ཆེན་བློ་གྲོས་སེང་གེ། །
7-186
ཤེས་རབ་སེང་གེ། ཡེ་ཤེས་རིན་ཆེན། ནམཁའ་དཔལ་བཟང་། ཤེས་རབ་བཟང་པོ། །རྒྱལ་དབང་རྗེ་མན་འདྲ། ཡང་ན། རྡོ་རྗེ་འཆང་། ཕྱག་རྡོར། ས་ར་ཧ། ནཱ་གཱརྫུ་ན། ཤ་བ་རི། ལཱུ་ཡི་པ། དཱ་
རི་ཀ་པ་དང་། ཌིངྒི་པ་གཉིས། དེས་རྡོ་རྗེ་དྲིལ་བུ་པ། རུ་སྦལ་ཞབས། ཛཱ་ལནྡྷ་རི་པ། ནག་པོ་སྤྱོད་པ། གུ་ཧྱ་པ། རྣམ་རྒྱལ་ཞབས། ཏིལླི་པ། ནཱ་རོ་པ། ཕམ་ཐིང་པ་སྐུ་མཆེད།
ཀློག་སྐྱ་ཤེས་རབ་བརྩིགས། མལ་གྱི་བློ་གྲོས་གྲགས། ས་ཆེན། རྗེ་བཙུན་སྐུ་མཆེད། ས་པཎ། འཕགས་པ། ཞང་དཀོན་མཆོག་དཔལ། ན་བཟའ་བྲག་ཕུག་པ་བློ་བརྟན། དཔལ་ལྡན་ཚུལ་ཁྲིམས། ཤར་པ་ཡེ་ཤེས་རྒྱལ་
མཚན། ངོར་ཆེན། ཡང་ན། ས་པཎ། འུ་ཡུག་པ་བསོད་སེང་། དབུས་པ་སངས་རྒྱས་འབུམ། དྷརྨ་སྲས། དྷརྨ་དྷྭ་ཚ། གར་ཐིག་པ་མན། ཡང་ན་ནཱ་རོ་པ། མ་ན་ཀ་ཤྲཱི། པུཛྙཱ་རཀྵིཏ། དེ་གཉིས་ཀྱིས་
ཀ་ན་ཀ་ཤྲཱི་ལ། དེ་དང་ཕམ་ཐིང་པ་གཉིས་ཀས་བྷ་དནྟ་པ་ལ། དེས་ལོ་ཆུང་གྲགས་འབྱོར་ཤེས་རབ། དམར་ཆོས་རྒྱལ། མངའ་རིས་པ་དཀོན་མཆོག་འབར། ཐུར་ལ་བ་ཚུལ་ཁྲིམས་སྐྱབས། རྒྱད་མཁར་
ཐང་སྤེལ་བ་འཕགས་པ་སྐྱངས། རྒྱང་རོ་གསེར་སྡིངས་པ་གཞོན་ནུ་འོད་ཟེར། མག་དགེ་སྡིངས་པ་ཀུན་མཁྱེན་ཆོས་སྐུ་འོད་ཟེར། འཕགས་འོད་ཡོན་ཏན་རྒྱ་མཚོ། །བུ་སྟོན་ཐམས་ཅད་མཁྱེན་པ། ཐུགས་སྲས་ལོ་ཙ་བ། 
7-187
རིན་ཆེན་ནམཁའ་མཆོག་གྲུབ་དཔལ་བཟང་པོ། །མཁས་པ་ཙནྡྲ། ཚུལ་ཁྲིམས་རྒྱལ་མཚན། སྐུ་ཞང་རིན་པོ་ཆེ་མཁྱེན་རབ་པ། འབྲུག་པ་རིན་པོ་ཆེ། ཡང་ཐུགས་སྲས་པ་ནས་ནོར་བུ་བཟང་པོ། །དེས་ཚུལ་ཁྲིམས་
རྒྱལ་མཚན། ཡང་། ནཱ་རོ་པ། །རྣལ་འབྱོར་ཐེག་ལེ་ཅན། པདྨ་དཀར་པོ། ཡེ་ཤེས་འཛིན། དགེ་བའི་བློ་གྲོས། སངས་རྒྱས་ཡེ་ཤེས། ལེགས་སྐྱེས། ཕྱོགས་གཏམ། ཆོས་གྲགས། རིན་ཆེན་གྲགས། པཎ་ཆེན་ནགས་རིན། རྒྱལ་དབང་
རྗེ། ཡང་ནཱ་རོ་པའི་དངོས་སློབ་ཀ་ན་ལ་ཤྲཱི། པྲཛྙཱ་རཀྵིཏ། ཁ་ཆེ་བྱང་ཆུབ་བཟང་པོ། །ཕམ་ཐིང་པ་བཞི། དེ་དག་གི་སློབ་མ་སུ་མ་ཏི་ལྔ་པ་མར་དོ་ཆོས་ཀྱི་དབང་ཕྱུག །གཟེ་
པ་བློན་ལྡན། གཟེ་པ་ཇོ་བདེ། མཆོག་སྡེ། སློབ་དཔོན་ཁུ་པ་ཁམས་པ། ལོ་མཆོག་པ། དཔལ་ལྡན་སེང་གེ །བུ་སྟོན་མན་འདྲ། ཡང་ཕམཐིང་པ་མཆེད། སུ་མ་ཏི་ཀཱིརྟི། མར་དོ། །གཟེ་པ་བློ་ལྡན་
ནས། དོན་གྲུབ་ཡེ་ཤེས། ཁམས་པ་ཤཱཀ་རྡོར། དབུས་པ་སངས་རྒྱས་འབུམ། ལོ་ཙ་བ་མཆོག་ལྡན། བླ་མ་འཁོན་སྟོན། འཇམ་དབྱངས་རིན་རྒྱལ། བླ་ཆེན་པ། རྒྱལ་བཟང་པ། སྤང་སྒང་པ། ས་བཟང་མ་ཏི།
ས་བཟང་འཕགས་པ། ངོར་ཆེན། རྒྱལ་མཚན་འོད་ཟེར། ཀུན་དགའ་རྒྱལ་མཚན །ནམཁའ་དབང་ཕྱུག །མཁས་པའི་དབང་པོ། །བསྟན་པ་རྒྱ་མཚོ།། བཤད་རྒྱུད་ངེས་བརྗོད་བླ་མ་ལེའུ་རེ་བརྒྱད་པ་དང་། རྣལ་འབྱོར་མ་ཀུན་སྤྱོད་ལེའུ་བཅུ་བདུན་མ་དང་། 
7-188
ཁྲག་འཐུང་མངོན་བྱུང་ལེའུ་ཞེ་བཞི་པ་གསུམ། རྩ་རྒྱུད་ས་པཎ་ནས་འུ་ཡུག་པ་བརྒྱུད་པ་དང་གཅིག །༩
༈ རྡོ་རྗེ་མཁའགྲོ་མ་ལེའུ་ལྔ་བཅུ་པ་དེའི་དུམ་བུ་དང་བཅས་པའི་བརྒྱུད་པ།
རྡོ་རྗེ་མཁའགྲོ་མ་ལེའུ་ལྔ་བཅུ་པ་དེའི་དུམ་བུ་དང་བཅས་པའི་བརྒྱུད་པ་ནི། རྡོ་
རྗེ་འཆང་། རྡོ་རྗེ་རྣལ་འབྱོར་མ། རཏྣ་ཤྲཱི། ཀཱ་ལྱ་ན། ཤཱནྟི། མ་ཏི་པ། པཏི་དེཝེནྡྲ། བྷུ་མི་ཤྲཱི། བི་མ་ལ་ཤྲཱི། ཤོང་བློ་བརྟན། ལོ་ཙ་བ་མཆོག་ལྡན། བདེ་བ་ཅན་པ་ཡེ་ཤེས་མགོན་
པོ། །བདེ་བ་ཅན་པ་ཡེ་ཤེས་རྒྱལ་མཚན་དང་། གར་ཐིག་པ་བསོད་ནམས་རྒྱལ། ༡༠ སྡོམ་འབྱུང་ལེའུ་སོ་གསུམ་པ་ནཱ་རོ་པ་ནས། དཱ་ན་ཤྲཱི། ག་ཡ་དྷ་རི། འབྲོག་མི་ལོ་ཙ་པ། མཚུར་
དབང་ངེ་། སྤུག་ཐམས་ཅད་མཁྱེན་པ། སྤུག་དྷརྨ་ཀེ་ཏུ། བྱ་རིན་ཆེན་འོད། བླ་ཆེན་སངས་རྒྱས་སྲས། སློབ་དཔོན་དཀོན་མཆོག་ཤེས་རབ། གར་ཐིག་པ་མན་འདྲ། ༡༡ མཁའ་འགྲོ་རྒྱ་མཚོ་ལེའུ་ལྔ་བཅུ་ང་
གཅིག་པའི་ལྔ་བཅུ་པ་ལ་རབ་བྱེད་ཉེར་བཞི་ཡོད་པའི་བརྒྱུད་པ་ནི། རྡོ་རྗེ་འཆང་། རྡོ་རྗེ་རྣལ་འབྱོར་མ། སྤྱན་རས་གཟིགས། བྱང་སེམས་བློ་གྲོས་རིན་ཆེན། དཔལ་ཤ་བ་ར། མཻ་ཏྲི་གུཔྟ། རྒྱ་
གར་ཕྱག་ན། ཀཱ་མ་ལ་བཛྲ། ཛ་ཡ་སེ་ནཱ། སུམ་པ་ལོ་ཙ་བ་དྷརྨ་ཡོན་ཏན། རྗེ་བཙུན་གྲགས་པ། ས་པཎ། རིན་ཆེན་སྐྱོབ་པ་དཔལ། རྒྱལ་ཚ་ཆོས་དབང། ལོ་མཆོག་མན་གོང་དང་འདྲ། 
7-189
༡༢ ནམཁའ་མཉམ་པའི་རྒྱུད་ལེའུ་ལྔ་པའི་བརྒྱུད་པ་ནི། རྡོ་རྗེ་འཆང་། ཕྱག་ན་རྡོ་རྗེ། མཁའ་འགྲོ་མ་རིན་ཆེན་རྡོ་རྗེ། བྲམ་ཟེ་སྐལ་པ་བཟང་མོ། །བྲམ་ཟེ་ཌིངྒི་པ། བྲམ་ཟེ་རི་ཁྲོད་པ།
ཛྙཱ་ན་བཛྲ། མདའ་ཤོད་ཤཱཀྱ་སེང་གེ །ལོ་སྟོན་རྡོ་རྗེ་སེང་གེ །གན་པ་སྟོན་དར། གན་པ་སོ་སྟོན། ཆོས་རྒྱལ། ཆོས་རིན། བླ་མ་གན་པ། མཁན་ཆེན་ཤེས་རྡོར་མན་འདྲ། ༡༣ ཕག་མོ་མངོན་
འབྱུང་རྩ་བའི་རྒྱུད་ཀྱི་བརྒྱུད་པ་ནི། རྡོ་རྗེ་འཆང་། ཡེ་ཤེས་མཁའ་འགྲོ་མ། ཏིལླི་པ། ནཱ་རོ་པ། པྲཛྙཱ་རཀྵིཏ། མེཉྫ་གླིང་པ། རྭ་རྡོར་གྲགས། རྭ་ཆོས་རབ། དྷརྨ་མ་སེང་གེ །དཀོན་མཆོག་སེང་གེ །
རྭ་ཤེར་རྒྱལ། བླ་ཆེན་པ། ཡེ་ཤེས་མགོན་པོ་མན་འདྲ། ༡༤ རྣལ་འབྱོར་མ་བཞིའི་ཁ་སྦྱོར་རྒྱུད་ཀྱི་བརྒྱུད་པ་ནི། རྡོ་རྗེ་འཆང་། བྱང་སེམས་བློ་གྲོས་རིན་ཆེན། ས་ར་ཧ། ཀླུ་སྒྲུབ། རི་ཁྲོད་
པ། མཻ་ཏྲི་པ། རྒྱ་གར་ཕྱག་ན། བ་རེག་གཙང་ཤོད་པ། སུམ་པ་འཇམ་མགོན། བ་རེག་རིན་ཆེན་འབར། བ་རེག་འོད་ཟེར། བ་རེག་ཇོ་འབུམ། སྟེང་བུ་ལུང་པ་ནམཁའ་འགྲོ། བ་རེག་བཀྲ་ཤིས །
ལོ་ཙ་བ་མཆོག་ལྡན། བླ་ཆེན། ཡེ་ཤེས་མགོན་པོ་མན་འདྲ། ༡༥ ཕག་མོ་མངོན་འབྱུང་ལེའུ་བཅུ་པ་དང་། ལེའུ་ཉེར་ལྔ་པ་གཉིས་རྩ་རྒྱུད་འུ་ཡུག་པ་བརྒྱུད་པ་དང་འདྲ་ཟེར་རོ། །༡༧ ར་ལྀ་སོ་གཉིས། 
7-190
༤༩ རྙོག་མེད། རྡོ་རྗེ་ཨ་ར་ལྀ། རྀཀྒི་ཨ་ར་ལི་གསུམ་དང་། བཅས་པའི་བརྒྱུད་པ་སྡོམ་འབྱུང་དང་མཐུན། ༥༢ དགྱེས་རྡོར་རྩ་བའི་རྒྱུད་བརྟག་པ་གཉིས་ལེའུ་ཉེར་གསུམ།(ཕྱེད་དང་བརྒྱད་བརྒྱ་) གུར་ལེའུ་
བཅོ་ལྔ་དང་(སྟོང་ཉེར་ལྔ་)བཅས་པའི་བརྒྱུད་པ་ནི། རྡོ་རྗེ་འཆང་། ཕྱག་རྡོར། ཏིལླི། ནཱ་རོ། མར་པ། རྔོག་ཆོས་རྡོར། མདོ་སྡེ། ཀུན་དགའ། གཟི་བརྗིད་གྲགས་པ། རིན་ཆེན་བཟང་པོ། །ཆོས་ཀྱི་རྒྱལ་མཚན།
དོན་གྲུབ་དཔལ། རྔོག་སྟོན་རིན་པོ་ཆེ་བདུན་པ་བྱང་ཆུབ་དཔལ། རྒྱལ་དབང་རྗེ། ནཱ་རོ་ནས་མཻ་ཏྲི་མར་པ་མན་འདྲ། ༥༤ སམྦུ་ཊ་བརྟག་པ་བཅུ་དེ་རེ་རེ་ལ་རབ་བྱེད་བཞི་བཞི་ཡོད་
པའི་བརྒྱུད་པ་ནཱ་རོ་པ་ནས། པྲཛྙཱ་རཀྵིཏ། བལ་པོ་ཐུགས་རྗེ་ཆེན་པོའམ་བླ་མ་མེཉྫ་གླིང་པ། རྭ་ལོ་ཙ་བ་ཆེན་པོ་རྡོ་རྗེ་གྲགས། རྔོག་ཆོས་རྡོར། དེ་མན་སྔ་མ་བཞིན། རྒྱུད་གསུམ་པོའི་
ས་ལུགས་ཀྱི་བརྒྱུད་པ་ནི། རྡོ་རྗེ་འཆང་། འདག་མེད་མ། བིརྺ་པ། ཌོམྦི་པ། ཨ་ལ་ལ་བཛྲ། ནགས་ཁྲོད་པ། གནྡྷ་རི་པ། བསོད་སྙོམས་པ་ཆེན་པོ། །(ཤྲཱིཛྙཱན་པཎ།) མི་ཐུབ་ཟླ་བ། དཔའ་བོ་རྡོ་
རྗེ། འབྲོག་མི་ལོ་ཙ་བ་ཤཱཀྱ་ཡེ་ཤེས། འཁོན་དཀོན་མཆོག་རྒྱལ་པོ། །ས་སྐྱ་པ་ཆེན་པོ། །སློབ་དཔོན་བསོད་ནམས་རྩེ་མོ། རྗེ་བཙུན་གྲགས་པ། ཆོས་རྗེས་འགྲོ་མགོན་ཆོས་རྒྱལ་འཕགས་པ། ཞང་མདོ་སྡེ་དཔལ། 
7-191
བླ་མ་འཇམ་སྐྱ་ནམཁའ་དཔལ། བླ་མ་དཔལ་ལྡན་སེང་གེ །བླ་མ་དམ་པ་བསོད་ནམས་རྒྱལ་མཚན། གདན་ས་ཐེལ་གྱི་མཁན་ཆེན་ཤེས་རབ་རྡོ་རྗེ། བླ་མ་ཆོས་དཔལ་ཤེས་རབ། མཁན་ཆེན་གྲགས་པ་
རྡོ་རྗེ། ཆོས་རྗེ་གྲགས་པ་དོན་གྲུབ། རྔོག་སྟོན་རིན་པོ་ཆེ་བྱང་ཆུབ་དཔལ་བ། དེ་ནས་མཁན་ཆེན་ཀུན་དགའ་རྒྱལ་མཚན་པ་དང་རྒྱལ་དབང་རྗེ་ནས་གང་འདོད། ཡང་ལུགས་གཅིག་ལ། འབྲོག་མི་ནས།
མངའ་རིས་པ་གསལ་བའི་སྙིང་པོ། །འཁོན་སྒྱེ་ཆུ་བ། ས་ཆེན་པ་སློབ་དཔོན་པ། རྗེ་བཙུན་པ། ཆོས་རྗེ་པ། འཕགས་པ། སློབ་དཔོན་སྟོན་གཞོན། བླ་མ་རྡོ་རྗེ་རྒྱལ་པོ། །ར་ཕུག་པ་མཁན་ཆེན་
དར་རྒྱལ། ས་བཟང་འཕགས་པ། མ་ཏི་པཎ་ཆེན། ས་བཟང་འཕགས་པ་གཞོན་ནུ་བློ་གྲོས། ངོར་ཆེན་ཀུན་དགའ་བཟང་པོ། །གུ་ཤྲི་རྒྱལ་མཚན་འོད་ཟེར། ཀུན་དགའ་རྒྱལ་མཚན་པ་མན་འདྲ། ༥༥ ཕྱག་ཆེན་
ཐིག་ལེ་ལེའུ་ཉི་ཤུ་རྩ་བརྒྱད་པ། ཡེ་ཤེས་ཐིག་ལེ་ལེའུ་སུམ་ཅུ་པ་གཉིས་ས་པཎ་ཡན་སྔར་བཞིན་ལ། དེ་ནས་ཁམས་སྟོན་འོད་ཟེར་རྒྱལ་མཚན། བླ་ཆེན་སངས་རྒྱས་སྲས། མཁན་ཆེན་རྒྱལ་བཟང་
དཔལ། ཆོས་རྗེ་གྲགས་པ་དཔལ། ས་བཟང་བཎ་ཆེན། ས་བཟང་འཕགས་པ། ངོར་ཆེན་པ། རྒྱལ་མཚན་འོད་ཟེར། ཀུན་དགའ་རྒྱལ་མཚན་མན་འདྲ། ཡེཤེས་སྙིང་པོ་ལེའུ་བཞི་པ། དེ་ཁོ་ན་ཉིད་སྒྲོན་མ། ཀྱེ་རྡོར་གསང་མཛོད་གསུམ། 
7-192
ཁམས་སྟོན་པ། བླ་ཆེན་སངས་རྒྱས་སྲས། བདེ་ཅན་པ་ཡེ་ཤེས་མགོན་པོ། །བདེ་ཅན་པ་ཀུན་ཡེ། བདེ་ཅན་པ་སེང་རྒྱལ། གར་ཐིག་པ་མན་འདྲ། མ་ཧཱ་མཱ་ཡཱའི་རྒྱུད་ལེའུ་གསུམ་པའི་བརྒྱུད་པ་
ནི། རྡོ་རྗེ་སེམས་དཔའ། ཀུ་ཀུ་རི་པ་ཆེན་པོ། ཆོས་ཀྱི་པ། ནཱ་རོ་པ། མར་པའམ། ཡང་ན་ཆོས་ཀྱི་པ་ནས་ཞི་བ་བཟང་པོ་སྟེ་ཀུ་ཀུ་རི་པ་ཆུང་བ། མར་པ། དེས་རྔོག་
ཆོས་རྡོར་དེ་ནས་རྒྱལ་དབང་རྗེའི་བར་བརྟག་གཉིས་བཞིན། ཡང་ན་རྔོག་མདོ་སྡེ་ནས། རྔོག་ཚ་ཆོས་སྐུ། རྔོག་ཚ་དཀོན་མཆོག་དཔལ། ཀློག་སྐྱ་དབང་ཕྱུག་གྲགས། ལྡོང་ཤེས་རབ་དཔལ། ཆོས་རྒྱལ་འཕགས་པ། བླ་
ཆེན་སངས་རྒྱས་སྲས་མན་གོང་དང་འདྲ། ༦༡ སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་མ་སྒྱུ་མ་བདེ་མཆོག་རྩ་བ་ལེའུ་བཅུ་པ། དེའི་རྒྱུད་ཕྱི་མ་རྟོག་པ་བཅོ་བརྒྱད་པ། ཕྱི་
མའི་ཕྱི་མ་རྟོགས་པ་དྲུག་པ་མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་མངོན་པར་འབྱུང་བའི་རྒྱུད་ཀྱི་རྒྱལ་པོ་ལེའུ་བཅུ་དགུ་པ་རྣམས་ཀྱི་བརྒྱུད་
པ་ནི། སངས་རྒྱས། བཛྲ་པཱཎི། རྡོ་རྗེ་གདན་པ་ཆེ་བ། འབྲིང་པོ། །ཆུང་བ། པུ་ཎྱ་ཤྲཱི་མི་ཏྲ། སྟེང་པ་ལོ་ཙ་བ་ཚུལ་ཁྲིམས་འབྱུང་གནས། སོ་ཐམས་ཅད་མཁྱེན་པ། སོ་འཇམ་གླིང་རྒྱན། ལྷོ་པ་ཐམས་ཅད་མཁྱེན་པ། 
7-193
གླན་བང་སོ་བ། རྒྱ་ཕོ་བ་ལུང་པ། ཡོན་ཏན་གྲགས་པ། གཉལ་པ་ཆོས་གྲགས། དབུས་པ་སངས་རྒྱས་འབུམ། ལོ་མཆོག །བླ་ཆེན་སངས་རྒྱས་སྲས་མན་འདྲ། ༦༨ གདན་བཞི་རྩ་རྒྱུད་བདག་གི །གཞན་གྱི།
གསང་བའི། སྦྱོར་བའི་གདན་ཏེ་བཞི་པོ་རེ་རེ་ལའང་བཞི་བཞིའི་ཕྱེ་བས་རིམ་པར་ཕྱེ་བ་བཅུ་དྲུག་པ་དང་། བཤད་རྒྱུད་ལེའུ་བརྒྱ་དང་གསུམ་མནྟ་ཨཾ་ས་རྣམས་ཀྱི་བརྒྱུད་པ། རྡོ་རྗེ་འཆང་། ཕྱག་
ན་རྡོ་རྗེ། ཀླུ་སྒྲུབ། ཨཱརྱ་དེ་ཝ། ཏིལླི་པ། ནཱ་རོ་པ། མར་པ། ཡང་ན། ནཱ་རོ་པ་ནས། རྣལ་འབྱོར་མ་རུས་པའི་རྒྱན་ཆ་ཅན་ཞེས་ནི་གུ་མས་མར་པ། ཡང་། ནཱ་རོ་པ། དགེ་
བའི་གོ་ཆ། སྡེའི་གོ་ཆ། རྣམ་རྒྱལ་དབང་པོའི་སྡེ། ཐང་ཆུང་བ། མར་པ། དེས་རྔོག་ཆོས་རྡོར། དེ་ནས་རྒྱལ་དབང་རྗེའི་བར་བརྟག་གཉིས་བཞིན། ཡང་ན། མདོ་སྡེ། རྩགས་ཆོས་རྒྱལ། རྒྱ་གསར་པ་མཚན་
རིན་ཆེན་འབུམ། བྱ་རིན་ཆེན་འོད། བླ་ཆེན་སངས་རྒྱས་སྲས་མན་འདྲ། ཡང་ན། རྔོག་མདོ་སྡེ། རྒྱལ་ཚ། རྔོག་ཚ་ཆོས་སྐུ། དཀོན་དཔལ། བྲན་སྟོན་པ་མཐའ་བྲལ། བྲན་ཤེས་རབ། མན་ལུང་གུ་རུ། ཀུན་
མཁྱེན། སངས་རྒྱས་རིན་ཆེན། སློབ་དཔོན་ཚུལ་མགོན། རྔོག་བྱང་ཆུབ་དཔལ། ༦༧ སངས་རྒྱས་ཐོད་པ་ལེའུ་བཅུ་བཞི་པའི་བརྒྱུད་པ། རྡོ་རྗེ་འཆང་། ཀླུ་ལས་བྱུང་བའི་རྣལ་འབྱོར་མ། ས་ར་ཧ། ཤ་བ་ར། 
7-194
ལཱུ་ཡི་པ། ཏིལླི། ནཱ་རོ་པ། མར་པ། ཡང་ན་ཤ་ཝ་རི། མཻ་ཏྲི་པ། མར་པ། མཚུར་སྟོན་དབང་ངེ། ཡང་ན། ནཱ་རོ་པ། དྷ་ར་ཤྲཱི། འབྲོག་མི། མཚུར་དབང་། སྤུག་ཐམས་ཅད་མཁྱེན་པ།
སྤུག་དྷརྨ་ཀེ་ཏུ། ཇོ་བརྟན་གཉའ་པ། བླ་ཆེན། བདེ་ཅན་པ། སེང་རྒྱལ། གར་ཐིག་པ། ཕྱག་རྡོར་གསང་བ་མངོན་པར་བསྟན་པ། ལེའུ་ཉེར་གཅིག་པ་དང་། བདུན་པའི་བརྒྱུད་པ་ནི། རྡོ་རྗེ་འཆང། ཕྱག་
རྡོར། ཙི་ལུ་པ། དེས་ལས་ཀྱི་རྡོ་རྗེ། དེས་ཐང་ལོ་པ། ཤིང་ལོ་པ། ཀརྞ་རི་པ། ཝ་ལ་ཙནྡྲ། རས་ཆུང་པ། སུམ་པ། གླིང་ངམ། ཡང་ན། ཝ་ལ་ཙནྡྲ། གླན་དར་མ་ཚུལ་ཁྲིམས། མི་
ལ། དེས་རས་ཆུང་པ་མན་བདེ་མཆོག་བཞིན། ཡང་ན། རྡོ་རྗེ་འཆང་། ཀླུ་སྒྲུབ། འབར་བའི་གཙོ་བོ། ཞིང་གི་རྡོ་རྗེ། རྔོག་ཤེར་གྲགས། རྔོག་ལྦ་བ་ཅན། འབྱུང་གནས་སེང་གེ །མདོ་སྡེ་སེང་གེ། །ཤཱཀྱ་
གཞོན་ནུ། བློ་ལྡན་སེང་གེ། བླ་མ་གཞོན་ཚུལ། སངས་དཔལ། སེང་རྒྱལ། གར་ཐིག་པ། ཕྱག་རྡོར་བདེ་ཁྲོས་ལེའུ་བཅུ་བདུན་པ་དུམ་བུ་གསུམ་པའི་བརྒྱུད་པ་ནི། སངས་རྒྱས། ཕྱག་རྡོར། ཡེ་ཤེས་དབང་ཕྱུག་
མ། ལས་ཀྱི་རྡོ་རྗེ། ཐང་ལོ་པ། ཤིང་ལོ་པ། གརྞ་རི་པ། ཝ་ལ་ཙནྡྲ། རས་ཆུང་པ། འབྲོ་སྒོམ་པ། ཟངས་རི་རས་པ། རླུངས་རི་འབུམ་གྲགས། ཤེས་རབ་རྒྱལ་མཚན། བྱ་རིན་ཆེན་འོད། བླ་ཆེན། 
7-195
བདེ་ཅན་པ་སེང་རྒྱལ། གཉིས་ཀ་ལ་གར་ཐིག་པས་གསན། འབྱུང་པོ་འདུལ་བྱེད་ཀྱི་རྒྱུད། ཨུཙྪ་ཌ་ཡཱའི་རྒྱུད། རྡོ་རྗེ་ས་འོག་ལེའུ་བདུན་པ། ཕྱག་ན་རྡོ་རྗེ་གོས་སྔོན་ཅན་གྱི་ཆོ་ག་ཞེས་
བྱ་བའི་གཟུངས། འཕགས་པ་ལག་ན་རྡོ་རྗེ་གསང་བ་བརྒྱད། ལག་ན་རྡོ་རྗེ་བཅུ་གཉིས་རྣམས་ཀྱི་བརྒྱུད་པ་གོང་བཞིན་ནོ། ། ཕྱག་ན་རྡོ་རྗེ་གོས་སྔོན་ཅན་གནོད་སྦྱིན་དྲག་པོ་ཆེན་པོ་རྡོ་རྗེ་
མེ་ལྕེ་ལེའུ་བཅོ་ལྔ་པའི་བརྒྱུད་པ་ནི །རས་ཆུང་པ་ཡན་གོང་བཞིན་ལ། དེ་ནས་གཤེན་ཆུང་བ། དཀོན་མཆོག་རྡོ་རྗེ། འོད་འབར། བཀྲ་ཤིས་གྲུབ། ཕུག་པོ་ཆེ་བ། ཤཱཀྱ་རྡོ་རྗེ། ཆོས་བཟང་། ཐུགས་
རྗེ་སེང་གེ། འཇམ་དབྱངས་། འཁོན་སྟོན། ལོ་མཆོག །གཞོན་ཚུལ་བ་མན་འདྲ། རྣམ་འཇོམས་གཟུངས་དང་། ཕྱག་ན་རྡོ་རྗེ་དྲག་པོ་གསུམ་འདུལ་ལེའུ་གསུམ་པའི་བརྒྱུད་པ་ནི། སངས་རྒྱས། རྣམ་འཇོམས། སངས་རྒྱས་གསང་པ།
གངྒཱ་དྷ་ར། མ་ཎི་བཛྲ། ཛ་ཡ་ཝརྨ། དྷརྨ་ཤྲཱི། ས་རི་པ། ཛ་པ་རི་པ། དེ་བ་པུ་རྞ་མ་ཏི། གློ་བོ་ལོ་ཙ་བ། ཆོས་ཀྱི་བཟང་པོ། །གཤིན་རིན་ཆེན་དངོས་གྲུབ། སྐྱི་སྐྱོན།
བསྲེགས་སྟོན། དམ་པ་གྲུ་ཤེ། །ཡི་སྟོན་པདྨ་ཅན། སློབ་དཔོན་ཇོ་བཙུན། སློབ་དཔོན་མདོ་སྡེ་དཔལ། གྲུབ་ཐོབ་ཨུ་རྒྱན་པ། ཆོས་ཀྱི་རྒྱལ་མཚན་པ། གར་ཐིག་པ། བླ་མ་ཤེས་རབ་རྡོ་རྗེ། བླ་མ་ཆོས་དཔལ་ཤེས་རབ་མན་འདྲ། 
7-196
དྲག་པོ་གསུམ་འདུལ། དྲག་པོ་གསུམ་འཇོམས། དྲག་པོ་ཚར་གཅོད་གསང་བའི་རྒྱུད་ཀྱི་བརྒྱུད་པ་ནི། གཤེན་སྟོན་ཡན་གོང་བཞིན། དེ་ནས། དམར་ཆོས་རྒྱལ། དམར་ཐུབ་པ་ཤེས་རབ། །དམར་ཤེས་རབ་རྡོ་རྗེ། དམར་
བརྩོན་འགྲུས་སེང་གེ །དམར་ཤཱཀྱ་གྲུབ། སློབ་དཔོན་སྟོན་སེང་། བླ་མ་ཀུན་བསོད། ཡང་ལུགས་གཅིག་ལ་གཤེན་སྟོན་རིན་ཆེན་གྲགས། སྐྱི་སྟོན་ཆག་ཆུང་ལོ་ཙ་བ། ཚོགས་ཟླ་བ། ཚོགས་བྱང་ཆུབ་གྲགས། ཚོགས་སྒོམ་
རིན་པོ་ཆེ། སྙིང་པོ་རྒྱལ་མཚན། བླ་མ་པར་སྡིངས་པ། བླ་མ་ཀུན་བསོད། གན་པ་རིན་རྒྱལ། གདན་ས་ཐེལ་གྱི་མཁན་པོ་ཤེས་རབ་རྡོ་རྗེ། བླ་མ་ཆོས་དཔལ་ཤེས་རབ་མན་འདྲ། ༧༤ མི་
གཡོ་བ་གཏུམ་པོའི་རྒྱུད་རིམ་པར་ཕྱེ་བ་ཉི་ཤུ་རྩ་ལྔ་པའི་བརྒྱུད་པ་ནི། མི་གཡོ་བ་རྒྱ་གར་ཤར་ཕྱོགས་ན་ལནྡའི་གནས་བརྟན་རཱ་ཧུ་ལ། རཱ་ཧུ་ལ་གཉིས་པ། རཏྣ་ཤྲཱི། ལོ་ཙ་
བ་གྲགས་རྒྱལ། ལོ་མཆོག །བླ་ཆེན་སངས་རྒྱས་སྲས། བདེ་བ་ཅན་པ། གར་ཐིག་པ། ཐེལ་མཁན་ཆེན་ཤེས་རྡོར་བ། ༧༥ རྡོ་རྗེ་བདུད་རྩིའི་བརྒྱུད་པ་ནི། རྡོ་རྗེ་འཆང་། ཡེཤེས་མཁའགྲོ་མ། འབར་བ་འཛིན།
སྤྱོད་པའི་རྡོ་རྗེ། དགེ་བའི་མགོན་པོ་རྣམ་རྒྱལ་ཞབས། ཏིལླི་པ། ནཱ་རོ་པ། སེནྟ་པ། མར་པ། མཚུར་དབང་། རོ་མཉམ་རྡོ་རྗེ། གསེར་རྗེ་བ། དགས་པོ་ཤ་བ་གླིང་པ། དགོན་པ་གླིང་པ། ཞང་རོང་ཁ་པ། 
7-197
སྤྲ་གཙང་པ། རྒྱ་ཡབ་སྲས། ཁམས་པ་ཤཱཀྱ་རྡོ་རྗེ། དབུས་པ་སངས་རྒྱས་འབུམ། ལོ་མཆོག །བླ་ཆེན་སངས་རྒྱས་སྲས། བདེ་བ་ཅན་པ་སེང་རྒྱལ། གར་ཐིག་པ། ཐེལ་གྱི་མཁན་ཆེན་ཤེས་རྡོར་བ་མན་
གོང་བཞིན། ༧༦ བདེ་ཆེན་རལ་པ་གཅིག་པའི་རྒྱུད་ཀྱི་བརྒྱུད་པ་ནི། རྡོ་རྗེ་འཆང་། ཁ་སརྤ་ཎ། བྱང་སེམས་བློ་གྲོས་རིན་ཆེན། ཏིལླི། ནཱ་རོ་པ། ནི་ཥ་ཀ་ལང་ཀ་ཤྲཱི། མི་ཏྲ་ཛུ་ཀི།
ཁྲོ་ཕུ་ལོ་ཙ་བ། རྡོ་རྗེ་དབང་ཕྱུག །ཞང་བསོད་ཤེ། གཞོན་ཚུལ། སངས་རྒྱས་དཔལ། སློབ་དཔོན་འབྲོམ་སྟོན། སེང་རྒྱལ། གར་ཐིག་པ། མཁན་ཆེན་ཤེས་རབ་རྡོ་རྗེ་མན་འདྲ། ༧༧ སྒྲོལ་མ་ཀུ་རུ་ཀུལླེའི་
རྟགས་པ་ལེའུ་ལྔ་པའི་རྒྱུད་པ་ནི། རྡོ་རྗེ་འཆང་། ཏིལླི། ནཱ་རོ་པ། སུ་མ་ཏི་ཀཱིརྟི། མར་དོ། །གཟེ་པ་བློ་ལྡན་སེང་གེ། ཇོ་བདེ། དོན་གྲུབ་ཡེ་ཤེས། དེ་གཉིས་ཀ་ལ་ཁམས་པ་ཤཱཀྱ་
རྡོ་རྗེས་ཞུས། དེས་དབུས་པ་སངས་རྒྱས་འབུམ། ལོ་མཆོག །སྒྲ་ཚད་པ་རིན་རྒྱལ། ཆོས་རྒྱལ། གར་ཐིག་པ་མན་འདྲ། ཡང་ན། སངས་རྒྱས། ཕྱག་རྡོར། ཛེ་ཏཱ་རི། མྱ་ངན་མེད་པའི་དཔལ། པཎྜི་ཏ་དོན་
ཡོད་རྡོ་རྗེ། བ་རི་ལོ་ཙ་བ། ས་ཆེན། རྗེ་བཙུན་སྐུ་མཆེད། ས་པཎ། རྒྱལ་ཚ་ཆོས་དབང་། རོང་པ་ཤེར་སེང། བག་སྟོན་གཞོན་ནུ་ཚུལ་ཁྲིམས། ས་བཟང་པཎ་ཆེན། ས་བཟང་འཕགས་པ། ངེར་ཆེན་པ། 
7-198
རྒྱལ་མཚན་འོད་ཟེར། ཀུན་དགའ་རྒྱལ་མཚན་མན་འདྲ། ༧༨ སྒྲོལ་མ་ཕྱག་འཚལ་ཉི་ཤུ་རྩ་གཅིག་མ་བླ་མེད་དུ་བཀྲལ་བའི་བརྒྱུད་པ་ནི། སྒྲོལ་མ། ཐམས་ཅད་མཁྱེན་པའི་བཤེས་གཉེན། ཉི་མ་སྦས་པ།
རྒྱ་མཚོ་སྐྱོང་། ཛེ་ཏཱ་རི་པ། ངག་དབང་གྲགས་པ། མ་ན་ཀཱ་ཤྲཱི། མལ་ལོ་ཙ། མཆིམས་བརྩོན་སེང་། འབྱུང་ཐམས་ཅད་མཁྱེན་པ། མཆིམས་བློ་བརྟན་དབང་ཕྱུག་རིན་ཆེན། ཁམས་པ་ཤཱཀ་རྡོར། དབུས་པ་སངས་
རྒྱས་འབུམ། ལོ་མཆོག །གཞོན་ཚུལ། བླ་མ་ཤེས་རབ་རྡོ་རྗེ་མན་འདྲ། ༧༩ རིགས་ཀྱི་འཇིག་རྟེན་མགོན་པོ་ལྔ་བཅུ་པའི་བརྒྱུད་པ་ནི། ཐུབ་པ། འཇམ་དཔལ། ཛེ་ཏཱ་རི། མྱ་མེད་པའི་དཔལ། རོལ་པའི་
རྡོ་རྗེ། དོན་ཡོད་རྡོ་རྗེ། བ་རི་ལོ་ཙ་བ། མཆིམས་བརྩོན་འགྲུས་སེང་གེ །དོན་ནེ། ཆོས་སེང་། མཆིམས་བློ་བརྟན། སངས་རྒྱས་འབུམ། ལོ་མཆོག །བླ་ཆེན་སངས་རྒྱས་སྲས། བདེ་ཅན་པ། གར་ཐིག་པ། ཐེལ་
མཁན་ཆེན་ཤེས་རྡོར་བ་མན་འདྲ། ༨༠
༈ དཔལ་ནག་པོ་ཆེན་པོ་མངོན་པར་འབྱུང་བ་ལེའུ་བདུན་བཅུ་རྩ་གཅིག་པའི་བརྒྱུད་པ།
དཔལ་ནག་པོ་ཆེན་པོ་མངོན་པར་འབྱུང་བ་ལེའུ་བདུན་བཅུ་རྩ་གཅིག་པའི་བརྒྱུད་པ་ནི། སངས་རྒྱས། ཡེ་ཤེས་ཀྱི་མཁའགྲོ་མ། ཀླུ་སྒྲུབ། པཎྜི་པ་ཆེ་ཆུང་གཉིས།
ཏིལླི་པ། ནཱ་རོ་པ། པྲཛྙཱ་རཀྵི་ཏ། རཏྞ་རཀྵི་ཏ། མཉྫུ་ཤྲཱི་ཀཱིརྟི། ས་མནྟ་ཤྲཱི། རྭ་ལོ་ཙ་བ་ཆོས་རབ། ཡེ་ཤེས་སེང་གེ། རྒྭ་ལོ། རྭ་ཤེར་སེང་། རྡོར་རྒྱལ། བླ་ཆེན་སངས་རྒྱས་སྲས། བདེ་བ་ཅན་པ་སེང་རྒྱལ། 
7-199
གར་ཐིག་པ་མན་འདྲ། ༨༢ མགོན་པོ་དངོས་གྲུབ་འབྱུང་བ་ལེའུ་ཉེར་ལྔ་པའི་བརྒྱུད་པ་ནི། །རྡོ་རྗེ་འཆང་། ཕྱག་རྡོར། ཨིནྡྲ་བྷུ་ཏི། ཀླུ་ལས་གྱུར་པའི་རྣལ་འབྱོར་མ། ས་ར་ཧ། ཀླུ་སྒྲུབ། ཨཱརྱ་
དེ་ཝ། ཀླུ་བྱང་། དུས་ཞབས་ཆེ་ཆུང་། རྡོ་རྗེ་གདན་པ། ཨ་བྷ་ཡའམ། རྟ་དབྱངས། ཨ་ཝ་དྷཱུ་ཏཱི་པ། ནག་པོ་སྤྱོད་པ་ཆོས་ཀྱི་རྡོ་རྗེ། །སཽ་རི་པ་བྱང་ཆུབ་བཟང་པོ། །རྡོ་རྗེ་གདན་
པ་ཆེ་བ། དེ་ལ་ཙ་མི་ལོ་ཙ་བ་སངས་རྒྱས་གྲགས་དང་། ཨབྷ་ཡཱ་ཀ་ར་གུཔྟ་གཉིས་ཀྱིས་གསན། དེ་གཉིས་ལ་དཔལ་རྒྭ་ལོ། །རྗེ་ཕག་མོ་གྲུ་པ། གླིང་རས། ཆོས་རྗེ་གཙང་པ་རྒྱ་
རས་མན་བདེ་མཆོག་རྩ་རྒྱུད་བཞིན་ནོ། །༨༣ གསང་བ་འདུས་པ་རྩ་བའི་རྒྱུད་ལེའུ་བཅུ་འདུན་པ། དེའི་རྒྱུད་ཕྱི་མ། དགོངས་པ་ལུང་སྟོན་ལེའུ་བཅུ་གཉིས་པ། བཤད་རྒྱུད་རྡོ་རྗེ་འཕྲེང་བ་ལེའུ་རེ་
བརྒྱད་པ། ཡེ་ཤེས་རྡོ་རྗེ་ཀུན་ལས་བཏུས་ཆེ་བ་རབ་བྱེད་ཞེ་གཅིག །ཆུང་བ་རབ་བྱེད་གཉིས། ལྷ་མོ་བཞི་ཞུས་ལེའུ་བཞི་པ་རྣམས་ཀྱི། མཁས་པ་པཎྜི་ཏའི་བརྒྱུད་པ་ནི། རྒྱལ་པོ་བི་སུ་
ཀལྤ། དེས་ས་ར་ཧ། དེས་ཀླུ་སྒྲུབ། དེ་ལ་སློབ་མའི་མཆོག་བཞི། ཨཱརྱ་དེ་ཝ། ཤཱཀྱ་བཤེས་གཉེན། ཀླུའི་བློ། །ཟླ་གྲགས། དེ་བཞིས་སློབ་པའི་རྡོ་རྗེ། དེས་ནག་པོ་སྤྱོད་པ། དེས་དྲི་མེད་བློ་གྲོས། 
7-200
དེས་ནུབ་དུ་ལ་ཀྵེ་ཊའི་མཁས་པ་ཡེ་ཤེས་སྙིང་པོ། །མར་པ། བརྒྱུད་པའི་གཙོ་པོ་ཀླུ་སྒྲུབ་ཉིད་དང་། ཀླུའི་བློ། ཀླུའི་བྱང་ཆུབ། (ནཱ་ག་བོ་དྷི་) མ་ཏཾ་ཀི་གསུམ་མཚན་རྣམ་གྲངས་སུ་བྱས་
པ་དེས། ཏིལླི་པ། དེས་མཁས་པ་ནཱ་རོ་པ། དེས་སྒྲ་བསྒྱུར་མར་པ། དེས་མཚུར་དབང་གི་རྡོ་རྗེ། དེ་ལ་ཁམས་པ་མི་མཉམ་རྡོ་རྗེ་དང་། འཁོན་གད་པ་ཀིརྟི་གཉིས། ཕྱི་མ་ལ་བྱང་ཁང་
པ་བསོད་ནམས་རིན་ཆེན། ཐུར་ལ་བ་ཚུལ་ཁྲིམས་སྐྱབས། ཐང་སྤེ་བ་འཕགས་པ་སྐྱབས། གསེར་སྡིངས་པ་གཞོན་ནུ་འོད་ཟེར། ཀུན་མཁྱེན་ཆོས་སྐུ་འོད་ཟེར། འཕགས་འོད་ཡོན་ཏན་རྒྱ་མཚོ། བུ་སྟོན་རིན་པོ་
ཆེ། དཔལ་ལྡན་བླ་མ་དམ་པ། བསོད་ནམས་སེང་གེ །ལྕང་གླིང་པ་གཞོན་ནུ་བློ་གྲོས། རྒྱལ་དབང་རྗེ། ཡང་ན། སློབ་པའི་རྡོ་རྗེ། ནག་པོ་བ། དེས་ས་འདྲེས། དེས་བྷངྒ་ལའི་མངོན་ཤེས་ཅན། དེ་
ལ་འགོས་ཁུག་པ་ལྷ་བཙས། མང་ར་སེང་གེ་རྒྱལ་མཚན། དེས་མཚུར་དབང་། ཡང་ན། འཇམ་དཔལ། སངས་རྒྱས་ཡེ་ཤེས། ནཱ་རོ་པ། མར་པའོ། །བདུན་ཀ་མཚུར་དབང་ངེ་ནས། རྒྱལ་ཕོ་བ་ལུང་པ། ཕུག་
མོ་ཆེ་བ། ཆུང་བ། པར་ཐང་པ། ཁམས་པ་བྱམས་དཔལ། སྟོད་ཀླུངས་གྲགས་འབུམ། བདེ་བ་ཅན་པ་སེང་རྒྱལ། གར་ཐེག་པ། ༧ གཉིས་མེད་རྣམ་རྒྱལ་ལེའུ་བདུན་ཅུ་རྩ་འདུན་པ། མར་པ་ཡན་འདྲ་བ་ལ། 
7-201
མཚུར་དབང་ངེ་། ཁམས་པ་བླེས་སྟོན། མངའ་རིས་སྟོན་ཆར། རྒྱ་ཕོ་བ་ལུང་པ། སྙེ་མདོ་བ་བསོད་ནམས་དཔལ། གཉལ་པ་ཆོས་གྲགས། བྱ་རིན་ཆེན་འོད། བླ་ཆེན་སངས་རྒྱས་སྲས། བླ་མ་ཆོས་ཀྱི་རྒྱལ་
མཚ། བླ་མ་བསོད་ནམས་འོད་ཟེར། བླ་མ་བསོད་ནམས་རྒྱལ་བ། བླ་མ་ཤེས་རབ་རྡོ་རྗེ། བླ་མ་ཆོས་དཔལ་ཤེས་རབ། གྲགས་རྡོར་བ། གྲགས་དོན་པ། རྔོག་བྱང་ཆུབ་དཔལ་པ། ༨ གཉིས་མེད་རྣམ་
རྒྱལ་ཆུང་བའི་བརྒྱུད་པ་ནི། ཕྱག་ན་རྡོ་རྗེ། རབ་གསལ་ཟླ་བ། སྒྲ་གཅན་འཛིན། སུ་བྷཱུ་ཏི་པ་ལི་ཏ་དང་། ཡེ་ཤེས་རྡོ་རྗེ་དང་། པྲཛྙཱ་སིདྡྷི་ལ། ཀུན་དགའ་སྙིང་པོ། པྲཛྙཱ་ཝ་ལ་ཏི་
རཾ། རབ་འབྱོར་བསྐྱངས་དྷརྨ་ཕ་ལ། རིན་ཆེན་བཟང་པོ། །གུ་ཤྲཱི་བརྩོན་འགྲུས་རྒྱལ་མཚན། གཉལ་པ་ཉི་མ་ཤེས་རབ། སྣུར་ཉི་མ་སེང་གེ། ཙར་སྐྱ་སྟོན་གྲགས། མཉམ་སྐད་པོ་ཆེ། ཙར་སྐྱ་ཤཱཀྱ་འབུམ།
སངས་རྒྱས་འབུམ། ལོ་མཆོག །བླ་ཆེན། བདེ་བ་ཅན་པ། གར་ཐིག་པ། ༩ ཟླ་གསང་ཐིག་ལེའི་བརྒྱུད་པ་སངས་རྒྱས་མཉམ་སྦྱོར་བཞིན་ནོ། །རྡོ་རྗེ་སྙིང་པོ་རྒྱན་གྱི་རྒྱུད་ལེའུ་བཅུ་བདུན་པའི་བརྒྱུད་པ་
ནི། རྡོ་རྗེ་འཆང་། ཕྱག་ན་རྡོ་རྗེ། ཀླུ་སྒྲུབ། ཨཱརྱ་དེ་ཝ། མ་ཏཾ་གི་པ། བི་ཁྱཱ་ཏ་དེ་ཝ། ཁ་ཆེ་པཎ་ཆེན་ཤཱཀྱ་ཤྲཱི་བྷ་དྲ། སུ་ག་ཏ་ཤྲཱི། ས་སྐྱ་པཎྜིཏ། རིན་ཆེན་སྐྱོབ་པ་དཔལ། 
7-202
རྒྱལ་ཚ་ལུང་མང་པོ། །ལོ་མཆོག །བླ་ཆེན་སངས་རྒྱས་སྲས་བདེ་བ་ཅན་པ་ཡེ་ཤེས་མགོན། བདེ་བ་ཅན་པ་སེང་གེ་རྒྱལ་མཚན། གར་ཐིག་པ། ༡༡ གསང་བ་རྒྱན་བཀོད་ཀྱི་བརྒྱུད་པ་ནི། རྡོ་
རྗེ་འཆང། ཕྱག་རྡོར། ས་ར་ཧ། ཀླུ་སྒྲུབ། ཨཱརྻ་དེ་ཝ། མ་ཏཾ་གི་པ། བི་ཁྱཱ་ཏ་དེ་བ། པཎ་ཆེན་ཤཱཀྱ་ཤྲཱི། ས་པཎ། སྐྱོབ་པ་དཔལ། རྒྱལ་ཚ་ལུང་མངས་པ། ལོ་མཆོག །བླ་ཆེན་སངས་
རྒྱས་སྲས། བདེ་བ་ཅན་པ་སེང་རྒྱལ། གར་ཐིག་པ། ༡༨ རྡོ་རྗེ་འཇིགས་བྱེད་ཀྱི་རྒྱུད་རྟོག་པ་བདུན་པ། འཇིགས་བྱེད་ཆེན་པོའི་རྒྱུད་རྟོག་པ་འབུམ་པ་ནས་ཕྱུང་བ། ཡང་། རྡོ་རྗེ་འཇིགས་བྱེད་ཀྱི་
རྟོག་པའི་རྒྱུད་ཀྱི་རྒྱལ་པོ་རྟོག་པ་གསུམ་པ་ཞེས་བྱ་བ་ལེའུ་བཞི་པ། ཡང་འཇམ་དཔལ་གྱི་རྟོག་པ་ལས་དམ་རྫས་སྨན་དུ་བསྒྱུར་ཏེ་བསྟེན་པའི་ཆོ་ག་གཏམ་རྒྱུད་ཀྱི་རྟོག་པ་དང་བཅས་
པའི་བརྒྱུད་པ་ནི། རྡོ་རྗེ་འཆང་། ཌཱ་ཀི་མོ། ཏེ་ལོ་པ། ནཱ་རོ་པ། པྲཛྙཱ་རཀྵིཏ། མེཉྫ་གླིང་པ། རྭ་རྡོ་རྗེ་གྲགས། རྭ་ཆོས་རབ། རྭ་དར་མ་སེངྒེ། རྭ་དཀོན་མཆོག་སེང་གི །རྭ་ཤེས་རབ་
རྒྱལ་མཚན། ཁམས་པ་བྱམས་དཔལ། ལོ་མཆོག །བླ་ཆེན་སངས་རྒྱས་སྲས། བདེ་བ་ཅན་པ་སེང་གེ་རྒྱལ་མཚན། གར་ཐིག་པ་བསོད་རྒྱལ། ༡༥ དཔལ་གཤིན་རྗེ་གཤེད་དམར་པོའི་རྒྱུད་རིམ་པར་ཕྱེ་བ་བཅུ་དགུ་པ་ལེའུ་ཉེར་གཉིས་པའི་བརྒྱུད་པ་ནི། 
7-203
སངས་རྒྱས། མཉྫུ་ཤྲཱི། རཏྣ་ཤྲཱི། ཤཱཀྱ་ཤྲཱི། བྷུ་མི་ཤྲཱི། རཱ་ཧུ་ལ་ཤྲཱི། འགྲོ་མགོན་འཕགས་པ། ཆག་ལོ་ཙ་བ། གྲགས་པ་རྒྱལ་མཚན། ལོ་མཆོག །བླ་ཆེན་སངས་རྒྱས་གྲགས། གར་ཐིག་པ་བསོད་རྒྱལ། ༡༦
གཤིན་རྗེ་གཤེད་ནག་པོའི་རྒྱུད་རིམ་པར་ཕྱེ་བ་བཅོ་བརྒྱད་པའི་བརྒྱུད་པ་ནི། རྡོ་རྗེ་འཆང་། ཡེ་ཤེས་ཀྱི་མཁའགྲོ་མ། ལ་ལི་ཏ་བཛྲ། ཏིལླི་པ། ནཱ་རོ་པ། པྲཛྙཱ་རཀྵིཏ། མེཉྫ་གླིང་པ། རྭ་རྡོར་
གྲགས་སོགས་རྭ་པ་ལྔ། དེ་ནས་བླ་ཆེན་པ། གཞོན་ཚུལ་བ་མགོན་པོ་འབུམ། ནམཁའ་རྒྱལ་མཚན། ས་བཟང་པཎ་ཆེན། ས་བཟང་འཕགས་པ། ངོར་ཆེན། ༡༧ ཡང་གཤིན་རྗེ་གཤེད་ནག་པོ་ལས་ཐམས་ཅད་གྲུབ་
པར་བྱེད་པ་གདོང་དྲུག་གི་རྒྱུད་དང་། གཤིན་རྗེ་འཁོར་ལོའི་རྟོག་པ་གཉིས་ཀྱི་བརྒྱུད་པ་ལུགས་གཅིག་ལ། སངས་རྒྱས། འཇམ་དཔལ། ཛྙཱ་ན་ཤྲཱི། དི་པ་དྷ་པ་ཡ། ལ་ལི་ཏ་བཛྲ། པཱུ་སུ་ར་
པ། ཨ་ཝ་བིནྣ་པ། གུ་ཎ་བྷ་དྲ། ཝཱ་གཱི་ཤྭ་ར་རཀྵིཏ། དེ་ཝ་ཨཱ་ཀ་ར་ཙནྡྲ། ཨ་མོ་གྷ་བཛྲ། པྲཛྙཱ་གུ་རུ། སངྒ་བྷ་དྲ། གཅེན་རྩད་འོང་། གཅུང་རྡོ་རྗེ་རྩེ་མོ། །ལྕེ་རིང་
ཉི་མ་འོད། རྒྱལ་བ་གདན་བཟང་པ། ཞང་གཡུ་རྒྱལ། འཇིམས་པ་རིན་ཤེ། སངས་རྒྱས་བཟང་པོ། །གློ་བོ་པ་ཆེན་པོ། །མཁན་ཆེན་རྒྱལ་བཟང་དཔལ། སྤང་སྒང་པ་གྲགས་དཔལ། ས་བཟང་པཎ་ཆེན་མན་གོང་བཞིན། 
7-204
༡༨ ཡོ་ག་རྩ་བའི་རྒྱུད་དཔལ་དེ་ཁོ་ན་ཉིད་བསྡུས་པ་རྫོགས་སོ། །
༈ ཉེར་གསུམ་པ་རྒྱུད་ཕྱི་མ་དང་བསྡོམས་པ་བམ་པོ་དགུ་པའི་བརྒྱུད་པ།
ཉེར་གསུམ་པ་རྒྱུད་ཕྱི་མ་དང་བསྡོམས་པ་བམ་པོ་དགུ་པའི་བརྒྱུད་པ་ནི། སངས་རྒྱས། ཕྱག་ན་རྡོ་རྗེ། རབ་གསལ་ཟླ་
བ། སྒྲ་གཅན་འཛིན། སུ་བྷུ་ཏི་པ་ལི་ཏ། ཡེ་ཤེས་རྡོ་རྗེ། པྲཛྙཱ་སིདྡྷི། དེ་བཞི་ཀ་རབ་གསལ་ཟླ་བའི་སློབ་མ་དེ་ཐམས་ཅད་ལ། ཀུན་དགའ་སྙིང་པོ། །པྲཛྙཱ་ཝ་ལི་ཏ། ཤར་ཕྱོགས་ཀྱི་
པཎྜི་ཏ་དྷརྨ་པཱ་ལ། རིན་ཆེན་བཟང་པོའམ། ཀུན་སྙིང་ནས། ནོར་བུ་གླིང་པ་མཚན་དངོས་ཏ་ཐཱ་ག་ཏ་རཀྵི་ཏ། དེས་ཤྲདྡྷ་ཀ་ར་ཝརྨ། དེས་ལོ་ཆེན། དེ་ནས་གུ་ཤྲཱི་བརྩོན་འགྲུས་རྒྱལ་མཚན།
གཉལ་པ་ཉི་མ་ཤེས་རབ། སྣུར་ཉི་མ་སེང་གེ། ཙཱརྱ་སྟོན་གྲགས། མཉམ་སྐད་པ་ཆེན་པོ། །ཙརྱ་ཤཱཀྱ་འབུམ། འཛིམས་པ། འཇམ་དབྱངས་པ། བདེ་བ་ཅན་པ། གར་ཐིག་པ། བརྒྱུད་ཀྱི་རྒྱལ་པོ་སྒྱུ་འཕྲུལ་
དྲ་བ་རིམ་པར་ཕྱེ་བ་བཅུ་པ་དང་། ངན་སོང་སྦྱོང་བ་རྣམས་ཀྱི་བརྒྱུད་པའང་དེའོ། །༤ བཤད་རྒྱུད་རྡོ་རྗེ་རྩེ་མོ་བམ་པོ་བཅུ་བཞི་པ་རྫོགསོ། །བཞི་བཅུ་རྩ་དྲུག་པའི་བརྒྱུད་པ་ནི། སངས་
རྒྱས། བྱམས་པ། གངྒཱ་དྷ་ར། ས་མནྟ་བྷ་དྲ། ཁ་ཆེ་ཛྙཱ་ན་ཤྲཱི། གཉལ་པ་ཉི་མ་ཤེས་རབ། སྣུར་ཉི་མ་སེང་གེ། །བླ་མ་ཆོས་འབྱུང་། ཙཱརྱ་ཤཱཀྱ་འབུམ་མན་གོང་བཞིན་ནོ། །༥ འཇིག་རྟེན་གསུམ་ལས་རྣམ་པར་རྒྱལ་བའི་རྒྱུད་རྟོག་པ་དགུ། 
7-205
དེའི་རྒྱུད་ཕྱི་མ་རྟོག་པ་བདུན་པ། ཕྱི་མའི་ཕྱི་མ་རྟོག་པ་ལྔ་པ། དཔལ་མཆོག་དང་པོ་ཧོར་བསྟོངས་པས་བས་པ་རྫོགས་སོ་བཅུ་གསུམ་ཡོད་པ་རྣམས། གཞན་དེ་ཉིད་བསྡུས་པ་བཞིན་ལ། ཙཱརྻ་
ཤཱཀ་འབུམ་ནས། སངས་རྒྱས་འབུམ། ལོ་མཆོག །བླ་ཆེན་སངས་རྒྱས་སྲས། བདེ་ཅན་པ་སེང་རྒྱལ། གར་ཐིག་པ། ༩ ངན་སོང་སྤྱོད་རྒྱུད་བམ་པོ་སོ་གསུམ་པ་དང་། དེའི་ཕྱོགས་གཅིག་གཙུག་དགུའི་རྒྱུད་རྟོག་པ་
གཅིག་པ་ཀུན་དགའ་སྙིང་པོ་ཡན་འདྲ། དེ་ནས་པཱི་ར་ཌི་པ། མ་ཏི་གམྦྷི་ར། ནི་སྐ་ལང་ཀ །རེ་ཝེནྡྲ་བྷ་དྲ། ཆག་ཆོས་རྗེ་དཔལ། ནུབ་ཆོས་དཔལ་བླ་ཆེན། རྒྱལ་བཟང་དཔལ། གྲགས་པ་
དཔལ། ས་བཟང་པཎ་ཆེན། ས་འཟང་འཕགས་པ། ཀུན་དགའ་བཟང་པོ། །ཆོས་རྗེ་རྒྱལ་མཚན་འོད་ཟེར། ཡང་ན། ཆག་ལོ། །གོ་ལུང་པ་མདོ་སྡེ་དཔལ། གྲུབ་པ་རྒྱལ་། སྤུག་སྟོན་པ། བླ་མ་ཤེས་རབ་རྡོ་
རྗེ། ༡༠ གསང་བ་ནོར་བུའི་ཐིག་ལེ་དང་། གསང་བ་རྒྱན་གྱི་རྒྱུད་ལུང་ནི། རྡོ་རྗེ་འཆང་། ཕྱག་ན་རྡོ་རྗེ། ས་ར་ཧ། ཀླུ་སྒྲུབ། ཨཱརྱ་དེ་ཝ། མ་ཏཾ་གི། བཀྵིཏ་དེ་ཝ། པཎ་ཆེན་ཤཱཀྱ་
ཤྲཱི། ཏཐཱ་ག་ཏ་ཤྲཱི། ས་པཎ། སྐྱོབ་པ་དཔལ། རྒྱལ་ཚ་ལུང་མང་པོ། ལོ་མཆོག །བླ་ཆེན། བདེ་ཅན་པ་སེང་རྒྱལ། གར་ཐིག་པ་བསོད་རྒྱལ། ༡༢ རྣམ་པར་སྣང་མཛད། མངོན་པར་བྱང་ཆུབ་པའི་བྱང་ཆུབ་སེམས་དཔའི་སྤྱོད་པའི་ཆོ་ག་ཇི་སྙེད་པ་རྩ་བའི་རྒྱུད་རིམ་པར་ཕྱེ་བ་ཉི་ཤུ་རྩ་ལྔ་པའི་བརྒྱུད་པ་ནི། 
7-206
སངས་རྒྱས། འཇམ་དཔལ། ཛེ་ཏཱ་རི། མྱ་ངན་མེད་པའི་དཔལ། རོལ་པའི་རྡོ་རྗེ། བ་རི་པ། བརྩོན་སེང་། དོན་ཆེན། ཆོས་སེང་། བློ་བརྟན། ནམཁའ་གྲགས། འཕགས་པ། ཁང་བླ་ཆེན། བདེ་བ་ཅན་པ་སེང་རྒྱལ།
གར་ཐིག་པ། ཡང་ན། བ་རི་ལོ་ཙ་བ་རིན་ཆེན་གྲགས། ས་སྐྱ་པ་ཆེན་པོ། །རྗེ་བཙུན་སྐུ་མཆེད་གཉིས། ཆོས་རྗེ་ཁུ་དབོན། བླ་ཆེན་པ། མཁན་པོ་རྒྱལ་བཟང་དཔལ། སྤང་སྒང་པ་ཆེན་པོ། །
ས་བཟང་པཎ་ཆེན་མན་འདྲ། ཕྱག་ན་རྡོ་རྗེ་དབང་བསྐུར་བ་བམ་པོ་བཅུ་གཉིས་པའི་བརྒྱུད་པ་ནི། ས་ལུགས་དེ་དང་མཐུན། མཆིམས་བརྒྱུད་ལ། བློ་བརྟན་ཡན་འདྲ། དེ་ནས་དབུས་པ་སངས་རྒྱས་འབུམ།
ལོ་མཆོག །བླ་ཆེན་སངས་རྒྱས་སྲས་མན་འདྲ། གསང་བ་སྤྱི་རྒྱུད་དང་། དམ་ཚིག་གསུམ་བཀོད་ཆོས་སྤྱོད་ཀྱི་མན་ངག །རབ་གནས་མདོར་བསྡུས་ཀྱི་བརྒྱུད་པ་འཇིག་རྟེན་གསུམ་རྒྱལ་བཞིན་ནོ། །རིག་པ་མཆོག་གི་
རྒྱུད་ཆེན་པོ་རིམ་པར་ཕྱེ་བའམ་རྫོགས་སོ་བདུན་བཅུ་རྩ་བདུན་པ། ལེགས་པར་གྲུབ་པ་ཚིགས་བཅད་ཉིས་སྟོང་བརྒྱ་ཉེར་ལྔ་པ། བསམ་གཏན་ཕྱི་མ་རྣམ་སྣང་མངོན་བྱང་དང་མཐུན་པ་དང་། ཡང་འཇིག་
རྟེན་གསུམ་རྒྱལ་དང་མཐུན་པ་གཉིས། ཡང་ན་གསང་བ་སྤྱི་རྒྱུད་དང་། དམ་ཚིག་གསུམ་བཀོད་གསུམ་ལ། སངས་རྒྱས། ཕྱག་རྡོར། རབ་གསལ་(རྒྱལ་པོ་ཛ་)ཟླ་བ། དེའི་སློབ་མ། རྒྱལ་རིགས་སྒྲ་གཅན་འཛིན་བཟང་པོ་སོགས་སྔར་བཤད་བཞི་ཆར་ལ་སློབ་དཔོན་ཀུན་དགའ་སྙིང་པོས་ཞུས། 
7-207
དེ་ནས་ཏཐཱ་ག་ཏ་རཀྵིཏ་བཛྲ། ཤྲདྡྷ་ཀ་ར་ཝརྨ། ལོ་ཙ་བ་རིན་ཆེན་བཟང་པོ། །ལོ་ཆུང་ལེགས་ཤེ། ས་ཆེན་བསོད་རྩེ། གྲགས་རྒྱལ། ས་པཎ། འཕགས་པ། བླ་ཆེན་སངས་རྒྱས་སྲས། འཇམ་དཔལ་རྩ་
བའི་རྒྱུད་ལེའུ་སུམ་ཅུ་རྩ་དྲུག་པའི་བརྒྱུད་པ་ནི། རྡོ་རྗེ་འཆང་། ཕྱག་ན་རྡོ་རྗེ། བྲམ་ཟེ་ས་ར་ཧ། བདེ་བའི་རྡོ་རྗེ། དད་བྱེད་གོ་ཆ། ལོ་ཙ་བ་རིན་ཆེན་བཟང་པོ། །རྐྱང་པོ་
ཆོས་བློ། །བྲའོ་ལྷ་འབུམ་འཕན། བྲའོ་ཆོས་ཚུལ། བྲའོ་མི་མཉམ་རྡོ་རྗེ། ཐད་སྟོན་ཡེ་ཤེས་རྡོ་རྗེ། ཞང་བྱང་ཆུབ་བླ་ཆེན་སངས་རྒྱས་སྲས། བདེ་བ་ཅན་པ་སེང་རྒྱལ། གར་ཐིག་པ། འཇམ་དཔལ་དཔའ་
པོ་གཅིག་ཏུ་གྲུབ་པའི་རྒྱུད་ལེའུ་བཞི་པ་གོང་དང་འདྲ། ཡང་ན། སངས་རྒྱས། འཇམ་དཔལ། ཛེ་ཏཱ་རི། མྱ་ངན་མེད་པའི་དཔལ། རོལ་པའི་རྡོ་རྗེ། དོན་ཡོད་རྡོ་རྗེ། བ་རི་ལོ་ཙ་བ། ས་
ཆེན། བསོད་ནམས་རྩེ་མོ། རྗེ་བཙུན་གྲགས་པ་རྒྱལ་མཚན། ས་པཎ། འགྲོ་མགོན་ཆོས་རྒྱལ་འཕགས་པ། ཡེ་པ། ཀུན་སེང་། བདེ་ཆེན་སེང་རྒྱལ། གར་ཐིག་པ། འཕགས་པ་སྤྱན་རས་གཟིགས་དབང་ཕྱུག་གི་རྩ་རྒྱུད་
པདྨ་དྲ་བའི་བརྒྱུད་པ་ནི། ཐུབ་པ། འཇམ་དཔལ། ཛེ་ཏཱ་རི། ཨ་ཤྭ་ཀ་ཤྲཱི། རོལ་པའི་རྡོ་རྗེ། དོན་ཡོད་རྡོ་རྗེ། བ་རི་ལོ་ཙ་བ། མཆིམས་བརྩོན་སེང་། དོན་ཆེན། ཆོས་སེང་གེ། བློ་བརྟན། 
7-208
དབུས་པས་སངས་རྒྱས་འབུམ། ལོ་མཆོག །བླ་ཆེན། བདེ་བ་ཅན་པ་སེང་གེ་རྒྱལ། གར་ཐིག་པ། མི་གཡོ་བ་རྣལ་འབྱོར་ཆེན་པོ་གཏུམ་པོ་ཁྲོ་བོ་ཚན་པོའི་རྒྱུད་རིམ་པར་ཕྱེ་བ་ཉི་ཤུ་ལྔ་
པ། མི་གཡོ་བ་རྟོག་པའི་རྒྱུད་ཀྱི་རྒྱལ་པོ་འབུམ་པ་ལས་དངོས་གྲུབ་ཐམས་ཅད་འབྱུང་བའི་རྟོག་པ་ལེའུ་བདུན་པ། མི་གཡོ་བ་ཁྲོ་བོའི་རྒྱལ་པོ་ཐམས་ཅད་སྔགས་གསང་བའི་རྒྱུད་ལེའུ་གསུམ་པ།
ཡང་གསང་བའི་རྒྱུད་ལེའུ་ལྔ་པ། མི་གཡོ་གསང་རྒྱུད་ཆེན་པོ་ལེའུ་བཞི་པ་རྣམས་ཀྱི་བརྒྱུད་པ་ནི་གོང་དང་འདྲ། སྤྱན་རས་གཟིགས་པདྨ་ཅོད་པན་གྱི་རྒྱུད་ལེའུ་བཅུ་གཅིག་པའི་བརྒྱུད་པ་ནི། པཎྜིཏ་
རཏྣ་ཤྲཱི་མི་ཏྲ། འགར་ལོ་ཙ་བ་ཆོས་བཟང། གླན་སྟོན་ཤེས་རབ་རྒྱལ་མཚན་སྦས་བྱང་སེམས་དམར་པོ། ཡེ་སྟོན་དར་སེང་། རྒྱལ་ཚ་ཆོས་དབང་། མོང་དཀར་ལོ་ཙ་བ། བླ་ཆེན་པ། བདེ་ཅན་པ་
སེང་རྒྱལ། གར་ཐིག་པ། འཕགས་པ་དོན་ཡོད་ཞགས་པའི་ཆོ་ག་ཞིབ་མོའི་རྒྱལ་པོ་བམ་པོ་བཅུ་པའི་བརྒྱུད་པ་ནི། བུདྡྷ་བཛྲ་པཱ་ཎི། ཛེ་ཏཱ་རི་པ། རྡོ་རྗེ་གདན་པ་ཆེ་ཆུང་གཉིས། ཨ་
མོ་གྷ་བཛྲ། བ་རི་ལོ་ཙ་བ། སུམ་པ་ལོ་ཙ་བ་དྷརྨ་ཡོན་ཏན། ཞང་གྲགསེང། རིན་ཆེན་འབུམ། དཀོན་ཡེ། དཀོན་བླ། བག་སྟོན་པ། སེང་དཔལ། སེང་གེ་རྒྱལ་མཚན། གར་ཐིག་པ། སྒྲོལ་མ་ལས་སྣ་ཚོགས་ཀྱི་རྒྱུད་ལེའུ་སུམ་ཅུ་རྩ་ལྔ་པའི་བརྒྱུད་པ་ནི། 
7-209
སངས་རྒྱས། སྒྲོལ་མ། ཀུན་དགའ་བོ། ཉི་མ་གུང་པ། ཤ་ནའི་གོས་ཅན། ཀྲིཥྞཱིའི་གོས་ཅན། ཉི་མ་སྦས་པ། རཱ་ཧུ་ལ་ཤྲཱི། ཁྲོ་ཕུ་ལོ་ཙ་བ་བྱམས་པ་དཔལ། རིན་ཆེན་འབུམ། སངས་རྒྱས་འབུམ།
ལོ་མཆོག །བླ་ཆེན། སེངྒ་རྒྱལ་མཚན། གར་ཐིག་པ་མན་འདྲ། སྒྲོལ་མ་ཉེར་གཅིག་གི་བསྟོད་པ་སངས་རྒྱས་རྣམ་པར་སྣང་མཛད་ཀྱིས་གསུངས་པའང་འདྲའོ། །རིགས་ཀྱི་སྤྱི་སྔགས་ལྔ་བཅུ་པའི་བརྒྱུད་པ་ནི། ཐུབ་
པའི་དབང་པོ། ཛེ་ཏཱ་རི། མྱ་ངན་མེད་པའི་དཔལ། རོལ་པའི་རྡོ་རྗེ། དོན་ཡོད་རྡོ་རྗེ། བ་རི་ལོ་ཙ་བ། མཆིམས་བརྩོན་སེང་། དོན་ཆེན། ཆོས་སེང། བློ་གྲོས་བརྟན་པ། སངས་རྒྱས་འབུམ། ལོ་མཆོག །
བླ་ཆེན་སངས་རྒྱས་སྲས་མན་འདྲ། ཕྱག་ན་རྡོ་རྗེ་གོས་སྔོན་ཅན་རྡོ་རྗེ་ས་འོག་གི་རྒྱུད་ཀྱི་བརྒྱུད་པ་ནི། རྡོ་རྗེ་འཆང། ཕྱག་ན་རྡོ་རྗེ། སྤྱོད་མཛད་ཆོས་ཀྱི་རྡོ་རྗེ། ཀུན་ཏུ་བཟང་
པོ། །འགྲོ་བཟང་སྙིང་པོ། །རིན་ཆེན་རྡོ་རྗེ། བྲམ་ཟེ་སད་ཛ་ན། ཏེ་ཛྙཱ་དེ་ཝ། ཟངས་དཀར་ལོ་ཙ་བ། གྲགས་སེང་སངས་རྒྱས་གྲུབ་ཐོབ། དཔལ་ལྡན་སེངྒེ། རྒྱལ་ཚ་ལུང་མངས་པ། ལོ་མཆོག །བླ་
ཆེན་སངས་རྒྱས་སྲས། ཡང་། ཟངས་དཀར། ལུང་ཕུ་སྟོན་གྲགས། ཁྱུང་ཚང་པ། བྱ་སྡེར་བྱང་བློ། །འཛིམས་པ་རྒྱལ་གྲུབ། གླན་སེང་། །བདེ་བ་ཅན་པ། གར་ཐིག་པ། རྡོ་རྗེ་རྣམ་འཇོམས་ཀྱི་གཟུངས་ཀྱི་བརྒྱུད་པ་ནི་། 
7-210
སངས་རྒྱས། ཕྱག་ན་རྡོ་རྗེ། ཨཱཙཱརྻ་བསམ་གཏན་པ། བཅུ་གཉིས་པ། སློབ་དཔོན་ཡེ་ཤེས་རྡོ་རྗེ། པདྨ་ཀ་ར། ལོ་ཆེན་རིན་བཟང། ཇཽ་གོང་ནས་ལྷ་བཙུན། རྒྱ་ལོངས་ཆོས་གྲགས། ཕོ་རོག་དྷརྨ་བཛྲ། མདོ་
སྡེ་བཙན། མདོ་སྡེ་མགོན། ཡོལ་ཉི་འབུམ། ཡོལ་སངས་རྒྱས་རྒྱལ་མཚན། མཁན་ཆེན་ཤེས་རྡོར་བ། རྒྱལ་མཚན་རྩེ་མོའི་དཔུང་རྒྱན་དང་། དུག་སེལ་མ། རི་ཁྲོད་ལོ་ཅན་ཏེ་རྭ་བའི་ལྷ་མོ་སྐོར་གསུམ་གྱི་
བརྒྱུད་པ་ནི། འཇམ་དཔལ། ས་མནྟ་ཤྲཱི། རྭ་ཆོས་རབ། རྭ་ཡེ་ཤེས་སེང་གེ། རྭ་འབུམ་སེང་། རྗེ་བཙུན་རྒྭ་ལོ། ཤེས་རབ་སེདྒ་། ཨ་ཀ་ར། སངས་རིན་བ། མཁན་ཆེན་པྲཛྙཱ་བཛྲ། གཙུག་ཏོར་ནས་བྱུང་
བའི་གདུགས་དཀར་མོ་ཅན་གཞན་གྱིས་མི་ཐུབ་པའི་ཕྱིར་བཟློག་པ་ཆེན་པོའི་བརྒྱུད་པ་ནི། སངས་རྒྱས། བྲམ་ཟེ་རིན་ཆེན་རྡོ་རྗེ། བྲམ་ཟེ་སད་ཛ་ན། གཉལ་པ་སྟོན་པ། ཡོན་པ་མེ་དབང་། སྲུང་
སྟོན་འབོར་ཐོག །ཕོ་རོག་དྷརྨ་བཛྲ། མདོ་སྡེ་བཙན། མདོ་སྡེ་མགོན་། ཡོལ་ཉི་འབུམ། སོ་ལྕགས་པ་སངས་རྒྱས་རྒྱལ་མཚན། ཐེལ་མཁན་ཆེན་ཤེས་རྡོར་བ། གཟུངས་ཀྱི་རིམ་པ་འགྱུར་རོ་འཚལ་ལུང་དུ་རྩལ་མོད།
བརྒྱུད་པ་ནི་ཐ་དད་དུ་མ་འཚལ་ཏེ་ཆབས་གཅིག་པ་ནི། སངས་རྒྱས། ཕྱག་རྡོར །རྡོ་རྗེ་གདན་པ་ཆེ་འབྲིང་ཆུང་གསུམ། པུ་ཎྱ་ཤྲཱི། སྟེང་པ་ལོ་ཙ་ཚུལ་ཁྲིམས་འབྱུང་གནས། སོ་ཐམས་ཅད་མཁྱེན་པ། 
7-211
སོ་འཛམ་གླིང་རྒྱན། ལྷོ་པ་ཐམས་ཅད་མཁྱེན་པ། ཀོང་ནག་རལ་གྲི། ཇོ་གདན་སྲས་གཙང་། གྲགས་སེང་། རིན་ཆེན་འབུམ་། བདེ་བ་ཅན་པ་སེང་རྒྱལ། གར་ཐིག་པ་བསོད་རྒྱལ། མཁན་ཆེན་ཤེས་རབ་རྡོ་རྗེ།
དེ་གཉིས་མིང་དངོས་སུ་སྨོས་ལྷག་མ་མ་སྨོས་པ་ཐམས་ཅད་དུ། བླ་མ་ཆོས་དཔལ། མཁན་ཆེན་གྲགས་རྡོར། ཆོས་རྗེ་གྲགས་པ་དོན་གྲུབ་པ། རྔོག་སྟོན་རིན་པོ་ཆེ་པོ་ཆེ་བྱང་ཆུབ་དཔལ། མཁན་
ཆེན་ཀུན་དགའ་རྒྱལ་མཚན། ནམཁའ་དབང་ཕྱུག །མཁས་པའི་དབང་པོ་འབུམ་རབ་འབྱམས་པ་རིན་ཆེན་ཆོས་དབང་། རྡོ་རྗེ་འཛིན་པ་བསྟན་པ་རྒྱ་མཚོ། འབྲུག་པ་རིན་པོ་ངག་དབང་ཆོས་ཀྱི་རྒྱལ་པོ། །རྒྱལ་ཚབ་
དམ་པ་གཅུང་རིན་པོ་ཆེ། དེས་པདྨ་དཀར་པོ་ལའོ། །གཞན་ཕྱག་ན་རྡོ་རྗེ་དང་། དཔལ་མགོན་པོ་ལ་སོགས་པའི་རྒྱུད་མང་པོ་ཞིག་བཞུགས་ཀྱང་། མཁས་པ་རྣམས་ཀྱིས་གླེགས་བམ་དུ་བསྒྲིགས་པ་ལས་དེ་
ཙམ་མོ། །གཞན་ལུང་དངོསུ་མི་བཞུགས་པ་ནི། །དཔལ་དུས་ཀྱི་འཁོར་ལོ་ལས་ཇི་ལྟར་གསུངས་པ་བཞིན། རྣལ་འབྱོར་བླ་ན་མེད་པའི་དབང་བཞི་རྫོགས་པ་ཞིག་གིས་ཐམས་ཅད་འཆད་པ་དང་ཉན་པ་ལ་
དབང་ངོ་གསུངས་པས་བཀླགས་པ་ལ་འགལ་བ་མེད་དོ། །དེ་ལྟར་བཀའ་འགྱུར་གྱི་བརྒྱུད་ཡིག་རྣམས་ལ་དཔྱད་པ་ལེགས་པར་བྱས་པས་ཕྱིན་ཆད་ཡིད་ཆེས་སུ་བྱའོ།། །།
༄། །སློབ་དཔོན་ཆེན་པོ་ཨ་བྷ་ཡཱ་ཀ་ར་གུཔྟའི་རྡོ་རྗེ་གདན་པ་ཞེས་གྲགས་པའི་ཞལ་སྔ་ནས་ཀྱིས་རང་གིས་གསན་པའི་ཡི་དམ་གྱི་ལྷའི་གཞུང་ཐོར་བུ་རྣམས།
ཡིད་ལ་འདོད་པའི་ཡོན་ཏན་ཀུན་འབྱུང་ཕྱིར། །
7-212
ལྷ་ཡི་སྒྲུབ་ཐབས་རྒྱ་མཚོ་བཅའ་མཁན་གྱི། །རྒྱལ་དབང་བསྟན་པའི་ཆུ་བདག་འཇིག་མེད་མཚན། །བློ་གྲོས་གདེངས་ཀས་མཛེས་དེར་ཕྱག་འཚལ་ལོ། །རྗེ་བཙུན་རྡོ་རྗེ་རྣལ་འབྱོར་མས་རྗེས་སུ་གདམས་ཤིང་། རྡོ་རྗེ་
གདན་གྱི་མ་ཧཱ་བོ་དྷིས་གནང་བ་བྱིན་པའི་སློབ་དཔོན་ཆེན་པོ་ཨ་བྷ་ཡཱ་ཀ་ར་གུཔྟའི་རྡོ་རྗེ་གདན་པ་ཞེས་གྲགས་པའི་ཞལ་སྔ་ནས་ཀྱིས་རང་གིས་གསན་པའི་ཡི་དམ་གྱི་ལྷའི་གཞུང་
ཐོར་བུ་ཆབས་གཅིག་ཏུ་བསྒྲིགས་པ་སྒྲུབ་པའི་ཐབས་རྒྱ་མཚོ་ཞེས་གྲགས་པ་ནས། ལྷའི་རིམ་པ་ཇི་ཙམ་གྱི་སྒྲུབ་ཐབས་ཡོད་ཅེ་ན་ཉིས་བརྒྱ་དང་བཞི་བཅུ་རྩ་གཉིས་ཡོད་དོ། །དེ་ལ་ཐོག་མར།
དམ་ཚིག་གསུམ་བཀོད་པའི་རྒྱལ་པོའི་སྒྲུབ་ཐབས། པཎྜིཏ་ཆེན་པོ་ཀུ་མུ་ཏ་འབྱུང་བའི་བློ་གྲོས་ཀྱིས་མཛད་པ། ཡང་རྡོ་རྗེ་གདན་པ་ཆེན་པོ་རིན་ཆེན་འབྱུང་གནས་སྦས་པའི་ཞབས་ཀྱིས་མཛད་པ། ཐུབ་
པ་རྡོ་རྗེ་གདན་གྱི་སྒྲུབ་ཐབས་གསུམ་སྟེ་ཐུབ་པའི་སྐོར་ལྔའོ། །སྤྱན་རས་གཟིགས་ཡི་གེ་དྲུག་པའི་སྒྲུབ་ཐབས་ལྷན་སྐྱེས་རོལ་པས་མཛད་པ། གཞན་གསུམ། ཁ་སརྤ་ཎའི་སྒྲུབ་ཐབས་རྙོག་མེད་རྡོ་རྗེས་མཛད་
པ། སློབ་དཔོན་པདྨ་འབྱུང་གནས་དང་། དགེ་བྱེད་དང་། དཔེ་མེད་འཚོ་རྣམས་ཀྱིས་མཛད་པ་རེ། ཡང་གཅིག་སེང་གེ་སྒྲའི་སྒྲུབ་ཐབས་གཉིས་མེད་རྡོ་རྗེས་མཛད་པ། གཞན་གསུམ། འཇིག་རྟེན་དབང་ཕྱུག་ཧ་ལ་ཧ་ལའི་སྒྲུབ་ཐབས་གཅིག་དང་། 
7-213
ལྷན་སྐྱེས་རོལ་པས་མཛད་པ་རྡོ་རྗེ་ཆོས་ཀྱི་སྒྲུབ་ཐབས། པདྨ་གར་དབང་གི་སྒྲུབ་ཐབས་སངས་རྒྱས་ཀྱིས་གསུངས་གཞན་གཅིག །ཧ་རི་ཧ་རི་ལ་ཞོན་པའི་སྒྲུབ་ཐབས་སངས་རྒྱས་ཀྱིས་གསུང་པ་དང་། ས་
ར་ཧས་གདན་དྲངས་པ། འཇིག་རྟེན་དབང་ཕྱུག་དམར་པོ་ལྷག་པར་དབང་དུ་བྱ་བ། མགྲིན་པ་སྔོན་པོ། །སྒྱུ་འཕྲུལ་དྲ་བ། པདྨ་ཕྱག་གི་གཟུངས་སྲན་མ་མ་ཤའི་ཞལ་གྱི་གཟུངས། །དོན་ཞགས། བྷུགྨའི་སྒྲུབ་
ཐབས། ཤུནྱཱ་ས་མཱ་དྷི་བཛྲས་མཛད་པ། འཇིག་རྟེན་དབང་ཕྱུག་གཅིག་སྟེ་སྤྱན་རས་གཟིགས་སྐོར་སུམ་ཅུ། འཇམ་དཔལ་བརྟན་པའི་འཁོར་ལོའི་སྒྲུབ་ཐབས་ཚིགས་བཅད་བྷཱ་སྐནྡྷས་མཛད་པ། ཚིག་ལྷུག་པའི་སྒྲུབ་ཐབས། འཇམ་
དཔལ་སེང་གེ་སྒྲ། ངག་གི་རྒྱལ་པོའི་སྒྲུབ་ཐབས་པཎྜིཏ་ཡིད་བཞིན་ནོར་བུ་བྱིན་གྱིས་མཛད་པ། རྡོ་རྗེ་རྣལ་འབྱོར་མས་གསུངས་པ། གཞན་བཞི། ཤེས་རབ་འཕེར་བའི་གཏེར་གྱི་རྒྱལ་པོའི་སྒྲུབ་ཐབས་འཕྲོག་བྱེད་
འཇོམས་པས་མཛད་པ། ངག་གི་རྒྱལ་པོ་ཨ་ར་པ་ཙ་ནའི་སྒྲུབ་ཐབས་མི་ཕམ་བཤེས་གཉེན་གྱིས་མཛད་པ་ཚིགས་བཅད་དང་ལྷུག་པ་རེ། གཞན་ལྔ། འཇམ་དཔལ་ཡན་ལག་མེད་པའི་རྡོ་རྗེའི་སྒྲུབ་ཐབས་
གཉིས། ཆོས་དབྱིངས་གསུང་དབང་གི། བཞི། ངག་གི་སྒྲུབ་ཐབས། དཔའ་བོ་གཅིག་སྒྲུབ་གསུམ། ངག་གི་སྒྲུབ་ཐབས། འཇམ་དཔལ་རྒྱལ་པོ་ཆེན་པོ་རོལ་པ། འཇམ་དཔལ་གྱི་སྒྲུབ་ཐབས། བུང་བ་མྱོས་པ། ལྷག་པར་དབང་དུ་བྱེད་པ། 
7-214
བསྡུས་པའི་འཇམ་དཔལ་གཉིས་ཤེས་རབ་འཕེལ་ཆོག། མཚན་བརྗོད་མན་ངག །ཆོས་ཀྱི་དུང། མཚན་བརྗོད་ཀྱི་སྒྲུབ་ཐབས། འཇམ་རྡོར། ཡི་གེ་གཅིག་པའི་རབ་སྦྱོར་རེ། འཇམ་དཔལ་བཞི་བཅུ། མི་གཡོ་བ་སྔོན་པོའི་སྒྲུབ་
ཐབས་འོད་ཟེར་འབྱུང་གནས་གྲགས་པས་མཛད་པ། གཞན་གསུམ་སྟེ། མི་གཡོ་བ་བཞི། སང་ལྡན་ནགས་སྒྲོལ་སངས་རྒྱས་ཀྱི་གསུང་། སྒྲོལ་མ་ཆེན་མོ། མཆོག་སྦྱིན་སྒྲོལ་མ། དབང་དུ་བྱེད་པའི་སྒྲོལ་མའི་སྒྲུབ་ཐབས་
རྡོ་རྗེ་མྱུ་གུས་མཛད་པ། རྡོ་རྗེ་སྒྲོལ་མའི་སྒྲུབ་ཐབས་ཀླུ་སྒྲུབ་ཀྱིས་མཛད་པ། ཆོས་འབྱུང་བློ་གྲོས། རིན་ཆེན་འབྱུང་གནས་ཞི་བས་མཛད་པ། གཞན་གཉིས། སྒྲོལ་མའི་སྒྲུབ་ཐབས་དཔེ་མེད་བསྲུང་བས་མཛད་
པ། འཇིགས་པ་བརྒྱད་སྐྱོབས། རྒྱ་ནག་རིམ་པའི་སྒྲོལ་མ། རྒྱ་ནག་ཆེན་པོའི་སྒྲོལ་མའི་སྒྲུབ་ཐབས་རྟག་པའི་རྡོ་རྗེས་མཛད་པ། འཆི་བ་བླུ་བའི་སྒྲོལ་དཀར་ངག་གི་དབང་ཕྱུག་གྲགས་པའི་སློབ་མས་མཛད་
པ་དང་། ཡིད་བཞིན་ནོར་བུའི་རྒྱལ་པོས་མཛད་པ། སྒྲོལ་དཀར་ཕྱག་དྲུག་མ། དུག་སེལ་མ། ནོར་སྦྱིན་མ། ངན་སོང་སྒྲོལ་མ། འཆི་བླུ། སྣ་ཚོགས་ཡུམ། དོན་ཐམས་ཅད་རབ་ཏུ་སྒྲུབ་པ་སྦྱིན་པའི་སྒྲོལ་
མ། རྗེ་བཙུན་སྒྲོལ་མ་ཏེ་སྒྲོལ་མའི་སྐོར་ཉེར་གསུམ། དུག་སེལ་མ་གཉིས། དེའི་གཟུངས། རིག་སྔགས་ཆེན་མོ། དེའི་རྟོག་པ་སྟེ་དུག་སེལ་མ་བཞི། ཛམ་གུ་ལི་གཅིག །རལ་གཅིག་མིའི་སྒྲུབ་ཐབས་ཀླུ་སྒྲུབ་ཀྱིས་བོད་ནས་སྤྱན་དྲངས་པ། 
7-215
གཞན་བཞི་སྟེ་ལྔ། ཙུནྡ་བཞི། རྟོག་པ་ལས་གསུངས་པའི་འོད་ཟེར་ཅན་སྙིང་པོ་ཞབས་ཀྱིས་མཛད་པ། གཞན་གསུམ། མྱ་ངན་མེད་པའི་ཤིང་གི་འོད་ཟོར་ཅན་གཉིས། རྡོ་རྗེ་དབྱིངས་ཀྱི་དབང་ཕྱག་མ་འོད་
ཟེར་ཅན། སེར་མོ། ཨཱོ་ཌི་ཡ་ཎའི་འོད་ཟེར་ཅན་གསུམ། གཞན་གསུམ་སྟེ་བཅུ་བཞི། པི་ཙུ་པ། དེའི་གཟུངས་ཀློག་པའི་མན་ངག །རི་ཁྲོད་མ་ལོ་མ་ཅན་གྱི་གསུམ། ཤེས་རབ་ཀྱི་ཕ་རོལ་ཏུ་
ཕྱིན་པའི་སྒྲུབ་ཐུབས་ཐོགས་མེད། དཔལ་ལྡན་པདྨ་འཕེལ། དགེ་འདུན་བྱིན་གྱི་བུ་རྣམས་ཀྱི་མཛད་པ་རེ། གཞན་དྲུག་སྟེ་ཤེར་ཕྱིན་དགུ། རྡོ་རྗེ་དབྱངས་ཅན་མའི་སྒྲུབ་ཐབས་དཔལ་འཛིན་གྱིས་མཛད་པ། གཞན་དྲུག་
སྟེ་དབྱངས་ཅན་མ་བདུན། ཀུ་རུ་ཀུལླེ་ཀླུ་སྒྲུབ། ལྷན་སྐྱེས་རོལ་པ། མཆེ་བ་ཅན། ཨིནྡྲ་བྷཱུ་ཏི། ནག་པོ་སྤྱོད་པ་རྣམས་ཀྱིས་མཛད་པ། གཞན་བཅུ་གཅིག་སྟེ་བཅུ་དྲུག །གཙུག་ཏོ་རྣམ་རྒྱལ་མ་གསུམ།
གདུགས་དཀར། ཕྱིར་བཟློག་མ་ཆེན་མོ། གཞན་གྱིས་མི་ཐུབ་མ། ཙ་རྩི་ཀ །གཟུངས་གྲྭ་ལྔ་སོ། ལྷ་མོ་ལྔ་མདོར་བསྟན་གཉིས། རྒྱལ་མཚན་རྩེ་མོའི་དཔུང་བརྒྱན་ཆོས་ཀྱི་འབྱུང་གནས་སློབ་དཔོན་གྱིས་མཛད་པ།
གཞན་གཅིག །རྡོ་རྗེ་གནྡྷ་རི་གཉིས། རྡོ་རྗེ་ལྕགས་སྒྲོག་མ་གསུམ། ནོར་རྒྱུན་མ་སྒྲུབ་ཐབས་གསུམ། དེའི་གཟུངས་ཀྱི་མན་ངག་སྟེ་ཉེར་ལྔ། རྡོ་རྗེ་ཕག་མོའི་སྒྲུབ་ཐབས་གཉིས་མེད་རྡོ་རྗེས་མཛད་པ། ཕག་དཀར་ཤེས་རབ་གསལ་བྱེད་ཀོདྐ་ནས་མཛད་པ། 
7-216
རྡོ་རྗེ་ཕག་མོའི་དབང་དུ་བྱ་བའི་ཆོ་ག །དོན་ཐམས་ཅད་སྒྲུབ་པ་བཞི། བྱམས་པའི་སྒྲུབ་ཐབས་གཉིས། ཙནྡྲ་གོ་མིས་མཛད་པའི་ཛམ་བྷ་ལའི་སྒྲུབ་ཐབས། ཨབྷ་ཡ་རང་གིས་མཛད་པ་སོགས་ཛམྦྷ་ལ་
བརྒྱད། རྟ་མགྲིན་དྲུག །གཤེད་དམར། གཤེད་ནག་པོ་གསུམ། གཤིན་རྗེ་མཐར་བྱེད། གཤེད་ཀྱི་གཏོར་མ། ཧཱུྃ་མཛད། སྟོབས་པོ་ཆེ། དགྱེས་རྡོར་ཕྱག་གཉིས་པ་གཉིས། བདག་མེད་མ་གཉིས། འབྱུང་པོ་འདུལ་བྱེད་འཇིག་རྟེན་གསུམ་
གྱི་རྡོ་རྗེས་མཛད་པ་ནག་པོ་ཆེན་པོ་ཕྱག་གཉིས་བཞི་རྣམས་ཀྱི་སྒྲུབ་ཐབས་ཏེ་བཅོ་ལྔ། ཡར་ཀླུང་ལོ་ཙ་བ་གྲགས་པ་རྒྱལ་མཚན་གྱི་འགྱུར་གྱི་སྟེང་ནས་ལུང་དང་། ལྷ་གཅིག་སྒྲུབ་ཐབས་རྣམ་
གྲངས་པ་བཞག་པའི་རྗེས་སུ་གནང་པ་ཕྱེད་དང་ཉིས་བརྒྱ་ཐོབ་པའི་བརྒྱུད་པ་ནི། རྡོ་རྗེ་འཆང་། རྡོ་རྗེེ་རྣལ་འབྱོར་མ། ཨ་བྷ་ཡཱ། ཀ་ར་གུཔྟ། ཤུ་བྷཱ་ཀ་ར་གུཔྟ། པུ་ཙ་རི་ཀ་
ར་གུཔྟ། རཏྣ་རཀྵིཏ། གཽ་ཏཾ་ཤྲཱི། ཀཱིརྟི་ཙནྡྲ། ལོ་ཙ་བ་གྲགས་རྒྱལ། བླ་མ་རོང་ཤེར་སེང་། བག་སྟོན་གཞོན་ནུ་ཚུལ་ཁྲིམས། ཐེལ་མཁན་པོ་ཤེས་རབ་རྡོ་རྗེ། མཁན་པོ་རིན་ཆེན་འཕེལ། གསང་འདུས་པ་
ཡེ་ཤེས་འཕེལ། སློབ་དཔོན་ཀུན་བསོད། མཁན་ཆེན་བྱང་སེང་། མཁན་ཆེན་ཆོས་ཀྱི་འོད། བླ་མ་བསོད་ནམས་བཟང་པོ། ཆོས་རྗེ་ནམཁའ་རྒྱལ་མཚན། སྐུ་ཞང་ཆོས་རྗེ་མཁྱེན་རབ་མཆོག་གྲུབ། དཔལ་ལྡན་འབྲུག་པ་རིན་པོ་ཆེ་ངག་དབང་ཆོས་ཀྱི་རྒྱལ་པོ། །
7-217
རྡོ་རྗེ་འཛིན་པ་ཆོས་ཀྱི་མགོན་པོ། །དེས་པདྨ་དཀར་པོ་ལའོ། ། ཡང་། ལོ་ཙ་བ་ནས། རྒྱལ་མཚན་རིན་ཆེན། བསོད་ནམས་རྒྱལ་མཚན། གཞོན་སེང། མགོན་པོ་འབུམ། དཔལ་ལྡན་ཚུལ་ཁྲིམས། ཤར་པ་ཡེ་ཤེས་རྒྱལ་
མཚན། ངོར་ཆེན། རིན་ཆེན་མཆོག །བླ་མ་རྒྱལ་མཚན། ཞྭ་དམར་བ་ཆོས་ཀྱི་གྲགས་པ། མཁན་ཆེན་ཤེས་རབ་དཔལ་ལྡན། ཐེལ་མཁན་ཆེན་ཆོས་རྒྱལ་ལྷུན་གྲུབ། དེས་པདྨ་དཀར་པོ། །ཡང་ན། ཤུ་བྷཱ་ཀ་ར་
གུཔྟ། རཏྣ་རཀྵིཏ། གོ་ཏཾ་ཤྲཱི། ཀྵནྟི་ཤྲཱི། གཤོང་ལོ་ཙ་བ་བློ་གྲོས་བརྟན་པ། ལོ་ཙ་བ་མཆོག་ལྡན་ལེགས་བློ། །དཔང་ལོ་ཙ་བ་བློ་གྲོས་བརྟན་པ། མ་ཏི་པཎ་ཆེན། ས་བཟང་འཕགས་པ། ངོར་
ཆེན་མན་འདྲའོ། །རྡོ་རྗེ་ཕྲེང་བའི་གསན་ཡིག་བཞུགསོ། །རྡོ་རྗེ་བཙུན་མོས་བྱིན་པའི་གཤེ་མོང་གིས། །རྡོ་རྗོ་ཐེག་པ་ཀུན་ལ་དབང་སྒྱུར་བའི། །རྗེ་སློབ་དཔོན་དམ་པ་ཨ་བྷ་ཡ། །རྡོ་རྗེ་འཛིན་དབུས་
བསྔགས་འོས་དེ་ལ་འདུད། །སློབ་དཔོན་ཆེན་པོ་ཨ་བྷ་ཡཱ་ཀ་ར་གུཔྟ་ཞེས་པ་ཆོས་ཐམས་ཅད་ལ་སྟོན་པ་གཉིས་པ་ལྟ་བུ་དེ། སྔོན་གྱི་རབས་སུ་རྡོ་རྗེ་ཡན་ལག་མ་བསྙེན་པས་སྐུ་
ཚེ་འདིར་རྡོ་རྗེ་རྣལ་འབྱོར་མ་དེ་མིའི་བུ་མོ་ལྟར་བརྫུས་ནས་སྔོན་བྲམ་ཟེའི་དུས་དང་ཕྱིས་ལན་གཉིས་སློབ་དཔོན་གྱི་དྲུང་དུ་འོངས་ཏེ་འདོད་པ་སྤྱོད་པ་དོན་དུ་གཉེར་བ་ན། བྲམ་ཟེ་དང་དགེ་སློང་གི་བསླབ་པས་སྡོམ་པའི་དབང་གིས་ཕྱིར་བཟློག་པར་མཛད་པས། 
7-218
ཕྱི་མ་སཽ་རི་པ་ལ་སོགས་པའི་རང་གི་བླ་མ་ཆེན་པོ་རྣམས་ཀྱིས་དེ་ནི་མ་ལེགས་པ་སྟེ། བུད་མེད་དེ་ཐ་མལ་པ་མ་ཡིན་རྡོ་རྗེ་བཙུན་མོ་མཆོག་གི་དངོས་གྲུབ་སྦྱིན་པའི་
སླད་དུ་འོངས་པའོ། །ཞེས་གསུང་པས་འགྱོད་དེ། སླད་ནས་བཅོམ་ལྡན་འདས་མར་ས་སྡེ་བཙུགས་དེ་ལ་གསོལ་བ་མང་དུ་བཏབ་པས་མནལ་ལམ་དུ་བྱོན་ཏེ། ད་ཁྱོད་ཀྱིས་ཚེ་འདིར་ང་དང་ལྷན་ཅིག་
སྤྱོད་པའི་མཐུ་མེད་ཀྱི་རྒྱུད་ཟབ་མོའི་འགྲེལ་པ་དང་། དཀྱིལ་འཁོར་གྱི་ཆོ་ག་མང་པོ་བརྩམས་ན་མྱུར་དུ་སྐལ་པ་ཅན་དུ་འགྱུར་རོ། །ཞེས་ལུང་བསྟན་པས་མན་ངག་གི་སྙེ་མ་ལ་སོགས་པའི་
རྒྱུད་འགྲེལ་དང་། འཕྲེང་བ་སྐོར་གསུམ་ལ་སོགས་པ་མང་པོ་ཞིག་མཛད་དོ། །འཕྲེང་བ་སྐོར་གསུམ་ཞེས་པའང་མངོན་པར་རྟོགས་པ་སློང་བ་དབང་པོ་རྣོན་པོའི་དབང་དུ་མཛད་ནས་རྣལ་འབྱོར་རྫོགས་པའི་འཕྲེང་
བ། དབང་ཐམས་ཅད་འགྲོས་གཅིག །དེ་ཡང་གསང་བ་འདུས་པའི་དབང་ཆོག་བཞི་བརྒྱ་ལྔ་བཅུ་པ་དང་གཙོ་བོར་འགྲོས་བསྟུན་ནས་མཛད་པ་དབང་ཆོག་རྡོ་རྗེ་འཕྲེང་བ། དེ་དག་གི་སྦྱིན་སྲེག་འོད་ཀྱི་
འཕྲེང་བའམ་སྙེ་མ་ཞེས་བྱ་བ་གསུམ་མོ། །དེ་ཡང་བོད་དུ་ཆགས་ལོ་ཙ་བ་ཆོས་རྗེ་དཔལ་གྱིས་པཎྜིཏ་ཆེན་པོ་རེ་ཝནྡྲ་ལས་གསན་ནས། དཀྱིལ་འཁོར་ཉི་ཤུ་རྩ་བརྒྱད་ཁོ་ནའི་དབང་བསྐུར་བས་དམིགས་བསལ་དུ་ཡོད་པ་དང་། 
7-219
ཁ་བསྐང་དགོས་པར་གསུངས་པ་ཐམས་ཅད་ཐོབ་པར་བཞེད་པ་དང་། ཡར་ཀླུངས་ལོ་ཙ་བ་གྲགས་རྒྱལ་གྱིས་ཁ་ཆེའི་པཎྜིཏ་བྷུ་མི་ཤྲཱི་ལས་གསན་ནས་དཀྱིལ་འཁོར་བཞི་བཅུ་རྩ་གཉིས་ཕྱེ། ཕྱིས་རྒྱ་གར་
ཤར་ཕྱོགས་ཀྱི་པཎྜིཏ་ཆེན་པོ་དཔལ་ནགས་ཀྱི་ཆེན་རྒྱལ་པོའི་ཕོ་བྲང་སྣེའུ་གདོང་དུ་ཕེབས་དུས། འགོས་ལོ་ཙ་བ་སོགས་མཁས་པ་དང་གྲུབ་པ་བརྙེས་པ་མང་པོས་གསན་པ་དཀྱིལ་འཁོར་ཞེ་ལྔ་པ།
དེ་དག་བླ་མེད་འབའ་ཞིག་གི་དབང་སྐུར་བ་ནི་འཕྲེང་བ་མཁན་པོ་རང་གི་བཞེད་པ་ཡིན་ལ། ཁ་ཆེའི་པཎྜིཏ་ཆེན་པོས་བོད་དུ་ལན་གཉིས་དེ་བཞིན་བསྐུར་ལ། བོད་རྣམས་རྒྱུད་སྡེ་སོ་སོར་
ཕྱེ་བ་ལ་མོས་པས། དེ་ལྟར་མ་བསྐུར་ན་མི་ཐོབ་པ་འདྲ་སྙམ་དགོངས་ཏེ། ཕྱི་མ་སོ་སོར་ཕྱེ་བར་མཛད་དོ། །དེ་བས་ན་རྗེས་འཇུག་རྣམས་ཀྱིས་ཀྱང་ལུགས་དེ་གཉིས་ཀྱི་རིགས་སུ་མཛད་
པར་སྣང་ངོ་། །ཉེར་བརྒྱད་དུ་ཕྱེ་བ་ནི་ཡེ་ཤེས་ཞབས་ཀྱི་ལུགས་གསང་འདུས་འཇམ་རྡོར་ལྷ་བཅུ་དགུ། མདོར་བྱས་ལས་གསུངས་པའི་གསང་འདུས་མི་བསྐྱོད་པ་ལྷ་སོ་གཉིས། སམྦུ་ཊ་ལས་གསུངས་པ་ཁ་
སྦྱོར་རྡོར་སེམས་ལྷ་སོ་བདུན། གདན་བཞི་ཡུམ་བཀའ་ཡེ་ཤེས་མཁའགྲོ་ལྷ་བཅུ་གསུམ། སམ་ཕཱུ་ཊ་ནས་གསུངས་པའི་དགྱེས་རྡོར་མཚོན་ཆ་ཅན་ལྷ་བཅུ་བདུན་སྙིང་པོ་ཀྱེ་རྡོར་གྱིས་གཙོ་བྱས་པ་དང་། བདག་མེད་མ་ལྷ་ཉེར་གསུམ། 
7-220
རྩ་རྒྱུད་བརྟག་གཉིས་ནས་གསུངས་པའི་ལྷ་མོ་བཅོ་ལྔ། ཀུ་རུ་ཀུལླེ་ལྷ་མོ་བཅོ་ལྔ། རྡོ་རྗེ་བདུད་རྩི་ལྷ་ཉེར་གཅིག་མ། དགྱེས་རྡོར་ཐོད་པ་ཅན་ལྷ་དགུ་སྙིང་པོ་དགྱེས་པའི་རྡོ་རྗེས་གཙོ་
བྱས་པ། མ་ཧཱ་མཱ་ཡཱ་ལྷ་ལྔ། རྡོ་རྗེ་ཧཱུྃ་མཛད་དམ་ཁམས་གསུམ་རྣམ་རྒྱལ། སྒྱུ་འཕྲུལ་དྲ་བ་ལས་གསུངས་པ་ལྷ་བཅུ་གཅིག་འཁོར་ལོ་སྡོམ་བ་དྲུག་ཅུ་རྩ་གཉིས་ཕྱག་བཅུ་གཉིས་པས་གཙོ་
བྱས་པ། ཕག་མོ་ལྷ་སོ་བདུན་ཡུམ་དམར་མོ་ཕྱག་གཉིས་པས་གཙོ་བྱས་པ། སངས་རྒྱས་ཐོད་པ་ལྷ་ཉེར་ལྔ་པ། རྣལ་འབྱོར་ནམཁའམ་གདན་བཞི་ཡབ་བཀའ་ལྷ་ལྔ་བཅུ་རྩ་བདུན་པ། དགྲ་ནག་ལྷ་
བཅུ་གསུམ་པ། གུར་ནས་གསུངས་པའི་རྡོ་རྗེ་སྒྲོལ་མ་ལྷ་བཅུ་གཅིག་མ། བྱ་རྒྱུད་ནས་གསུངས་པའི་འོད་ཟེར་ཅན་མ་ལྷ་ཉེར་ལྔ་པ། བྱ་རྒྱུད་ནས་གསུངས་པའི་གཟུངས་གྲ་ལྔ་ལྷ་བཅུ་གསུམ་མ།
རྣལ་འབྱོར་རྒྱུད་ཀྱི་རྩ་བའི་དཀྱིལ་འཁོར་རྡོ་རྗེ་དབྱིངས་ལྷ་ལྔ་བཅུ་རྩ་གསུམ་སྒྱུ་འཕྲུལ་དྲ་བ་ནས་གསུངས་ལ་ཕ་རྒྱུད་དུ་བཀྲལ་བ་འཇམ་པའི་རྡོ་རྗེ་ལྷ་ཞེ་གསུམ་པ། རྣལ་འབྱོར་རྒྱུད་ནས་
གསུངས་པའི་ཆོས་དབྱིངས་གསུང་དབང་ལྷ་ཉིས་བརྒྱ་དང་བཅུ་དྲུག་གི་བདག་ཉིད་ཅན། ངན་སོང་སྦྱོང་བ་ཤཱཀྱ་སེང་གེའི་དཀྱིལ་འཁོར་རྩ་བའི་ལྷ་སུམ་ཅུ་རྩ་བདུན། སྤྱོད་པའི་རྒྱུད་དུ་བཀྲལ་པའི་འབྱུང་པོ་འདུལ་བྱེད་ཀྱི་དཀྱིལ་འཁོར་ལྷ་སོ་གསུམ། 
7-221
གུར་རིགས་བསྡུས་ལྷ་ལྔ་བཅུ་རྩ་གསུམ། འཁོར་ལོ་སྡོམ་པའི་རྒྱུད་ཨ་བྷི་དྷ་ན་ལས་གསུངས་པའི་འཁོར་ལོ་བསྒྱུར་དྲུག་ལྷ་བདུན་ཅུ་རྩ་གཉིས། དཔལ་དུས་ཀྱི་འཁོར་ལོ་རྩ་བའི་ལྷ་དྲུག་བརྒྱ་སོ་
དྲུག་པ་རྣམས་སོ། །འདིའི་སྟེང་དུ་མཚོན་ཆ་ཅན་རིགས་གསུམ། ཐོད་པ་ཅན་རིགས་གསུམ། བདེ་མཆོག་ཡབ་བཀའ་ལྷན་སྐྱེས་སྔོ་སེར། ཡུམ་བཀའ་སྔོ་སེར་གཉིས་འཇམ་རྡོར་ནས་བཤད་པའམ་མི་བསྐྱོད་པའི་རྗེས་སུ་
འབྲངས་པ། ཕ་རྒྱུད་དུ་བཀྲལ་བ་ཧཱུྃ་མཛད། ཁ་སྦྱོར་རྡོར་སེམས་ཀྱི་ཁྲོ་བོ་བཅུས་བསྐོར་བས་མར་བཀྲལ་བའི་ཧཱུྃ་མཛད་གཉིས། ། ཐོད་པ་ལྷ་དགུ་མ། དུས་འཁོར་ལ་ཐུགས་དཀྱིལ་ལྷ་མོ་བརྒྱད་བཞག་པའི་
ཉེར་ལྔ་པ་བསྣན་པས་ཞེ་གཉིས། །དེའི་སྟེང་དུ་བདུད་རྩི་རིགས་གསུམ་བསྣན་པ་ཞེ་ལྔ་མར་ནགས་ཀྱི་རིན་ཆེན་བཞེད། བདུད་རྩི་གསུམ་འཕྲེང་བ་ནས་ཁ་འཕངས་པ་དེས་འདུད་རྩིའི་རྒྱུད་ནས་བྱུང་བའི་
རྒྱ་གཞུང་ཡོད་ལ། འགའ་ཞིག་པཎྜིཏ་དར་པན་ཨཙཱརྻའི་ཐུགས་དམ་སྔར་གྱི་ཞེ་གཉི་ཀྱི་སྟེང་དུ་གཟའ་ཡུམ། ནོར་རྒྱུན་མ། རྣམ་རྒྱལ་ལྷ་སོ་གསུམ་མ་རྣམས་བསྣན་ནས་ཞེ་ལྔར་བྱེད་པའི་མཐའ་མ་གསུམ་
ནི་འདི་ནས་ཁ་འཕང་ཙམ་དུ་ཡང་མ་བྱུང་བས་མི་འཐད་དོ། །དེ་ལས་རྒྱས་པར་འདོད་ན་འཇམ་པའི་རྡོ་རྗེ་ལ་གཙོ་བོ་འཕོ་བའི་དབྱེ་བས་ལྔ། བསྲུང་བ་ལྔ་ལ་བཞི། གུར་འཁོར་ལོ་སྒྱུར་དྲུག་ལ་ལྔ་སོགས་བསྣན་པས་ང་དགུ། 
7-222
དེའི་རིགས་པས་བསམ་གྱིས་མི་ཁྱབ་པར་དབྱེ་ནུས་སོ། །དེ་དག་རྒྱུད་སྡེར་འབྱེད་ན་དབང་ཡང་རྣལ་འབྱོར་བླ་མེད་དུ་བཞག་པ་ལ་ཇི་ལྟར་གསུངས་པ་ཚང་ལ། རྣལ་འབྱོར་གྱི་རྒྱུད་རྣམས་ལ་བུམ་
དབང་ལུང་བསྟན་མན། རྡོ་རྗེའི་བརྟུལ་ཞུགས། སྤྱོད་རྒྱུད་ལ། རིགས་ལྔ། བྱ་བའི་རྒྱུད་ལ་ཆུ་དང་ཅོད་པན། ཕྱི་མ་གཉིས་གར་མཐའ་རྟེན། ཐུར་མ། མེ་ལོང་། ཆོས་འཆད། རྡོ་རྗེའི་བརྟུལ་ཞུགས་ཙམ་སྟེ་ཡེ་
ཤེས་ཐིག་ལ་ལས་གསུངས་པའི་ལུང་གི་རྗེས་སུ་འབྲང་ངོ་། །དུས་ཀྱི་འཁོར་ལོ་རིགས་ལྔའི་དབང་འདི་མི་འོས་སྙམ་ན་འདི་ཡང་རིགས་པ་ཡིན་ཏེ། རིགས་ལྔའི་དག་པ་མེད་པར་བཤད་པ་བསྡུས་པའི་
རྒྱུད་ཁོ་ན་ལ་དགར་བས་རྩ་བའི་རྒྱུད་དུ་ཅི་རིགས་པ་མཛད་དོ་ཞེས་ཤེས་པ་ཡིན་ནོ། །དེ་དག་ལས་གསང་འདུས་མི་བསྐྱོད་པ་དང་། སངས་རྒྱས་ཐོད་པའང་མར་ལུགས། དགྱེས་རྡོར་ཡབ་བཀའ་ཡུམ་
བཀའ། གདན་བཞི་ཡབ་བཀའ་ཡུམ་བཀའ། མཱ་ཡ། གུར་རྣམས་རྔོག་དཀྱིལ་དང་ལྷའི་ཁྱད་པར་མེད་པའི་ཕྱིར་དེའི་བརྒྱུད་པའང་དེད་ཆོག །བདེ་མཆོག་ཡབ་བཀའ་ཡུམ་བཀའ་ལ་རིགས་ལྡན་བརྒྱུད་པ་དང་། མཆོག་གཟིགས་ཏེ་
ལོ་ནཱ་རོ་ལས་བརྒྱུད་པ་དང་། དུས་ཀྱི་འཁོར་ལོའང་ཟུར་བཀའི་བརྒྱུད་པ་ཇི་ལྟར་འདེད་འདོད་པ་རྣམས་དང་། རྒྱུད་སྡེ་དམན་མཆོག་གི་དབྱེ་བ་ཅན་གཞན་ལའང་འདིས་རིགས་འགྲེའོ། །དེ་བས་ན་འདི་ཉིད་བཞིན་བྲེང་ཆགས་སུ་བསྐུར་བ་དང་། 
7-223
འཁོལ་འདོན་དུ་བྱ་བ་གཉིས་ཀ་ཤེས་ན་གཞན་རྗེས་སུ་འཛིན་ནུས་པའི་སློབ་དཔོན་དུ་འོས་པ་ཡིན་ནོ། །བརྒྱུད་པ་ནི། རྡོ་རྗེ་འཆང་། བཛྲ་ཡོ་གི་ནཱི། ཨ་བྷ་ཡཱ་ཀ་ར། ནཱ་ཡ་ཀ་
པཱ་ད། ད་ཤ་པཱ་ལ་ཤྲཱི། བི་ཁྱཱ་ཏ་དེ་བ། ཤྲཱི་བྷ་དྲ། ལ་ལི་ཏ་བཛྲ། དྷརྨ་གུཔྟ། རཏྣ་ཀ་ར་པདྨ་བཛྲ། རཏྣ་ཀཱིརྟི། སངས་རྒྱས་དབྱངས། པཎ་ཆེན་ནགས་རིན། འགོས་ལོ་ཙ་བ། ལྷུན་
བདེ་རབ་འབྱམས། དགེ་སློང་རིན་རྣམ། དཔའ་འབྲུག་རིན་པོ་ཆེ་མཚན་དངོས་འཇམ་དབྱངས་ཆོས་ཀྱི་གྲགས་པ། སྐུ་བསྲུངས་པ་ཚེ་བདག་བཀྲ་ཤིས། དེས་པདྨ་དཀར་པོའོ། །འདི་པཎ་ཆེན་ལུགས། ཡང་ན། ཨ་བྷ་ཡ།
པཎ་ཆེན་དགེ་བའི་འབྱུང་གནས། གྲུབ་ཐོབ་ལེགས་སྤྱོད་ཞབས། པཎ་ཆེན་རཏྣ་རཀྵིཏ། རེ་ཝནྡྲ། ཆག་ཆོས་རྗེ་དཔལ། འུ་ཡུག་པ་བླ་མ་དཔལ། བླ་མ་གྲགས་ཆེན། འཕགས་འོད། བུ་སྟོན། ལོ་ཙ་བ་རིན་རྣམ།
རིན་པོ་ཆེ་བྱང་རྒྱལ། ཆོས་རྗེ་རིན་ཆེན་བཀྲ་ཤིས། རྭ་སྒྲེང་ཀ་བཞི་བ། སྐུ་ཞང་ཆོས་རྗེ་སངས་རྒྱས་དཔལ་འབྱོར། དུས་ཞབས་པ་ཤཱཀྱ་དབང་ཕྱུག །འཇམ་དབྱངས་ཆོས་ཀྱི་གྲགས་པ་མན་འདྲ། པཎ་ཆེན་
ཤཱཀྱ་ཤྲཱི། བླང་བ་སོ་བ། གཉགས་རྡོ་རྗེ་འཛིན། ཁམས་པ་དཀོན་རིན། ལོ་ཙ་བ་མཆོག་ལྡན་ལེགས་བློ། །གུ་རུ་དཔལ་ལྡན་སེང་གེ། བུ་སྟོན། ཡང་ན། བུ་སྟོན། མཁན་ཆེན་དྷརྨ་ཤྲཱི་པ། བླ་མ་རྒྱལ་བཟང་པ། 
7-224
བཀའ་བཞི་བ། ལྷུན་བདེ་བ་མན་འདྲ། ཆག་དང་བུ་ལུགས། བི་ཁྱ་ཏཱ་དེ་ཝ། པཎ་ཆེན་ཤཱཀྱ་ཤྲཱི་བྷ་དྲ། དེའི་དབོན་པཎྜིཏ་བྷཱུ་མི་ཤྲཱི། ཡར་ཀླུངས་ལོ་ཙ་བ་གྲགས་རྒྱལ། ཤངས་པ་ཚུལ་ཤེ། །
བླ་བྲང་པ་གཞོན་ནུ་རྒྱལ་མཚན། བློ་གྲོས་དཔལ། བཟང་པོ་དཔལ། ཉི་མ་རྒྱལ་མཚན། བསོད་ནམས་དཔལ། རྡོ་རྗེ་སེམས་དཔའ། ལྷུན་བདེ་རབ་འབྱམས་པ་མན་འདྲ། པཎ་ཆེན་ཤཱཀྱ་ཤྲཱི་བྷ་དྲའི་ལུགས། བྷཱུ་མི་
ཤྲཱི་ནས། བི་མ་ལ་ཤྲཱི། བོ་དྷི་སིདྷ། སྐྱི་སྟོན། ཀུན་མཁྱེན་དོལ་བུ་པ། མ་ཏི་པཎ་ཆེན། ས་བཟང་འཕགས་པ། ངོར་ཆེན་ཀུན་དགའ་བཟང་པོ། །དཀའ་བཞི་བ་རིན་བཀྲས། སྐུ་ཞང་ཆོས་རྗེ་སངས་
རྒྱས་དཔལ་འབྱོར་མན་འདྲའོ། །འདི་ལ་ས་ལུགས་ཀྱི་ཐ་སྙད་བྱའོ། །ཡང་ལྷུན་བདེ་བ་ནས་རྡོ་རྗེ་འཛིན་པ་བསྟན་པ་རྒྱ་མཚོ། དེའི་དབོན་ཡེ་ཤེས་རྒྱལ་མཚན། དེ་ལ་བདག་གི་བླ་མས་གསན་པས་
དེ་དག་གི་ལུགས་ཀྱི་བརྒྱུད་པའང་འདེད་པར་བྱའོ། །མཚན་ཉིད་ཐེག་པའི་དགོངས་འགྲེལ་གྱི་བསྟན་བཅོས་ཇི་ཙམ་ཐོབ་པའི་ཐོ་ཡིག །ཐུབ་པས་བསྐལ་ཆེན་གྲངས་མེད་གསུམ་གྱི་ཡུན། །ཚོགས་གཉིས་དཔལ་ཡོན་ཆེན་པོས་
བསྒྲུབས་གྱུར་པའི། །འདུལ་མདོ་མངོན་པའི་ནོར་བུ་མཐུ་ཡངས་པ། །རྣམ་གྲོལ་བདེ་བའི་ཆར་འབེབས་གར་འཛིན་མཆོད། །སངས་རྒྱས་འཇིག་རྟེན་དུ་བྱོན་པ་ནི། གདུལ་བྱ་ཐར་པ་དང་ཐམས་ཅད་མཁྱེན་པར་དྲང་བའི་ཆེད། 
7-225
དེར་འདྲེན་པའི་ཐབས་ཀྱི་གཙོ་བོ་ནི་ཆོས་ཀྱི་འཁོར་ལོ་བསྐོར་བ། ཐེག་དམན་དག་ཆོས་ཀྱི་འཁོར་ལོ་བསྐོར་བའི་ཐ་སྙད་ཝ་ར་ཎཱ་སིའི་དེ་ཁ་ལས་གཞན་མི་འདོད། ཆོས་བསྟན་པ་ཐམས་ཅད་
དེའི་རིགས་སུ་བསྡུས། དེ་གསུང་རབ་ཡན་ལག་བཅུ་གཉིས། དེ་ཡང་སྡེ་སྣོད་གསུམ་དུ་བྱས། འདུལ་བ་ལ་ལུང་བཞི་གཞི། སོ་ཐར་རྩ་བ་རྣམ་འབྱེད་དེའི་འགྲེལ་པ། །ཕྲན་ཚེགས་དོགས་གཅོད། ཞུ་བ་གཉིས་
ཁ་སྐོང་དུ་བྱས་པས། བསྟན་བཅོས་ལ་མ་ལྟོས་ལུང་སྡེ་བཞི་རང་འཆད་དོ། །སྟོན་པ་འདས་ནས་ལོ་བརྒྱ་ན་ཡངས་པ་ཅན་པའི་དགེ་སློང་དག་གིས་མི་རུང་བའི་གཞི་བཅུ་སྤྱད་པ་དགྲ་བཅོམ་
གྲགས་པས་བསལ་བས་བཀའ་བསྡུ་གཉིས་པ་བྱུང་། ལོ་བཞི་བརྒྱ་ཙམ་དུ་དྲི་མ་མེད། དེ་ནས་སྐད་རིགས་བཞི་སོ་སོར་སྟོན་པའི་དབང་གིས་ལུང་མི་མཐུན། དེ་བཞིན་ལྟ་བ་དང་གྲུབ་མཐའ་ཡང་། མདོ་
མངོན་པའི་ལུང་འགྱུར་ཐ་དད་དུ་གྱེས་པ་སྡེ་པ་བཅོ་བརྒྱད་བཀའ་བསྡུ་གསུམ་པས་རྒྱལ་པོ་ཀྲི་ཀྲིའི་རྨི་ལམ་ལུང་བསྟན་བཞིན་ཐམས་ཅད་བསྟན་པ་ཉིད་དུ་བསྒྲུབས་པས་ལོ་ལྔ་བརྒྱ་ཙམ་རྟགས་ཐ་
དད་པས་རྣམ་པར་དབྱེ་བས། སྔ་མ་ཆོས་དང་། ཕྱི་མ་རྟགས་ཙམ་སྟེ་ལོ་སྟོང་དུ་གནས་པ་ཡིན། (རྟོག་གེ་འབར་བ། གྱེས་པ་བཅོ་བརྒྱད། སྟོན་པ་མྱ་ངན་ལས་འདས་ནས་ལོ་བརྒྱ་དང་ཉི་ཤུ་ཙམ་ནས་བཤད་ཀྱང་། 
7-226
ཆེས་སྔས་པས་བསྟན་པ་ལོ་ལྔ་བརྒྱར་གནས་པ་དང་མི་འགྲིག །)དེ་ལ་མངོན་པའི་མདོ་ཕལ་མུ་སྟེགས་ཀྱི་དགྲ་ལན་གསུམ་ཕོག་པས་ཉམས། དབྱིག་གཉེན་གྱི་དུས་མན་དུ། མངོན་པ་སྡེ་བདུན་ཙམ་དང་།
ཉེར་སྦས་ལ་སོགས་བ་དགྲ་བཅོམ་པ་ལྔ་བརྒྱས་ཆོས་མངོན་པའི་མཛོད་ཆེན་པོའཾ་བྱེ་བྲག་བཤད་པ་གཞུང་ཤློཀ་འབུམ་ཡོད་པ་དེ་བརྩམས། དེ་ལས་བསྡུས་དབྱིག་གཉེན་གྱིས་མཛོད་བརྩམས། གཞི་བྱེ་བྲག་ཏུ་སྨྲ་
བའི་ལུང་བསྡུས་ནས་ས་ག་ལྷས་ཚིག་ལེར་བཅས་པ་དང་། འདུས་བཟང་གིས་ཀ་རི་ཀ །ཡོན་ཏན་འོད་ཀྱིས་མདོ་རྩ། ཤཱཀྱ་འོད་ཀྱིས་སུམ་བརྒྱ་པ་སོགས་བརྩམས། དེ་དག་འགྲེལ་བྱེད་རྣམས་ཀྱིས་བཀྲལ་བས་
བསྟན་བཅོས་མང་པོར་གྱུར་ལ། མདོ་སྡེ་ལ་ནི་དྲན་པ་ཉེར་གཞག་ལ་སོགས་པའི་མདོ་འགྲེལ་མང་ངོ་། །རྒྱུ་མཚན་ཉིད་ཀྱི་ཐེག་པའི་གདུལ་བྱ་དག་གི་ཆོས་འཁོར་དེ་དང་པོར་བྱས། བྱ་རྒོད་ཕུང་
པོའི་རི་བོར་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་ཆོས་འཁོར་གཉིས་པར་བྱས། བརྗོད་བྱས། བདེན་བཞི། མཚན་ཉིད་མེད་པ། ལེགས་པར་རྣམ་པར་འབྱེད་པའི་ཆོས་འཁོར། དེ་ལྟར་གསུམ་དུ་འབྱེད་པ་
ཡང་། བསོད་ནམས་མིན་པ་བཟློག་པ། བདག་བཟློག་པ། ལྟ་བ་ཀུན་བཟློག་པའི་ཆེད་དུ་ཡིན་ལ། དོན་གང་ཟག་བསྟན་པ་ལ་རིམ་གྱིས་འཛེག་འཇུག་པ་ཡིན་ནོ། །ཐེག་ཆེན་དེ་ཡང་སྟོན་པ་མྱ་ངན་ལས་འདས་ནས་ལོ་ལྔ་བརྒྱ་ཙམ་དུ། 
7-227
ལྷ་དང་། དྲི་ཟ་དང་། ཀླུ་ལ་སོགས་པའི་ཡུལ་དུ་སེམས་དཔའ་དག་གིས་ཐུགས་ལ་གཟུང་ཞིང་གླེགས་ལམ་སོ་སོ་སྐྱེ་བོ་ཐེག་ཆེན་གྱི་རིགས་ཅན་དག་གིས་མཆོད་ལ། འཛམ་བུ་གླིང་དུ་ཐོར་བུ་
ལས་མ་བཞུགས། ལྔ་བརྒྱ་ཕྱི་མ་ནས། ལྟ་བའི་སྲོལ་འབྱེད་འཕགས་པ་ཀླུ་སྒྲུབ། མདོ་སྡེའི་དྲང་ངེས་འབྱེད་པར་ཐོགས་མེད་ལུང་བསྟན་པ་བཞིན། ཀླུ་སྒྲུབ་ཀྱིས་ཀླུ་ཡུལ་ནས་ཤེར་ཕྱོགས་སྤྱན་དྲངས། དགོངས་འགྲེལ་
དུ་རིག་པའི་ཚོགས་བརྩམས། གཞན་གཏམ་ཚོགས་དེ་ཁོ་ན་ཉིད་ཀྱི་ཚོགས་སོགས་མང་དུ་མཛད། དེའི་རྩ་ཤེ་ལ། ག་ལས་འཇིགས་མེད་ཅེས་པའི་ཊཱི་ཀ་བྱུང་། རྒྱ་གར་གྱི་པཎྜིཏ་སྤྱན་རས་གཟིགས་བརྟུལ་ཞུགས་
ཀྱིས་ཀྱང་ཤེས་རང་སྒྲོལ་མའི་འགྲེལ་བར་རང་འགྲེལ་དུ་བཤད་ཀྱང་མ་ཡིན། ཀླུ་སྒྲུབ་ཕྱི་མའི་ཡིན། རྒྱུ་མཚན་ཟླ་བ་གྲགས་པའི་ཚིག་གསལ་ལས། འགྲེལ་པ་མཛད་པའི་ལུགས་སོ་ཟེར་ན། སློབ་དཔོན་གྱིས་
རྩོད་པ་བཟློག་པའི་འགྲེལ་པ་མཛད་པ་ན་ཞེས་གསུངས་པས་རྩ་ཤེ་ཉིད་ལ་འགྲེལ་པ་ཡོད་ན་དེ་དྲང་པས་ཆོག་པའི་ཕྱིར་རོ། །དེ་ལ་སངས་རྒྱས་བསྐྱངས་ཀྱིས་ཐལ་འགྱུར་དུ་བཀྲལ། །ལེགས་ལྡན་འབྱེད་
ཀྱིས་རང་རྒྱུད་དུ་བཀྲལ་བས་ཐལ་རང་། ཨཱརྱ་དེ་ཝས། བཞི་བརྒྱ་པ། ལག་པའི་ཚད། ཞི་བ་ལྷས་སྤྱོད་འཇུག་མཛད་པ་དེ་གཉིས་ཀའི་ཕྱོགས་སུ་མ་ལྷུང་བའི་ཕྱིར་གཞུང་ཕྱི་མོའི་དབུ་མ་པར་འདྲེན། 
7-228
སངས་རྒྱས་བསྐྱངས་དང་ལེགས་ལྡན་འབྱེད་རྩོད་པས་སངས་རྒྱས་བསྐྱངས་འཕམ། སྐྱེ་བ་ཕྱི་མར་ལེགས་ལྡན་འབྱེད་འདུལ་བར་སྨོན་ལམ་བཏབ་པ་ཟླ་གྲགས་སུ་འཁྲུངས་ཞེས་མཚན་ཉིད་པ་ཐམས་ཅད་ཟེར་ཀྱང་གཏམ་ཅོལ་
ཁོ་ན་ཡིན། སངས་རྒྱས་བསྐྱངས་དང་ལེགས་ལྡན་གྱི་བར་ཡང་མི་འགྲིག །ལེགས་ལྡན་དང་ཟླ་གྲགས་ཀྱང་སྔ་ཕྱི་ཕྱེ་བ་ཚིག་གསལ་མཛད་བྱང་དུ་བྱུང་། བརྒྱུད་པ་ལ་བརྟགས་པས་རྐྱང་ཤེས་སོ། །ཡང་ལེགས་
ལྡན་གྱི་དབུ་མ་སྙིང་པོ་རང་འགྲེལ་རྟོག་གེ་འབར་བ་བརྩམས་ཟེར་ཁ་མཐུན་ཏེ། དེ་ལྟ་ན། དབུ་མ་རྒྱན་དང་། དབུ་མ་སྣང་བ་དང་། དབུ་མ་བདེན་གཉིས་ཆེ་བ་གསུམ་ལ་རང་རྒྱུད་ཀྱི་
གཞུང་གསུམ་ཟེར་འདྲེན། དེ་མི་འདྲེན་པའི་རྒྱུ་མཚན་མེད། དེས་ན་འདི་ལེགས་ལྡན་ཕྱི་མ་ཇོ་བོའི་བླ་མ་ཞིག་ཡོད་དེས་མཛད་པར་དབུ་མ་རིན་ཆེན་སྒྲོན་མ་ཞེས་པ་བསྟན་འགྱུར་ན་ཡོད་པ་
དེར་གསལ་པོར་བྱུང་ངོ་། །ཟླ་བ་གྲགས་པས་དབུ་མ་འཇུག་པ་མཛད་པ་ཡིན། ཐོགས་མེད་ཀྱིས་བྱམས་པ་ལ་གསན་ནས་བྱམས་ཆོས་སྡེ་ལྔ། དེ་དང་འབྲེལ་བའི་སྡོམས་རྣམ་པ་གཉིས། ས་སྡེ་ལྔ་སོགས་
སྐུ་མཆེད་གཉིས་ཀྱིས་བགྲོས་མང་པོ་མཛད། ལྷག་པར་མངོན་རྟོགས་རྒྱན་གྱི་འགྲེལ་པ་སེང་གེ་བཟང་པོས་མཛད་པའི་དོན་གསལ་མཆོག་ཏུ་བསྔགས་པས་རྒྱ་གར་ནའང་དེ་རྩ་བར་བྱས་པའི་འགྲེལ་པ་བཞི་ཙམ་བྱུང་། 
7-229
བོད་དུ་ཕར་ཕྱིན་གྱི་གཞུང་དེ་ལ་བྱས། འགྲེལ་པ་བསམ་གྱིས་མི་ཁྱབ་བོ། །དེས་ན་ཀླུ་སྒྲུབ་ཀྱི་ཤེར་ཕྱིན་ཤེས་རབ་གཙོ་བོར་བཏོན་པས་མངོན་པར་བཀྲལ། ཐོགས་མེད་ཀྱི་ལུགས་ཏིང་ངེ་འཛིན་ཙམ་
གྱི་རིམ་པ་བསྟན་པས་མདོ་སྡེར་སོང་། དེས་ན་སྔ་མས་དོན་དམ། ཕྱི་མ་སྦས་དོན་ཀུན་རྫོབ་ཀྱི་བདེན་པ་བསྟན་པར་འདོད་ལ། སྔ་མ་རབ་ཏུ་མི་གནས་པའི་དབུ་མ་དང་། ཕྱི་མ་ལས་
ཐོགས་མེད་འཕགས་པ་གྲོལ་སྡེ་སེང་གེ་བཟང་པོ། །གསུམ་སྒྱུ་མ་ལྟ་བུ་པ། དབྱིག་གཉེན་ལ་སོགས་པ་སེམས་ཙམ་རྣམ་བདེན་བརྫུན་པར་སོང་། དབྱིག་གཉེན་གྱི་སློབ་མ་ཕྱོགས་གླང་གིས་ཚད་མ་མདོ་བརྩམས།
དེའི་ཡང་སློབ་དཔལ་ཆོས་ཀྱི་གྲགས་པས། རྣམ་འགྲེལ་ངེས་ལ་སོགས་པ་སྡེ་བདུན་བརྩམས་པ་ནས་ཤིན་ཏུ་དར་རོ། །མདོར་ན་སློབ་དཔོན་རྣམ་གཉིས་ཀྱིས་ཤིང་རྟའི་སྲོལ་ཕྱེ་བ་ནས་ཐེག་ཆེན་ལེགས་པར་
དར། ཐེག་དམན་གུད་པ་དེ་རང་གི་བསྟན་པ་ལོ་སྟོང་དུ་གནས་པར་བཤད་པ་དང་འགྲིག །བོད་དུ་རྒྱལ་པོ་ཁྲི་སྲོང་ལྡེ་བཙན་གྱི་སྐུའི་རིང་ལ་བསམ་ཡས་སོགས་སྡེ་བཅུ་གཉིས་ཙམ་བཏབ། འཆད་
ཉན་ལེགས་པར་བཙུགས་པ་ནི་འདུལ་བ། མངོན་པ། ས་སྡེ། སྡོམས་གཉིས། ཕར་ཕྱིན། རང་རྒྱུད་གཞུང་གསུམ་དར། ཚད་མ་ལ་རིག་ཐིག་མིན་པ་མ་འགྱུར། མཁན་པོ་བོདྷི་སཏྭས་ཚད་མ་དེ་ཁོ་ན་ཉིད་བསྡུས་པ་མཛད། 
7-230
དེ་ལ་འཆད་ཉན། རྒྱལ་པོ་ཁྲི་རལ་གྱི་དུས། སྐད་གསར་བཅད་བྱས། ཤིན་ཏུ་དེ་དག་ལ་འཆད་ཉན་བྱས་པ། གླང་དར་གྱིས་བསྣུབས་ནས་ཁམས་སུ་བྱུང་བ་ཡིན། བསྟན་པའི་རྩ་བ་སོ་ཐར་མདོའི་
བརྒྱུད་པ་ནི། སྟོན་པ་ནས་ཁ་ཆེ་པཎ་ཆེན་གྱི་བར་སྡོམ་རྒྱུན་ཇི་བཞིན། དེས་བྱང་ཆུབ་དཔལ། བདེ་པ་དཔལ། མཁན་ཆེན་གྲགས་པ་གཞོན་ནུ། བྱང་སེམས་བསོད་ནམས་གྲགས་པ། བུ་སྟོན། མདོ་རྩ་བའི་
བརྒྱུད་པ། སྟོན་པ་སངས་རྒྱས། ཉེ་བ་འཁོར་དང་། འདོ་སྲུངས་དང་། ཀུན་དགའ་བོ་གསུམ་ལ་ཤ་ནའི་གོས་ཅན། ཉེར་སྦས། དྷི་དྷི་ཀ །ནག་པོ། ལེགས་མཐོང་། ཕྱིར་མི་འོང་། བློས་མི་འབེབས། འདི་ཡན་དགྲ་
བཅོམ། སློབ་དཔོན་ཡོན་ཏན་འོད། ཆོས་ཀྱི་བཤེས་གཉེན། ཤཱཀྱ་འོད། སེངྒེའི་གདོང་ཅན། ཁ་ཆེ་ཛི་ན་མི་ཏྲ། དཱ་ན་ཤཱི་ལ། གཡོ་དགེ་འབྱུང་། བླ་ཆེན་དགོངས་པ་རབ་གསལ། ཀླུ་མེས། གཟུས་རྡོ་རྗེ་རྒྱལ་
མཚན། སོག་ཚུལ་ཁྲིམས་བླ་མ་དང་། ཀོ་ཁྱིམ་པ་ཡེ་ཤེས་བླ་མ་དང་། ཉང་མཚམས་པ་རིན་ཆེན་བླ་མ་གསུམ་ལ། རྒྱ་འདུལ་འཛིན། དབང་ཕྱུག་ཚུལ་ཁྲིམས། རྨ་ཚོ་བྱང་ཆུབ་རྡོ་རྗེ། བྱ་འདུལ། ཆོས་
ཀྱི་དབང་ཕྱུག །ཆོས་ཀྱི་བྱང་ཆུབ། ཆོས་ཀྱི་བརྩོན་འགྲུས། ཆོས་གྲགས། རིན་དཔལ། མཁན་ཆེན་ཀ་བཞི་བ། བྱང་སེམས་བསོད་ནམས་གྲགས་པ། བུ། ཕར་ཕྱིན་ཁམས་ནས་མཆེད་པའི་རྒྱུན་ཡོད་ཀྱང་། རྔོག་ལོས་འབུམ་ཕྲག་གསུམ་པ་ལ་གསན་པ་ནས་དེ་གཙིགསུ་མཛད་པས་མངོན་རྟོགས་རྒྱན་རྩ་འགྲེལ་དེའི་བརྒྱུད་པ། 
7-231
བྱམས་མགོན། ཐོགས་མེད། དབྱིག་གཉེན། འཕགས་པ་གྲོལ་སྡེ། བཙུན་པ་གྲོལ་སྡེ། མཆོག་གི་སྡེ། དུལ་བའི་སྡེ། རྣམ་སྣང་མཛད། སེངྒེ་བཟང་པོ། །སངས་རྒྱས་ཡེ་ཤེས་ཞབས། གུ་ཎ་མི་ཏྲ། རཏྣ་བྷ་དྲ། ཤར་ཕྱོགས་
པ་ཟླ་བཟང་། འབུམ་ཕྲག་གསུམ་པ། བློ་ལྡན་ཤེས་རབ། འབྲེ་ཤེས་རབ་འབར། ཨར་བྱང་ཆུབ་ཡེ་ཤེས། འདུལ་འཛིན་དཀར་པོ། །དཀར་ཆུང་རིང་མོ་བ། ཞང་གཡེ་བ། གཉལ་ཞིག་འཇམ་པའི་རྡོ་རྗེ་དར་མ་
ཚུལ་ཁྲིམས། བོ་དོང་བརྩོན་འགྲུས་རྡོ་རྗེ། བོ་དོང་རིན་རྩེ། ལྷོ་པ་གྲུབ་སེང་། ཚད་མའི་སྐྱེས་བུ། བུ། ཡང་། སློབ་དཔོན་སེང་གེ་བཟང་པོ་ནས་ཀུ་ས་ལ་ཆེ་བ། ཆུང་བ། གསེར་གླིང་པ་ཆོས་
ཀྱི་གྲགས་པ། ཇོ་བོ་རྗེ། འབྲོམ་སྟོན་པ་འབྲོམ་སྟོང་བཙན། ན་མགོ་བླ་མ། འབྲེ་ཤེས་རབ་འབར་མན་སྔ་མ་དང་འདྲའོ། །བྱམས་ཆོས་གཞན་བཞི་དེ་ནས་བརྒྱུད་དོ། ། མངོན་པ་ཀུན་ལས་བཏུས་ཀྱི་བརྒྱུད་
པ་ནི། སྟོན་པ། བྱམས་མགོན། ཐོགས་མེད་མཆེད། བློ་བརྟན། གང་བ་སྤེལ། དཱ་ན་ཤཱི་ལ། ཛི་ན་མི་ཏྲ། ཀ་ཅོག་ཞང་གསུམ། ནམ་ནང་ཟླ་བའི་རྡོ་རྗེ་དང་། ལྷ་ལུང་དཔལ་གྱི་རྡོ་རྗེ་དང་།
དབས་རྒྱལ་བ་ཡེ་ཤེས་གསུམ་གྱིས། ཅོག་གྲུ་རྒྱལ་བའི་ཡེ་ཤེས་ལ། དེས་ཅོག་གྲུ་མཆོག་གི་ཡེ་ཤེས། སེ་བཙུན་དབང་ཕྱུག་གཞོན་ནུ། འགར་མི་ཡོན་ཏན་གཡུ་དྲུང་། ཁུ་སྟོན་འརྩོན་འགྲུས་གཡུ་དྲུང་། རྒྱ་མཚོ་ལི། 
7-232
ར་སྟོན་ཁྲི་བཟང་། ལི་སྟོན་ཆོས་གྲགས། བྲང་ཏི་དར་མ་སྙིང་པོ། རོག་ཆོས་བརྩོན། ཡར་ནག་པ། ཉང་ཐེར་མ་པ། བཟད་རིངས། སྤྱིལ་བུ་པ། ཚད་མའི་སྐྱེས་བུ། བུ། མཛོད་ཀྱི་བརྒྱུད་པ་ནི། སྨྲྀ་
ཏི། གཡེས་ཆེན་པོ་ཤེས་རབ་གྲགས། ར་ཞགས་ཟླ་བ། མཆིམས་ཞང་བཙུན། མཆིམས་ལྷ་རྗེ་གོ་ཆ། མཆིམས་བརྩོན་སེང་། མཆིམས་དོན་རྒྱལ། མཆིམས་བརྩོན་རྒྱལ། མཆིམས་བློ་བརྟན། མཆིམས་ནམཁའ་གྲགས། ཚད་མའི་སྐྱེས་བུ། བུ་སྟོན།
ཚད་མ་མདོ། རྣམ་འགྲེལ། རྣམ་ངེས་གསུམ་གྱི་བརྒྱུད་པ། སྟོན་པ། འཇམ་དབྱངས། དགྲ་བཅོམ་པ་ཆོས་སྐྱོབ། ཨེ་ཝཾ་ག །དབྱིག་གཉེན། ཕྱོགས་གླང་། དབང་ཕྱུག་སྡེ། ཆོས་གྲཌ། ལྷ་དབང་བློ། །ཤཱཀྱ་བློ། འོད་ཀྱི་བློ།
རྒྱན་མཁན་པོ། །ཉི་སྦས་སམ། ཡང་། ཆོས་གྲགས། དུལ་ལྷ། ཆོས་འབྱུང་བྱིན། དགེ་བསྲུངས། ཆོས་མཆོག །གཞན་ཕན་བཟང་པོ། །རྔོག་ལོ། །ཁྱུང་རིན་ཆེན་གྲགས། རྒྱ་དམར་བ་བྱང་ཆུབ་གྲགས། ཕྱྭ་པ། གཙང་ནག་པ། དར་
མ་བཀྲ་ཤིས། གཉལ་ཞིག །བོ་དོང་བ། ལྡོང་གྲགས་པ་དཔལ། ལྷོ་པ་གྲུབ་སེང་། ཚད་མའི་སྐྱེས་བུ། བུ། ཡང་ན། ཆོས་ཀྱི་གྲགས་པ། ཤཾ་ཀ་ར་ནནྟ། ཝ་གི་པཎྜིཏ། ཤཱཀྱ་ཤྲཱི། ས་པཎྜིཏ། འུ་ཡུག་
པ། ཞང་སྟོན་འོད་ཟེར་རྒྱལ་མཚན། ཚད་མའི་སྐྱེས་བུ། བུ་སྟོན། དབུ་མ་རྩ་བ་ཤེས་རབ་ཀྱི་བརྒྱུད་པ་ནི། སྟོན་པ། འཇམ་དབྱངས། བྲམ་ཟེ་སྒྲ་གཅན་འཛིན། ཀླུ་སྒྲུབ། སངས་རྒྱས་བསྐྱངས། དེ་ཝ་ཤརྨ། 
7-233
ལེགས་ལྡན་འབྱེད། སྤྱན་རས་གཟིགས་བརྟུལ་ཞུགས། སངས་རྒྱས་ཡེ་ཤེས། ཡེ་ཤེས་སྙིང་པོ། ཞི་བ་འཚོ། ཀ་མ་ལ་ཤཱི་ལ། བློ་གྲོས་ཆེན་པོ། །མི་ཕམ་བཤེས་གཉེན། ཛ་ཡ་ཨཱ་ནནྟ། པ་ཚབ་ཉི་མ་
གྲགས། རང་རྒྱུད་གཞུང་གསུམ་ཡང་དེ་ནས་བརྒྱུད། འཇུག་པ། ཀླུ་སྒྲུབ། ཨཱརྱ་དེ་ཝ། ཟླ་བ་གྲགས་པ། བཙུན་པ་དེ་ཝ་ཙནྡྲ། བཙུན་པ་འཇམ་དཔལ་གྲགས་པ། ཁ་ཆེ་རིན་ཆེན་རྡོ་རྗེ། བྲམ་ཟེ་སད་
ཛ་ན། ཇོ་བོ་ཧ་སུ་མ་ཏི། པ་ཚབ་ཉི་མ་གྲགས། དེའི་སྲས་བཞི་ལས། རྨ་བྱ་བྱང་ཡེས། དེས་རྨ་བྱ་བྱང་བརྩོན། སློབ་དཔོན་ཞང་སྟོན། ཚད་མའི་སྐྱེས་བུ། བུ་སྟོན། བཤད་བཀའ་ཞང་ཐང་
སག་པས་གཟུང་ཟེར། ཡང་ན། རྩ་འཇུག་གཉིས་ཀ་ཟླ་གྲགས་ནས་རིག་པའི་ཁུ་བྱུག །ཇོ་བོ། འབྲོམ་གཉིས་ཀྱིས་རྔོག་ལེགས་ཤེ། དེས་བློ་ལྡན་ཤེས་རབ། ཇོ་བཙུན་ཁུ། སྟོད་ལུང་རྒྱ་དམར་པའམ། ལོ་ཙ་
བ་ནས་། གྲོ་ལུང་པ་བློ་གྲོས་འབྱུང་གནས་། དེ་གཉིས་ནས། ཕྱྭ་བ་ཆོས་ཀྱི་སེངྒེ་། གཙང་དཀར། ཁྲོ་ལོ་བྱམས་པ་དཔལ། བླ་མ་བསོད་ནམས་རྒྱལ་བ། ཚད་མའི་སྐྱེས་བུ། བུ་སྟོན། སྤྱོད་འཇུག་ནི། སྟོན་
པ། འཇམ་དབྱངས། ཞི་བ་ལྷ། དགྲ་བཅོམ་པ་མི་བརྗེད་གཟུངས་ཐོབ། ཛེ་ཏ་རི། ཟླ་གྲགས་ཆུང་བ། ཇོ་བོ་སུ་ན་ཡ་ཤྲཱི། བལ་པོ་ཀ་ན་ཀ་ཤྲཱི། སུ་མ་ཏི་ཀཱིརྟི། ལོ་ཙ་བ་བློ་ལྡན་ཤེས་རབ་མན་འདྲའོ། །
7-234
དེ་ཐམས་ཅད། བུ་ནས། ཐུགས་སྲས་ལོ་ཙ་བ། གཡག་སྤྲུག་སངས་རྒྱས་དཔལ། རོང་སྟོན་ཤེས་བྱ་ཀུན་རིག །པཎ་ཆེན་ཤཱཀྱ་མཆོག །མཁན་ཆེན་བཀྲ་ཤིས་རྣམ་རྒྱལ། པདྨ་དཀར་པོའོ། །འདུལ་བ་ཚིག་ལེར་བྱས་པ་
སུམ་བརྒྱ་པ། ཀ་རི་ཀ་རྩ་བ། འགྲེལ་པ་ཀ་མ་ཤཱི་ལས་མཛད་པ་ནི། པཎ་ཆེན་ནགས་རིན། རོང་སྟོན། ཁྲུས་ཁང་ལོ་ཙ་བ། བྱ་འདུལ་བ་འཛིན་པ་སྐལ་བཟང་ཆོས་ཀྱི་རྒྱ་མཚོ། །དེས་
རྡོར་གླིང་པ། དེ་ལ་ཁོ་བོས་སོ། །སྤྱོད་འཇུག་དང་ཇོ་བོའི་ཆོས་ཆུང་། །མཁན་ཆེན་མཚོ་སྣ་པ། མོན་གྲྭ་པ། མཁན་ཆེན་ཆོས་སྐྱབས་པ། གནས་བརྟན་བགྲེས་པོ་ལོ་བརྒྱ་བརྒལ་བ་ཅིག་ལ་བྱ་འདུལ།
དེ་མན་འདྲའོ། །བྱ་འདུལ་ཉིད་ཀྱིས་མཛད་པའི་སྟོན་པའི་རྣམ་པར་ཐར་པ་མཛད་པ་འཁྲུལ་པ་མེད་པར་བརྗོད་པ་བདེ་བར་གཤེགས་པའི་སྤྱོད་པ་མཆོག་གི་གཏེར། དེ་གཉིས། ཤེལ་གྲང་རབ་འབྱམས་པ་དེས་
ཐེལ་སློབ་དཔོན་ཆོས་རྒྱལ་ལྷུན་གྲུབ། དེས་པདྨ་དཀར་པོའོ། །དེ་ལྟར་མཚན་ཉིད་ཀྱི་ཐེག་པའི་བསྟན་བཅོས་ལུང་དུ་ནོད་པ་ནི་དེ་ཙམ། རྗེ་བཙུན་འཇམ་པའི་དབྱངས་ཀྱི་སེང་གེའི་ཁྲིར་ཆོས་ཀྱི་འཁོར་ལོའི་
ཕྱག་རྒྱ་བཅིངས་ནས་ཀུན་འཆད་པ་དང་། རྩོད་པ་དང་རྩོམ་པ་ལ་སློབ་དཔོན་ཆེན་པོར་གནང་བ་བྱིན་པས་སྡོམ་གསུམ་རྒྱན་རྩ་འགྲེལ། མངོན་པ་ཀུན་ལས་བཏུས་ཚིགས་བཅད་དུ་བསྡེབས་པ། ཚད་མ་ལ་འཇམ་དབྱངས་དགོངས་རྒྱན་ཞེས་པ་རྒྱན་མཁན་པོའི་བཞེད་པའི་སྙིང་པོ། །
7-235
ཕར་ཕྱིན་ལ་རྗེ་བཙུན་བྱམས་པའི་ཞལ་ལུང་རྒྱ་གཞུང་ཆོས་ཤེས་ཀྱི་རྗེ་སུ་འབྲངས་པ། དབུ་མ་ལ་ངེས་དོན་གྲུབ་པའི་ཤིང་རྟ། མཛོད་ལ་རང་འགྲེལ་ལུགས། སྤྱོད་པ་ལ་འཇུག་པ་ལ་བྱང་ཆུབ་
ལམ་གྱི་སྒྲོན་མ་སོགས་བརྩམས་པ་ཡིན་ནོ།། །།
༄། །རྣམ་འཇོམས་དབང་གཟུངས་བཤད་དང་བཅས་པའི་བརྒྱུད་ཡིག་བཞུགས་སོ།།
རྣམ་འཇོམས་དབང་གཟུངས་བཤད་དང་བཅས་པའི་བརྒྱུད་ཡིག་བཞུགསོ། །གནམ་ལྟར་མཐིང་ལ་ཉི་ལྟར་འོད་འབར་བ། །སྤྲིན་ལྟར་གཏུམ་ལ་རྒྱལ་ལྟར་དཔའ་བའི་སྐུ། །ཐོག་ལྟར་
རྔམ་ལ་མཚོན་ལྟར་རྣོ་བའི་གསུང་། །རྡོ་རྗེ་ལྟ་བུའི་ཐུགས་མངའ་དེ་ལ་འདུད། །རྡོ་རྗེ་རྣམ་པར་འཇོམས་པ་ཞེས་བྱ་བའི་གཟུངས་བྱ་བའི་རྒྱུད་དུ་བཀྲལ་བ་ཁྲོ་བོ་ལྷ་བཅོ་ལྔ་པའི་དབང་། འགྲེལ་
པ་སངས་རྒྱས་གསང་བས་མཛད་པའི་བཤད་པ་ལམ་གྱི་ཐབས་ཤེས་པ། གངྒཱ་དྷ་རས་མཛད་པའི་དཔའ་གཅིག་གི་སྒྲུབ་ཐབས། མ་ཎི་བཛྲས་མཛད་པའི་ལྷ་བཅོ་ལྔ་པའི་སྒྲུབ་ཐབས། ལས་བཞི་སྒྲུབ་པ། བསྟོད་
པ། ཛ་ཡ་ཝརྨའི་གཟུངས་ཀྱི་དཀྱིལ་ཆོག །ལས་མཐའ་བཅོ་བརྒྱད་པའིི་མན་ངག །དྷརྨ་ཤྲཱི་སྦྱིན་སྲེག་བུམ་ཆོག །འཁོར་ལོའི་ཆོ་ག །ས་བ་རི་པའི་གཞུང་ལས་ཚོགས་དང་བཅས་པའི་བརྒྱུད་པ་ནི། །སངས་རྒྱས།
རྣམ་འཇོམས། སངས་རྒྱས་གསང་བ། གངྒ་དྷ་ར། བྲམ་ཟེ་མ་ཎི་བཛྲ། ཛ་ཡ་ཝརྨ། དྷརྨ་ཤྲཱི། ས་ཝ་རི་པ། བལ་པོའི་པཎྜིཏ་ཆེན་པོ་དེ་ཝ་པུརྞ་མ་ཏི། གློ་བོ་ལོ་ཙ་བ་ཆོས་ཀྱི་བཟང་པོ། །
7-236
བཤེས་གཉེན་རིན་ཆེན་དངོས་གྲུབ་སྐྱི་སྟོན། བསྲེགས་སྟོན། དམ་པ་གྲུབ་ཤེ། ཡེ་སྟོན་པདྨ་ཅན། སློབ་དཔོན་ཇོ་བཙུན། སློབ་དཔོན་མདོ་སྡེ་དཔལ། གྲུབ་ཐོབ་ཨུ་རྒྱན་པ། ཆོས་ཀྱི་རྒྱལ་མཚན། གར་ཐིག་པ་བསོད་
ནམས་རྒྱལ་མཚན། ཐེལ་མཁན་པོ་ཤེས་རབ་རྡོ་རྗེ། བླ་མ་ཆོས་དཔལ་ཤེས་རབ། གྲགས་པ་རྡོ་རྗེ། གྲགས་པ་དོན་གྲུབ། རྔོག་རིན་པོ་ཆེ་བྱང་ཆུབ་དཔལ། རྔོག་བྱང་ཆུབ་དཔལ་གྲུབ། དགེ་སློང་རིན་རྣམ།
འཇམ་དབྱངས་ཆོས་གྲགས། རྡོ་རྗེའི་སློབ་དཔོན་ཆེན་པོ་ཡོན་ཏན་ཡེ་ཤེས། ཡང་ན། རྣམ་འཇོམས། རྡོ་རྗེ་སློབ་དཔོན་ཡོན་ཏན་ཡེ་ཤེས་སམ། མཐུ་སྟོབས་ཞབས་སུ་གྲགས་པ་ལའོ། །ཡང་། རྣམ་འཇོམས་མཐིང་ག་དཔའ་
བོ་གཅིག་པའི་རྗེས་གནང་ལུགས་གཞན་པ་ནི། རྫོགས་པའི་སངས་རྒྱས། ཛེ་ཏཱ་རི་པ། པཎྜིཏ་ཨ་ཤོ་ཀ །རྡོ་རྗེ་གདན་པ། ཨ་མོ་གྷ་བཛྲ། བ་རི་ལོ་ཙ་བ། དབུས་པ་གཟི་སྟོན། གནམ་ཁ་
འུ་པ། གཏུམ་སྟོན་བློ་གྲོས་གྲགས་པ། ལྷ་རྗེ་ཤེས་རབ་དཔལ། གློ་བོ་ལོ་ཙ་བ་ཤེས་རབ་དཔལ། འགྲོ་མགོན་ཆོས་རྒྱལ་འཕགས་པ། རོང་པ་ཤེས་སེང་། ཀུན་དགའ་ཚུལ་ཁྲིམས། བག་སྟོན་གཞོན་ཚུལ། མགོན་
པོ་འབུམ། བྱམས་ཆོས་པ་བླ་མ་ཚུལ་རྒྱལ། སྣར་ཐང་པ་ངག་དབང་། མཁན་ཆེན་བྱང་སེང་བ། གཉགས་ཕུ་པ་བསོད་ནམས་བཟང་པོ། །སྐུ་ཞང་ཆོས་རྗེ་སངས་རྒྱས་དཔལ་འབྱོར། དུས་འཁོར་ཞབས་པ་ཤཱཀྱ་དབང་ཕྱུག །
7-237
འཇམ་དབྱངས་ཆོས་ཀྱི་གྲགས་པ། རྗེ་བཀྲ་ཤིས་རྣམ་རྒྱལ་ལམ། རྗེ་མཐུ་སྟོབས་ཞབས་སོ། །མཚན་བརྗོད་རྒྱུད་འགྲེལ་དང་བཅས་པའི་བརྒྱུད་ཡིག་བཞུགས་སོ། །འགྲོ་བའི་དོན་གཟིགས་ཐེག་ཚུལ་སྣ་ཚོགས་དང་། །ཕུགས་སུ་གཅིག་
འདུ་རྡོ་རྗེའི་གསང་ཚིག་རྣམས། །རྣམ་འབྱེད་འཇམ་དཔལ་ཡེ་ཤེམ་སེམས་དཔའི་མཚན། །སུ་བཤད་དེ་ལ་གུས་པའི་སྙིམ་པ་སྦྱར། །འཇམ་དཔལ་གྱི་རྒྱུད། ཁྲོམ་གྱི་པཎྜིཏ་ཞེས་པས་ཨུ་རྒྱན་ནས་སྤྱན་དྲངས་པས་ཨུ་
རྒྱན་གྱི་རྒྱལ་པོ་ལྐོག་མ་སྐྲངས་ནས་ན་པ་དང་མུན་པས་བར་ཆད་དེ་མ་འདྲོངས། ཕྱིས་གཤིན་རྗེ་གཤེད་ཀྱི་གྲུབ་ཐོབ་སློབ་དཔོན། །རྟ་མཆོག་འཛིན་ཞེས་བྱ་བས་ཨུ་རྒྱན་དུ་བྱོན། །ཌཱ་ཀི་མ་
རྣམས་ལ་སྡིགས་མཛུབ་གཏད་པས་བྲེད་བརྒྱལ། བརྒྱལ་སང་ནས་མིང་པོ་ཅི་འདོད་པ་ཁྱེར་ཅིག་ཟེར་ནས་གནང་བ་བྱིན། དེས་རྩ་བའི་རྒྱུད་སྒྱུ་འཕྲུལ་དྲ་བ་ཁྲི་དྲུག་སྟོང་པ། བཤད་པའི་རྒྱུད་ཆོ་ག་
འདུས་པ། རྒྱུད་ཕྱི་མ་མཚན་བརྗོད། གཤིན་རྗེ་ལེའུ་བཅོ་བརྒྱད་པ་བཞི་སྤྱན་དྲངས། སློབ་དཔོན་འདི་ཁ་འཇམ་དཔལ་བཤེས་གཉེན་ནོ། །རྩ་བའི་རྒྱུད་རྒྱས་པ་དེ་ནི་ཁ་ཆེའི་གཙུག་ལག་ཁང་ན་བཞུགས་པ་
ཀླུ་བ་སུ་དྷ་ར་ཞེས་བྱ་བ་སྦྲུལ་མགོ་བཅོ་བརྒྱད་མི་མགོ་གཅིག་དང་བཅུ་དགུ་ཡོད་པ་གཅིག་གིས་བསྲུངས་ནས། བཤད་འདྲི་ཁྱེར་བའི་དབང་མེད་བལྟ་བ་དང་བློ་ལ་གཟུང་རུང་ཙམ་ཡོད་ཅེས་གྲོགས་སོ། །
7-238
དེས་རྒྱུད་ཕྱི་མར་གྲགས་པ་མཚན་བརྗོད་ནི། འཇམ་དཔའ་ཡེ་ཤེས་སེམས་དཔའ། འཇམ་དཔལ་བཤེས་གཉེན། དེས་འཇམ་དཔལ་གྱི་ཆོས་སྡེའི་སྣོད་དུ་གྱུར་པ་སུ་འདུག་གཟིགས་པས་ནོར་བུའི་གླིང་ནས་རྙེད་དེ་འཇམ་
དཔལ་གྱི་དཀྱིལ་འཁོར་དུ་དབང་བསྐུར་བའི་མཚན་སྒེག་པའི་རྗེ་ཞེས་བྱ། མུ་སྟེགས་བཏུལ་བའི་མཚན་སྣ་ཚོགས་གཟུགས། གཞན་བྱང་ཆུབ་མཆོག་གི་སྐལ་བ་དང་ལྡན་པ་འཁྲུངས་ས་ལས་ནོར་བུ་གླིང་པ་ཞེས་
མཚན་བཞི་དང་ལྡན་པ་དེ་ལ་གནང་། དེས་སླེབ་དཔོན་སཱུརྱ་སིང་ང་ལ་བཤད། དེས་སིདྷ་ལར་བསྒྲུབས་པས་གྲུབ་པ་ཐོབ། དེས་ས་ཧེ་དྷརྨ་བཛྲ། དེས་མུ་དྲ་སིདྡྷི། དེས་དེ་ཝ་ཤྭ་ར། དེ་ཡན་
ཆིག་བརྒྱུད། དེས་ཤནྟི་གརྦྷ་དང་། སྨྲྀ་ཏི་ཛྙཱ་ན་གཉིས་ལ་བཤད་དོ། །སྔ་མས་སཱུརྱ་སདྡྷི་ཞེས་པའི་གྲུབ་ཐོབ་ཅིག་དང་། དེས་བྱེ་མ་ལུང་པ། དེས་རྔོག་ཆོས་རྡོར། ཡང་སྨྲྀ་ཏི་ནས་ཚོང་སྡེ་ངག་
གི་དབང་ཕྱུག །དེས་ཁམས་པ་ཤེས་རབ་རྡོ་རྗེ། དེས་ཆོས་རྡོར། མདོ་སྡེ། རྩགས་རྒྱལ་བ། མཚུར་དོམ་བུ་ཁ་པ། དགེ་བཤེས་བཟང་མོ་བ། རྔོག་རིན་ཆེན་བཟང་པོ། །རྔོག་ཆོས་ཀྱི་རྒྱལ་མཚན། རྔོག་དོན་
གྲུབ་དཔལ། བྱང་ཆུབ་དཔལ་། རྒྱལ་དབང་རྗེ། འབྲུག་པ་རིན་པ་ཆེ་ངག་དབང་ཆོས་ཀྱི་རྒྱལ་པོ། །དེས་རྒྱལ་ཚབ་རྗེ། དེས་པདྨ་དཀར་པོ་ལའོ། །སྒེག་པའི་རྡོ་རྗེས་མཛད་པའི་འགྲེལ་པ་སྔགས་དོན་རྣམ་གཟིགས་དང་། 
7-239
རྔོག་མདོ་སྡེས་མཛད་པའི་མཚན་བརྗོད་འགྲེལ་ཆེན་གྱི་བཤད་པའི་བརྒྱུད་པའང་དེ་ཀའོ། །ཡང་། མཚན་བརྗོད་རྣལ་འབྱོར་བླ་མེད་དུ་བཀྲལ་བ་སློབ་དཔོན་ཉི་མ་དཔལ་ཡེ་ཤེས་ཀྱིས་མཛད་པའི་(བདུད་རྩིའི་ཐིག་པ་
ཟེར་)རྒྱུད་པ་ནི། སྤྱན་རས་གཟིགས་ཁརྶ་པ་ཎ། སློབ་དཔོན་དཔེ་མེད་འཚོ། །དཔལ་འཛིན་དགའ་བ། འོད་མཛད་ལྷ། ཆོས་འབྱུང་ཞི་བ། ཉི་མ་ཡེ་ཤེས། རིན་ཆེན་བསྲུང་པ། མིའི་དབང་པོ། ཕྱོགསུ་གྲོལ་བ།
ཤཱཀྱ་རཀྵིཏ། ལེགས་སྐྱེས། སངས་རྒྱས་དབྱངས། པཎ་ཆེན་ནགས་རིན། རྒྱལ་དབང་རྗེ། ཡང་། རྣལ་འབྱོར་དབང་ཕྱུག་གླིང་རས་པ་ལས། འཇམ་དཔལ་ཡེ་ཤེས་སེམས་དཔའི་མཚན་གྱི་རྒྱུད་བཤད་རིན་པོ་ཆེ་འཕྲེང་བ་ཞེས་པའི་
རྒྱུད་ཀྱི་བཤད་པ་(སྒྲུབ་ཐབས་བརྒྱད་)མན་ངག་དང་བཅས་པ་གཅིག་བྱུང་སྟེ། འདིའི་བརྒྱུད་པ་ནི། འཇམ་དཔལ། འཇམ་དཔལ་བཤེས་གཉེན། ཨ་ཝ་དྷཱུ་ཏཱི་གུཔྟ། ཨ་ཤོ་ཀ་ཤྲཱི། དྷརྨ་ཤྲཱི་མི་ཏྲ། རོང་ཟོམ་
ཆོས་ཀྱི་བཟང་པོ། །འབྲེ་ཆེན་པོ་ཤེས་རབ་འབར། ཨར་བྱང་ཆུབ་ཡེ་ཤེས། དགེ་བའི་བཤེས་(བཀའ་གདམས་པ་ཆེན་པོ་)གཉེན་གླིང་། དེ་ལ་གླིང་རས་ཀྱིས་གསན། ཁུ་ཆེན་ཡིན། དེས་ཆོས་རྗེ་ལ། དེས་ལོ་
རས་ལ། དེས་འཇམ་དབྱངས་མགོན་པོ་ལ་བཤད་ཅིང་གླིང་རས་ཀྱི་འགྲེལ་པ་བསྡུས་པར་གཟིགས་ནས་དེ་འབྲུ་དང་སྤྱི་དོན་སོ་སོར་བྱས་པའི་འགྲེལ་པ་གཉིས་མཛད། ཁོང་དང་ལྷོ་མཛེས་པ་ས་པཎ་གྱི་དྲུང་དུ་གདན་འཛོམ་པའི་དུས་ཁོང་གི་གདམས་ངག་རྩད་ཆོད་ནས་ཞུས། 
7-240
དེས་དབུས་པ་སངས་རྒྱས་འབུམ་ལ་བཤད། དེས་ལོ་མཆོག །གཞོན་ཚུལ། བླ་མ་ཤེས་རབ་རྡོ་རྗེ། ཆོས་དཔལ་ཤེས་རབ། གྲགས་པ་རྡོ་རྗེ། གྲགས་པ་དོན་གྲུབ། རིན་པོ་ཆེ་བྱང་ཆུབ་དཔལ། རྒྱལ་དབང་རྗེ།
དེས་འབྲུག་ཆེན། རྒྱལ་ཚབ་དམ་པ། དག་དབང་ནོར་བུའོ། །རྒྱུད་འདི་བི་མ་ལ་བོད་དུ་བྱོན་དུས་འགྱུར་བ་ཞིག་ཀྱང་མཐོང་ལ། ད་ལྟ་བཀའ་འགྱུར་གྱི་གསེབ་ཏུ་མི་སྣང་ངོ་། །ཡི་གེ་འདི་ཁུངས་
ཐུབ་རྙེད་ནས་འདིར་སླར་བཀོད་པ་ཡིན་ནོ། །སྔགས་དོན་རྣམ་གཟིགས་མཚན་བརྗོད་རྣལ་འབྱོར་རྒྱུད་དུ། བར་པས་བླ་མེད་དང་། འདིས་ཀྱང་བླ་མེད་འགྲེལ་ཚུལ་གཉིས་ཐ་དད་བློ་ལ་ཕན་པར་མཆིས་སོ། །གསང་
བ་འདུས་པ་དབང་རྒྱུ་དམན་ངག་དང་བཅས་པའི་གསན་ཡིག །གསང་བ་འདུས་པ་མ་དྲོས་མཚོ། །བཤད་པའི་ཆུ་བོ་བཞིར་འབབ་པས། །རྒྱུད་རྒྱལ་འཛམ་བུའི་གླིང་ཀུན་གྱི། །བརྗོད་དོན་མྱུ་གུ་སྦ་མ་ཐུབ། །
དེ་འདྲའི་ཀླུ་དབང་ཕྱག་གི་གནས། །དེ་བཞིན་པདྨ་བཛྲ་དང་། །སངས་རྒྱས་ཡེ་ཤེས་ཞབས་ལའང་སྟེ། །བཀའ་དྲིན་ཆ་ཙམ་ཐོབ་པས་སོ། ། འོ་སྐོལ་གྱི་སྟོན་པ་ཟས་གཙང་སྲས་དེ་ཨོ་ཌི་ཡ་ཎའི་ཡུལ་
དུ་རྒྱལ་པོ་ཨནྡྲ་བོདྷིས་སྤྱན་དྲངས་བསྙེན་བཀུར་ཆོས་ཞུས་པའི་ཕྱིར་དྲུང་དུ་ལྷགས་པ་ལ། སྟོན་པས་ཉོན་མོངས་པ་སྤོང་དགོས་པར་བཀའ་སྩལ་པ། རྒྱལ་པོ་ཆེན་པོས་དེ་བདག་གིས་རྔོ་མི་ཐོག་གི། 
7-241
ཉོན་མོངས་པ་སྤང་མི་དགོས་པར་ལམ་དུ་ཁྱེར་ཆོག་པ་ཅིག་དགོས་ཞེས་གསོལ་པས། སངས་རྒྱས་འཁོར་བཅས་སྐད་ཅིག་ལ་དཔལ་གསང་བ་འདུས་པ་མི་བསྐྱོད་རྡོ་རྗེའི་དཀྱིལ་འཁོར་ཆེན་པོར་གྱུར་ནས། རྒྱལ་
པོ་འཁོར་བཅས་ལ་དབང་བསྐུར། རྒྱུད་བཤད། མན་ངག་སྦྱིན་ནས་ཚུལ་དེ་ལྟ་བུར་རྒྱལ་པོས་བསྒྲུབས་པས། ཐམ་ལ་གྱི་ལུས་སྦྲུལ་ཤུན་པ་བརྗེས་པ་ལྟ་བུར་དོར་ནས། འཇའ་ཚོན་གྱི་སྐུར་གྱུར་ཏེ་སངས་
རྒྱས་ཀྱི་ཞིང་ནས་མ་རྒྱས་ཀྱི་ཞིང་དུ་དེ་བཞིནགཤེགས་པ་རྣམས་ལ་དམ་པའི་ཆོས་ཉན་ཅིང་བྱང་ཆུབ་སེམས་དཔའི་ཚོགས་ཆེན་པོ་དང་ཕན་ཚུན་བགྲོ་བར་མཛད་དོ། །སླད་ནས་ཤམྦྷ་ལའི་རྒྱལ་པོ་ཟླ་
བ་བཟང་པོ་འཁོར་དང་བཅས་པའི་མི་དང་། ལྷ་ལ་སོགས་པ་སྡེ་བརྒྱད་ཀྱི་ཚོགས་ཆེན་པོ་ལ་གསང་སྔགས་ཀྱི་ཚུལ་ཆེན་པོ་ཐམས་ཅད་སྟོན་པར་མཛད་པ་དེའི་དུས་སུའང་བསྟན་ཏེ། གསང་བ་འདུས་
པའི་རྒྱུད་ཆེན་པོ་དང་། དེ་ལས་རྩོད་པའི་དུས་དག་ལ་དགོངས་ནས་ལེའུ་བཅུ་བདུན་པ་དང་། སླད་ཀྱི་གཅིག་སྟེ་བཅོ་བརྒྱད་པ་རྒྱུད་ཕྱི་མར་གྲགས་པ་བསྟན་ཏོ། །དེ་ཡང་རྒྱལ་པོ་ཨིནྡྲ་བོ་དྷི་
འཁོར་བཅས་གྲུབ་པ་བརྙེས་ནས་ཚར་གཅིག་དེའི་ཡུལ་སྟོང་ལ། ལོ་བརྒྱ་ལྷགཅིག་མཚོར་སོང་། དེ་ཀླུ་རྣམས་ཀྱིས་བདག་བགྱིསོ། །དེ་ནས་གྲུབ་པ་དེ་དག་གིས་བསྟན་པས་ཕལ་ཆེར་མཆོག་ཐོབ་ལ། སྐལ་བ་ཅན་འགའ་ཞིག་མིར་གྱུར་ཅིང་། 
7-242
ལྷག་མ་དག་ནི་མིའི་དྲིས་སྐྲག་སྟེ་གཞན་དུ་བྱེར་ཏོ། །མཚོ་བསྐམས་སླར་ཡུལ་ཆགས། དེའི་དབུས་སུ་ཧེ་རུ་ཀ་རང་བྱུང་གི་གཙུག་ལག་ཁང་བྱུང་། དེར་གསང་སྔགས་ཀྱི་རྒྱུད་ཐམས་ཅད་གླེགས་བམ་དུ་
བགྱིས་ཏེ་བཞུགས་པ་ཡིན་ནོ། །ཀླུ་མིར་གྱུར་པའི་ཐོག་མའི་རྒྱལ་པོ་མཐོང་ན་དགའ། དེ་ལ་སྲས་མོ་རོལ་པ་མོ་ཞེས་གྲགས་པ་བསྔགས་པར་འོས་པ་ཅིག་བྱུང་ནས། ནེའུ་ལྡང་ལྔ་བརྒྱའི་འཁོར་དང་
ལྷན་ཅིག་ནགས་སུ་མེ་ཏོག་འཐུར་ཕྱིན་པའི་འགའ་ཞིག་གིས། དྲང་སྲོང་ཞིག་མཐོང་སྟེ་འཇིགས་ཤིང་སྐྲག་པ་རོལ་པ་མོའི་དྲུང་དུ་སླེབ་བོ། །དེས་འདི་ནི་ཨུ་རྒྱན་གྱི་གནས་རྡོ་རྗེ་མཆོག་ཆེན་པོ་
ཞེས་བྱ་བ་དཔལ་ཕྱག་ན་རྡོ་རྗེས་བྱིན་གྱིས་བརླབས་པ་ཡིན་པས། གནོད་པར་བྱེད་པ་སུ་ཡང་མི་འབྱུང་། བདག་ཅག་ལ་ཕན་པར་བཞེད་པའི་སྤྲུལ་པ་ཞིག་གོ་ཞེས་དབུགས་ཕྱུང་། དེའི་དྲུང་དུ་ཕྱིན་
པས་། དྲང་སྲོང་དབུགས་འབྱིན་ཞེས་བྱ་བས་དེ་དག་རྗེས་སུ་གཟུང་བྱིན་གྱིས་བརླབས་ནས་མི་སྣང་བར་གྱུར་པ་དེ་དག་དེ་ཉིད་དུ་ཕྱག་རྒྱ་ཆེན་པོའི་དངོས་གྲུབ་བརྙེས་པ་ཤ་སྟག་ཏུ་གྱུར་ཏོ། །
དྲང་སྲོང་དེ་ནི་རྒྱལ་པོ་ཨིནྡྲ་བོ་དྷིའི་སྤྲུལ་པ་དེ་ཉིད་ཀྱང་ཕྱག་ན་རྡོ་རྗེའི་རྣམ་པར་རོལ་པའོ། །དེ་བས་ན། ཕྱག་རྡོར། ཨིནྡྲ་བོ་དྷི། ཀླུ་ལས་གྱུར་པའི་རྣལ་འབྱོར་མ་ཞེས་ཐར་ཆགསུ་བཀོད་དོ། །
7-243
རྒྱལ་པོ་བི་སུ་ཀལྤ། དེ་ནི་སྟོན་པའི་སྲས་སྒྲ་གཅན་འཛིན་ཏེ། ས་ར་ཧའི་རང་བྱིན་བརླབ་ཏུ། དཔལ་རྡོ་རྗེ་སེམས་དཔའ་སྙིང་དུ་སྡུག་པར་སོན་པའི་ཞལ་ལས་རྙེད་པ་ཞེས་བཤད་ལ། སྲས་
དེ་རྡོ་རྗེ་སེམས་དཔར་རྒྱུད་ལས་གསལ་བར་གསུངས་པའི་ཕྱིར་རོ། །བྱང་སེམས་བློ་གྲོས་རིན་ཆེན། ཀླུ་སྒྲུབ་ཅེས་གྲགས་པའི་བློ་གྲོས་རིན་ཆེན། ལྷའི་ཚུལ་གཟུང་བའི་བྱང་སེམས་འགའ་ཞིག་ཡིན་པར་འཆད་མཁན་
མང་། གསེར་སྡིངས་པས་ལི་ཙ་བྱི་ཆེན་པོ་དྲི་མ་མེད་པར་གྲགས་པ་ཉིད་ཡིན་པར་གསུངས། རང་ལུགས་བློ་གྲོས་རིན་ཆེན་བྲམ་ཟེ་ཆེན་པོ་སྒྲ་གཅན་འཛིན་བཟང་པོའི་གསང་མཚན། ཀླུ་སྒྲུབ་ཀྱི་རྩ་
བའི་བླ་མ་དེ་ཡིན། དེ་ཀ་ལི་ཙ་བྱི་ཆེན་པོའི་སྐྱེ་བ་བརྟུལ་ཞུགས་ཀྱི་སྤྱོད་པ་ལ་ཞུགས་ནས་ས་ར་ཧ་ཞེས་ཡུལ་དབུས་སུ་གསང་སྔགས་གྲུབ་པའི་ཚུལ་སྔོན་དུ་བསྟན་པའི་ཐོག་མ་
ཡིན་པས་གྲུབ་པ་ཐོབ་པའི་སྤྱི་མེས་སུ་གྲགས་སོ། ། དེས་རྗེས་སུ་གཟུང་བ་འཕགས་པ་ཀླུ་སྒྲུབ་དང་། ཀླུ་སྒྲུབ་ཀྱི་སློབ་མ་ཤ་ཝ་རི་ཡང་ཡིན། ས་ར་ཧ་གསུམ་དུ་བཤད་པའི་ཆེན་པོ་
འདི། འབྲིང་པོ་ཤ་ཝ་རི་པ། ཆུང་བ་རྒྱལ་པོའི་རིགས་ལས་འཁྲུངས་པ་མེ་ཏྲི་པའི་དངོས་སློབ་ར་མ་ཕལ་ཡིན་པས་དེེ་ལ་ཏྲི་ས་ར་ཧ་ཞེས་འབྱུང་། དེ་ལྟར་མ་ཕྱེད་པས་ལོ་རྒྱུས་མཁན་ཕལ་གྱིས་རྙོག་མའི་འདམ་སློང་ངོ་། །
7-244
རིམ་པ་གསུམ་པ་མཛད་མཁན་གྱི་ཤཱཀྱ་བཤེས་གཉེན་འགའ་ཞིག་ཀླུ་སྒྲུབ་ཏུ་འདོད་པ་ནོར་བ་ཡིན། ཀླུ་སྒྲུབ་ཀྱི་སློབ་མའི་གཙོ་བོ་ཡིན། །དེ་མྱ་ངན་ལས་འདས་སིངྒ་ལིར་འཁྲུངས་པ་ཨཱརྱ་དེ་ཝའོ། །
མ་ཏཾ་ཀི །གསང་མཚན་མཚན་གསང་བ་ཅེས་བྱུང་བས་གསེར་སྡིངས་པ་སོགས་སྔ་རབས་པ་འགའ་ཞིག་ཀླུ་བྱང་དང་མི་གཅིག་པར་འདོད། བདག་ཅག་གི་བརྒྱུད་པ་གོང་མ་དག་ཀླུ་བྱང་དུ་བཞེད། འདི་
ལ་ཀླུའི་བློ་ཞེས་ཀྱང་གྲགས་སོ། །ཟླ་བ་གྲགས་པ་ཀླུ་སྒྲུབ་རང་གི་ཞབས་ལ་གཏུགས་པར་ཕལ་ཆེར་འཆད་དེ། དེ་ཉིད་ཀྱི་གཞུང་ལུགས་གང་ལ་བལྟས་ཀྱང་འཕགས་པ་ལྷའི་སློབ་མར་གསལ་ལ། ཀླུ་
སྒྲུབ་དང་དག་སྣང་གིས་མཇལ་བས་བརྒྱུད་པ་ལ་ཀླུ་སྒྲུབ་ཟླ་གྲགས་བྱས་ཀྱང་འགལ་བ་མེད་དོ། །དེ་དག་ལས་འོངས་པ་ལ་འཕགས་ལུགས། གསང་བ་འདུས་པ་ནི་མི་བསྐྱོད་པའོ། །ཡང་རོལ་པ་མོས་
ཨུ་རྒྱན་ཉིད་དུ་རྒྱལ་པོ་དཔའ་བོ་རྡོ་རྗེ། དེས་མདུན་ན་འདོན། དེས་ཞིང་པ་པདྨ་རྡོ་རྗེ། དེས་སློབ་དཔོན་ཡན་ལག་མེད་པའི་རྡོ་རྗེ་རྗེས་སུ་འཛིན་པའི་ཕྱིར་གསང་བ་གྲུབ་པ། འདི་གསང་
བ་འདུས་པ་གཏན་ལ་འབེབས་པའི་མན་ངག །གསང་འདུས་ནི་སྤྱན་རས་གཟིགས། ཇོ་བོས་མཛད་པ་དང་འགྲོས་མཐུན་པ་ཙམ་མོ། །འཇམ་དཔལ་དབྱངས་དགེ་སྦྱོང་འཆལ་པ་རྒན་པོ་ཤུགས་བཅས་སུ་མཛད་ནས། སངས་རྒྱས་ཡེ་ཤེས་ཞབས་རྗེས་སུ་བཟུང་བའི་བསྐྱེད་རྫོགས་ནི་རྒྱས་པ། 
7-245
གསང་འདུས་ནི་འཇམ་པའི་རྡོ་རྗེའོ། །དེ་ལྟར་ལུགས་གསུམ་རྒྱ་གར་དུ་གྲགས་ཆེ། བོད་དུ་བསྟན་པ་སྔ་འགྱུར་ལ་སངས་རྒྱས་ཡེ་ཤེས་ལུགས་ཅུང་ཟད་བྱུང་ཞེས་གྲགས། དེ་ནས་ལོ་ཆེན་རིན་ཆེན་བཟང་
པོས་བསྒྱུར་བ་སྔ། ཕྱིས། རྗེ་བཙུན་མར་འགོས་སོགས་མང་ངོ་། །དེ་ལས་རྗེ་བཙུན་མར་པ་ཆོས་ཀྱི་བློ་གྲོས་ཀྱིས་ནུབ་དུ་ལཀྵེ་ཊའི་དགོན་པར་པཎྜི་ཏ་ཡེ་ཤེས་སྙིང་པོ་ལ་གསན་ལ། སླད་མ་
ཁ་ཆེ་ཨཱ་ཀ་ར་སིདྡྷི་དང་ལྷན་དུ་ཇོ་བོ་ནཱ་རོ་པ་ཆེན་པོ་ལ་གསན་པ་ཡིན་ལ། དེ་ལ་མི་བསྐྱོད་པ་ལྷ་སོ་གསུམ་གྱི་དཀྱིལ་འཁོར་དུ་དབང་བསྐུར། བསྐྱེད་རྫོགས་ཀྱི་མན་ངག་
ལ་རིམ་པ་ལྔ་སྟོན། དེ་དག་གི་ཚིག་དོན་བསྲེ་འཕོ་གནད་ཀྱི་མཚམས་སྦྱོར་དུ་འདུ་བས་བརྒྱུད་པ་མི་ལ་ཡབ་སྲས་ནས་ཁོ་བོའི་རྗེ་བཙུན་རྡོ་རྗེ་འཆང་ཆེན་པོ་གཉིས་ཀྱི་བར་དུ་བྱོན་
པ་རྣམས་གཅིག་ཤེས་པས་ཀུན་ཤེས་པ་རྐྱང་དུ་བཞུགས་པའི་ཕྱིར་དོན་བརྒྱུད། དབང་། ཚིག་གི་བརྒྱུད་པ་ལ། ཡེ་ཤེས་སྙིང་པོ་ནི། མཁའགྲོ་མ། རྒྱལ་པོ་བི་སུ་ཀལྤ། དེས་ས་ར་ཧ། དེས་ཀླུ་སྒྲུབ།
དེ་ལ་སློབ་མའི་མཆོག་བཞི་སྟེ། ཤཱཀྱ་བཤེས་གཉེན། ཀླུའི་བློའམ། ཀླུ་བྱང་། ཨཱརྱ་དེ་ཝ། ཟླ་གྲགས། དེ་བཞིས་སློབ་པའི་རྡོ་རྗེ། དེས་ནག་པོ་སྤྱོད་པ། དེས་དྲི་མེད་བློ་གྲོས། དེས་ནུབ་དུ་ལཀྵེ་ཊའི་མཁས་པ་ཡེ་ཤེས་སྙིང་པོ། །
7-246
དེས་མར་པ་ཆོས་ཀྱི་བློ་གྲོས་སོ། ། རྗེ་བཙུན་ནཱ་རོ་ཞབས་ནི། ཕྱག་རྡོར། ཨིནྡྲ་བོ་དྷི། ཀླུ་ལས་གྱུར་པའི་རྣལ་འབྱོར་མ། ས་ར་ཧ། ཀླུ་སྒྲུབ། དེས་མ་ཏཾ་ཀིའམ། ཕྱག་རྡོར། བློ་གྲོས་རིན་
ཆེན། ཀླུ་སྒྲུབ། མ་ཏཾ་ཀི། དེས་ཏིལླི་པ་ལ་གསུངས། དེས་ནཱ་རོ་པ། དེས་མར་པ། དེས་མཚུར་དབང་གི་རྡོ་རྗེ། དེས་འཁོན་གད་པ་ཀཱིརྟི། དེས་བྱ་ཁང་པ་བསོད་ནམས་རིན་ཆེན། དེས་ཐུར་ལ་
བ་ཚུལ་ཁྲིམས་སྐྱབས། དེས་ཐང་སྤེ་བ་འཕགས་པ་སྐྱབས། དེས་གསེར་སྡིངས་པ་གཞོན་ནུ་འོད་ཟེར། དེས་དེ་ཉིད་ཀྱི་སྲས་ཀུན་མཁྱེན་ཆོས་སྐུ་འོད་ཟེར། དེས་ཇོ་མཚོའི་འཕགས་འོད་ཡོན་ཏན་རྒྱ་མཚོ། །དེས་
བུ་སྟོན། དེས་ཐུགས་སྲས་ལོ་ཙ་བ་རིན་ཆེན་རྣམ་རྒྱལ། རིན་ཆེན་བྱང་ཆུབ་རྒྱལ་མཚན། སྐུ་ཞང་རིན་ཆེན་བཀྲ་ཤིས། རྭ་སྒྲེང་བཀའ་བཞི་བ། སྐུ་ཞང་ཆོས་རྗེ་སངས་རྒྱས་དཔལ་འབྱོར། དུས་ཞབས་པ་
ཤཱཀྱ་དབང་ཕྱུག །འཇམ་དབྱངས་ཆོས་ཀྱི་གྲགས་པ་ལ། ཀུན་སྤངས་ཤེས་རབ་རྒྱ་མཚོ་དང་། སྐུ་བསྲུངས་པ་ཆེན་པོ་གཉིས་ཀྱིས་གསན། དེ་གཉིས་ཀར་གྱིས་པདྨ་དཀར་པོ་ལའོ། །དབང་ཆོག་ལ་ཆོ་ག་ཉི་ཤུ་
མ་ཀླུ་སྒྲུབ་ཀྱིས་མཛད། དེ་ཚད་མར་གསེར་སྡིངས་པ། ཆག་ལོ་ཆོས་རྗེ་དཔལ་སོགས་གསུང་། བུ་སྟོན་དེ་ཀླུ་སྒྲུབ་ཕྱི་མའི་ཡིན། ནཱ་ག་བོ་དྷིའི་ཆོ་ག་ཉི་ཤུ་པ་ཚད་མར་བྱེད་དགོས་ཨ་བྷ་ཡས་ཀྱང་དེ་ལྟར་མཛད་པ་ཡིན་ཅེས་གསུངསོ། །
7-247
མན་ངག་འཕགས་ལུགས་ཀྱི་བསྐྱེད་རྫོགས་ཀྱི་གཞུང་ལུགས་མཐའ་ཡས་པ་ཐམས་ཅད་ཐོས་པ་དཀོན། བླ་མ་རྣམས་ཀྱིས་འཆད་ཉན་དུ་མཛད་པ་ལ། རྒྱུད་ཀྱི་བརྗོད་བྱ་ཐམས་ཅད་རིམ་པ་ལྔར་བསྡུས་པ་ཟླ་
བ་གྲགས་པས་ཏེ། རིམ་པ་ལྔ་ཡི་བསྡུས་པའི་དོན། །ཤེས་ནས་མཐའ་དྲུག་ལ་འཇུག་གོ །ཞེས་པས་སོ། །དེ་ལས་རིམ་པ་དང་པོ་བསྐྱེད་རིམ་ལ། ཀླུ་སྒྲུབ་ཉིད་ཀྱིས་མདོར་བྱས་དང་མདོ་བསྲེ་གཉིས།
ཀླུ་བྱང་གི་རྣམ་གཞག་རིམ་པ། ཟླ་བས་རྡོ་རྗེ་སེམས་དཔའི་སྒྲུབ་ཐབས་བཞི། རྫོགས་རིམ་རིམ་པ་བཞི་ལ་ཀླུ་སྒྲུབ་ཉིད་ཀྱིས་ངག་དབེན་དང་ཀུན་རྫོབ་བདེན་པ། མངོན་བྱང་། ཟུང་འཇུག་སྟེ་བཞི་མཛད།
ཤཱཀྱ་བཤེས་གཉེན་གྱིས་སེམས་དབེན་མཛད་ནས་རྫོགས་རིམ་རིམ་པ་ལྔར་མཛད། འདིའི་རྗེས་སུ་འདྲངས་ནས་མ་ཏཾ་ཀིས་རིམ་ལྔ་ཁོངས་སུ་བསྡུ་བ་མཛད། རྡོར་བཟླས་བསྐྱེད་རིམ་དུ་བསྡུས། ཨཱརྱ་དེ་ལས་སྤྱོད་པ་
བསྡུས་པའི་སྒྲོན་མ་མཛད། འདི་ལ་རྫོགས་རིམ་ལ་སྔར་གྱི་ལྔའི་ཁར་ལུས་དབེན་བསྣན་ནས་དྲུག་ཏུ་གསུངས། འདིའི་རྗེས་སུ་འབྲང་ནས་ནཱ་རོ་པས་རིམ་ལྔ་བསྡུས་པ་གསལ་བར་མཛད། མར་པས། དམར་ཁྲིད།
ནག་ཁྲིད། དཀར་ཁྲིད་ཕྱེ་ནས་ཞལ་གདམས་སུ་བཞུགས་པ་ཕལ་གསེར་སྡིངས་པས་ཡི་གེར་བཏབ་བོ། ། ཐོག་མར་དོན་བརྒྱུད་ཀྱི་ལོ་རྒྱུས། དབང་གོང་མའི་ཆོ་ག །ཕ་རྒྱུད་ཡང་སྙིང་། དམར་ཁྲིད་འཁོར་ལོ་ཅན། 
7-248
ཅིག་ཅར་བའི་མན་ངག་འཁོར་ལོ་མེད་པ་ཡིག་ཚན་གཉིས་སེམས་དཔའ་སུམ་བརྩེགས། མཉམ་བཞག་སྒྱུ་མའི་རྣམ་ཐར། རྨི་ལམ་སྒྱུ་མའི་རྣམ་ཐར། བར་དོ་སྒྱུ་མའི་རྣམ་ཐར། འཁོར་བ་འཇུག་ལྡོག་ལ་བརྟེན་
ནས་མ་རིག་པ་རྩད་བཅད་པ། ཆགས་ཅན་འོག་སྒོ་བདེ་གྲོལ་སྲོག་རྩོལ་གཏུམ་མོའི་སྒོམ་ཐབས། གྲོང་འཇུག་གི་གདམ་ངག །སྐུ་གསུམ་གྱི་འཕོ་བ། བཙན་ཐབས་ཀྱི་འཕོ་བ། རྨི་ལམ་བཙན་ཐབས། འོད་གསལ་
བཙན་ཐབསུ་བཟུང་བ། རྡོ་རྗེ་སེམས་དཔའི་གསེབ་ལམ། སྡིག་པོ་ཆེ་བཙན་ཐབས་སུ་སངས་རྒྱ་བ། བཙན་ཐབས་ཆུང་བ། བསྲེ་བ་དྲུག་པ། འབྲས་བུ་སངས་རྒྱས་ཀྱི་བཞུགས་ཚུལ། གསང་བ་ཐུགས་རྒྱུད་ཀྱི་མན་
ངག་རྣམས་གསེར་སྡིངས་པས་མཛད་པ། རྡོ་རྗེ་འཆང་གིས་བཤད་པ་རྒྱ་དཔེ། ཐང་ཆུང་པའི་རིམ་ལྔ་ནི་འདོད་སྐྱེ་བ། སློབ་དཔོན་དགོན་པ་བའི་རིམ་ལྔ། རིམ་ལྔའི་དམར་ཁྲིད། དམར་ཁྲིད་ཞལ་གདམས་གཉིས།
རྨི་ལམ་འབྱམས་གཅོད། རིམ་ལྔ་ཉམསུ་ལེན་ཚུལ། བདག་བྱིན་རླབ་ཀྱི་ལམ་ཁྱེར་ཚན་གཉིས། བཤད་ཚུལ་བཞིས་རིམ་ལྔའི་དོན་གཏན་ལ་དབབ་པ་གཉིས། ཡོན་ཏན་བདུན་གྱི་བཤད་པ། ངོ་སྤྲོད་ཟབ་མོ། །གཏུམ་མོ་
བཙུན་ཐབས། ཕོ་ཉ་རྣམས་འཕགས་འོད་ཀྱིས་མཛད་པ། རིམ་ལྔའི་དམར་ཁྲིད་ཆེན་མོ་བུ་སྟོན་གྱིས་མཛད་པ། དེའི་ཁ་སྐོང་ལྷན་ཐབས་ཁྲིད་གཉེར་བ་རྒྱལ་བ་ཆོས་གྲུབ་ཀྱིས་མཛད་པ་རྣམས་དབང་ཀུན་སྤངས་ཆོས་རྗེ་བརྒྱུད་པ་དང་མཐུན། 
7-249
ཡང་ན་བུ་སྟོན། དཔལ་ལྡན་བླ་མ་དམ་པ་བསོད་ནམས་རྒྱལ་མཚན། བསོད་ནམས་སེང་གེ །ལྕང་གླིང་པ་གཞོན་ནུ་བློ་གྲོས། རྒྱལ་དབང་རྗེ། ངག་དབང་ཆོས་ཀྱི་རྒྱལ་པོ། །པདྨ་དཀར་པོའོ། །རྒྱུད་ལེའུ་བཅུ་
བདུན་པ། འགྲེལ་ཆེན་སྒྲོལ་མ་གསལ་བ་ཅེས་བྱ་བ་ཟླ་བ་གྲགས་པས་མཛད་པ། དེའི་དོན་གཏན་ལ་དབབ་པ་མཐའ་དྲུག་རབ་གསལ་བུ་སྟོན་གྱིས་མཛད་པ་གཉིས། འཇམ་དབྱངས་ཆོས་ཀྱི་གྲགས་པ་ཡན་
དབང་དང་འདྲ། དེ་ནས་རྗེ་རྡོ་རྗེ་གླིང་པ་ཡོན་ཏན་ཡེ་ཤེས། དེས་པདྨ་དཀར་པོའོ། །བཤད་པའི་རྒྱུད་བཞིའམ་བདུན་རྒྱུད་འབུམ་བཞིན་འཕགས་ལུགས་མར་པ་ནས་བརྒྱུད་པའོ། །རྒྱུད་ཕྱི་མ་དེའི་འགྲེལ་པ་ནཱ་
རོ་པས་མཛད་པར་གྲགས་པ། ནཱ་རོ་པ། ཨབྷ་ཡཱ་ཀ་ར། ཤཱཀྱ་ཤྲཱི། དཔྱལ་པདྨ་ཅན། ཀུན་མཁྱེན་ཆོས་སྐུ་འོད་ཟེར། ཀུན་སྤངས་ཐུགས་རྗེ་བརྩོན་འགྲུས། སེམས་དཔའ་ཀུན་དགའ་རྒྱལ་པོ། །སྟོན་པ་ཆོས་དཔལ་
བཟང་པོ། །དཔལ་ལྡན་བླ་མ་དམ་པ། བསོད་ནམས་སེང་གེ། ལྕང་ལུང་པ་གཞོན་ནུ་བློ་གྲོས། ལྷུན་སྡེ་བ་དཔལ་འབྱོར་རྒྱལ་མཚན། ཐུགས་རྗེ་ལྷུན་གྲུབ། སློབ་དཔོན་ཆོས་རྒྱལ་ལྷུན་གྲུབ། པདྨ་དཀར་པོའོ། །འགོས་
ཁུག་པ་ལྷ་བཙས་ཀྱི་ལུགས། འཕགས་པ་སྐྱབས་ཀྱིས། གླན་རྩད་ཚ་ཉ་མ་ལྕམ་ལ་གསན། མན་ངག་རིམ་ལྔ། བཙུན་མོ་ཅན་གྱི་ཞལ་གདམས་ཁ་ཡར། རིམ་ལྔའི་སྒྲོན་མེ་ཞེས་བྱའི་བཤད་སྦྱར་རྔོག་ཡེ་ཤེས་སེང་གེས་སྦྱར་བ་ཙམ་མོ། །
7-250
གཞན་རྗེ་མར་པ་ལ་ཡེ་ཤེས་ཞབས་ལུགས་རྒྱས་པར་བཞུགས་ཟེར་ཀྱང་། བདག་གིས་མ་ཐོས། འཇམ་དཔལ་ཞལ་ལུང་དང་གྲོལ་ཐིག །དཔལ་ནགས་རིན། །འགོས་གཞོན་ནུ་དཔལ། ཁྲུས་ཁང་ལོ་ཙ་བ། གྲུབ་ཆེན་བློ་
གྲོས་ཆོས་རྒྱལ། ངག་དབང་ཆོས་ཀྱི་རྒྱལ་པོ། །པདྨ་དཀར་པོའོ། །ནག་པོ་སྤྱོད་པ་ནས། བིདྱཱ་པ་ཏྲ། དྷེ་ཝ་ཨཱ་ཀ་ར། དྷི་པཾ་ཀ་ར། འགོས་རིན་པོ་ཆེ། དམར་པ་སེང་གེ་རྒྱལ་མཚན། སྡོག་
ཡེ་ཤེས་སེང་གེ །ཀླན་རྩད་ཚ་ཉ་མ་ལྕམ། ཐང་སྤེ་བ། ཡང་ན། སློབ་པའི་རྡོ་རྗེ། ནག་པོ་པ། དེས་ས་འདྲེས། དེས་བྷངྒ་ལའི་མངོན་ཤེས་ཅན། དེ་ལ་འགོས་ཁུག་པ་ལྷ་བཙས་སོ། །ཡང་
སྡོག་ནས། སྙེ་མོ་འབུམ་སྐྱབས། གཙང་སྟོན་སྨྲ་སེང་། ལྕེ་སྟོན་མདོ་སེང་། ཐམས་ཅད་མཁྱེན་པ་ལྕེ་བློ་ལྡན་སེང་གེ། འཕགས་འོད་ཡོན་ཏན་རྒྱ་མཚོའོ། །མ་ཧཱ་མཱ་ཡའི་དབང་རྒྱུད་མན་ངག་དང་བཅས་པའི་
གསན་ཡིག །འཕགས་ཡུལ་ཆོས་ཀྱི་འོ་མཚོའི་བཅུད་ལེན་པའི། །སྒྲ་བསྒྱུར་ཆུ་བྱའི་འཕྲེང་བ་དཔག་ཡས་ལས། །བདུད་རྩིར་འཐུང་མཁན་དཔལ་ལྡན་ངང་པའི་དབང་། །ཆོས་ཀྱི་བློ་གྲོས་དེ་ལ་ཕྱག་འཚལ་ལོ། ། དེ་ཡང་
རྗེ་ལོ་ཙ་བ་ཆེན་པོ་མོར་པ་ལྷོ་བྲག་པ་ཞེས་འཕྲིན་ལས་ས་གསུམ་ན་འགྲན་ཟླ་མེད་པ་དེས་འཕགས་པའི་ཡུལ་ནས་སྤྱན་དྲངས་པ་མ་ཧཱ་མཱ་ཡའི་དབང་གི་བརྒྱུད་པ་ནི། རྡོ་རྗེ་འཆང་། 
7-251
ཀུ་ཀུ་རི་པ་ཆེན་པོ། །དེས་སློབ་དཔོན་ཆོས་ཀྱི་པ། དེ་ལ་ནཱ་རོ་པཎྜི་ཏ་དང་། ཞིབ་བཟང་པོས་གསན། དེ་གཉིས་ལ་རྗེ་མར་པས་གསན། དེ་ལ་རྔོག་ཆོས་རྡོར། མདོ་སྡེ། ཀུན་དགའ། གཟི་
བརྗིད་གྲགས་པ། རིན་ཆེན་དཔལ་བཟང་། ཆོས་ཀྱི་རྒྱལ་མཚན། དོན་གྲུབ་དཔལ། བྱང་ཆུབ་དཔལ། རྒྱལ་དབང་རྗེ། དགེ་སློང་རིན་ཆེན་རྣམ་རྒྱལ་བ། འཇམ་དབྱངས་ཆོས་ཀྱི་གྲགས་པ། སྐུ་བསྲུངས་པ་ཆེན་པོ་དེས་པདྨ་
དཀར་པོ་ལའོ། །ཀུ་ཀུ་རི་པས་མཛད་པའི་དཀྱིལ་ཆོག་རིམ་པ་གསལ་བ། བསྐྱེད་རིམ་རྒྱས་བསྡུས་གསུམ། རྫོགས་རིམ་དེ་ཁོ་ན་ཉིད་ཀྱི་མན་ངག་རྩ་འགྲེལ། རྒྱུད་དང་བདུན་ལ་ཀུ་ཀུ་རི་པའི་ཆོས་
བདུན་དུ་གྲགས་ཤིང་། ལོ་ཙ་བ་ཆེན་པོའི་གསུང་ངག །འགྲེལ་ཆེན་མདོ་སྡེའི་སྲས་ཐོགས་མེད་གྲགས་པས་མཛད་པ། མན་ངག་རྣལ་འབྱོར་གསུམ་གྱི་ཁྲིད་འདི་ལ་མདོ་སྡེའི་ཟིན་བྲིས་དང་རྒྱལ་མཁར་ཞང་སྟོན་
གྱི་ཡིག་རིས་ཀུན་ཐོབ་པའི་བརྒྱུད་པ་ནི། རྒྱལ་དབང་རྗེ་ཚུན་མཐུན། དེ་ནས་འབྲུག་པ་རིན་པོ་ཆེ་ངག་དབང་ཆོས་ཀྱི་རྒྱལ་པོ། །རྒྱལ་སྲས་གཅུང་རིན་པོ་ཆེ། དེས་པདྨ་དཀར་པོ་ལའོ། །ཡང་ན་
ཆོས་རྡོར་ནས། སྤ་ལྦ་བ་ཅན། དེས་མདོ་སྡེ། ཡང་ན། མར་པ། མེས་སྟོན། ཞང་བསོད་ནམས་རྒྱལ་མཚན། རྔོག་དད་པ་ཅན། མདོ་སྡེ་མན་འདྲའོ། །སངས་རྒྱས་ཐོད་པའི་དབང་རྒྱུད་མན་ངག་དང་བཅས་པའི་རྒྱུད་ཡིག །
7-252
དཔལ་ལྡན་དཔའ་བོ་ས་ར་ཧ་པ་ཞེས། །རྡོ་རྗེ་ཐེག་པའི་གཞུང་གི་འཆད་ཉན་པ། །གང་གི་ཞབས་ལ་དད་པས་ཕྱག་བྱས་ནས། །དེས་དབྱེ་སངས་རྒྱས་ཐོད་པའི་བརྒྱད་ལུགས་འདིའི། །དེ་ཡང་སངས་རྒྱས་
ཐོད་པའི་དབང་བཞི་རྒྱུད། །དེའི་འགྲེལ་ཆེན་ས་ར་ཧས་མཛད་པ། དེས་མཛད་པའི་སྒྲུབ་ཐབས་དང་དབང་ཆོག་རྣམས་ཐོབ་པའི་བརྒྱུད་པ་ནི། རྡོ་རྗེ་འཆང་། ཀླུ་ལས་གྱུར་པའི་རྣལ་འབྱོར་མ། ས་ར་ཧ།
ཤ་ཝ་ར། ལཱུ་ཡི་པ། ཏལླི་པ། ནཱ་རོ་པ། མར་པའམ། ཡང་ན། ཤ་ཝ་རི། མཻ་ཏྲི་པ། མར་པ་ཆོས་ཀྱི་བློ་གྲོས། མཚུར་དབང་ངེ་། སྤུག་ཐམས་ཅད་མཁྱེན་པ། སྤུག་དྷརྨ་ཀེ་ཏུ། བླ་
མ་བར་སྡིངས་པ། བླ་མ་ཀུན་བསོད། གན་པ་རིན་རྒྱལ། མཁན་པོ་ཤེས་རབ་རྡོ་རྗེ། ཆོས་དཔལ་ཤེས་རབ། གྲགས་པ་རྡོ་རྗེ། གྲགས་པ་དོན་གྲུབ། རྔོག་སྟོན་རིན་པོ་ཆེ་བྱང་ཆུབ་དཔལ། རྒྱལ་དབང་
རྗེ། དགེ་སློང་རིན་རྣམ་པ། འཇམ་དབྱངས་ཆོས་ཀྱི་གྲགས་པ། སྐུ་སྲུངས་པ། དེས་པདྨ་དཀར་པོ། དབང་ངོ་། །རྒྱུད་རྒྱུད་འགྲེལ་སྒྲུབ་ཐབས། རྒྱལ་དབང་རྗེ་ནས་འབྲུག་པ་རིན་པོ་ཆེ། དེས་པདྨ་དཀར་པོ་ལའོ།། །།
༄། །གདན་བཞི་དབང་རྒྱུད་མན་ངག་གི་བརྒྱུད་ཡིག།
གདན་བཞི་དབང་རྒྱུད་མན་ངག་གི་བརྒྱུད་ཡིག །རྡོ་རྗེ་ཐེག་པ་གོ་ཤཱིརྵ་ཡི་དྲི། །རྒྱ་བལ་བོད་ཀྱི་ཚད་གདུངས་བཅིལ་བ་ལ། །མཆོག་གཟིགས་ཞལ་སྐྱིན་མ་ལ་ཡ་རླུང་གིས། །ཁྱོངས་འདྲ་གར་སྣང་དེ་ཕྱིར་དེ་ལ་བཏུད། །
7-253
བཀའ་བསྲུངས་ཅན་དཔལ་རྡོ་རྗེ་གདན་བཞི་པ་ནི། རྗེ་བཙུན་མར་པས་རྒྱ་གར་དུ་བྱོན། ལོ་གསུམ་བལ་ཡུལ་དུ་བཞུགས། ཚད་པ་ལ་འདྲིས་སུ་བཅུག །དེའི་དུས་བླ་མ་བལ་པོ་སྤྱི་ཐེར་བར་གྲགས་
པ། སློབ་དཔོན་རྣམ་རྒྱལ་དབང་པོའི་སྡེ་ཞེས་བྱ་བ་ནམཁའི་ཆོ་ག་མཛད་མཁན་དེའི་སློབ་མ་དཀན་པ། དེའི་སློབ་མའང་ཡིན། དཔལ་ནཱ་རོ་པའི་སློབ་མའང་ཡིན་པ་དེ་ལ། བདག་གདན་གྱི་བཤད་པ་
ལེགས་མོ་ཞིག་འདུག་པ་གསན། གཞན་གསུམ་མི་ཤེས། དེ་ནས་རྒྱ་གར་དུ་བྱོན་པའི་དུས་ན་གདན་བཞི་ཀ་ཤེས་པ་ནཱ་རོ་པ་ལས་མེད། གཞན་པཎྜིཏ་གདན་རེ་རེ་ཙམ་ཤེས་པ་འདུག །སྐབས་ཤིག་
ཆར་ཟིབ་ཅིག་བྱུང་ནས། རྗེ་བཙུན་གྱང་སྣ་དྲང་ངེ་བ་ཞིག་ན་ཆར་ཡིབ་མཛད་ཀྱིན་བཞུགས་པ་ན། ལྷ་ཁང་ཞིག་གི་བྱ་འདབ་ཁ་ན་བུད་མེད་ཅིག་བྱ་བྲུན་འཕྱག་ཅིང་འདུག་པའི་ཕྱགས་མ་
ཤོད་དུ་ལྷུང་བས་ཕར་གཅེར་ཚུར་གཅེར་བལྟས་རྗེ་བཙུན་མ་མཐོང་བར་མི་མེད་པ་འདྲ་བསམ། དེས་སྟེང་ནས་ལག་པ་ནར་གྱིས་བཏང་ནས་ཕྱགས་མ་བླངས་བྱུང་། དེ་སུ་ཡིན་བརྟགས་པས་ཌཱ་ཀིམ་ཆུ་
ཤིང་གི་སྙེ་མ་ཅན་བྱ་བ་བླ་མ་མཻ་ཏྲི་པའི་མུ་དྲ་དེ་ཡིན་པ་མཁྱེན་ནས། བླ་མས་དེ་རང་དུ་གསེར་གྱི་མཎྜལ་ཕུལ་ནས་བདག་རྗེས་སུ་གཟུང་འཚལ་ཞུས་པས་ཞལ་གྱིས་བཞེས། གསང་གདན་ལེའུ་དང་པོའི་དབང་བསྐུར་བྱས། 
7-254
བསྐྱེད་རིམ་ཡེ་ཤེས་མཁའགྲོ་མ་ལ་བརྟེན་ནས། རྫོགས་རིམ་ཆུ་ཤིང་གི་མེ་ཏོག་བྱ་བ་གནང་། གཞན་སོ་ས་གླིང་གི་དུར་ཁྲོད་དུ་རྣལ་འབྱོར་མ། མིའི་རུས་པའི་རྒྱན་ཆ་ཅན་བྱ་བ་ཇོ་བོ་
ནཱ་རོ་པའི་ལྕམ་དིང་སང་བོད་དུ་ནི་གུ་མ་ཞེས་གྲགས་པ་ཅན་དེའི་ཡང་སྤྱན་སྔར་བྱོན་གདན་བཞི་ཕལ་ཆེར་གསན། ཕྱིས་ནཱ་རོ་པའི་དྲུང་ཁོ་ནར་གདན་བཞི་ཀའི་བཤད་པ་དབང་མན་ངག་
རྫོགས་པར་གསན། ལྷོ་བྲག་ཏུ་ཕེབས་ནས་ཅུང་ཟད་ལོན་པ་ན། འགོས་ཀྱི་སློབ་མ་ཇོ་བོ་ཁྱུང་པོ་བྱ་བ་གཅིག་གདན་བཞི་འགྲེལ་པ་ལུགས་འཆད་པ་གསན། དེའི་རྗེསུ་རྗེ་བཙུན་གྱིས་ང་ཅག་དེ་
ལ་དམག་དྲངས་དགོས་གསུངས། ཅིས་ན་ཞུས་པས། རྒྱ་གར་ན་གདན་བཞི་ཀ་ཤེས་པ་ཇོ་བོ་ནཱ་རོ་པ་གཅིག་པུ་ལས་མེད་པར་བོད་ན་དེ་ལས་མ་བྱུང་བ་འཆད་པ་གསུང་། དེ་ཇོ་བོ་
ཁྱུང་པོས་གསན་ནས་ཁོང་གསུང་བ་མད་མཆིས། དཀའ་བ་མཛད་པ་ཡིན་གསུངས་ནས་འཆད་འཕྲོ་བཞག་སྐད། དེས་ན་ཇོ་ནཱ་རོ་པའི་སྤྱན་སྔར་རྩ་རྒྱུད་བཤད་རྒྱུད་མན་ངག་གི་རྒྱུད་གསན་ཅིང་། འགྱུར་མཛད་
པའི་རྒྱ་དཔེ་བོད་དཔེ་རེ་ཡོད་པའི་རྒྱ་དཔེ་ཁེ་གང་ཀྱི་ཕྱག་ཏུ་བྱུང་ངོ་། །རྗེ་བཙུན་དེས་རྔོག་ལ་གནང་། དེ་ནས་རམས་ལ་སོགས་པ་དུ་མར་འཕེལ་བ་འདི་བྱུང་བ་ཡིན། དེ་ཡང་བླ་མ་མར་པའི་ཕྱག་ནས་མནྟྲ་ཨཾ་ས་ཞུ་བ་མིན་པ་འདྲི་བ་རང་ལ་ཡང་ཡོན་འབྲི་རེ་ཡོད་པ་ཡིན། 
7-255
ཌཱ་ཀི་མང་པོ་ཐིབས་སེ་གནས་པས་གཉན་གསུང་། གདན་བཞི་རྩ་བའི་རྒྱུད། བཤད་རྒྱུད་ཆེན་མོ། །མན་ངག་གི་རྒྱུད་མནྟྲ་ཨཾ་ས། དེའི་དོན་བསྡུས་པ་ཉི་མའི་འོད་ཟེར་ཞེས་པ་ལོ་ཙ་བ་ཉིད་
ཀྱིས་མཛད་པ། ཨཱརྱ་དེ་ཝས་མཛད་པ་སྙིང་པོ་མདོ་བསག་སྒྲུབ་ཐབས་གཉིས་མཆན་ཁུང་སྦྱོར་བ། ཤིང་གཅིག་པའི་དཀའ་འགྲེལ། རྣམ་རྒྱལ་དབང་པོའི་སྡེས་མཛད་པའི་སྒྲུབ་ཐབས་། ལྷག་པར་ཆུ་ཤིང་གི་མེ་ཏོག །
བའི་ནུ་མ་མཆོད་རྟེན་བུམ་པ། བ་གླང་མིག་པ་སོགས་རྫོགས་རིམ་རྣམས་དང་བཅས་པའི་བརྒྱུད་པ་ནི། རྡོ་རྗེ་འཆང་། ཀླུ་སྒྲུབ། །ཨཱརྱ་དེ་ཝ། ཏིལླི་པ། ནཱ་རོ་པ། མར་པ། རྔོག་ཆོས་རྡོར། མདོ་
སྡེ། ཀུན་དགའ། གཟི་བརྗིད་གྲགས་པ། ཆོས་ཀྱི་རྒྱལ་མཚན། དོན་གྲུབ་དཔལ། བྱང་ཆུབ་དཔལ། རྒྱལ་དབང་རྗེ། འབྲུག་པ་རིན་བོ་ཆེ་ངག་དབང་ཆོས་ཀྱི་རྒྱལ་པོ། །རྒྱལ་ཚབ་དམ་པ་གཅུང་རིན་པོ་ཆེ། དེས་
པདྨ་དཀར་པོ་ལོའོ། །ཡང་ན་ནི་གུ་མ། མར་པའམ། ནཱ་རོ་པ་ནས། དགེ་བའི་གོ་ཆ། སྡེའི་གོ་ཆ། རྣམ་རྒྱལ་དབང་པོའི་སྡེ། ཐང་ཆུང་པ། མར་པའོ། །ཡང་མདོ་སྡེ་ནས། སྲས་རྒྱལ་ཚ་ར་
མོ། །དེས་རྔོག་ཚ་ཆོས་སྐུ། རྔོག་ཚ་དཀོན་མཆོག་དཔལ། དྲན་སྟོན་མཐའ་བྲལ། བྲན་སྟོན་ཤེས་རབ། མན་ལུང་གུ་རུ། མན་ལུང་ཀུན་མཁྱེན། འཛམ་གླིང་གསང་རིན། མགོན་པོ་ཚུལ་ཁྲིམས། བྱང་ཆུབ་དཔལ་ལོ། །རྔོག་གི་ཞལ་ངོའི་བར་ཞིག་ནས་གདན་བཞིའི་བཤད་རྒྱུན་རྒྱས་པ་ཆད་པ་བྱང་ཆུབ་དཔལ་ལ་རྗེ་ཙོང་ཁ་པ་ཆེན་པོས་སྙན་སྦྲོན་ཕུལ་ནས། 
7-256
སྤྲེ་ཞིང་པའི་སློབ་དཔོན་མགོན་ཚུལ་ལ་འགྲེལ་ཆེན་རྔོག་གིས་མཛད་པའི་སྟེང་ནས་བཤད་པ་གསན་པའི་བརྒྱུད་པ་ནི། ཕྱི་མ་དང་མཐུན་ནོ། །རྒྱུད་དྲུག་ཅེས་འདྲེན་པའི་ཚེ་གདན་བཞི་གཅིག་ཏུ་བྱེད་པ་
ཡིན་ནོ། །གདན་བཞི་ཡབ་བཀའ་ཡུམ་བཀའི་དབང་གི་བརྒྱུད་པ་ནི། བྱང་ཆུབ་དཔལ་གྱི་བར་ཞལ་ངོ་དང་སློབ་བརྒྱུད་ལས་བརྒྱུད་པ་གཉིས་ཀ་རྒྱུད་དང་མཐུན། དེ་ནས་རྒྱལ་དབང་རྗེ། དགེ་སློང་རིན་ཆེན་
རྣམ་རྒྱལ། འཇམ་དབྱངས་ཆོས་ཀྱི་གྲགས་པ། སྐུ་བསྲུངས་པ་ཆེན་པོ། །དེས་པདྨ་དཀར་པོ་ལའོ།། །།
༄། །ཀྱེ་རྡོ་རྗེའི་དབང་རྒྱུད་མན་ངག་དང་བཅས་པའི་གསན་ཡིག།
ཀྱེ་རྡོ་རྗེའི་དབང་རྒྱུད་མན་ངག་དང་བཅས་པའི་གསན་ཡིག །ཚོགས་ཀྱི་འདུས་པར་བདག་མེད་ཡུམ་དགུ་ལ། །འདོད་
པ་ཀུན་གྱིས་དགྱེས་མཛད་ཧེ་རུ་ཀ །ཆོས་ཀྱི་བློ་གྲོས་ཡངས་པ་ཐམས་ཅད་ཀྱིས། །རྟག་བརྟན་ཐེར་ཟུག་སྐྱབས་གནས་དེ་ལ་འདུད། །དེ་ཡང་བརྗོད་བྱ་དོན་གྱི་རྒྱུད་བཤད་པ་དང་། །རྗོད་བྱེད་ཚིག་གི་
རྒྱུད་བཤད་པ་གཉིས། །དང་པོ་ནི། མདོ་རྒྱུད་ཐམས་ཅད་བརྗོད་བྱ་དོན་གྱི་སྟེང་དུ་ཐ་དད་དུ་གྲུབ་པ་མེད་པས། གཅིག་ལེགས་པར་ཤེས་ན་ཀུན་ཤེས་པར་འགྱུར་བ་སྟེ། ཆོས་གཅིག་གི་མདོ་དང་
རྒྱས་པ་ཤེས་ན་ཆོས་ཐམས་ཅད་ཀྱི་མདོ་དང་རྒྱས་པ་ཤེས་པར་འགྱུར་ཞེས་ལུང་ལས་འབྱུང་བ་བཞིན་ནོ། །དེས་ན་རྒྱས་པ་འབུམ་ཕྲག་བདུན་པ་དང་ལྔ་པ་ནས། དེ་ཁོ་ན་ཉིད་ཀྱི་སྒྲོན་མའི་བར། 
7-257
རྩ་བ་དང་། སྡོང་པོ་དང་། ཡལ་ག་དང་། ཡལ་ག་ཕྲེའུ་དང། མེ་ཏོག་དང་འབྲས་བུ་སྨིན་པའི་བར་ཇི་ལྟ་བར་རྩ་བཤད་ཕྱི་མའི་རྒྱུད། འབྲས་བུ་སྨིན་པ་ཟ་བ་དང་ཆོས་མཐུན་པ་ཤིན་
ཏུ་རྨད་དུ་བྱུང་བའི་རྒྱུད་བསྲེ་འཕོ་གནད་ཀྱི་མཚམས་སྦྱོར་གྱིས་ལེགས་པར་བཤད་པ་ཡིན་ནོ། །འདིས་རྒྱུད་དབུ་ནས་ཞབས་ཀྱི་བར་ཐམས་ཅད་བཤད་ཚོད་དུ་མི་ལུས་པར་གོ་བ་ལྟོ་གདུངས་ཅན་བཟའ་
བཏུང་དང་ཕྲད་པ་ལྟ་བུའམ་གཞན་དཔེར་བགྱི་ན་འཇིག་རྟེན་ན་གསང་གཏམ་བསྙད་པ་ལྟ་བུ་དེ་ཡང་བསྲེ་འཕོ་དང་རྒྱུད་ཀྱི་ཚིག་བསྟུན་ཀྱིན་བཤད་པ་ལྟ་བུ་མ་ཡིན་ཏེ། དེ་ཀའི་ཚིག་ལས་
འདི་ཐམས་ཅད་འབྱེད་པར་ནུས་པའོ། །དེ་ལྟ་མིན་ན་རྒྱུད་མཚན་དོན་གྱིས་གོ་བ་དང་། གླེང་གཞི་བཞུགས་ཚུལ་གྱིས་གོ་བ་མི་འཐད་པར་འགྱུར་རོ། །དེ་གཉིས་ཀྱིས་རྒྱུད་གོ་བ་དེ་ལ་རྒྱས་པའི་
ཚིག་བོངས་སྐོར་དུ་བྱ་དགོས་པ་མ་ཡིན་ལ། སྔར་གོ་བ་ལས་ད་རྒྱས་པར་ལྷག་པོ་སྟོན་རྒྱུ་ཅི་ཡང་མེད། དེས་རྒྱུད་ཀྱི་མཚན་ནམ་གླེང་གཞི་བཤད་པ་ལ་དབང་། གཞན་བཤད་པ་ལ་མི་
དབང་བའང་མ་ཡིན་ཏེ། རྒྱུད་ཐམས་ཅད་ཀྱི་མདོ་འདི་ཤེས་པའི་དུས་དེ་ཀར་རྒྱས་པ་ཤེས་ཟིན་པའི་ཕྱིར་རོ། །དེ་བས་ན་བསྲེ་འཕོ་དཔྱིས་ཕྱིན་པར་བཤད་པ་ཁོ་ན་རྒྱུད་ཐམསཅད་ཀྱི་སློབ་བཤད། 
7-258
དེས་ན་དེའི་བརྒྱུད་པ་ཁོ་ན་རྒྱུད་ཐམས་ཅད་ཀྱི་དོན་བརྒྱུད་དུ་བཞག་གོ། ། གཉིས་པ་རྗོད་བྱེད་ཚིག་གི་རྒྱུད་བཤད་ནི། བསྲེ་འཕོ་ལྟ་བུ་རེ་ཞིག་བློས་བཟོད་པར་མི་ནུས་ལ། རྒྱུད་ལ་འཇུག་
པའི་སྐལ་པ་ཡོད་པའི་དབང་དུ་བྱས་ནས། རྒྱུད་ཀྱི་འཁྲུགས་མ་སྡེབས་པར་གཞུང་གོ་རིམ་བཞིན་བཤད་པ་སྟེ། འདི་ནི་ལྟོ་གདུངས་ཅན་ལ་བཟའ་བཏུང་འདི་ལྟ་བུའོ། །ཞེས་གཏམ་བསྙད་པ་ལྟ་བུ་སྟེ།
གཏམ་ཐོས་ན་ཟས་དེ་ལ་འདོད་པ་དུང་དུང་སྐྱེ་བ་དེ་བཞིན་དུ་སློབ་མ་ལ་བཤད་རྒྱུད་དེ་ལ་ཡིད་འདོད་པ་སྐྱེའོ། །དཔེ་གཞན། གཏམ་སྦུག་མ་ལྟ་བུ་འདི་ཚོགས་བཤད། དེ་བས་ན་གཞན་
དག་གིས་སློབ་བཤད་དུ་འདོད་པ་དེ་དག་ཀྱང་བདག་ཅག་གི་ལུགས་ལ་བལྟོས་ན་ཚོགས་བཤད་རང་དུ་བཞུགས་པ་འདི་ལྟ་བུས་ཤེསོ། །རྗོད་བྱེད་ཚིག་གི་རྒྱུད་བཤད་འདི་ཡང་། རྗེ་བཙུན་མི་ལ་ནས་
བདག་གི་རྩ་བའི་བླ་མའི་བར་དུ། དགྱེས་པ་རྡོ་རྗེའི་དབང་། དེའི་རྒྱུད་བརྟག་པ་གཉིས་པ་གཅིག་ནས་གཅིག་ཏུ་ཐོས་པ་བར་མ་ཆད་པ་གླིང་གི་འགྲེལ་པ་ཡོད་པས་རྟོགས་མོད་ཀྱང་བླ་མ་
རིམ་པ་ནས་རིམ་པར། འདི་མི་གཙོ་བར་བཤད་པའི་བཀའ་རྔོག་ལ་བབས་པས། དེ་འདེད་པ་ཁོ་ན་ལྷུར་ལེན་ནོ། །དེ་ཡང་རྔོག་སྟོན་ཆེན་པོ་ཆོས་སྐུ་རྡོ་རྗེ་ནས་བརྒྱུད་པ་བདུན་དུ་རྗེ་མར་པས་བྱིན་གྱིས་བརླབས་པ་འབའ་ཞིག་འབྱོན་པར་ལུང་བསྟན་པའི་བདུན་ལ་ཆོས་རྡོར་མི་ཐེ། 
7-259
དེ་ནས་བདུན་འབྱུང་འགྱུར་ལ་གསུངས་པའི་ཕྱིར་རོ། །བྱིན་གྱིས་བརླབས་པ་ཞེས་པ་ཡང་རྗེ་ལོ་ཙ་བའི་སྐུ་གསུང་ཐུགས་ཡོན་ཏན་འཕྲིན་ལས་བབས་པ་སྟེ། དོན་རྗེ་བཙུན་རང་དང་མཉམ་པ་ཞིག་གོ། །
དེའི་བདུན་པ་བྱང་ཆུབ་དཔལ་དགུང་ལོ་བརྒྱད་ཅུ་རྩ་དགུ་པ་ལ་རྒྱལ་དབང་རྗེ་སྐུ་གཞོན་ནུ་ཞིག་གིས་མཇལ་བ་ན། ངེད་ཀྱིས་ད་བར་ཁྱོད་ལ་བསྒུག་སྡོད་བྱས་པ་ཡིན། །ད་ཆོས་བདག་པོའི་
ལག་ཏུ་འཕྲོད་དོ་གསུང་རྔོག་ལུགས་ཀྱི་དབང་རྒྱུད་མན་ངག་ཚང་བར་གནང་། ཕྱིར་ཕེབས་ཀ་ངེད་ཡུན་རིང་པོ་མི་སྡོད་པས། ངེད་ཀྱི་ལྡད་ཀྱི་གྲལ་དབུ་ཁྱེད་ཀྱིས་མཛད་དགོས་ཞེས་གདམས་ཏེ་ཟླ་བ་
ཙམ་ན་མྱ་ངན་འདས། ཞལ་ཆེམས་བཞིན་གྲལ་དབུར་ཕེབས། དེ་དུས་གནག་ར་བ་ཞེས་པ་རྔོག་སྟོན་དཔལ་བཟང་། ཟླུམ་ཁྱུད་པ་ཞེས་པ་རྔོག་བསོད་ནམས་དོན་གྲུབ། རྗེ་ཉིད་ཀྱི་གདན་ས་པ་རྔོག་བྱང་
ཆུབ་དཔལ་གྲུབ་པའི་མཚན་ཅན་ཀུན་གྱིས་རྗེའི་གསུང་དེས་དཔལ་ནཱ་རོ་པར་ཡིད་ཆེས་ནས་ཆོས་གསན། རིན་པོ་ཆེ་འདུན་བརྒྱུད་ཀྱི་དབང་བུམ་འདི་ཡང་ཆོས་རྗེ་འབྲུག་པ་ལ་ཕུལ་གསུང་བ་ལྟར་ཕྱག་
ཏུ་བྱུང་། རྔོག་སྟོན་འདི་ལ་དུས་དེའི་ཚེ་དགེ་བཤེས་ཀུན་གྱི་ཐུགས་བྱས་ཀྱང་། བཀའ་བབས་གཏོད་ས་དང་སློབ་མའི་ཐུ་བོ་འདི་ལ་མཛད་དོ། །མདོ་སྡེ་ལ་ཡབ་ཀྱི་བཀས། དགྱེས་རྡོར་རམས་ལ་ཉོན་གསུང་པ། 
7-260
མདོ་སྡེས་རྗེ་མར་པ་རང་དང་། ཡབ་གཉིས་ཀ་ལ་གསན་ཀྱང་སྐུ་གཞོན་པས་མཐིལ་ཕྱིན་མ་ལོབས་ཏེ། མར་པ་དགུང་ལོ་བརྒྱད་པ་ལ་གཤེགས། ཆོས་རྡོར་བཅུ་གསུམ་ལོན་ཚེ་གཤེགས་པའི་སྐྱོན་ཡིན། ཕྱིས་
རམས་ཅན་དུ་བྱོན་པས་བདག་རྐྱེན་མ་བྱུང་ནས་མ་ཞུས་པར་ལོག །རྔོག་དད་པ་ཅན་ལ་གསན། རམས་དེས་མཁས་པ་འབུམ་ཕྲག་གསུམ་པ་ཡང་རྩོད་པས་ཕམ་པར་བྱས་པའི་མཁས་པ་ཡིན་པས་བཤད་
པ་གཙང་། རྔོག་དེ་ཙམ་མཁས་པ་མ་ཡིན་པས་བཤད་པ་མྱོག་ཅེས་རམས་ལུགས་པ་རྣམས་ཟེར། ཕྱིས་རྔོག་ཆོས་རྒྱལ་བས་རམས་ལུགས་དེ་ཀའི་འགྲེལ་པའི་སྟེང་ནས་གསན་པས་གཅིག་ཏུ་འགྲིལ། ཡང་རྔོག་དེས།
རྒྱལ་མཁར་ཞང་སྟོན་བསོད་ནམས་རྒྱལ་མཚན་ལའང་གསན། ཞང་སྟོན་འདི་མར་པའི་སློབ་མ་ཡིན་ཡང་། ཕྱིས་མེས་ཚོན་པོའི་ཞབས་ལ་གཏུགས་ནས་དེའི་བཤད་བཀའ་གཟུང་བ་ཡིན་ནོ། ། དེ་བས་ན་མེས་ལུགས་ཀྱང་
འདི་ལ་འཁྲིལ་ལོ། །རྩ་བའི་རྒྱུད་བརྟག་པ་གཉིས་པ་ལ་འགྲེལ་པ་ལོ་ཙ་པ་ཆེན་པོས་ལེའུ་ལྔ་པ་ཡན་ལ་མཛད་བྱང་སྦྱར་བ་ལྷག་མ་མདོ་ཙམ་ཡོད་པ་ལ། ཕྱིས་རྔོག་སྟོན་ཆེན་པོས་
གསུང་རྒྱུན་བསྣན་ནས་ལེའུ་དྲུག་པ་མན་རྒྱས་སུ་བཏང་བའི་བཀའ་ཡང་དག་པའི་ཚད་མ་ལུས། དེའི་རྒྱན་འདྲ་བར་མདོ་སྡེས་མཛད་པས་རིན་ཆེན་རྒྱན་འདྲ། ཕྱི་མ་འདི་ལ་རྔོག་ལུགས་པ་རྨོངས་པ་ཁ་ཅིག །
7-261
རྔོག་ཆོས་རྡོར་གྱི་འགྲེལ་པ་རིན་པོ་ཆེའི་རྒྱན་ཅེས་པ་མཛད། དེ་ཁམས་སུ་ཤོར་ནས་དཔེ་མེད་པ་ལ་མདོ་སྡེས་དེ་དང་འདྲ་བ་ཅིག་མཛད་པ་རིན་ཆེན་རྒྱན་འདྲའོ་ཟེར་བ་མ་དག་པ་
ཆེན་པོའོ། །གུར་ལ་ལོ་ཙ་པ་ཆེན་པོའི་སྲོག་ཤིང་།(ཁྲོ་ཕུ་ལོ་ཙ་བས་སྲོག་ཤིང་གཉིས་ཡོད་པར་བཤད།) མདོ་སྡེས་འགྲེལ་ཆེན་དང་། སླར་དེ་ལས་བསྡུས་ཤིང་གནད་འགྲིལ་བའི་བཤད་སྦྱར་གཉིས་མཛད། སྒྲུབ་
ཐབས་མཚོ་སྐྱེས། རྫོགས་རིམ་མར་མེའི་རྩེ་མོ་དྲན་པ་གཅིག་པ། མཁའགྲོ་མ་རྡོ་རྗེ་གུར་གྱི་སྒྲུབ་ཐབས། དཀྱིལ་འཁོར་བསྡུས་པའི་རྗེསུ་འབྲངས་པ་ཞེས་བྱ་བ་སློབ་དཔོན་ལྷའི་བརྟུལ་ཞུགས་ཞེས་པས་མཛད་པ།
དེ་ཉིད་བཅུ་པ། བདག་མེད་པའི་སྒྲུབ་ཐབས་ནཱ་རོ་པ་ཆེན་པོའི་ཞལ་གྱི་ལུང་སྟེ་རྒྱ་གཞུང་དང་། རང་ལུགས་ཡབ་བཀའི་མངོན་རྟོགས་རྒྱུད་འབའ་ཞིག་འཁྲུགས་སྡེབས་ནས་སློང་བས། མདོ་དང་བསྲེ་བ་ཞེས་
མར་པའི་ཞལ་སྐྱིན་ཆོས་རྡོར་གྱིས་ཟིན་བྲིས་སུ་མཛད་པ། གཞན་མདོ་སྡེས་མཛད་པ་(མངོན་རྟོགས་རྒྱས་འབྲིང་བསྡུས་པ། རོ་སྲེག་རབ་གནས་མན་ངག་སྣ་ཚོགས། མར་པའི་ཚོགས་འཁོར་རྣམ་བཤད།)སོགས་ཀྱི་ལུང་།
རྫོགས་རིམ་བསྲེ་འཕོ་ཆོས་རྡོར་མཁའ་སྤྱོད་དུ་འབྱོན་ཁར་ཐོ་ཡིག་ཙམ་མཛད། ཨ་ཕྱི་ལ་བཅོལ་བུ་འདི་ལོ་བཅོ་བརྒྱད་ལོན་དུས་སྤྲོད་གསུངས་བའི་གླེགས་བམ་(མདོ་སྡེ་དང་ཐོགས་མེད་གྲགས་པའི་ཟིན་བྲིས།)
7-262
དེ་ཡོངས་སུ་རྫོགས་པ་རྣམས་ཀྱི་བརྒྱུད་པ་ལ་རིང་བརྒྱུད་དང་ཉེ་བརྒྱུད་གཉིས། དང་པོ་ནི་རྡོ་རྗེ་འཆང་། ཀླུ་སྒྲུབ་བམ། འབིར་ཝ་པ། ཌོམྦི་ཧེ་རུ་ཀ །རྣལ་འབྱོར་མ་བི་ན་ས་བཛྲ། ལ་
བ་པའམ། ཡང་། མཚོ་སྐྱེས་རྡོ་རྗེ། །ཆོས་ཀྱི་པ། བཟང་པོ་པ། ཏོག་རྩེ་པ། ལ་ཝ་པ། ཏིལླི་པས་ཀླུ་སྒྲུབ་ལ་གསན་པ། ལ་བ་པ་ལ་གསན་པ། སུ་མ་ཏི་ལ་གསན་པ། ནག་པོ་
སྤྱོད་པ་ལ་གསན་པས་བཀའ་བབས་བཞི་སྟེ་རིང་བརྒྱུད། ཉེ་བརྒྱུད་ནི། རྡོ་རྗེ་འཆང་། སློབ་དཔོན་ཆེན་པོ་ཏིལླི་པ། པཎ་ཆེན་ནཱ་རོ་པ། སྒྲ་བསྒྱུར་མར་པ་ཆོས་ཀྱི་བློ་གྲོས། ཡང་ན། ཤ་བ་
རི་པ། མཻ་ཏྲི་པ། མར་པ། ཡང་ན། ནཱ་རོ་པ། མཻ་ཏྲི་པ། མར་པའམ། ནཱ་རོ་པ། ཞི་བ་བཟང་པོ། །མར་པ། རྔོག་སྟོན་ཆེན་པོ་ཆོས་སྐུ་རྡོ་རྗེ། མདོ་སྡེ། ཀུན་དགའ །གཟི་བརྗིད་
གྲགས་པ། རིན་ཆེན་བཟང་པོ། །ཆོས་ཀྱི་རྒྱལ་མཚན། དོན་གྲུབ་དཔལ། བདུན་པ་བྱང་ཆུབ་དཔལ། རྒྱལ་བའི་དབང་པོ་ཀུན་དགའ་དཔལ་འབྱོར། འབྲུག་པ་རིན་པོ་ཆེ་ངག་དབང་ཆོས་ཀྱི་རྒྱལ་པོ། །རྒྱལ་ཚབ་དམ་
པ་གཅུང་རིན་པོ་ཆེ་ངག་དབང་ཕྱུག་གྲགས་པ་རྒྱལ་མཚན་དཔལ་བཟང་པོ། །དེས་མི་ཕམ་པདྨ་དཀར་པོ་ཕྱོགས་ཐམས་ཅད་ལ་རྣམ་པར་རྒྱལ་བའི་སྡེ་ལའོ། །སམྦུ་ཊའི་རྒྱུད་རྫོགས་པ། དེའི་འགྲེལ་པ་རྔོག་ཞེ་སྡང་རྡོ་རྗེས་མཛད་པའི་དོན་གསལ་བར་བྱེད་པའི་སྒྲོན་མ་དང་། 
7-263
གཞུང་གསལ་བར་བྱེད་པའི་སྒྲོན་མ་གཉིས་རྣམས་ཀྱི་བརྒྱུད་པ་ནི། རྗེ་བཙུན་ནཱ་རོ་པ། པྲཛྙཱ་རཀྵི་ཏ། དེས་བལ་པོ་མེཉྫ་གླིང་གི་མཁས་པ་ཐུགས་རྗེ་ཆེན་པོ། །དེས་རྭ་ལོ་ཙ་བ་རྡོ་རྗེ་
གྲགས། དེས་རྔོག་ཆོས་རྡོར་མན་འདྲའོ། །གུར་རིགས་བསྡུས་ཡུམ་བཀའི་ལྷ་མོ་བཅོ་ལྔའི་དབང་རྒྱུན། རྒྱལ་དབང་རྗེ་ནས་དགེ་སློང་རིན་ཆེན་རྣམ་རྒྱལ། འཇམ་དབྱངས་ཆོས་ཀྱི་གྲགས་པ། སྐུ་བསྲུངས་པ་ཆེན་པོ། །དེས་
བདག་གོ། །གུར་དང་དེ་གསུམ་ཀ་རྔོག་ཆོས་རྡོར་ནས་རམས་བཙན་ཅན། བཀའ་ལུང་གཉན་སྒོམ་པ། མངའ་རིས་པ་བྱང་ཆུབ་ཚུལ་ཁྲིམས། རྒྱ་ཕོ་བ་ལུང་པ། བླ་མ་རྒྱལ་པོ་དགའ། བླ་མ་སེང་གེ་
སྒྲ། རྔོག་ཆོས་རྒྱལ་བ་མན་འདྲ། འདི་རམས་ལུགས་ཀྱི་རྒྱུད་གཉིས་འགྲེལ་པ་དང་བཅས་པའི་བརྒྱུད་པའང་ཡིན་ནོ། །དགྱེས་པའི་རྡོ་རྗེ་བྱང་ཆུབ་སེམས་དཔའ་རྡོ་རྗེ་སྙིང་པོའི་འགྲེལ་པ། འདི་ལ་ལེའུ་ལྔ་
པ་ཡན་ཀུན་གྱིས་ཚད་མར་བྱས་འཕྲོ་རྫོགས་པ་འབྲོ་འགྱུར་ལ་ཐེ་ཚོམ་གྱི་གཞིར་བྱས་པ། འགྱུར་མི་ལེགས་ཀྱང་དོན་འགྲེལ་པ་ཚད་མ་འདྲའོ། ། ལེའུ་ལྔ་པའི་བརྒྱུད་པ་ནི། ཀྱེེ་རྡོ་རྗེ། ཟླ་བ་
བཟང་པོ། །ལྷའི་དབང་ཕྱུག །གཟི་བརྗིད། ཟླ་བས་བྱིན། ལྷའི་དབང་ཕྱུག །སྣ་ཚོགས་གཟུགས། ལྷའི་དབང་ལྡན། འཇམ་དབྱངས་གྲགས་པས། པདྨ་དཀར་པོ། །བཟང་པོ། །རྣམ་རྒྱལ། དུས་ཞབས་པ་ཆེ་བ། དུས་ཞབས་པ་ཆུང་བ། 
7-264
ཤཱཀྱ་སེང་གེ་རྒྱལ་མཚན། ཉི་མའི་འོད། གོ་ཏཾ་དཔལ། རིན་ཆེན་བཀྲ་ཤིས། རྒྱལ་བའི་རྒྱན། བློ་ལྡན་རྗེ། ཤཱཀྱཱ་འཚོ། །རྗེ་ཆེན་པོ་ལེགས་སྐྱེས། དཔལ་སངས་རྒྱས་དབྱངས། མཆོག་གི་དངོས་གྲུབ་བརྙེས་པའི་པཎྜི་ཏ་
ཆེན་པོ་ནགས་ཀྱི་རིན་ཆེན། རྒྱལ་དབང་རྗེ། འབྲུག་པ་རིན་པོ་ཆེ་ངག་དབང་ཆོས་ཀྱི་རྒྱལ་པོ། །རྡོ་རྗེའི་ཚིག་ཉེ་བར་འབྱེད་པའི་སྙིང་པོ་བསྡུས་པའི་རྒྱ་ཆེ་འགྲེལ་པ་རྗེ་བཙུན་ནཱ་རོ་པས་
མཛད་པའི་བརྒྱུད་པ་ནི། ནཱ་རོ་པ། ཨ་བྷ་ཡཱ་ཀ་ར། ཤཱཀྱཱ་ཤྲཱི། དཔྱལ་ལོ་ཙ་བ་ཆོས་བཟང་། དཔྱལ་ཨ་མོ་གྷ་པ། ཀུན་སྤངས་ཐུགས་རྗེ་བརྩོན་འགྲུས། བྱང་སེམས་རྒྱལ་ཡེ། ཀུན་མཁྱེན་འཕགས་འོད།
བུ་སྟོན་ཐམས་ཅད་མཁྱེན་པ། དཔལ་ལྡན་བླ་མ་དམ་པ་བསོད་ནམས་རྒྱལ་མཚན། གྲུབ་ཆེན་བསོད་ནམས་སེང་གེ། །ལྕང་གླིང་པ་གཞོན་ནུ་བློ་གྲོས། ལྷུན་བདེ་བ་དཔལ་འབྱོར་རྒྱལ་མཚན། གྲུབ་ཆེན་ཐུགས་རྗེ་
ལྷུན་གྲུབ་པ། སློབ་དཔོན་རིན་པོ་ཆེ་ཆོས་རྒྱལ་ལྷན་གྲུབ་པ། དེས་པདྨ་དཀར་པོ་ལའོ། །སམྦུ་ཊའི་འགྲེལ་པ་མན་ངག་སྙེ་མའི་བརྒྱུད་པ་ནི། རྡོ་རྗེ་འཆང་། བཛྲ་ཡོ་གི་ནཱི། ཨ་བྷ་ཡཱ་ཀ་
ར། ནཱ་ཡ་ཀཱ་པཱ་དཱ། ད་ཤ་པ་ལ་ཤྲཱི། བི་ཁྱཱ་ཏ་དེ་བཿ ཤྲཱི་བྷ་དྲ། ལ་ལི་ཏ་བཛྲ། དྷརྨ་གུཔྟ། རཏྣ་ཀ་ར། པདྨ་བཛྲ། རཏྣ་རཀྵི་ཏ། སངས་རྒྱས་དབྱངས། ཆོས་ཀྱི་རྗེ་པཎ་ཆེན་ནགས་རིན། 
7-265
རྗེ་ཡིད་བཟང་རྩེ་པ། རྒྱལ་དབང་རྗེ། འབྲུག་པ་རིན་པོ་ཆེ་ངག་དབང་ཆོས་ཀྱི་རྒྱལ་པོ། །དེས་པདྨདཀར་པོ་ལོའོ། །ཡང་། ཙ་རི་ཏྲར་རྨི་ལམ་དུ་བུད་མེད་བཟང་པོས་བརྟག་གཉིས་གཙོ་བོར་གྱུར་པའི་
རྒྱུད་ཀྱི་གླེགས་བམ་གཏད་དེ་འདི་ཤོད་ཅེས་གནང་བ་སྦྱིན་པ་དང་། ལྷོ་བྲག་མཁར་ཆུར་མེ་ལོང་དྲི་མ་མེད་པའི་ནང་དུ་སྒྲ་བསྒྱུར་མར་པ་བྱོན་ནས་རྒྱུད་བརྟག་གཉིས་རྫོགས་པར་ཉན་པར་རྨིས་
པས། བླ་མས་བྱིན་གྱིས་བརླབས་པ་དང་། ལྷག་པར་ལོ་གྲོ་དོལ་གྱི་སྒང་དུ་རྨི་ལམ་ན། ཀྱེེ་རྡོ་རྗེའི་རྒྱུད་འབུམ་ལྔ་བོད་ཀྱི་སྐད་དུ་མཐིང་ཤོག་ལ་གསེར་གྱི་བྲིས་པའི་གླེགས་བམ་བུ་མོ་
མཛེས་མ་བདུན་གྱིས་ཁུར་ཏེ་བདག་ལ་གཏད་བྱུང་། དེའི་ཚེ་བརྟག་གཉིས་དབུར་སྣང་ངམ་ཞབས་སུ་སྣང་བརྟགས་པས་དང་པོར་མཐོང་ནས་དགའ་བ་ཚད་མེད་པ་སྐྱེས་པ་རྨིས་པས་རྒྱུད་འདི་འཆད་པའི་རྡོ་
རྗེའི་སློབ་དཔོན་ཆེན་པོར་གྲུབ་པའི་གནད་ཀའང་དེ་ལྟ་བུའོ།། །།
༄། །དུས་ཀྱི་འཁོར་ལོའི་དབང་རྒྱུད་མན་ངག་དང་བཅས་པའི་བརྒྱུད་ཡིག།
དུས་ཀྱི་འཁོར་ལོའི་དབང་རྒྱུད་མན་ངག་དང་བཅས་པའི་བརྒྱུད་ཡིག། ཤཱཀྱ་སེངྒེས་དཔལ་ལྡན་འབྲས་སྤུངས་སུ། །གཞུང་ལུགས་ཅི་བསྟན་ཤམ་བྷ་ལར་རྒྱས་
མཛད། །ཆོས་རྒྱལ་རིགས་ལྡན་རྣམས་དང་དུས་འཁོར་བ། །རྒྱ་བལ་བོད་དུ་བྱོན་པ་ཀུན་ལ་འདུད། །དེ་ཡང་སྟོན་པས་དགུང་ལོ་དོན་དགུ་པར་དཔལ་ལྡན་འབྲས་སྤུངས་སུ་ཆོས་རྒྱལ་ཟླ་བ་བཟང་པོ་འཁོར་བཅས་གཙོ་བོར་གྱུར་པའི་གདུལ་བྱ་ལ་གསུངས་པ་ནི་དུས་ཀྱི་འཁོར་ལོ་རྩ་བའི་རྒྱུད་སྟོང་ཕྲག་བཅུ་གཉིས་པའོ། །
7-266
དེ་ཟླ་བཟང་གིས་བསྡུས་ཏེ། གླེགས་བམ་དུ་བཀོད་འགྲེལ་པ་སྟོང་ཕྲག་དྲུག་ཅུ་པ་མཛད་དེ་ལོ་གཉིས་ཙམ་བསྟན། དེ་ནས་ཆོས་རྒྱལ་དྲུག་གིས་ལོ་བརྒྱ་བརྒྱར་དེ་འབའ་ཞིག་བཤད། འཇམ་དབྱངས་གྲགས་པས་
གོ་དགུར་དེ་བཤད། བརྒྱ་པར་ནི། ཉི་མའི་ཤིང་རྟ་ལ་སོགས་འདུལ་བའི་ཆེད་དང་། ཆེད་དུ་སྙིགས་མ་ལྔ་བདོ་བ་ཚེ་ཐུང་བ་རྣམས་ལ་རྒྱུད་ཉུར་ངུར་སྡུད་མཁན་དུ་སྟོན་པས་ལུང་བསྟན་པ་
བཞིན། རྩ་རྒྱུད་ལས་སྡེབས་སྦྱོར་འཕྲེང་བ་འཛིན་པས་བསྡུས་པའི་རྒྱུད་བསྡུས་ལྟ་བ་མདོར་བསྟན་རྒྱུད་ཕྱི་མ་རྣམས་མཛད། དཔལ་ལྡན་རྒྱུད་དེ་ལ་འཇིག་རྟེན་དབང་ཕྱུག་པདྨ་དཀར་པོས་རྒྱས་འགྲེལ་སྟོང་ཕྲག་བཅུ་
གཉིས་པ་མཛད། གཞན་དོན་དམ་བསྙེན་པ་ཞེས་པའང་མཛད། དེ་ནས་འཕགས་པའི་ཡུལ་དུ་སློབ་དཔོན་ཙི་ལུ་པའམ། དུས་འཁོར་ཞབས་ཆེན་པོས་སྤྱན་དྲངས་པ། གང་དུས་ཀྱི་འཁོར་ལོ་མི་ཤེས་པ་དེས། མཚན་
ཡང་དག་པར་བརྗོད་པ་མིཤེས། མཚན་ཡང་དག་པར་བརྗོད་པ་མི་ཤེས་པ་དེས་རྡོ་རྗེའི་ཐེག་པ་མི་ཤེས་པར་གསུངས་པས་པཎ་ཆེན་ལྔ་བརྒྱས་རྩོད་ཀྱང་མ་ཐུབ་ནས་ཐམས་ཅད་སློབ་མར་གྱུར་ཅེས་
གྲག་གོ །བོད་དུ་དུས་ཀྱི་འཁོར་ལོ་ལ་འགྱུར་མཛད་པའི་ལོ་ཙ་བ་ཉི་ཤུ་རྩ་ལྔ་ཙམ་བྱུང་། འཆད་ཉན་གྱིས་གཏན་ལ་འབེབས་པ་ནི། རྭ་འབྲོ་ཙ་གསུམ། ཁྱད་པར་མཁས་པ་བུ་དོལ་གཉིས་ཤུགས་ཆེ་བར་བྱུང་། 
7-267
ཡང་གྲུབ་ཐོབ་ཆེན་པོ་ཨུ་རྒྱན་པས་བོ་དོང་རིན་རྩེ་ལ་དུས་འཁོར་ཞིབ་མོར་གསན་དུས་དོགས་པ་མ་ཆོད་པར་ཙ་མི་ལུགས་ལ་མཁས་པ་སངས་རྒྱས་རྡོ་རྗེའི་རྩར་བྱོན། །དེར་ཡང་དཀའ་བའི་
གནས་མང་པོ་མ་ཆོད་ཅིང་ཁྱད་པར་རྒྱུད་འདི་ལ་རྫོགས་པའི་རིམ་པ་ཆེས་ངོ་མཚར་བ་ཞིག་ཡོང་ཐང་བ་ལ་དགོངས་ནས་ཤམྦྷ་ལར་འབྱོན་པར་ཐག་བཅད། དེ་ལ་རྒོད་ཚང་པའི་སློབ་མ་རྣམས་
རྐང་ཤོ་རྒོད་པར་དགོངས་ནས། དེའི་སྤྱན་སྔར་བྱོན་ལོ་རྒྱུས་ཞུས་པས། ཁྱེད་ཅི་དང་ཅི་ལ་མ་བདེ་བ་ཡིན་གསུང་། འདི་དང་འདི་རྣམས་ལའོ་ཞུས་པ། བལ་གསེད་པ་ལྟ་བུ་གསུངས་པས་དཀའ་གནས་
ཐམས་ཅད་དེ་ཀར་ཆོད། ཆོས་རྗེ་འདི་ལྟ་བུར་མཁས་པར་ཡོང་བའི་རྒྱུ་མཚན་ཞུས་པས་ཤྲཱི་རྒོད་ཚང་དུ་སྡོད་དུས་བུད་མེད་དམར་མོ་ཞིག་གིས། པོ་ཏི་གཅིག་བྱིན་པ་ཁར་ཟོས་པ་རྨིས། དེ་
ནས་ཆོས་ཐམས་ཅད་ལ་མི་ཤེས་པ་མ་བྱུང་གསུང་། འོ་ན་བདག་ལ་དུས་ཀྱི་འཁོར་ལོའི་དབང་བསྐུར་ཞིག་ཐུག་ལ་ཐོགས་ཞུས་པས་། སློབ་དཔོན་རང་ཞུ་བའི་མདུན་པ་ཐོང་གསུང་། དེའི་དགོངས་མནལ་ལམ་
དུ་དུས་འཁོར་བ་སངས་རྒྱས་རྡོ་རྗེ་ཡིན་སྙམ་པ་ཞིག་གིས་སའི་ཆོ་ག་ནས་གཟུང་སྟེ་རྡོ་རྗེ་སློབ་དཔོན་གྱི་དབང་རྫོགས་པའི་བར་ཆོ་ག་རྒྱས་པས་དབར་བསྐུར་བ་ཞིག་བྱུང་། མནལ་ཡང་ཉི་ཤར་བར་དུ་མ་སད། 
7-268
དེར་སད་པ་དང་དགའ་ཆེས། ཆོས་རྗེའི་དྲུང་དུ་བྱོན་པས། སློབ་དཔོན་ཇོ་བཙུན་དབང་རྫོགས་པར་ཐོབ་བམ་ཞེས་གསུང་། །དེ་ནས་ཤམྦྷ་ལར་མ་འགྲོ་ལས་འཕྲོ་ཨུ་རྒྱན་དུ་འདུག་ཅེས་ལུང་བསྟན་ལྟར་བྱོན།
རྫོགས་རིམ་རྡོ་རྗེ་གསུམ་གྱི་བསྙེན་སྒྲུབ་བླངས། སློབ་མ་དཔག་ཏུ་མེད་པ་ལས། འདིར་གཤོང་སྐུ་མཆེད་ལ་བཞུགས་པ་དེ་ནས་འདྲེན་ནོ། །ཕྱིས་རྒྱ་གར་ཤར་ཕྱོགས་ན་ག་རའི་མཁས་པ་ཆེན་པོ་ནགས་
ཀྱི་རིན་ཆེན་ཕེབས། སློབ་མ་རྣམས་ལ་རྒྱུད་འགྲེལ་པ་དང་བཅས་པའི་ལུང་ཙམ་གནང་། གཞན་ལ་བཤད་པའི་སྐབས་མ་ཕྱེ། རྒྱལ་དབང་རྗེས་ཟླ་བ་གཉིས་ཀྱི་རིང་རྒྱུད་འདིའི་འགྲེལ་པ་སེམས་འགྲེལ་ལ་དོགས་
པ་ཞུ་རུང་མཛད་པས་ཤིན་ཏུ་མཉེས་ནས་གསུངས། དཔེ་མེད་འཚོས་མཛད་པའི་རྫོགས་རིམ་དབང་། ཁྱད་པར་ཤ་ཝ་རིས་ཉིད་ལ་གནང་བའི་ལྕེ་རྩེ་རྐན་སྦྱར་གནང་བས། བདག་ཅག་རང་ལུགས་ལ་རྒྱུད་འདི་
ཁ་དང་འབྲེལ་བའི་རྫོགས་རིམ་རྒྱས་པ་ཨུ་རྒྱན་བསྙེན་བསྒྲུབ་འབྲིང་པཎ་ཆེན་ལུགས་ཀྱི་བསྙེན་བསྒྲུབ་གསར་མ། བསྡུས་པ་ལྕེ་རྩེ་རྐན་སྦྱར་ལ་བྱེད་པ་ཡིན། གཞན་རྒྱུད་ཐམས་ཅད་ཀྱི་རྫོགས་པའི་རིམ་པ་
བསྲེ་འཕོ་གནད་ཀྱི་མཚམས་སྦྱོར་ཡིན་པས་དེར་གཏན་ལ་ཞིབ་མོར་ཕབ་བོ། །ཞེས་ཤེས་པར་བྱས་ནས། དབང་བདུན་གོང་ཆུང་གོང་ཆེན། རྡོ་རྗེ་སློབ་དཔོན་གྱི་དབང་སྟེ་རྒྱུད་འགྲེལ་ལས་ཇི་ལྟར་བྱུང་བ་དང་། 
7-269
བསྡུས་རྒྱུད། དབང་མདོར་བསྟན། ། འགྲེལ་པ་དྲི་མེད་འོད་ཀྱི་བཤད་པ་དང་བཅས་པའི་བརྒྱུད་པ་རྭ་ལུགས་ནི། དང་པོའི་སངས་རྒྱས། ཆོས་རྒྱལ་ཟླ་བ་བཟང་པོ། །ལྷ་དབང་། གཟི་བརྗིད་ཅན། ཟླ་བས་བྱིན། ལྷའི་
དབང་ཕྱུག་སྣ་ཚོགས་གཟུགས། ལྷའི་དབང་ལྡན་ཏེ་ཆོས་རྒྱལ་བདུན། རིགས་ལྡན་འཇམ་དབྱངས་གྲགས་པ། པདྨ་དཀར་པོ་གཉིས། འཇམ་དབྱངས་སྤྲུལ་པ། ཙི་ལུ་པ། པིཎྜོ་ཨ་ཙཱརྱ། དུས་ཞབས་པ་ཆེ་བ། ཆུང་བ། མཉྫུ་
ཀཱིརྟི། ས་མཱནྟ་ཤྲཱི། རྭ་ལོ་ཙ་བ་ཆོས་རབ། རྭ་ཡེ་ཤེས་སེང་གེ། རྭ་འབུམ་སེང་། རོང་པ་རྒྭ་ལོ། བླ་མ་ཤེས་རབ་སེང་གེ། བླ་མ་རྡོ་རྗེ་རྒྱལ་མཚན་པ། ཐམས་ཅད་མཁྱེན་པ་བུ་
སྟོན། འབྲོ་ལུགས་ནི། རིགས་ལྡན་པདཀར་ནས་བཟང་པོ། །རྣམ་རྒྱལ། བཤེས་གཉེན་བཟང་པོ། ཕྱག་དམར། ཁྱབ་འཇུག་སྤས་པ། ཉི་མ་གྲགས། ཤིན་ཏུ་བཟང་། རྒྱ་མཚོ་རྣམ་རྒྱལ། རྒྱལ་དཀའ་ཉི་མ་སྣ་ཚོགས་གཟུགས། ཟླ་
འོད། མཐའ་ཡས། ས་སྐྱོང་། དཔལ་སྐྱོང་། དུས་ཞབས་པ་ཆེ་བ། ཆུང་བ། ཁ་ཆེ་ཟླ་མགོན། སྒོམ་པ་དཀོན་མཆོག་བསྲུངས་། སྒྲོ་སྟོན་གནམ་བརྩེགས། ཡུ་མོ་མི་བསྐྱོད་རྡོ་རྗེ། སྲས་དྷརྨེ་ཤྭ་ར། ནམཁའ་འོད་ཟེར།
སེ་མོ་ཆེ་པ་ནམཁའ་རྒྱལ་མཚན། འཇམ་གསར་ཤེས་རབ་འོད་ཟེར། དེ་ལ་རྒྭ་ལོས་སམ། དེ་ལ་ཀུན་མཁྱེན་ཆོས་སྐུ་འོད་ཟེར། ཀུན་སྤངས་ཐུགས་རྗེ་བརྩོན་འགྲུས། བྱང་སེམས་རྒྱལ་བ་ཡེ་ཤེས། འཕགས་འོད། 
7-270
བུ་སྟོན། ཐུགས་སྲས་ལོ་ཙ་བ། སྐུ་ཞང་ཆོས་རྗེ་རིན་ཆེན་བཀྲ་ཤིས་། སྐུ་ཞང་ཆོས་རྗེ་སངས་རྒྱས་དཔལ་འབྱོར། དུས་ཞབས་པ་ཤཱཀྱ་དབང་ཕྱུག །འཇམ་དབྱངས་ཆོས་ཀྱི་གྲགས་པ། རྗེ་བཙུན་ཡོན་ཏན་ཡེ་
ཤེས། དེས་པདྨ་དཀར་པོ་ལའོ། །རྒྱུད་འགྲེལ་ལ། དུས་ཞབས་པ་དང་འཇམ་དབྱངས་ཆོས་ཀྱི་གྲགས་པ་གཉིས་ཀས། བྱ་པཎྜི་ཏ་བཀྲ་ཤིས་རྣམ་རྒྱལ། དེས་པདྨ་དཀར་པོ་ལའོ། །ཙ་མི་ལུགས་ནི། དུས་ཞབས་པ་
ཆེ་ཆུང་། རྡོ་རྗེ་གདན་པ། བོ་དྷི་བྷ་དྲ། ཙ་མི། སེ་ལོ། གཉོས་དར་མ་འོད། དུས་འཁོར་བ་བཀྲ་ཤིས་རིན་ཆེན། དུས་འཁོར་བ་སངས་རྒྱས་རྡོ་རྗེ། གྲུབ་ཐོབ་ཨུ་རྒྱན་པ། ཡང་ན། རྡོ་
རྗེ་རྣལ་འབྱོར་མ། རྒོད་ཚང་པ། ཨུ་རྒྱན་པ། དེས་གཤོང་རྡོ་རྗེ་རྒྱལ་མཚན་དང་བློ་བརྟན། དེས་སྒྲ་ཚད་པ་རིན་རྒྱལ། ལོ་ཙ་པ་མཆོག་ལྡན། སྐྱི་སྟོན། ཀུན་མཁྱེན་ཆེན་པོ་དོལ་བུ་པ། ཇོ་
ནང་ཕྱོགས་ལས་རྣམ་རྒྱལ། ལྷ་ཁང་པ་སངས་རྒྱས་རིན་ཆེན། འགོས་གཞོན་ནུ་དཔལ། རྒྱལ་དབང་རྗེ། དགེ་སློང་རིན་རྣམ་པ། འཇམ་དབྱངས་ཆོས་ཀྱི་གྲགས་པ། ཡང་ན། ཐུགས་སྲས་པ་ནས། དོན་གྲུབ་ཀུན་དགའ།
རྗེ་བསོད་ནམས་རྣམ་རྒྱལ། རྒྱལ་དབང་རྗེ། ཡང་ན། དུས་ཞབས་པ་ཆེ་བ། ཆུང་བ། ཤཱཀྱ་སེང་གེ་རྒྱལ་མཚན། གཽ་ཏཾ་ཤྲཱི། མེ་དྷངྐ་ར་སྭཱ་མི། རཏྣ་མངྒལ། ཛི་ནཱ་ལངྐར། སྭཱ་མི་མ་ཏི་མཱ་ན། 
7-271
ཤཱཀྱ་རཀྵི་ཏ། པུ་ཛཱ་སྟེ། སངས་རྒྱས་དབྱངས། པཎ་ཆེན་ནགས་རིན། རྒྱལ་དབང་རྗེའོ། །རྒྱུད་ཕྱི། འཇམ་དཔལ་གྱི་ལྟ་བ་མདོར་བསྟན། དོན་དམ་བསྙེན་པ་རྣམས་ཀྱང་གོང་དང་མཐུན། ཤ་ཝ་རི་པའི་གཞུང་ནི།
ཤ་ཝ་རི། བིབྷཱུ་ཏི་ཙཎྜ། དུས་ཞབས་སྙན་བརྒྱུད། ཡེ་ཤེས་སྤྱན་སྒྲུབ། ཡན་ལག་བཅུ་གཅིག་པ། ལེགས་པའི་བུས་མཛད་པའི་སྒྲུབ་ཐབས། དཔའ་བོ་ཡིད་འོང་རྣམས། དུས་ཞབས་པ། མཁའགྲོ་སཱུརྱ་དྷ་མ། རཏྣ་ཤྲཱི་
བྷ་དྲ། ཤཱཀྱ་ཤྲཱི་བྷ་དྲ། བི་བྷཱུ་ཏི། ཞང་སྒོམ་རིན་ཆེན་སེང་གེ། དབོན་པོ་བསོད་སྐྱབས། སྒོམ་སྟོན། མི་བསྐྱོད་རྡོ་རྗེ། བྱང་སེམས་ཆེན་པོ་བསོད་ནམས་འབུམ། མཁས་བཙུན་ཆེན་པོ། །ལྕང་ལུང་པ་གཞོན་
ནུ་བློ་གྲོས། ལྷུན་བདེ་བ། སངས་རྒྱས་བསམ་གྲུབ། འཇམ་དབྱངས་ཆོས་གྲགས། ཉི་ཟླ་སྒྲུབ་པ་ནི། ཟླ་མགོན། བི་བྷཱུ་ཏི། དཔྱལ་པདྨ་ཅན། ཀུན་མཁྱེན་ཆོས་སྐུ་པ། འཇམ་དབྱངས་འཁོན་སྟོན། ཀུན་སྤངས། འཇམ་དབྱངས་
རིན་རྒྱལ། ཤེས་རབ་དཔལ། ནམ་སེང་། ཆོས་དཔལ་བཟང་། དཔལ་ལྡན་བླ་མ་དམ་པ། ཀུན་མཁྱེན་ཆེན་པོ་བསོད་ནམས་སེང་གེ །ལྕང་ལུང་པ་མན་འདྲའོ། །རྣལ་འབྱོར་ཡན་ལག་དྲུག་པ་བུ་སྟོན་རིན་པོ་ཆེས་
མཛད་པའི་ཡི་གེ་སྔོན་འགྲོ་དགེ་བ་གསུམ། གཅེར་མཐོང་ངོ་སྤྲོད། ངེས་དོན་སྙེ་མ། ཁྲིད་གཉེར་བ་རྒྱལ་བ་མཆོག་གྲུབ་ཀྱི་ཟིན་བྲིས་རྣམས། རྭ། འབྲོ། །གྱི་ཇོ་གསུམ་གྱི་ལུགས་དང་། ཙ་མི་སངས་རྒྱས་གྲགས་པ་ནས་རྒྭ་ལོ་ལ་བརྒྱུད་པའི་ལུགས་གསུམ་དང་། 
7-272
པཎ་ཆེན་ཤཱཀྱ་ཤྲཱི་ནས་བརྒྱུད་པའི་ལུགས་གསུམ་དང་། བི་བྷུ་ཏི་ཙཎྜ་ནས་བརྒྱུད་པའི་ལུགས་བདུན་རྣམས་བུ་སྟོན་རིན་པོ་ཆེར་འདུས་པ་ཡིན་ནོ། །འོན་ཀྱང་། རྭ་འབྲོ་དབང་དང་མཐུན། ཙ་མི་ནས་ཨ་
བྷྱ་ཀ་ར་གུཔྟ། བིཥྱ་ཏ་དེ་བ། པཎ་ཆེན་ཤཱཀྱ་ཤྲཱི། བི་བྷཱུ་ཏ། ཁུ་གྲགས་པ། གོ་ལུང་པ། ཐར་ལོ་ཉི་མ་རྒྱལ་མཚན། བུ་སྟོན། ཡང་ནཱ་རོ་པ། ཨ་བྷ་ཡཱ་ཀ་ར། ཀིརྟི། ཤཱཀྱ་
ཤྲཱི། དཔྱལ་ལོ་ཙ་བ་ཆོས་བཟང་། དཔྱལ་ཨ་མོ་གྷ་པ། ཀུན་སྤངས། བྱང་སེམས་རྒྱལ་རིན། འཕགས་འོད། བུ་སྟོན། ཡང་། ཨ་བྷ་ཡ་དང་ཙ་མི་ལ་རྒྭ་ལོ། །དེ་ལ་ཕག་གྲུ་དང་བླ་མ་ཞང་།
དེ་གཉིས་ལ་གླིང་། དེ་རྒྱ་རས། རྒོད་ཚང་པ། ཨུ་རྒྱན་པ། གོ་ལུང་པ། ཐར་ལོ། །བུ་སྟོན། ཡང་། སྤྱན་རས་གཟིགས། དཔེ་མེད་འཚོ། །དཔལ་འཛིན་དགའ་བ། འོད་བྱེད་ལྷ། ཆོས་འབྱུང་ཞི་བ། ཉི་མ་
དཔལ་ཡེ་ཤེས། རཏྣ་རཀྵི་ཏ། བི་བྷུ་ཏི་ཙཎྜ། ཀོ་བྲག་པ། གོ་ལུང་པ། ཐར་ལོ། །བུ་སྟོན། ཡང་ན། དཔེ་མེད་འཚོ། །ཨ་བྷ་ཡ། རྣམ་བཟོད་ལྷ། དད་བྱེད་ལྷ། པཎ་ཆེན་ཤཱཀྱཱ་ཤྲཱི། ས་སྐྱ་
པཎ་ཆེན། རྒྱུས་པ་གཞོན་སེང་། དོན་པོ་ཡེ་ཤེས་མགོན། ཀུན་སྤངས་ཐུགས་རྗེ་བརྩོན་འགྲུས། ཡང་ན། ཤ་ཝ་རི། བི་བྷཱུ་ཏི་ཙཎྜའོ། །རྒྱལ་སྲས་མན་ལུང་པས་མཛད་པའི་མཚན་བརྗོད་དང་། དུས་ཀྱི་འཁོར་ལོ་རང་གི་སྦྱོར་དྲུག་ཡིག་ཚན་གཉིས་ཀྱི་བརྒྱུད་པ་ནི། 
7-273
པདྨ་དཀར་པོ། །ཤ་ཝ་ར། བི་བྷཱུ་ཏི། དཔྱལ་པདྨ་ཅན། རོང་པ་རྒྭ་ལོ། །མན་ལུང་གུ་རུ། ལོ་ཙ་བ་གྲགས་པ་རྒྱལ་མཚན། རོང་པ་ཤེར་སེང་། བླ་མ་རྡོ་རྗེ་རྒྱལ་མཚན། བུ་སྟོན་མཁན་
ཆེན་གྲགས་པ་ཚུལ་ཁྲིམས། རྟོགས་ལྡན་བསོད་ནམས་མགོན་པོ། །ཆུ་སྒོམ་རྡོ་རྗེ་སེང་གེ། སྐུ་ཞང་ཆོས་རྗེ་རིན་ཆེན་བཀྲ་ཤིས། །ར་སྒྲེང་ཀ་བཞི་པ། སྐུ་ཞང་ཆོས་རྗེ་སངས་རྒྱས་དཔལ་འབྱོར། དུས་ཞབས་
པ་ཤཱཀྱ་དབང་ཕྱུག །འཇམ་དབྱངས་ཆོས་ཀྱི་གྲགས་པ། རྗེ་བཙུན་རྡོ་རྗེ་གླིང་པ་ཡོན་ཏན་ཡེ་ཤེས། དེས་པདྨ་དཀར་པོ། །ཡང་ན། སྒྱུ་མའི་གར་མཁན། དེས་པདྨ་དཀར་པོ་ལའོ། །ཡང་ན་བུ་སྟོན། དཔལ་
ལྡན་བླ་མ་དམ་པ། གྲུབ་ཆེན་བསོད་ནམས་སེངྒེ། ལྕང་ལུང་པ་གཞོན་ནུ་བློ་གྲོས། ལྷུན་བདེ་རབ་འབྱམས་པ་དཔལ་འབྱོར་རྒྱལ་མཚན་དེའི་དབོན་ཐུགས་རྗེ་ལྷུན་གྲུབ། དེའི་དབོན་ཐེལ་མཁན་ཆེན་ཆོས་རྒྱལ་ལྷན་
གྲུབ་། དེས་པདྨ་དཀར་པོ་ལོའོ།། །།
༄། །བདེ་མཆོག་འཁོར་ལོའི་དབང་རྒྱུད་བཤད་མན་ངག་ཐོར་བུ་དང་བཅས་པའི་བརྒྱུད་ཡིག།
བདེ་མཆོག་འཁོར་ལོའི་དབང་རྒྱུད་བཤད་མན་ངག་ཐོར་བུ་དང་བཅས་པའི་བརྒྱུད་ཡིག། སྔོན་ཚེ་དྲག་པོ་འཇིགས་བྱེད་འཁོར་བཅས་ཀྱིས། །རང་གི་ཞིང་ཁམས་བག་མེད་བྱས་པ་ལ། །
ཁྲོས་ནས་ཁྲག་འཐུང་ཆེར་བསྟན་སྤྲུལ་མཛད་པ། །འཁོར་ལོ་སྡོམ་པའི་ཞབས་ལ་འཚལ་ལོ། །དེ་ཡང་འཇིག་རྟེན་གྱི་ཁམས་འདི་ཆགས་ནས་ཡུན་མི་རིང་བ་ན་དྲག་པོ་འཇིགས་བྱེད་འཁོར་དང་བཅས་པས་འཛམ་བུའི་གླིང་འདི་བཟུང་། 
7-274
བག་མེད་པའི་སྤྱོད་པས་མ་རུངས་པར་གྱུར་པ་འོག་མིན་ནས་རྡོ་རྗེ་འཆང་ཆེན་པོས་འདུལ་བའི་ཕྱིར་རི་རབ་ཀྱི་རྩེར་དཔལ་ཁོར་ལོ་སྡོམ་པའི་དཀྱིལ་འཁོར་ཆེན་པོར་སྤྲུལ། དཔའ་བོ་དང་དཔའ་མོ་
ཉེར་བཞིས་ཡུལ་ཉི་ཤུ་རྩ་བཞི་ན་གནས་པ། སྒོ་མཚམས་བརྒྱད་ཀྱི་དུར་ཁྲོད་བརྒྱད་ན་གནས་པ། གཙོ་བོ་ཡབ་ཡུམ་གྱིས་འཇིགས་བྱེད་ཆུང་མ་དང་བཅས་པ་བཏུལ། བདེ་མཆོག་རྩ་བའི་རྒྱུད་རྒྱས་པ་
གསུངས། བཅོམ་ལྡན་འདས་ཀྱི་བསྟན་པ་འདི་ལ་དཔལ་འབྲས་སྤུངས་སུ་འཁོར་ལོ་སྡོམ་པའི་གདུལ་བྱ་ལ་དེར་སྣང་བས་རྩ་རྒྱུད་རྒྱས་འབྲིང་བསྡུས་པ་རྩ་རྒྱུད་ཉུང་ངུ་དེ་ལ་མཁོ་བའི་བཤད་རྒྱུད་རྣམས་
དང་སྙན་བརྒྱུད་རྡོ་རྗེའི་རྣལ་འབྱོར་མ་གསུངས། ཕྱག་རྡོར་གྱིས་བསྡུས་ཏེ་ཨུ་རྒྱན་གྱི་མཁའགྲོ་མ་རྣམས་ལ་གཏན། རྩ་རྒྱུད་ཉུང་དུ་ལ་སྡུད་པ་པོ་ཕྱག་རྡོར་ཉིད་ཀྱིས་སྟོད་འགྲེལ་དུ་གྲགས་པ་མཛད།
རྣལ་འབྱོར་མ་ཀུན་ཏུ་རྒྱུ་བ་དང་སྦྱར་བའི་སྒྲུབ་པའི་ཐབས། རིགས་ལྡན་ཁྱབ་འཇུག་སྦས་པས་མཛད་པའི་ཕག་མོའི་སྒྲུབ་ཐབས་རྣམས་ཤམྦྷ་ལ་ནས་དུས་ཞབས་པ་ཆེན་པོས་སྤྱན་དྲངས། དེས་ནཱ་རོ་པ།
རྣལ་འབྱོར་ཐིག་ལེ་ཅན། པདྨ་དཀར་པོ། །ཡེ་ཤེས་འཛིན། དགེ་བའི་བློ་གྲོས། སངས་རྒྱས་ཡེ་ཤེས། ལེགས་སྐྱེས། ཕྱོགས་གཏམ། ཆོས་གྲགས། རིན་ཆེན་གྲགས། པཎྜི་ཏ་ཆེན་པོ་ནགས་ཀྱི་རིན་ཆེན། རྒྱལ་དབང་རྗེ། ཀུན་མཁྱེན་འབྲུག་པ་ངག་དབང་ཆོས་ཀྱི་རྒྱལ་པོ། །
7-275
པདྨ་དཀར་པོ་ལོའོ། །འདི་ལ་བྱང་ཆུབ་སེམས་དཔའ་ལུགས་ཟེར་ལ། ཕྱག་ན་རྡོ་རྗེས། ས་ར་ཧ། དེས་ཀླུ་སྒྲུབ། ལས་སམ། ཤ་ཝ་རི་པ་སྟེ་ཡབ་སྲས་གཉིས་ལ། །ལཱུ་ཡི་པ། འདི་དཔལ་འཁོར་
ལོ་སྡོམ་པ་རང་གིས་ཀྱང་རྗེ་སུ་གཟུང་བས། དེ་ཉིད་ནས་བརྒྱུད་ཀྱང་ཆོག །དེས་སློབ་མ་རྒྱལ་པོ་དཱ་རི་ཀ་པ་དང་། བློན་པོ་བྲམ་ཟེ་ཌིངྒི་པ་གཉིས་ཀྱི་ངོར་སྒྲུབ་ཐབས་བསྐྱེད་ཆོག་འབྲིང་
གི་དབང་དུ་མཛད་པ་ལས་ལཱུ་ཡི་པའི་ལུགས། དཱ་རི་ཀ་པས། བརྟུལ་ཞུགས་གྲུབ་པའི་མཚན་རྡོ་རྗེ་དྲིལ་བུ་པ་རྗེསུ་བཟུང་། ཀརྞ་རི་ལ་བཞུགས་པས་མཚན་དེ་སྐད་དུའང་ཐོགས་པ་དེས། ཕྱི་དཀྱིལ་
ལྷ་ལྔ། ལུས་དཀྱིལ་རྒྱས་པ། དེའི་དབང་ཆོག །རིམ་པ་ལྔའི་མན་ངག་དང་བཅས་པ་མཛད་པ་ལས་དྲིལ་བུ་ལུགས། བདེ་མཆོག་མཁན་པོ་གཞན་དག །དེའི་སློབ་མ་རུ་སྦལ་ཞབས། དེའི་སློབ་མ་ཛཱ་ལནྡྷ་
རི་པ། དེའི་སློབ་མ་ནག་པོ་སྤྱོད་པར་འཆད་ཅིང་། འདི་སྔོན་བྱུང་ནས་ལུང་བསྟན་པའི་སློབ་དཔོན་ཀཧྞ་ཡིན། དེ་ལ་ཧེ་རུ་ཀ་ཉིད་ཀྱིས་ལུང་བསྟན། བློན་པོ་དགེ་བའི་མགོན་པའི་དོན་དུ་བསྐྱེད་
རིམ་བསྐྱེད་ཆོག་རྒྱས་པ་མངལ་སྐྱེས་སྦྱོང་བྱེད། དབང་བསྐུར་གྱི་ཆོ་ག །རྫོགས་རིམ་ལ། དཔྱིད་ཀྱི་ཐིག་ལེ། རིམ་པ་བཞི་པ། ཨོ་ལ་པ་ཏི་ལྔ་མཛད་སྦྱིན་སྲེག་གི་ཆོ་ག་དང་དྲུག་ཟེར་ཀྱང་དེ་ཕྱིས་གཟེ་པ་བློ་ལྡན་གྱིས་བྱས་པར་སྨྲ་ལ། 
7-276
བདེན་ནམ་བསམ་པ་མར་དོ་འཇམ་པའི་རྡོ་རྗེས་མཛད་པའི་སྦྱིན་སྲེག་ཆོ་གར་དེའི་ལུང་ཅི་ཡང་མ་དྲངས་པས་སོ། །དེ་ལ་ནག་པོ་ལུགས་ཏེ་ལཱུ་དྲིལ་ནག་གསུམ་གྲགས་ཆེའོ། །ནག་པོ་སྤྱོད་པས་
བྷུ་ཝ་པ་དང་། གུ་ཧྱ་པ་གཉིས་ལ། དེ་གཉིས་ལ་རྣམ་རྒྱལ་ཞབས། དེ་ལ་ཏིལླི་པས་གསན་ཟེར་རོ། །རང་ལུགས་དེ་ལྟར་ཡང་འཐད་ལ། ཙརྱ་པ་ཉིད་དངོས་ཀྱི་བླ་མར་བཤད་པས་དེ་ག་
ལས་དང་། དེ་ཀ་སྤྱོད་མཛད་ཆོས་ཀྱི་རྡོ་རྗེར་འདོད་ཅིང་། དེ་དང་དྲིལ་བུ་པའི་བར་དུ་ཨ་ཝ་དྷཱུ་ཏཱི་པ། འདི་ཛ་ལནྡྷ་རི་པ་ཡིན། ཡང་། ཏིལླིས་རྡོ་རྗེ་དྲིལ་བུ་པ་ལས་ཀྱང་གསན་
པར་འདོད་དོ། །དེ་བས་བདེ་མཆོག་འཁོར་ལོ་འཕགས་པའི་ཡུལ་དུ་སྤྱན་འདྲེན་པའི་ཐོག་མ་ས་ར་ཧ་ཡིན། བོད་དུ་ལོ་ཆེན་རིན་ཆེན་བཟང་པོའི་འགྱུར་སྔ་ཤོས་སོ། །ཏིལླི་པས་ནཱ་རོ་པ། དེའི་
དངོས་སློབ་བཞི་སྟེ་། པྲཛྙཱ་རཀྵི་ཏ། མ་ན་ཀ་ཤྲཱི། ཁ་ཆེ་བྱང་ཆུབ་བཟང་པོ། །ཕཾ་ཐིང་པ་ལ་མཆེད་བཞི་ཡོད་པའི་ཆེ་འོག་ཨ་དེས་པ་ཆེན་པོ། །དེ་མར་པའི་བླ་མ་སེནྟ་པའམ་སྤྱི་
ཐེར་བར་གྲགས་པ་དེ་ཡིན། དེའི་མཆེད་གསུམ་པ། བལ་པོ་མེ་ཏྲི་པར་ཡང་གྲགས་པ་ཧང་ངུ་། ཆུང་བ་ཐང་ཆུང་པའམ་འཇིགས་མེད་གྲགས་པ་རྗེ་མར་པའི་གྲོགས་པོ་ད་ལྟའི་རྣམ་ཐར་ཚོ་ན་སེནྟ་བར་བྱས་པ་དེ་ཡིན། 
7-277
དེས་བདེ་མཆོག་ངག་གི་དབང་ཕྱུག་བསྒྲུབས་པ་དངོས་གྲུབ་ཆེ་འབྲིང་གི་མེ་ཏོག་ལོག་པ་མ་མཐོང་། ཆུང་ངུ་ལོག་པ་སྒྲུབ་གཡོག་གིས་མཐོང་ནས་སྦྲན་པས། དེ་ཟོས་པས་དངོས་གྲུབ་ཐ་མ་ཐོབ། དེ་
ནས་མཚན་ངག་གི་དབང་ཕྱུག་ཏུ་གྲགས། དེའི་སྒྲུབ་གཡོག་བྷ་དནྟས་རབ་ཏུ་བྱུང་། མཁས་པར་སྦྱངས་པའི་མཚན། སུ་མ་ཏི་ཀིརྟིར་གྲགས། ནཱ་རོའི་དངོས་སློབ་བཞི་དང་སུ་མ་ཏི་ལ་མར་དོ་དང་། ལོ་
ཆུང་པུ་ཧྲངས་པས་གསན། མར་དོས། གཟེ་པ་བློ་ལྡན། དེས་གཟེ་པ་ཇོ་བདེ། མཆོག་བདེ། ཁུ་བ་ཁམས་པ། ལོ་ཙ་བ་མཆོག་ལྡན་ལེགས་བློ། །གུ་རུ་དཔལ་ལྡན་སེངྒ། བུ་སྟོན་རིན་ཆེན་གྲུབམ། པུ་
ཧྲངས་ལོ་ཆུང་ནས། དམར་ཆོས་རྒྱལ་བ། མངའ་རིས་པ་དཀོན་མཆོག་འབར། ཐུར་ལ་བ་ཚུལ་ཁྲིམས་སྐྱབས། ཐང་སྤེ་བ་འཕགས་པ་སྐྱབས། གསེར་སྡིངས་པ་གཞོན་ནུ་འོད་ཟེར། དགེ་སྡིངས་པ་ཀུན་མཁྱེན་ཆོས་སྐུ་
བ། འཕགས་འོད་ཡོན་ཏན་རྒྱ་མཚོ། བུ་སྟོན། ཐུགས་སྲས་ལོ་ཙ་བ། སྐུ་ཞང་ཆོས་རྗེ་ནམཁའ་མཆོག་གྲུབ། མཁས་པ་ཙནྡྲ། ཚུལ་ཁྲིམས་རྒྱལ་མཚན། སྐུ་ཞང་རིན་པོ་ཆེ་མཁྱེན་རབ་པ། དེ་ལ་འབྲུག་པ་
རིན་པོ་ཆེས། བུ་ཊིཀ་གི་སྟེངས་ནས་བཤད་པ་ཆོས་ཐུན་རེ་ལ་རྒྱ་ནག་གི་གོས་ཇུས་ཁ་རེ་ཕུལ་ནས་ཞུས། དེ་ལ་པདྨ་དཀར་པོས་སོ། །ཀློག་སྐྱ་དང་། མལ་གྱོ་ལོ་ཙ་བས་ཀྱང་ནཱ་རོའི་དངོས་སློབ་བཞི་སུ་མ་ཏི་ཀིརྟི་ལྔ་ལ་གཏུགས་པ་སོགས་བརྒྱུད་ལུགས་བདུན་བུ་སྟོན་ལ་མངའོ། །
7-278
མར་དོའི་སྲས་ལ། ལྷོ་ལ་ཡག་པ་བྱང་ཆུབ་དངོས་གྲུབ་ཀྱིས་གསན། དེའི་འགྲེལ་ཆེན་སྟེང་ནས་སྟག་ལུང་ཐང་པ་ཕྱི་མ་ལ་རྗེས་གསན་ནས་དེ་ནས་ཀྱང་བརྒྱུད་འདོད་ན་འདེད་པར་བྱའོ། །རྗེ་བཙུན་
ནཱ་རོ་པ་ནས་བརྒྱུད་པའི་དྲུག་ཅུ་མའི་དབང་བཞི་རྫོགས། ལུས་དཀྱིལ་གྱི་དབང་ཐོབ་ན་བརྒྱུད་ལུགས་དེ་དག་ཀུན་ཚང་སྟེ། བུ་སྟོན་གྱིས་གསང་བ་འདུས་པ་མི་བསྐྱོད་པ་ལ་བརྒྱུད་ལུགས་བདུན་འདེད་
པར་མཛད་པ་བཞིན་ནོ། །ཡང་ནཱ་རོ་ཞབས་ཀྱིས་ཕྱག་རྒྱ་བཞིའི་མན་ངག་རྒྱས་པ་མར་དོ་ཡབ་སྲས། ཅོག་རོ་ཆོས་རྒྱལ། རླུང་ཇོ་ཡེས། ཆོས་རྗེ་གཞོན་ནུ་སེངྒེ་བ་ནས་རིམ་པར་བྱོན་ནོ། །གཞན་
ཤ་ཝ་རིའི་ལུགས་སུ་གྲགས་པ་ནི་མངའ་བདག་མཻ་ཏྲི་པ་ནས་བརྒྱུད་པ་དང་། ཡེ་ཤེས་མཁའགྲོའི་ལུགསུ་གྲགས་པ་རྣམས་ནི་ཐུན་མོང་མ་ཡིན་པ་རྒྱས་པ་ལོགས་སུ་བཀོལ་ལོ། །རྗེ་བཙུན་མར་པ་
ཆོས་ཀྱི་བློ་གྲོས་བརྒྱུད་པའི་རྒྱུད་བཤད་པ་གསུང་རྒྱུན་གླིང་རས་པས་ཟིན་བྲིས་སུ་བཏབ་པའི་འགྲེལ་པའི་སྟེང་ནས་ཐོབ་པའི་བརྒྱུད་པ་ནི། རྡོ་རྗེ་འཆང་། ཕག་མོ། །ཕྱག་རྡོར། ཏིལླི། ནཱ་རོ། །མར་པ།
མི་ལ། རས་ཆུང་པ། ལོ་སུམ། གླིང་ངམ། རྗེ་བཙུན། སྒམ་པོ་པ། ཕག་གྲུ། གླིང་། ཆོས་རྗེ། དབོན་རས། གཞོན་ནུ། སེང་གེ་ཤེས་རབ། སྤོས་སྐྱ་པ། བཅུ་གསུམ་པ། ཀུན་དགའ་སེང་གེ །བླ་ཆེན་བསམ་རྒྱལ་བ། 
7-279
བློ་གྲོས་སེང་གེ །ཡེ་ཤེས་རིན་ཆེན། ཤེས་རབ་བཟང་པོ། །རྒྱལ་དབང་རྗེ། ངག་དབང་ཆོས་ཀྱི་རྒྱལ་པོ། །འཇམ་དབྱངས་ཆོས་ཀྱི་གྲགས་པ། ཀུན་སྤངས་རྗེ། པདྨ་དཀར་པོའོ། །ཡང་ན། བདེ་མཆོག །ཕྱག་རྡོར། །བློ་
གྲོས་རིན་ཆེན། ཀླུ་སྒྲུབ་སྙིང་པོ། །ཤ་ཝ་ར། མཻ་ཏྲི་པ། མར་པ་ཆོས་ཀྱི་བློ་གྲོས་སམ། མཻ་ཏྲི་པ། ཏི་པུ་དྲི་མེད་བཤེས་གཉེན། རས་ཆུང་པའོ།། །།
༄། །དཔལ་རྡོ་རྗེ་འཇིགས་བྱེད་ཀྱི་དབང་རྒྱུད་མན་ངག་དང་བཅམ་པའི་གསན་ཡིག།
དཔལ་རྡོ་རྗེ་འཇིགས་བྱེད་ཀྱི་དབང་རྒྱུད་
མན་ངག་དང་བཅམ་པའི་གསན་ཡིག །འཇམ་པའི་དཔལ་གང་གདུག་པའི་སྡེར་རྩུབ་མོ། །ཞལ་དགུ་སོ་བཞིའི་ཕྱག་ལྡན་བཅུ་དྲུག་ཞབས། །འོད་ཟེར་འབར་པའི་གློང་ན་མུན་འཐིབས་པའི། །མདངས་འཛིན་རྡོ་རྗེ་འཇིགས་བྱེད་
ལ་འདུད་དོ། །འཇམ་པའི་རྡོ་རྗེ་རྡོ་རྗེ་འཇིགས་བྱེད་འདི་ལྟ་བུར་བཞེངས་པའི་དགོས་པ་ནི། རྭ་པ་དག །དབང་ཕྱུག་ཆེན་པོ་དང་ཨུ་མ་གཉིས་སྙོམས་པར་ཞུགས་པའི་དུས་སུ་དྲང་སྲོང་ཞིག་ཡོན་
སློང་དུ་བྱུང་བ་ལ་ཨུ་མ་ཁྲོས་ནས་ད་ལྟའི་སྐབསུ་སློང་བ་འདི་འདོད་པ་མིན་ནམ་ཟེར་ནས་ཛ་ནི་ར་ཞེས་རང་གི་ཆོས་འབྱུང་ནས་ས་བོན་མེ་འདག་ཕུང་པོར་སྤྲུས་ནས་ཁར་སྦྱིན་
པས་དེ་ཁ་ཚིག་སྟེ་རྒྱ་མཚོའི་འགྲམ་དུ་སྐྱུགས་ནས་ཁ་བཀྲུས་སོ། །དེའི་ཚེ་གཞོན་ནུ་མ་དྲུག་གིས་རྒྱ་མཚོར་ཁྲུས་བྱས་པས་ཁྱགས་མེ་འདག་གི་ཕུང་པོ་དེ་ལ་སྲོས་པས་ཡིད་ཀྱི་བུ་གཅིག་བྱུང་བ་ངའི་བུ་ཡིན་ཟེར་དྲུག་པོ་རྩོད་པས་དྲུག་ཀ་འགུ་བར་བྱ་བའི་ཕྱིར་གདོང་དྲུག་སྤྲུལ། 
7-280
དེ་ཚོགས་བདག་དང་རྩེ་བ་ན་སོར་དྷེས་ཚོགས་བདག་གི་མཆེ་བ་གཡས་པ་བཅག་པས་དེ་ཁྲོས་ནས་གསོད་པར་དམ་བཅས་པ་དབང་ཕྱུག་གིས་འདི་ལོངས་པ་དང་གསོད། དེ་བར་མ་གསོད་ཅེས་གདམས་
པ་ལ་ཉན་པས་དབང་ཕྱུག་གི་དེ་གཞོན་ནུ་ཉིད་དུ་འདུག་པར་བྱིན་གྱིས་བརླབས་པས་ན་གཞོན་ནུ་གདོང་དྲུག་ཅེས་གྲགས་སོ། །དེ་དང་ལྷ་མ་ཡིན་གྱི་རྒྱལ་པོ་རུ་དྲ་གཉིས་འཛམ་བུ་གླིང་
དུ་འཐབ་པས་རུ་དྲ་རྒྱལ་དེ་ཕམ་མོ། །དེ་དུས་རི་རབ་ཀྱི་ཁོང་སེང་ན་དབང་ཕྱུག་ཆེན་པོ་ཡོད་པས་འཛམ་བུའི་གླིང་དུ་བུ་ཕམ་པར་ཤེས་ནས། སུམ་ཅུ་རྩ་གསུམ་པའི་ཚོགས་དང་། ལྷ་
མ་ཡིན་གྱི་རྟ་པའི་ཚོགས་དང་། ས་སྟེང་གི་ནད་བརྒྱད། གདོན་བརྒྱད་རྣམས་ཀྱི་དམག་དྲངས་ཏེ་རུ་ཏྲ་བཏུལ་ལོ། །རུ་ཏྲས་འཕགས་པ་འཇམ་དཔལ་ལ་སྐྱབས་ཞུས་པས། འཇམ་པའི་རྡོ་རྗེ་ཉིད་ཤིན་ཏུ་
ཁྲོས་པར་བཞེངས། ས་འོག་གི་ལྷ་མ་ཡིན་གྱི་གཉེན་པོར་མ་ཧེ་ཞལ་སོགས་དགུ །སུམ་རྩུ་རྩ་གསུམ་པའི་གཉེན་པོར་ཕྱག་སོ་བཞི། ནད་བརྒྱད་དང་། གདོན་བརྒྱད་ཀྱི་གཉེན་པོར་ཞབས་བཅུ་དྲུག །དབང་ཕྱུག་
ཆེན་པོ་ཉིད་ཀྱི་གཉེན་པོར་མཚན་མ་གྱེན་དུ་བསྒྲེངས་པར་སྤྲུལ་ནས་དེ་དག་བཏུལ་ཏེ་སོ་མ་བུ་རིར་རྡོ་རྗེ་འཇིགས་བྱེད་ཀྱི་རྒྱུད་འབུམ་པ་གསུངས་ཟེར་གཏམ་རྒྱུད་ཀྱི་རྟོག་པ་ནས། བཅོམ་ལྡན་ཉིད་ཀྱི་སྐུ་གསུང་ཐུགས། །
7-281
རྡོ་རྗེ་རྣམས་ལས་བྱུང་བ་ཡི། །རྡོ་རྗེ་འཇིགས་བྱེད་ཆེན་པོ་ཡི། །ལྷོ་ཕྱོགས་རྒྱ་མཚོ་ཕར་རྒལ་ནས། །དེ་ནས་གཤིན་རྗེའི་གྲོང་ཁྱེར་ནི། །ག་ལ་བ་ཡི་གནསུ་བྱོན། །མི་བཟད་ཞབས་ནི་བཅུ་དྲུག་
གིས། །ལྕགས་མཁར་སྒོ་མེད་བཅུ་དྲུག་བརྫིས། །ཡེ་ཤེས་རྩེ་གཅིག་མཚན་མ་ཡིས། །དབུས་ཀྱི་ལྕགས་མཁར་ཆེན་པོ་བརྫིས། །དེ་ཚེ་བདུད་ཆེན་ལས་རྒྱལ་ནས། །ཧ་ཧ་ཧི་ཧི་སྒྲ་སྒྲོག་པས། །ཆོས་ཀྱི་རྒྱལ་པོ་
ལ་སོགས་པ། །གཟིར་ཞིང་དུ་ནི་རབ་སྨྲ་བ། །དཔའ་བོ་ཆེན་པོ་ག་ལ་ཅི། །དཔའ་བོའི་དགོངས་པ་བདག་གིས་བགྱི། །བདག་ཅག་སྲོག་གི་སྙིང་པོ་རྣམས། །ཚུལ་བཞིན་འབུལ་གྱི་དཔའ་བོ་བཞེས། །ཞེས་ནས།
རྡོ་རྗེ་འཇིགས་བྱེད་ཆེན་པོ་ཡིས། །ཆོས་ཀྱི་རྒྱལ་པོ་ལ་སོགས་པ། །གཤིན་རྗེའི་ཕོ་ཉ་ལ་སོགས་ཀུན། །སྒྲོལ་བའི་གིང་དུ་བྱིན་གྱིས་བརླབས། །མ་དང་སྲིན་མོ་བུ་མོ་དང་། །འཁོར་བཅས་ཀུན་ལ་བཀའ་
བསྒོ་བ། །ལྔ་བརྒྱ་དུས་ཀྱི་ཐ་མ་ལ། །ང་ཡི་བསྟན་པ་འབྱུང་བའི་ཚེ། །རྣལ་འབྱོར་རིག་འཛིན་ལྡན་པ་ལ། །བཀའ་ཡི་ལས་རྣམས་ཚུལ་བཞིན་གྱིས། །ཞེས་འབྱུང་ལ། རྩོད་དུས་འདིར་ཤཱཀྱ་སེང་གེས་དཔལ་
འབྲས་སྤུངས་སུ་འཁོར་ལོ་སྡོམ་པ་གསུང་པའི་སྔོན་དུ་འདིའི་དཀྱིལ་འཁོར་སྤྲུལ་ཏེ་བཤད་དོ། །དེ་དག་ཀྱང་གོ་རིམ་བཞིན་བྱུང་བར་སྨྲས་ན་ལེཌ་སོ། །དེ་ལྟ་བུའི་རྒྱུད་དེ་བསྡུས་པ་པོས་བསྡུས་ཏེ་རྒྱ་རིམ་པ་བདུན་བཏབ་ནས་ཨོ་ཌི་ཡ་ཎའི་དྷརྨ་གཉྫོར་མཁའགྲོ་མ་རྣམས་ལ་གཏདོ། །
7-282
དེ་ནས་ཡུལ་དབུས་སུ་སློབ་དཔོན་ལ་ལི་ཏས་སྤྱན་དྲངས་ཏེ། དེས་མཚན་བརྗོད་གཟིགས་པ་ན། རྡོ་རྗེ་འཇིགས་བྱེད་འཇིགས་པར་བྱེད། །ཅེས་དང་། གཤིན་རྗེ་གཤེད་པོ་བགེགས་ཀྱི་རྒྱལ། །དང་། ཁྲོ་བོའི་རྒྱལ་པོ་
གདོང་དྲུག་འཇིགས། །ཞེས་པ་གཤིན་རྗེེ་ནག་པོ་སྐོར་གསུམ་ཡོད་པར་དགོངས། པཎྜི་ཏ་རྣམས་ལ་དྲིས་པས་ཤེས་པ་མ་བྱུང་། །འཇམ་དཔལ་ལ་མཆོད་པ་བྱས་ནས་གསོལ་བ་བཏབ་པས། ནུབ་ཕྱོགས་ཨུ་རྒྱན་ན་
ཡོད་པར་ལུང་བསྟན། དེར་བྱོན་པས་ལམ་དུ་བུད་མེད་རྒན་མོ་གཅིག་དང་ཕྲད། ཁྱོད་གར་འགྲོ་ཟེར། ཨུ་རྒྱན་དུའོ། །དེ་ན་རེ། ཨུ་རྒྱན་དུ་བཞུགས་པ་རྣམས་ཡེ་ཤེས་ཀྱི་མཁའ་འགྲོ་མ་ཡིན། དེའི་
ལམ་དུ་འཇིག་རྟེན་གྱི་མཁའགྲོ་མ་རྣམས་སྒོ་བསྲུངས་སུ་ཡོད་པས། དེ་དག་གི་བརྡ་དང་བརྡའི་ལན་ཤེས་དགོས། ཁྱེད་ཀྱི་རྐང་པའི་སིནྡུ་ར་བྱུགས་པ་འདི་ཡང་ཆུས་ཁྲུས་དེ་རྣམས་ཀྱི་བཞིན་གྱི་རྒྱན་
ཡིན། དེ་རྣམས་ཀྱི་ངོ་དང་ཁྱོད་ཀྱི་རྐང་པ་མཉམ་པར་འགྲོ་བ་ཡིན་པས། ཀོ་ལོང་བྱེད་དུ་འོང་ཟེར། དེ་ལ་མ་ཉན་པར་ཕྱིན་པས་བུད་མེད་གཞོན་ནུ་མ་བཞི་དང་ཕྲད་བརྡ་བསྟན་པ་
མ་གོ། །རྐང་པ་མ་བཀྲུས་པ་མཐོང་ནས་ཁྲོས་ཏེ་སློབ་དཔོན་མགོ་མཇུག་སློག །རེངས་པར་གྱུར་ཏེ་འཆི་ལ་ཁད་ཙ་ན་སྔར་གྱི་རྒན་མོ་དེ་ཡེ་ཤེས་ཀྱི་མཁའ་འགྲོ་མོ་ཡིན་ནམ་སྙམ་ཡིད་ལ་བྱས་པས་དེ་བྱུང་། 
7-283
ས་ལ་སྔགས་བཏབ་སྟེ་སློབ་དཔོན་ལ་གཏོར་བྱུང་བས་གསོས། རྒན་མོ་ན་རེ། ཁྱོད་ལ་ནུས་པ་ཡང་མེད་བརྡ་དང་བརྡའི་ལན་ཡང་མི་ཤེས་ངས་བསླབ་པའི་ཁ་ལ་ཡང་མི་ཉན། ད་འདི་ལྟར་
གྱིས་ཟེར་རྐང་པ་བཀྲུས། བརྡའ་དང་བརྡ་ལན་བསླབས། འཇིག་རྟེན་པའི་མཁའ་འགྲོ་འཆིང་བར་བྱེད་པའི་ལུག་མིག་གི་སྔགས་བསླབས་ཡི་དམ་ལྷ་འཇམ་དཔལ་ལ་གསོལ་བ་ཐོབ་ཟེར་ཏེ་རྒན་མོ་གར་སོང་ཆ་
མེད། ཕྱིས་ཡུམ་རོ་ལངས་མར་ཤེས། དེ་ནས་སོང་སྟེ་འཇིག་རྟེན་གྱི་མཁའ་འགྲོ་མ་དང་ཕྲད་པ་ལ་ལར་བརྡ་ལན་ལ་ལར་སྔགས་བཏབ་པས་ཨུ་རྒྱན་དུ་བརྟོལ། དེར་ཚོགས་འཁོར་བསྐོར་ནས་གཤིན་རྗེ་
གཤེད་སྐོར་ཞུས་པས། མཁའགྲོ་མ་ཁ་ཅིག་མིག་བཙུམ། ཁ་ཅིག་རྣ་བ་འགེགས། ཁ་ཅིག་མགོ་བསྒྲིལ་ཏེ་མ་གནང་། དེར་ཚོགས་ཀྱི་འཁོར་ལོ་ཡང་ཡང་བྱས་སྐོར་བ་བསྐོར་གསོལ་བ་བཏབ་པས་བྱའི་ཟླ་བ་
ལ་དྷརྨ་གཉྫོའི་སྒོ་ཕྱེ་ནས་གསང་སྔགས་ཀྱི་རྒྱུད་སྡེ་གླེགས་བམ་དུ་བཞུགས་པ་རྣམས་ཕྱིར་སྤྱན་དྲངས་མཆོད་པ་ཆེན་པོ་བྱེད་འདུག །དེར་ཁྱེད་དད་པ་ཆེ་བར་འདུག་པས་ཞག་བདུན་ཡིད་ལ་གང་ཟིན་
པ་དེ་ཁྱོད་ལ་སྦྱིན་ཞག་བདུན་ནས་གླེགས་ལམ་མཛོད་དུ་གཞུག་པ་ཡིན་ཟེར་རོ། ། དེར་ཐུགས་ལ་ཞག་བདུན་ལ་ཅི་ཡང་མི་ཟིན། དེ་བས་གླེགས་བམ་རྣམས་ལ་སྐོར་བ་མཛད་ཡི་དམ་ལ་གསོལ་བ་བཏབ་པ་ལེགསོ་དགོངས། །
7-284
དེ་ལྟར་མཛད་པས་ཞག་བདུན་གྱི་ཐོ་རངས་སུ་སོང་ཙ་ན་རྟོག་པ་བདུན་པ་ཐུགས་ལ་བྱུང་། འདི་རྣམས་ཡིན་ནམ་མིན་སྙམ་གླེགས་བམ་ཁ་ཕྱེ་བས་དེ་དག་དང་འགྲིག །འཇམ་དབྱངས་མདུན་གྱི་ནམཁར་
བྱོན་ནས་འཛམ་བུ་གླིང་པའི་དོན་བྱེད་པ་ལ་དེ་ཙམ་གྱིས་ཆོག་པ་ཡིན། དགྲ་ནག་ལེའུ་བཅོའི་རྒྱད་པ་གདོང་དྲུག་གི་རྒྱུད་སྡོམ་གསུམ་གསུངས་ཏེ་ཡལ། དེ་ནས་མཁའ་འགྲོ་རྣམས་འདུས་ཏེ་གླེགས་བམ་
མཛོད་དུ་བཅུག །གཤིན་རྗེ་སྐོར་གསུམ་རྒྱུད་དབང་མན་ངག་དང་བཅས་པ་གནང་། །དེ་ནས་ཡུལ་དབུས་སུ་ལོག་ནས་དར་བར་མཛད་དོ། །བོད་དུ་ཞང་ཅོག་གྲུ་ཤེས་རབ་བླ་མས་རྒྱ་གར་དུ་ལན་གསུམ་
བྱོན་ཏེ། ཨ་མོ་གྷ་བཛྲ་ཆུང་བ་དང་མཇལ་ནས་དགྲ་གདོང་འཇིགས་གསུམ་མཁས་པར་བསླབས་ཏེ་བོད་དུ་དར་བ་ལ་ཞང་ལུགས། དེས་ལན་གསུམ་པའི་དུས་གྲུབ་ཆེན་སྤྱན་དྲངས་འབྲི་མཚམས་སུ་དེ་ཉིད་
ཀྱི་སློབ་མ་ཁམས་པ་རུས་སྐྱོ་ཡིན་པ་ཞིག་ཨ་མོ་གྷ་བཛྲ་ལ་འབུལ་བ་ཆེར་བྱས། དེ་ནས་སྤྱན་དྲངས་པ་རྣམས་འཕགས་པ་རིའི་ལོགས་ལ་པ་ཚབ་ཉི་ལྡེ་ཞེས་པའི་དགོན་པར་ཞབས་ཏོག་
བྱས་ཡར་ལུངས་མདར་ཁོང་རང་གི་དགོན་པ་བྲ་མ་ལུང་དུ་གདན་དྲངས། འཇིགས་བྱེད་ཀྱི་དབང་ཞུས་ཡེ་ཤེས་དབབ་པའི་དུས་བླ་མའི་ཐུགས་ཀ་ནས་འོད་རྫ་མ་ཙམ་ཞིག་བྱུང་ནས་དབང་ཞུའི་གྲལ་གྱི་ཐོག་ཏུ་ཕར་འགྲོ་ཚུར་འགྲོ་བྱས་ནས་སྐྱོ་ལ་ཐིམ་པས། 
7-285
འཇིགས་བྱེད་ཀྱི་བཀའ་བབས་པར་གཟིགས། དེ་ནས་དེའི་མཚན་ཡང་སྐྱོ་འོད་བྱུང་དུ་ཐོགས་པ་དེ་ནས་དར་བ་ལ་སྐྱོ་ལུགས། ཡུལ་ལས་སྟོད་སྙེ་སྣམ་གླང་ཡུལ་དུ་འཁྲུངས་པ་རྭ་གཏུམ་པོ་རྡོ་རྗེ་
ལོ་བཅུ་གཉིས་ལོན་ཚེ་གཤིན་རྗེ་གཤེད་ཀྱི་ཞལ་གཟིགས། ལོ་ཙ་བསླབ་ནས་བལ་པོ་དང་རྒྱ་གར་དུ་བྱོན། བལ་པོ་ཡེ་རང་དུ་བྷ་རོ་ཕྱག་རྡུམ་ཡེ་རང་པར་གྲགས་པ་ལ་འཇིགས་བྱེད་དང་།
རྒྱ་གར་དུ་བྱོན་བལ་པོ་མེཉྫ་གླིང་པའམ་བལ་པོ་ཐུགས་རྗེ་ཆེན་པོ་ལ་གཤིན་རྗེ་གཤེད་སྐོར་གསུམ་ཀ་གསན། གཞན་ཡང་གསང་སྔགས་མཐའ་དག་ལ་བློ་སྦྱངས་མཚན་རྡོ་རྗེ་གྲགས་པར་ཐོགས། དེའི་དབོན་
སྲས་ལ་མཁས་པ་རིམ་པར་བྱོན་པ་ལས་དར་བ་རྭ་ལུགསོ། །དེ་ལྟར་ལུགས་གསུམ་ཀའི་ཡང་རྒྱུད་རྟོགས་བདུན་དང་གསུམ་པ། ལ་ལི་ཏའི་དང་ཨ་མོ་གྷའི་ཆོ་གའི་སྟེང་ནས་དབང་སྒྲུབ་ཞེ་དགུ་
མ་གཙོ་བོར་བྱེད་ལ། དཀྱིལ་འཁོར་གཞན་རྒྱུད་འགྲེལ་མན་ངག་ལ་སོ་སོའི་རྩལ་འདོན་ཁྱེར་གྱི་ཁྱད་ཆེན་པོ་ཡོད་པའི་བླ་མ་ར་ལོའི་ལུགས་དེ་ཉིད་ཀྱིས། སྙིང་པོའི་རྒྱུད་མཆོག་རྟོག་བདུན་ཡོད། །ཤྲཱི་
བྷ་དྲས་མཛད་པ་ཡི། །སྒྲུབ་ཐབས་ལོ་ཙས་བསྒྱུར་བ་ཡོད། །དོན་ཡོད་རྡོ་རྗེས་མཛད་པ་ཡི། །སྒྲུབ་ཐབས་དཀྱིལ་ཆོག་སྦྱིན་སྲེག་ཡོད། །དཱི་པཾ་ཀ་རའི་སྦྱིན་སྲེག་ཡོད། རཏྣ་ཨཱ་ཀ་ར་ཤཱནྟི་ཡིས། །མཛད་པའི་ཚོགས་ཀྱི་འཁོར་ལོ་ཡོད། །
7-286
བྷ་རོའི་སྒྲུབ་ཐབས་རྣམ་གསུམ་ཡོད། །ཁ་ཅིག་གསར་འགྱུར་ཁ་ཅིག་བཅོས། །ཞེས་གཞི་འགྱུར་དང་འགྱུར་བཅོས་ཡོད་པའི་གྲངས། ཉིད་ཀྱི་ཡིག་སྣ། རྒྱུད་ཀྱི་རྒྱལ་པོ་རྟོག་བདུན་ལ། ནག་འགྲེལ་མུན་པའི་མདའ་འཕེན་
བརྩམས། དཀའ་འགྲེལ་ཕྱོགས་མཐོང་འབེན་ལ་གཏད། །བཅུད་ཀྱི་ཐིགས་པ་ཕོག་པར་བསྣུན། །གསོད་པའི་མཚོན་ཏེ་སྙིང་ལ་གནས། །ཁ་ནས་ཁར་བརྒྱུད་ཡི་གེར་མ་བཀོད་དོ། །བསྙེན་སྒྲུབ་དགྲ་སྲོག་དབང་སྡུད་ཡོད། །མངོན་རྟོགས་
རིམ་པ་ལྔ་ཡང་ཡོད། །ལས་བཞི་སྦྱིན་སྲེག་ཆོ་ག་ཡོད། སྨིན་བྱེད་དཀྱིལ་འཁོར་ཡི་གེ་ཡོད། །དམར་པོ་མདའ་གཞུ་འགེངས་པ་ཡོད། །འདི་དག་རྣམས་ནི་མི་ལེགས་ནའང་། བན་ཆུང་ར་ཡི་ལུགསུ་སྣང་། །ང་
ཡི་རྗེས་འབྲང་ཐམས་ཅད་ཀྱིས། །བཅོས་བསླད་མེད་པར་ཉམསུ་ལོང་། །ཞེས་གསུངས་པའི་མངོན་རྟོགས་ལ། གཙང་དུ་ཡོད་པ་དང་དབུས་སུ་ཡོད་པའི་དཔེ་ལ་ཡུམ་མེད་ཡུམ་ཅན་ལ་སོགས་པའི་ཁྱད་ཆེ་བས་ཡིད་
ཆེས་སུ་ལ་བྱེད་དུ་འདུག་གོ། ། དེ་བས་ལྷ་ཞེ་དགུ་མའི་དབང་དེ་དང་འབྲེལ་བའི་ལ་ལི་ཏའི་གཞུང་རྣམས་དཔལ་འཛིན་དཔའ་གཅིག་ཨ་མོ་གྷའི་དབང་ཆོག་རྒྱུད་གཉིས་རྣམས་ཀྱི་ཞང་ལུགས་ཀྱི་བརྒྱུད་
པ་ནི། ཡེ་ཤེས་མཁའགྲོ། ལ་ལི་ཏ་བཛྲ། ཨ་མོ་གྷ་བཛྲ་ཆེ་བ། ཆུང་བ། ཡང་ན། མཉྫུ་ཤྲཱི་མི་ཏྲ། དེ་བ་ཨཱ་ཀ་ར་ཙནྡ། ཉི་མ་སྦས་པ། ཨ་མོ་གྷ་ཆུང་བ། ཞང་ཅོག་གྲུ་ཤེས་རབ་བླ་མ། 
7-287
སྐྱོ་འོད་འབྱུང་། སྐྱོ་ལུགས་རང་ནི་ཨ་མོ་གྷ་བཛྲ་ཆུང་བ། སྐྱོ་འོད་འབྱུང་། སྐྱོ་ཡེ་ཤེས་འབྱུང་གནས། སྐྱོ་བསོད་ནམས་བླ་མ། སྐྱོ་ཁམས་པ། གཉན་རིན་ཆེན་བརྟན། གཉན་འོད་སྲུངས། དཔལ་ཐུགས་ཀྱི་རྡོ་
རྗེ་རཏྣ་བཛྲ། བླ་མ་ཡང་རྩེ་བ། བུ་སྟོན་རིན་པོ་ཆེའོ། །ར་ལུགས། རྡོ་རྗེ་འཇིགས་བྱེད། ཡེ་ཤེས་ཀྱི་མཁའ་འགྲོ་མ། སློབ་དཔོན་ལ་ལི་ཏ་བཛྲ། དེའི་སློབ་མ་ཨ་མོ་གྷ་ཆེ་བ། དེས་
ཀྱང་འཇིགས་བྱེད་ཞལ་གཟིགས། དེའི་སློབ་མ་ཡེ་ཤེས་འབྱུང་གནས་སྦས་པའི་དཔལ་དེས་ཀྱང་ཞལ་གཟིགས་དེའི་སློབ་མ། པདྨ་བ་འདི་ལ་དབང་བསྐུར་བའི་མཚན་པདྨ་བ་རབ་ཏུ་བྱུང་བའི་མིང་ཤྲཱི་རཀྵི་ཏ།
སློབ་གཉེར་བའི་མིང་ཨ་མི་ཙུ་ཀ །ཕ་མས་བཏགས་པའི་མིང་ར་མ་ཕ་ལ། བཞུགས་སས་ཨུ་རྒྱན་པ་ཆེན་པོ། ཏྲི་ས་ར་ཧ་ཡང་ཟེར་མཻ་ཏྲི་པའི་སློབ་མ་དེའོ། །དེས་ཀྱང་ཞལ་གཟིགས་
དེའི་སློབ་མ་ཇོ་བོ་ཡེ་རང་བའམ། བྷ་རོ་ཕྱག་རྡུམ། འདིའི་མཚན་དཱི་པཾ་ཀ་ར་རཀྵི་ཏ། ར་ལོ་ཙ་བ་ཆེན་པོ་རྡོ་རྗེ་གྲགས། ར་ཆོས་རབ། ར་ཡེ་ཤེས་སེང་གེ། ར་འབུམ་སེང་།
རྗེ་བཙུན་རྒྭ་ལོ། །བླ་མ་ཤེས་རབ་སེང་གེ། བླ་མ་དཔལ་ལྡན་པ། བུ་སྟོན་རིན་པོ་ཆེའོ། །བླ་མ་ཤེས་རབ་སེང་གེ། བླ་མ་རྡོ་རྗེ་རྒྱལ་མཚན། བུ་སྟོན། ཐུགས་སྲས་ལོ་ཙ་བ། སྙེ་མོ་སྐུ་ཞང་རིན་ཆེན་བཀྲ་ཤིས། 
7-288
སྐུ་ཞང་སངས་རྒྱས་དཔལ་འབྱོར། དུས་ཞབས་པ་ཤཱཀྱ་དབང་ཕྱུག །འཇམ་དབྱངས་ཆོས་ཀྱི་གྲགས་པ། ཆེན་པོ་ཆོས་རྒྱལ་བ། སྐུ་བསྲུངས་པ་ཡ་མནྟཀ །པདྨ་དཀར་པོའོ། །འདི་ལ་ལོ་ཙ་བའི་ཐོ་ཡིག་ཇི་ལྟ་
བ་དཔེ་རྣམས་དང་། བུ་སྟོན་རང་གི་འཁྲུལ་འཁོར་གསལ་བྱེད་རྒྱུད་ལ། དེའི་སྟེང་དུ་ར་ཕྱི་མའི་ཡིག་སྣའི་རིས་བསྣན། ར་ཤེས་རབ་རྒྱལ་མཚན་གྱི་ཐོ་ཡིག་ཇི་ལྟ་བ་དང་། རྒྱ་སྟོན་རང་གི་
རྒྱུད་གཉིས་ཀྱི་འགྲེལ་པ་ཧ་ལ་ནག་པོའི་ཤོག་དྲིལ་སོགས་ཞལ་གདམས་དང་། ལས་གཤིན་གྱི་སྒྲུབ་ཐབས་སོགས་རྒྱས་པར་ཐོབ་པའི་བརྒྱུད་པ། ར་ལོ་རྡོ་རྗེ་གྲགས། དེས་ར་ཆོས་རབ། དེས་ར་ཡེ་ཤེས་
སེང་གེ། དེས་ར་ཆོས་ཀྱི་སེངྒེ་། དེས་ར་ཤེས་རབ་རྒྱལ་མཚན། རྒྱ་སྟོན་དབང་ཕྱུག་གྲགས། དེ་ལ་རྒྱ་སྟོན་ཀུན་དགའ་བརྩོན་འགྲུས། དེ་ལ་གཞོན་ནུ་ཚུལ་ཁྲིམས། ཚུལ་ཁྲིམས་རྒྱལ་མཚན། གྲ་ཐང་གི་མཁན་
པོ་དགེ་བ་རྒྱལ་མཚན། དེ་ལ་སྐྱི་གྲོང་དབོན་པོ་ངག་དབང་གྲགས་པ། དེ་ལ་དུས་ཞབས་པས་གསན་ནོ། །ཡང་དིང་སངས་ལུགས་པ་རྣམས་ལ་གྲགས་པའི། འཇིགས་བྱེད་དགྲ་ནག་གི་གཙོ་བོ་བསྒྱུར་བ་
བཅུ་གསུམ་མའི་དབང་དང་། ར་པོད་བསྡེབས་པ། བློ་བོ་མཁན་ཆེན་ལ། རིག་འཛིན་ལེགས་ལྡན་རྡོ་རྗེས་གསན། དེ་ལ་སྐུ་བསྲུངས་པས་གསན། དེ་ལས་ཁོ་བོས་ཐོས་སོ། ། ལས་གཤིན་གྱི་རྗེས་གནང་གི་བརྒྱུད་པ། 
7-289
གཤིན་རྗེ་གཤེད། མཁའ་འགྲོ་མ། ཀུ་མཱ་ར་ཙནྡྲ། ནཱ་ག་བོ་དྷི། ལ་ལི་ཏ་བཛྲ། ཛྙཱ་ན་ཀཱིརྟི། མི་ཉག་སྟོན་སྒོམ། ལོ་སྒོམ་ཞིག་པོ། །ཞང་སྟོན་བསོད་རིན། ཐང་སྟོད་པ་ཤེར་རྒྱལ། བླ་མ་
རྡོ་རྗེ་བཟང་པོ། །ཨཱརྱ་དེ་ཝ། བླ་མ་དོན་གྲུབ་རིན་ཆེན། ཆོས་རྗེ་ནམཁའ་ལྷུན་གྲུབ། བླ་མ་བསོད་ནམས་དཔལ་བཟང་། དུས་ཞབས་པ་ཤཱཀྱ་དབང་ཕྱུག །ཆོས་ཀྱི་གྲགས་པ། རྡོ་རྗེ་གླིང་པ། པདྨ་དཀར་
པོ་ལའོ། །གཤེད་དམར་ལྷ་ལྔའི་དབང་སྒྲུབ་ལས་ཚོགས་ཁྲིད་དང་བཅས་པ་ཚང་བར་ཐོབ་པའི་བརྒྱུད་པ། རྡོ་རྗེ་འཆང་། བིརྺ་པ། ནག་པོ་པ། ས་ལི་པ། ཤཱི་ལ་ཙནྡྲ། དཱ་ན་ཤཱི་ལ། འཇམ་གསར།
རྗེ་བཙུན་རྒྭ་ལོ། །བླ་མ་ཤེར་སེང་། བླ་མ་དཔལ་ལྡན་པའམ། བུ་སྟོན་མན་འཇིགས་བྱེད་དང་འདྲ། ཡང་སྤྲོས་མེད་ཀྱི་བྱིན་རླབས་དང་། འོད་གསལ་བ་འཆར་བའི་བྱིན་རླབས། ཤིན་ཏུ་སྤྲོས་མེད་ཀྱི་གཞུང་།
ཤིན་ཏུ་སྤྲོས་མེད་ཀྱི་ཁྲིད་ཐོབ་པའི་བརྒྱུད་པ། གཤིན་རྗེ་གཤེད། བིརྺ་པ། ཌོམྦྷི་པ། བྲམ་ཟེ་དཔལ་འཛིན། པིར་ཌི་བ། དར་པན་ཨ་ཙཱརྻ། བློ་བོ་ལོ་ཙ་བ་ཤེས་རབ་རིན་ཆེན། སྲས་མཆོག་བློ་
གྲོས་དཔལ། ལེགས་པའི་བློ། །དཔལ་ལྡན་སེངྒེ། བསོད་ནམས་རྒྱལ་མཚན། རྗེ་རིན་ཆེན་རྒྱལ་མཚན། གྲགས་པ་བཀྲ་ཤིས། གཙང་ཆེན་ཆོས་དབང་། ཆོས་རྗེ་སངས་རྒྱས་དཔལ་འབྱོར། དུས་ཞབས་པ། ཆོས་ཀྱི་གྲགས་པ། ཀུན་སྤངས་སྒྱུ་མའི་གར་མཁན་པདྨ་དཀར་པོའོ།། །།
7-290
༄། །སྒྲུབ་ཐབས་སྣ་ཚོགས་པའི་རྒྱུད་ཡིག་བཞུགས་སོ།།
སྒྲུབ་ཐབས་སྣ་ཚོགས་པའི་རྒྱུད་ཡིག་བཞུགསོ། །དད་ལྡན་གསེར་སྤྲང་གཡུ་བུམ་སྟག་ཆུང་ཀུན། །དགའ་མགུ་རངས་འགྱུར་ལྷ་སྒྲུབ་ཨུཏྤལ། །ཅི་ཡང་སྐྱེད་པའི་དགེ་བའི་བཤེས་གཉེན་མཚོའི། །བསྔགས་པའི་མགྲིན་རྔ་བརྡུང་མཁན་དུར་
སྨྲིག་ཅན། །ཨ་བྷ་ཡ་སོགས་མ་ངལ་ཅིང་། །ལོ་པཎ་རྣམས་ཀྱིས་སྒྲིགས་མིན་པར། །ངོ་མཚར་ཞལ་རྒྱས་པུ་སྟ་ཀ །པད་དཀར་ཟེ་འབྲུའི་རྩེ་མོར་ངོམས། །དེར་ནི་རྣམ་དཔྱོད་རལ་གྲི་རྣོ། །འབར་བའི་འོད་
ཀྱིས་བཟུང་མཐོང་ནས། །མ་དག་ཡི་གེའི་འཕྲེང་བ་རྣམས། །བཅད་གཏུབས་བསྲེགས་དོགས་ག་ཤད་བྲོས། །འདིར་སྒྲུབ་པའི་ཐབས་རྒྱ་མཚོ་སོ་གསུམ་བཞུགས་ལ། རང་གང་ལྷག་པའི་ལྷར་འཛིན་འདོད་པ་དག་ལ་ཡིད་ཀྱི་
རེ་བ་རྫོགས་པར་འགྱུར་བ་རྒྱ་བོད་ཀྱི་ཡིག་བྲིས་འགའ་ཞིག་ཉན་པ་ཕྱོགས་གཅིག་གདམས་པ་སོ་སོའི་བརྒྱུད་པ་ནི། འཇམ་དཔལ་དཀར་པོ་དཔའ་བོ་ཆིག་སྒྲུབ་ནས་གསུངས་པ། པཎྜི་ཏ་མ་ཏིའི་གཞུང་།
ལོ་རྒྱུས་རྗེས་གནང་ཁྲོ་ལོས་སྒྲུབ་ཐབས་ལས་ཚོགས་རྒྱ་སྟོན་གྱིས་སྦྱར་བ་བསྟོད་པ་དང་བཅས་པའི་བརྒྱུད་པ་ནི། འཇམ་དབྱངས། སྒེག་པའི་རྡོ་རྗེ། ཇོ་བོ་མ་ཏི། ནོར་བུ་གླིང་པ་ཆུང་བ། འབྱུང་
གནས་སྦས་པ། ཁ་ཆེ་པཎ་ཆེན། བྱང་ཆུབ་དཔལ། བདེ་བ་དཔལ། གྲགས་པ་གཞོན་ནུ། བསོད་ནམས་གྲགས་པ། བུ་སྟོན། ཐུགས་སྲས་པ། གྲགས་པ་རྒྱལ་མཚན། མཁས་པ་དཔལ་བཟང་། སློབ་དཔོན་རིན་གྲུབ། དུས་ཞབས་པ་ཤཱཀྱ་དབང་ཕྱུག །
7-291
འཇམ་དབྱངས་ཆོས་ཀྱི་གྲགས་པ། བྱ་པཎྜི་ཏ་བཀྲ་ཤིས་རྣམ་རྒྱལ། པདྨ་དཀར་པོ། །ཡང་ན། ཁ་ཆེ་པཎ་ཆེན། ཁྲོ་ཕུ་བ་བྱམས་པའི་དཔལ། མཁན་པོ་དབུ་གྲག་གམ་དབང་ཕྱུགས་གྲགས་པ། རྒྱ་སྟོན་བརྩོན་
འགྲུས། རྒྱ་སྟོན་ཨཱནནྡ་པ། རྡོ་རྗེ་གླིང་པ། པྲཛྙཱ་སི་དྷི། རཏྣ་བཛྲ། བླ་མ་ཤེས་རབ་པ། ར་སྒྲེང་ཀ་བཞི་པ། དུས་ཞབས་པ། །ཡང་པཎ་ཆེན་ཤཱཀ་མཆོག་ལ། མཁན་ཆེན་བཀྲ་ཤིས་རྣམ་རྒྱལ། དེ་
ལ་པདྨ་དཀར་པོ། །ཡང་ན། ཆག་ལོ་རིན་ཆེན་ཆོས་རྒྱལ། དེས་བཀྲ་ཤིས་རྣམ་རྒྱལ་ལོ། །འཇམ་དབྱངས་དམར་པོ་བློ་འཕེལ་གྱི་སྒྲུབ་ཐབས་སློབ་དཔོན་ཀླུ་སྒྲུབ་ཀྱིས་མཛད་པ་དང་། ཕ་དམ་པས་མཛད་པ།
དབྱངས་ཅན་མ་སྔོན་མོ་ཟུང་གི་རྗེས་གནང་ལས་ཚོགས་དང་བཅས་པའི་བརྒྱུད་པ་ནི། འཇམ་དབྱངས། ཀླུ་སྒྲུབ། བྲམ་ཟེ་ཨཱརྱ་དེ་ཝ། དམ་པ་སངས་རྒྱས། ཆར་ཆེན། པ་ཚབ་རྒྱལ་བ་ཏེ་ནེ། ཞིག་པོ་
ཉི་སེང་། བསོད་ནམས་དཔལ། ཀུན་དགའ་འོད་ཟེར། རི་ཁྲོད་དབང་ཕྱུག །ཀུན་མཁྱེན་ཚུལ་ཁྲིམས་འཕགས། སངས་རྒྱས་དབོན་པོ། །བློ་གྲོས་རྒྱ་མཚོ། རོང་སྟོན་ཤཱཀྱ་རྒྱལ་མཚན། ཤེས་རབ་རིན་ཆེན། སྐུ་ཞང་ཆོས་རྗེ་སངས་
རྒྱས་དཔལ་འབྱོར། དུས་ཞབས་པ་ཤཱཀྱ་དབང་ཕྱུག །རྗེ་བཙུན་རྡོ་རྗེ་གླིང་པ་ཡོན་ཏན་ཡེ་ཤེས། པདྨ་དཀར་པོ། །འཇམ་དཔལ་ནག་པོ་ཨ་ར་པ་ཙ་ནའི་སྒྲུབ་ཐབས་རྡོ་རྗེ་གདན་པའི་མན་ངག་ཞལ་གདམས་རྗེས་གནང་དང་བཅས་པའི་བརྒྱུད་པ། 
7-292
རྡོ་རྗེ་གདན་པ་ཆུང་བ། བ་རི་ལོ་ཙ་བ། རྗེ་བཙུན་ས་ཆེན། རྗེ་བཙུན་གྲགས་པ། ས་པཎྜི་ཏ། འཕགས་པ་རིན་པོ་ཆེ། བྲག་ཕུག་པ། བླ་མ་དམ་པ། བུ་སྟོན། ལོ་ཙ་བ་རིན་
རྣམ། ཞྭ་ལུ་སྐུ་ཞང་ནམ་མཆོག་པ། ཆོས་རྗེ་བློ་གྲོས་བརྟན་པ། དཀའ་བཅུ་འཛིན་པ། དུས་ཞབས་ཤཱཀྱ་དབང་ཕྱུག །ཀུན་སྤངས་རྗེ། པདྨ་དཀར་པོ། །འཇམ་དཔལ་ཡེ་ཤེས་སེམས་དཔའ་དང་པོའི་སངས་རྒྱས་ཀྱི་
སྒྲུབ་ཐབས་སློབ་དཔོན་ཨ་ཝ་དྷཱུ་ཏཱི་པས་མཛད་པ། འཇམ་དཔལ་རིགས་གསུམ་གྱི་སྒྲུབ་ཐབས་མྱ་ངན་མེད་པའི་དཔལ་གྱིས་མཛད་པ། འཇམ་དཔལ་ཡེ་ཤེས་སེམས་དཔའ་དེ་ཁོ་ན་ཉིད་ཀྱི་སྒྲུབ་ཐབས་གཅིག་
གིས་འཇམ་དཔལ་རིགས་ལྔ་སོ་སོའི་སྒྲུབ་ཐབས་ཐོན་པ། གཉིས་མེད་སྦས་པས་མཛད་པ། འཇམ་དཔལ་ཡེ་ཤེས་སེམས་པའི་སྒྲུབ་ཐབས་འདི་རྫོགས་རིམ་འཇིགས་བྱེད། མི་གཡོ་བ་དམར་པོ། །གཤིན་རྗེ་གཤེད་གསུམ་གྱི་
སྒྲུབ་ཐབས་མྱ་ངན་མེད་པའི་དཔལ་གྱིས་མཛད་པ་རྣམས་ཀྱི་བརྒྱུད་པ། འཇམ་དཔལ། འཇམ་དཔལ་བཤེས་གཉེན། ཨ་ཝ་དྷཱུ་ཏཱི་གུཔྟ། ཨ་ཤོ་ཀ་ཤྲཱི། དྷརྨ་ཤྲཱི་མི་དྲ། ལོ་ཙ་བ་རོང་ཟོམ་ཆོས་བཟང་།
འབྲི་ཆེན་པོ་ཤེས་རབ་འབར། ཨར་བྱང་ཡེས། དགེ་བའི་བཤེས་གཉེན་གླིང་། གྲུབ་ཐོབ་གླིང་རས། ཆོས་རྗེ། ལོ་རས། འཇམ་དབྱངས་མགོན་པོ། །ལྷོ་མཛེས་པ། ལོ་མཆོག །གཞོན་ཚུལ། བླ་མ་ཤེས་རབ་རྡོ་རྗེ། ཆོས་དཔལ་ཤེས་རབ། 
7-293
གྲགས་པ་རྡོ་རྗེ། གྲགས་པ་དོན་གྲུབ། རྔོག་བྱང་ཆུབ་དཔལ། རྒྱལ་དབང་རྗེ། འབྲུག་པ་རིན་པོ་ཆེ་ངག་གི་དབང་པོ། །གཅུང་རིན་པོ་ཆེ། ངག་དབང་ནོར་བུའོ། །གཏུམ་པོ་ཁྲོ་བོ་ཆེན་པོ་དཀར་པོའི་
སྒྲུབ་ཐབས། ཀུ་སུ་ལི་སེ་བ་རྒྱན་པས་མཛད་པ་དང་། པཎ་ཆེན་བུདྡྷ་ཤྲཱི་ཛྙཱ་ནས་མཛད་པ་དང་། ཤར་ཕྱོགས་ཛ་གད་དྷ་ལིར་པཎྜི་ཏ་དཱ་ན་ཤཱི་ལས་མཛད་པ། ལོ་རྒྱུས་རྗེས་གནང་ཞལ་
གདམས་བསྟོད་པ་སྒྲུབ་ཐབས་དང་བཅས་པའི་བརྒྱུད་པ། མི་གཡོ་བ། ཀུ་སུ་ལུ་སེ་བ་རྒྱན་པ། རཏྣ་ཨཱ་ཀ་ར་བྷ་དྲ། མཉྫུ་ཤྲཱི། དཱ་ན་ཤཱི་ལ། བླ་མ་དར་མ་རྒྱལ་མཚན། རིག་པའི་
རལ་གྲི། བླ་མ་གཞོན་ཚུལ། རིན་པོ་ཆེ་གཞོན་ནུ་མགོན་པོ། །མཁན་ཆེན་གྲགས་རྒྱལ། པྲཛྙཱ་སིདྷི། རཏྣ་བཛྲ། བླ་མ་ཤེས་རབ་པ། ཡང་ན་མི་གཡོ་བ། དཱ་ན་ཤཱི་ལ། ཡོན་ཏན་ཁྲི། འདུལ་འཛིན་
བྱང་སེམས། རྒྱལ་ཚ་ལུང་མངས། རྒྱལ་ཚ་གཞོན་གྲགས། མཁན་ཆེན་ཕྱོགས་པ། གཡག་ཕྲུག་སངས་རྒྱས་དཔལ། རོང་སྟོན་ཤེས་བྱ་ཀུན་རིག །བྱམས་ཆེན་རབ་འབྱམས། དུས་ཞབས་པ་ཤཱཀྱ་དབང་ཕྱུག །ཆོས་ཀྱི་གྲགས་པ། རྡོ་
རྗེ་གླིང་པ། པདྨ་དཀར་པོ། །རོང་སྟོན་ནས་ཀུན་མཁྱེན་གོ་བོ། ཀོང་སྟོན་དབང་ཕྱུག་གྲུབ་པ། ཤེལ་གྲོང་པཎ་ཆེན། ཐེལ་མཁན་ཆེན་ཆོས་རྒྱལ་ལྷུན་གྲུབ། པདྨ་དཀར་པོ། །མི་གཡོ་བ་སྔོན་པའི་སྒྲུབས་ཐབས་བསྟོད་པ་ཇོ་བོ་རྗེ་ལྷ་གཅིག་གིས་མཛད་པ། 
7-294
ལས་ཚོགས་རྒྱས་པ་འཛེད་སྒོམ་དབང་ཕྱུག་རྒྱལ་མཚན་གྱིས་མཛད་པ། སྒྲུབ་ཐབས་ངག་འདོན་དུ་བཀོད་པ། མགར་མི་སྒེག་པའི་རྡོ་རྗེས་དམིགས་པ་སྐོར་གསུམ་དེས་མཛད་པ་རྣམས་ཀྱི་བརྒྱུད་པ། མི་གཡོ་བ།
ཇོ་བོ། དགེ་བའི་བཤེས་གཉེན་དགོན་པ་བ། རྒྱ་ཡོན་བདག །སྣེའུ་ཟུར་པ། བྷྲུཾ་པ་ལྷ་རྗེ། རྣམ་དག་ཟངས་ཆེན་པ། མཚོ་སྣ་བ། མོན་གྲགས་པ། མཁན་ཆེན་ཆོས་སྐྱབས་པ། དེས་གྲུབ་ཆེན་བཀྲ་ཤིས་
བཟང་པོ། །དེས་གྲུབ་ཆེན་བཀྲ་ཤིས་ཚངས་པ། དེས་ཀུན་སྤངས་རྗེ་ལའོ། ། དབྱངས་ཅན་མ་དཀར་མོའི་ལོ་རྒྱུས་བྲམ་ཟེ་ཕུར་བུས་མཛད་པའི་གཞུང་བསྟོད་པ་རྗེས་གནང་མན་དག་རྣམས་ཀྱི་བརྒྱུད་པ་ནི། བྲམ་
ཟེ་ཤངྐུའམ་ཕུར་བུ། དེས་པཎྜི་ཏ་གཏུམ་པོ། །དེས་བདེ་ཆེན། དེས་མཆོད་སྡོང་། དེས་སེང་གེ །དེས་ཉེ་བའི་སེང་གེ། དེས་ཨ་ནུ་པ་མ། དེ་མ་ཧཱ་རཀྵི་ཏ། དེས་སུམ་པ་ལོ་ཙ། གཉལ་བ་
ཞང་ཚེ། གཉལ་ཞིག །གཡར་ཉི་མ་འརྩོན་འགྲུས། ལོ་མཆོག །བསམ་ཡས་པ་ཚུལ་ཁྲིམས་བློ་གྲོ། དེ་གཉིས་ཀ་ལ་བླ་ཆེན་སངས་རྒྱས་སྲས་ཀྱིས་གསན། དེས་བླ་མ་གཞོན་ཚུལ། ཐེལ་མཁན་ཆེན་ཤེས་རབ་རྡོ་
རྗེ། བླ་མ་ཆོས་དཔལ་བ། རྒོད་ཕྲུག་གྲགས་པ་འབྱུང་གནས། དེས་རྒྱ་མཚོ་དཔལ། ཁ་རག་གྲུབ་ཆེན་བསོད་རྒྱལ་བ། རྒྱལ་དབང་རྗེ། དགེ་སློང་རིན་རྣམ། ཆོས་ཀྱི་གྲགས། དེས་བཀྲ་ཤིས་རྣམ་རྒྱལ། དེས་པདྨ་དཀར་པོ་ལའོ། །
7-295
ཡང་དབྱངས་ཅན་མས། བོ་དོང་ཕྱོགས་ལས་རྣམ་རྒྱལ། སྟག་ལུང་ཐང་པ། འབྲུག་པ་རིན་པོ་ཆེ། རྒྱལ་ཚབ་དམ་པ། པདྨ་དཀར་པོའམ་རྒྱལ་ཚབ་དམ་པས་ས་སྐྱ་བདག་ཆེན་རིན་པོ་ཆེ་ངག་པ་ལ་
ཡང་གསན་པས་དེའི་བརྒྱུད་པའང་ཤེས་པར་བྱའོ། །དབྱངས་ཅན་མ་དམར་མོའི་རྗེས་གནང་སྒྲུབ་ཐབས་ཀྱི་བརྒྱུད་པ་ནི། དབྱངས་ཅན་མ། རྟ་དབྱངས། ཟླ་གྲགས། རིག་པའི་ཁུ་བྱུག །ཇོ་བོ་རྗེ། དཱ་ན་ཤཱི་ལ།
རྔོག་ལོ། །ཞང་ཚེ་སྤོང་བ། ཕྱྭ་པ། གཙང་ནག་པ། དཀར་ཤཱག །འུ་ཡུག་པ། གཙང་ནག་ཐུགས་རྗེ་སེང་གེ། །སྐྱི་སྟོན། དོལ་བུ་བ། བསོད་ནམས་སེང་གེ། ལྕང་ལུང་པ་གཞོན་ནུ་བློ་གྲོས། རྒྱལ་དབང་
རྗེ། གྲུབ་ཆེན་ཤཱཀྱ་འཕེལ། འགྲོ་མགོན་ཆོས་སྐྱབས། འཇམ་དབྱངས་ཆོས་གྲགས། ཀུན་སྤངས་རྗེ། ངག་དབང་ནོར་བུ་ལའོ། །ཁྲོ་བོ་སྨེ་བརྩེགས་ཀྱི་རྗེས་གནང་སྒྲུབ་ཐབས་མན་ངག་གི་བརྒྱུད་པ་ནི། འཇམ་ནག་དང་མཚུངས་
ལ། རྒྱལ་ཚབ་དམ་པས་བདག་ཆེན་ངག་པ་ལ་གསན་པས་དེ་ཡང་ཤེས་པར་བྱའོ། །ཁྲོ་བོ་སྨེ་བརྩེགས་ལས་ཐམས་ཅད་པའི་རྒྱ་གཞུང་། སློབ་དཔོན་རྡོ་རྗེ་གོ་ཆས་མཛད་པ། པཎ་ཆེན་ནགས་རིན། རོང་
སྟོན། ཀུན་མཁྱེན་སངས་རྒྱས་འཕེལ། སྐྱི་རོང་དབོན་པོ། །དུས་ཞབས་པ། ཆོས་ཀྱི་གྲགས་པ། ཀུན་སྤངས་རྗེ། པདྨ་དཀར་པོ། །རྨེ་རྩེགས་བི་མ་ལའི་ལུགས། པན་ཆེན། དེས་སྣུབས་སྟོན་སངས་རྒྱས་ཡེ་ཤེས། དེས་གཏེར་དུ་སྦས་པ། 
7-296
རྒྱ་ཞང་ཁྲོམ་གྱིས་བཏོན། ཚེ་བདག་དང་བརྒྱུད་པ་ཅིག་གོ །རི་ཁྲོད་མ་ལོ་མ་ཅན་གྱི་རྗེས་གནང་སྒྲུབ་ཐབས་མན་ངག་དང་བཅས་པ་འབྲི་ཁུང་ལོ་ཙ་བས་སྒྲིགས་པའི་བརྒྱུད་པ་ནི། བཅོམ་ལྡན་
འདས། ཀུན་དགའ་བོ། །དགེ་སློང་མ་ཀུན་དགའ་མོ། །པདྨ་བཛྲ། བྲམ་ཟེ་ཕྲུ་གུ། དྷརྨ་བོ་དྷི། བལ་པོ་རྫོང་གི་ཤཱི་ལ་བྷ་རོ། །དེས་ཉེ་གནས་ནག་དེ་ཝ། དེས་ཛུ་ལང་གི་བྲམ་ཟེ་ཤང་
ཀ་ར། དེས་བལ་ཡུལ་ཁོ་ཁོམ་གྱི་པཎྜི་ཏ་ཙནྡྲ་བྷ་རོ། །དེས་འབྲི་ཁུང་ལོ་ཙ་བ། དེས་ཀུ་ཅོར་རྟོགས་ལྡན། དེས་སྐྱོད་པ་སངས་རྒྱས་དཔལ། དེས་ལྕེ་པ་རྒྱ་བོ། །དེས་ཀུན་སྤངས་རྗེ། དེས་
པདྨ་དཀར་པོའོ། །རི་ཁྲོད་མ་ས་ལུགས་འཇམ་ནག་དང་མཐུན། སྒྲོལ་དཀར་ཡིད་བཞིན་འཁོར་ལོའི་སྒྲུབ་ཐབས་ཇོ་བོས་འབྲོམ་གྱི་དོན་དུ་མཛད་པ། བཀའ་གདམས་ཀྱི་ཞལ་རྒྱུན་མན་ངག་གི་རིགས་རྗེས་གནང་དང་
བཅས་པའི་བརྒྱུད་པ་ནི། སྒྲོལ་མ། གསེར་གླིང་པ་ཆོས་ཀྱི་གྲགས་པ། ཇོ་བོ་རྗེ། འབྲོམ་སྟོན། སྤྱན་སྔ་བ། དགེ་བཤེས་སྦྲེ་པ། དྭགས་པོ་རིན་པོ་ཆེ། ཕག་གྲུ་པ། ཐང་པ། བླ་མ་བ་ལཾ་
པ། སློབ་དཔོན་ཚལ་པ། ཤག་གཞོན་པ། དོན་ཞགས་པ་སངས་རྒྱས་རིན་ཆེན། བླ་མ་བསོད་ནམས་རྡོ་རྗེ། འཁྲུལཞིག་བློ་བཟངས་པ། སྐྱེས་མཆོག་སྨོན་ལམ་པ། གྲུབ་ཆེན་བློ་གྲོས་ཆོས་རྒྱལ། ངག་དབང་ཆོས་ཀྱི་རྒྱལ་པོ། །
7-297
རྒྱལ་ཚབ་དམ་པ། པདྨ་དཀར་པོའོ། །པཎྜི་ཏ་ངག་གི་དབང་ཕྱུག །རྡོ་རྗེ་གདན་པ་ཆེ་བ། བ་རི་ལོ་ཙ་བ། བླ་མ་སླེ་ནག་པ། དགེ་བཤེས་སྦྲེ་པ། དྭགས་པོ་རིན་པོ་ཆེས། ལ་ཡག་
པ་བྱང་ཆུབ་དངོས་གྲུབ། སློབ་དཔོན་སྟོན་པ། སློབ་དཔོན་ཚལ་པ་མན་འདྲའོ། །ཀླུ་སྒྲུབ་དང་། རྡོ་རྗེ་གདན་པས་མཛད་པའི་སྒྲོལ་མ་དམར་མོའི་རྗེས་གནང་སྒྲུབ་ཐབས་ལས་ཚོགས་དང་བཅས་པའི་བརྒྱུད་པ། སྒྲོལ་
མ། ཀླུ་སྒྲུབ། རྡོ་རྗེ་གདན་པ་ཆེ་བ། མར་པ། མི་ལ། བཀྲ་ཤིས་ཚེ་རིངས་མ། ངམ་རྫོང་བ། གུང་ཐང་རས་པ། དེས་རྒྱ་ཕོ་བ་ལུང་པ། དེས་རིན་ཆེན་རྒྱལ་པོ། །དེས་སྤྱིལ་དཀར་བ།
དེས་གངས་ཅན་ཤཱཀྱ་དཔལ། དེས་གངས་ཅན་ཀུན་དགའ་དཔལ། རྒྱལ་དབང་རྗེ། ངག་གི་དབང་པོ། །རྒྱལ་ཚབ་དམ་པ། པད་དཀར་རོ། །སྒྲོལ་མ་སྔོན་མོ་འཇིགས་པ་བརྒྱད་སྐྱོབས་ཇོ་བོས་མཛད་པ། བསྟོད་པ་རྟ་
དབྱངས། རྗེས་གནང་དང་བཅས་པའི་བརྒྱུད་པ་ནི། ཇོ་བོ། མར་མི། དྭགས་པོ། །ཕག་གྲུ། གླིང་། རྒྱ་རས་ནས་ཆོས་རྗེ་ན་རིམསོ། །སློབ་དཔོན་ཐམས་ཅད་མཁྱེན་པའི་བཤེས་གཉེན་གྱི་ལོ་རྒྱུས། དེས་མཛད་པའི་སྒྲོལ་
མའི་སྒྲུབ་ཐབས་བསྟོད་པ་རྗེས་གནང་གི་བརྒྱུད་པ་ནི། སྒྲོལ་མ། ཐམས་ཅད་མཁྱེན་པའི་བཤེས་གཉེན། དགེ་བསྙེན་དགེ་བའི་དཔལ། སྟོབས་ཀྱི་གོ་ཆ། པཎ་ཆེན་ཤཱཀྱ་ཤྲཱི། ཁྲོ་ཕུ་ལོ་ཙ་བ་བྱམས་པ་དཔལ། 
7-298
ཡང་ཕྱག་འཚལ་ཉེར་གཅིག་མའི་བསྟོད་པ། དེའི་སྒྲུབ་ཐབས་རྩ་བ་ཀླུ་སྒྲུབ། སྒྲུབ་ཐབས་ལས་ཚོགས་ཉེར་དྲུག་པ་བསྟོད་པ་དང་བཅས་པ་ཁ་ཆེའི་སློབ་དཔོན་ཉི་མ་སྦས་པས་མཛད་པ་རྗེས་གནང་དང་
བཅས་པའི་བརྒྱུད་པ། སྒྲོལ་མ། ཀླུ་སྒྲུབ། ཉི་མ་སྦས་པ། རཱ་ཧུ་ལ་ཤྲཱི། བི་ན་དེ་ཤྲཱི། པཎ་ཆེན་ཤཱཀྱཱ་ཤྲཱི། ཁྲོ་ཕུ་ལོ་ཙ་བ། དེས་ཤོ་ལོ། དེས་སྙི་བན་དར་མ་འོད་ལ། དེས་
མཚོ་སྣ་བ་ཆེན་པོ། །དེས་མོན་གྲབ་པ། དེས་མཁན་ཆེན་ཆོས་སྐྱབས་པ། དེས་གྲུབ་ཆེན་བཀྲ་ཤིས་བཟང་པོ། །དེས་བཀྲ་ཤིས་ཚངས་པ། ཀུན་སྤངས་རྗེ། པདྨ་དཀར་པོའོ། །གཙུག་ཏོར་ལྷ་ཡུལ་མའི་གཟུངས། སྒྲུབ་
ཐབས་གཉིས་ལས་ཚོགས་བཅུ་གཅིག་དང་བཅས་པ། ཙནྡྲ་གོ་མིས་མཛད་པ་རྗེས་གནང་དང་བཅས་པའི་བརྒྱུད་པ་ནི། གདུགས་དཀར། ཕྱག་རྡོར། བསམ་གཏན་བཅུ་གཉིས་པ། ཙནྡྲ་གོ་མི། གི་རྀ་ཏ། རྡོ་རྗེ་རྣོན་
པོ། །པདྨ་ལྕགས་ཀྱུ། བྲམ་ཟེ་རིན་ཆེན་རྡོ་རྗེ། བྲམ་ཟེ་སད་ཛ་ན། དེའི་སྲས་མ་ཧཱ་ཛ་ན། གཉལ་པ་ལྕགས་སྟོན་དགའ་བོ། །དེས་དབུས་པ་སྟོན་པ་ཡེ་དབང་། ལྷ་རྗེ་སྤྲུ་སྟོན་འབར་ཐོག །
ཇོ་སམ། ཇོ་འབུམ། མི་ཉག་རྡོ་གྲགས། ལྕེ་ཇོ་མདོ། རོང་པ་རྒྭ་ལོ། བླ་མ་བློ་ལྡན། འཕགས་འོད། བུ། ཐུགས་སྲས་པ། སྔག་འཆང་ཤཱཀྱ་དཔལ། དགེ་མ་རིན་པོ་ཆེ། ཐེལ་མཁན་ཆེན་དཔལ་ལྡན་རྒྱལ་མཚན། 
7-299
ཐུགས་རྗེ་ལྷུན་གྲུབ། ཆོས་རྒྱལ་ལྷུན་གྲུབ། པདྨ་དཀར་པོའོ། །གཙུག་ཏོར་རྣམ་པར་རྒྱལ་མ་གཟུངས་ལྟར་དུ་སྒྲུབ་པའི་སྒྲུབ་ཐབས་བསྟོད་པ་དང་བཅས་བ་དབྱིག་གཉེན་གྱིས་མཛད་པ། རྣམ་རྒྱལ། ཐོགས་མེད། དབྱིག་གཉེན།
ཕྱོགས་གླང་། དབང་ཕྱུག་སྡེ། ཆོས་ཀྱི་གྲགས་པ། ཤང་ཀ་ནན་ཏི། ཛེ་ཏཱ་རི། ཇོ་བོ། མར་མི། ཚེ་རིངས་མ་མན་རིགས་བྱེད་མ་དང་མཐུན། རྨ་བྱ་ཆེན་མོའི་ཚེ་སྒྲུབ་ཀླུ་སྒྲུབ་ཀྱིས་མཛད་པའི་
རྗེས་གནང་སྒྲུབ་ཐབས་ཀྱི་བརྒྱུད་པ་ནི། རྨ་བྱ་ཆེན་མོ། བྲམ་ཟེ་སྒྲ་གཅན་འཛིན། ཀླུ་སྒྲུབ། ནཱ་ག་བོ་དྷི། ཏིལླི། ནཱ་རོ། མར་པ། རྔོག་ཆོས་རྡོར། མདོ་སྡེ། ཀུན་དགའ། གཟི་བརྗིད་གྲགས་པ། རིན་
ཆེན་བཟང་པོ། །ཆོས་རྒྱལ་བ། དོན་གྲུབ་དཔལ། བྱང་ཆུབ་དཔལ། རྒྱལ་དབང་རྗེ། རིན་ཆེན་རྣམ་རྒྱལ། ཆོས་ཀྱི་གྲགས་པ། ཀུན་སྤངས་སྒྱུ་མའི་གར་མཁན། པདྨ་དཀར་པོ། །ཚེ་དཔག་མེད་ཛེ་ཏཱ་རིས་མཛད་པའི་
གཞུང་གསུམ། འཆི་བླུའི་མན་ངག་དང་བཅས་པའི་བརྒྱུད་པ་ནི། ཚེ་དཔག་མེད། སྙིང་པོ་ཞབས། ཛེ་ཏཱ་རི། བྱང་ཆུབ་བཟང་པོ། །ཏིང་འཛིན་བཟང་པོ། །རིན་ཆེན་བཟང་པོ། །རྡོ་རྗེ་གདན་པ །བ་རི་ལོ་
ཙ་བ། མཆིམས་བརྩོན་སེང་། རྒྱ་ཞང་ཕུག་པ། འཇད་པ་ཤེས་རབ་རིན་ཆེན་ནམ་བ་རི་པ། ས་ཆེན། རྗེ་བཙུན་གྲགས་པ། རྡོ་རྗེ་འོད་ཟེར། བཀྲ་ཤིས་འོད། འཁོན་སྟོན་ཆོས་འཕེལ། བསོད་ནམས་ཤེས་རབ། 
7-300
རྒྱ་སྟོན་ཀུན་དགའ་བརྩོན་འགྲུས། ནམཁའ་རྒྱལ་མཚན། མགོན་པོ་གྲགས། འོད་ཟེར་སེང་གེ། །ཡོན་ཏན་པ། འཁོན་སྟོན། འཇམ་དབྱངས་བཞི་ཐོག་པ། བྱང་སེམས་རྒྱལ་ཡེས། བླ་མ་གྲགས་ཆེན། ཆོས་རྒྱལ་བ། ཡངས་རྩེ་བ།
བུ་སྟོན། ཐུགས་སྲས་ལོ་ཙ་བ། སྐུ་ཞང་རིན་ཆེན་བཀྲ་ཤིས། སངས་རྒྱས་དཔལ་འབྱོར། དུས་ཞབས་པ། ཆོས་ཀྱི་གྲགས་པ། ངག་དབང་ཆོས་ཀྱི་རྒྱལ་པོ། །གཅུང་རིན་པོ་ཆེ། པདྨ་དཀར་པོ། །པདྨ་ཚེ་ཁྲིད་
དུ་གྲགས་པ་ཨུ་རྒྱན་རིན་པོ་ཆེ། པཎ་ཆེན་ནགས་རིན། ཁྲུས་ཁང་ལོ་ཙ་བ། ཉེ་གནས་བྱམས་པ་ཀུན་དགའ། རྫ་སྣ་བ་རིན་ཆེན་བཟང་པོ། །ངག་དབང་བཟང་བོ། །ཆོས་ཀྱི་མགོན་པོ། པདྨ་དཀར་
པོའོ། ། ཡེ་ཤེས་ཁྱུང་ཁྲའི་སྒྲུབ་ཐབས་རྗེས་གནང་གི་བརྒྱུད་པ་ནི། རྡོ་རྗེ་འཆང་། ཙི་ལུ་པ། ནཱ་རོ་པ། ཕམ་ཐིང་པ་མཆེད། མལ་གྱོ་ས་ཆེན་མན་འཇམ་ནག་བཞིན། ལྷ་མོ་ཤྲ་མ་ཎའི་སྒྲུབ་
ཐབ་རྗེས་གནང་གི་བརྒྱུད་པ་ནི། རྡོ་རྗེ་འཆང་། མཁའགྲོ་མ། པ་ནེ་ཏི། ཝ་ནི་བྷ་དྲ། སཾགྷ་ཤྲཱི་སྒེག་རྡོར། ཤེར་ཡེ། ཡོལ་འབུམ། ལོ་མཆོག །བློ་བརྟན་ཆོས་རྒྱལ་བ། བླ་མ་གཟི་བརྗིད། སོག་དབོན་
དཔང་བློ། བྱ་བཏང་བསོད་ནམས་དར། དམར་ཆོས་རྒྱལ། གྲགས་པ་འབྱུང་གནས། དྭགས་པོ་བཀྲ་ཤིས་རྣམ་རྒྱལ། ཡོན་རྒྱལ་བ། ཆོས་རྒྱལ་རིན་ཆེན། ཡོན་ཏན་ཡེ་ཤེས། པདྨ་དཀར་པོའོ། །སྒྲ་མི་སྙན་པའི་ཚེ་སྒྲུབ་བརྒྱུད་པ་ནི། 
7-301
སྒོམ་ཆེན་ཀླུ་མེས། གཙང་སྨན་བསོད་རྒྱན། དོན་གྲུབ། བསེ་སྟོན་རྒྱང་མོ་བ། ཆོས་གཞོན། སྤུ་རངས་ཇོ་སྲས། ཞང་སྟོན་ཤེས་རབ་འོད། གཞོན་ནུ་འབུམ། བླ་མ་རྫོང་པ། ཀུན་དགའ་རྒྱལ་མཚན། གཞོན་ནུ་བཟང་
པོ། །ཀུན་སྤངས་རིན་པོ་ཆེ། པདྨ་དཀར་པོའོ། །ཕྱག་ན་རྡོ་རྗེ་ཨུ་ཙརྱའི་རྒྱུད་གདུག་པ་ཅན་འདུལ་བ། རྒྱུད་ཕྱི་མ་ནག་པོ་ཁྲོས་པའི་རྒྱུད། སྒྲུབ་ཐབས་ཀླུ་སྒྲུབ་ཀྱིས་མཛད་པ་ལས་ཚོགས། དེ་དག་
གི་ཞལ་གདམས། གོས་སྔོན་ཅན་དྲག་པོའི་འཁོར་ལོ། །དྲག་པོ་གསུམ་སྒྲིལ་རྣམས་ཀྱི་ལུང་རྒྱུན་རྗེས་གནང་གི་བརྒྱུད་པ་ནི། ཨ་ཙརྱ། པདྨ་བཛྲ། ན་གར་ཛུ་ན། ཙནྡྲ་གོ་མི། རྒྱལ་པོ་དར་མ། བླ་
མ་ཟངས་གླིང་པ། ཁམས་པ་ཨ་སེང་། ཇོ་སྲས་གཉལ་པ། དར་མ་སྙིང་པོ། །གཉན་སྟོན་རྒྱལ་མཚན། འཇམ་མགོན། ཚུལ་ཁྲིམས་བཟང་པོ། །བུ་སྟོན། བརྩོན་འགྲུས་བྱང་ཆུབ། ངག་དབང་བསོད་རིན། ཆོས་གྲགས། བྱང་ཆུབ་
བཟང་པོ། །ཐེག་ཆེན་ཆོས་རྗེ། སྐུ་ཞང་རིན་ཆེན་བཀྲ་ཤིས་སམ། ཇོ་སྲས་གཉལ་པ་ནས་དཀོན་མཆོག་རྒྱལ་པོ། །ཇོ་སྲས་མེ་འབར། དོན་ཞགས་པ། བླ་མ་ལྷ་རྗེ། འཁོན་ཆོས་སྡིངས་པ། ཟུར་ཕུག་པ།
འབའ་རག་མཁན་ཆེན་རྒྱལ་དབང་། སྐུ་ཞང་རིན་ཆེན་བཀྲ་ཤིས་། སངས་རྒྱས་དཔལ་འབྱོར། དུས་ཞབས་པ། ཆོས་ཀྱི་གྲགས་པ། ཡོན་ཏན་ཡེ་ཤེས། པདྨ་དཀར་པོ། །ཤེར་སྙིང་གི་སྒྲུབ་ཐབས་ཀླུ་སྒྲུབ་ཀྱིས་མཛད་པ། 
7-302
དྷ་རི་ཀ་པས་མཛད་པ། ཀམྤ་ལས་མཛད་པའི་མན་ངག །དེའི་ཡུམ་གྱིས་མཛད་པའི་མན་ངག །འཕྲིན་ལས་ཀླུ་སྒྲུབ། ཤེར་སྙིང་བཀླག་ཐབས་དྷ་ན་ཤཱི་ལས། བྱིན་རླབས་ཞལ་གདམས་ལོ་ཙ་བས་བཀོད་པ་
རྣམས་ཀྱི་ཐོབ་པ་དང་རྗེས་གནང་དང་བཅས་པའི་བརྒྱུད་པ་ནི། སྟོན་པ། འཇམ་དབྱངས། ཀླུ་སྒྲུབ། ཤཱཀྱ་བཤེས་གཉེན། རྒྱལ་བའི་ལྷ། དྷ་རི་ཀ་པ། སྡོམ་པ་བཟང་པོ། །ཨ་ཏི་ཤ །དེ་ཉིད་ཀྱི་གཅུང་
པོ་དཱ་ན་ཤཱི་ལ། ལོ་ཙ་བ་གྱི་ལྗང་དབུ་དཀར། ཡུམ་སྲས་ཀྱི་གཞུང་གཉིས་ཀླུ་སྒྲུབ་ནས་བི་ན་ས། དེས་ལ་བ་པ། དེས་ཤར་ཕྱོགས་ལ་ཝ་པ། དེས་ཇོ་བོ། །དེས་ལོ་ཙ་བ།
དེས་ཟངས་དཀར་ལོ་ཆུང་ཚུལ་ཁྲིམས་ཤེས་རབ། དེས་བྱ་འཆད་ཀ་བ། དེས་བྱ་ནག་རིན་ཆེན་འོད། དེས་ཚལ་སྒོམ་པ་ཆེ་པོ། །དེས་ཇོ་སྲས། དེ་ལ་ཀོང་སྟོན་ཤེས་རབ་རྡོ་རྗེ། གྲྭ་གོར་འཁོན་
ཆོས་སྐྱབས་པ། དེས་སྒྲུབ་ཆེན་བཀྲ་ཤིས་བཟང་པོ། །དེས་སྒྲུབ་ཆེན་བཀྲ་ཤིས་ཚངས་པ་ལོ་བརྒྱ་ལོན་པ་གཅིག་ལ། དེ་ལ་ཀུན་སྤངས་རྗེས། དེས་པདྨ་དཀར་པོ་ལའོ། །རིག་བྱེད་མའི་མན་ངག་ངང་མོ་
རྩེ་བ་ཡན་ལག་མེད་པའི་རྡོ་རྗེས། གསང་གསུམ་སྦྱོར་བ་ཨུ་རྒྱན་གྱི་རྣལ་འབྱོར་མ་པདྨོ་ནིས་སློབ་དཔོན་ཙ་མ་རིའི་དོན་དུ་སྦྱར་བ་རྗེ་མར་པའི་ཐུན་མོང་མ་ཡིན་པའི་གདམ་ངག །བརྒྱུད་པ་ནཱ་རོ་པ་ཡན་གསང་བ་སྒྲུབ་པ་དང་མཐུན། 
7-303
དེ་ནས་མར་པ། རྔོག་ཆོས་རྡོར་ནས་རིན་པོ་ཆེ་བདུན་པའི་བར་དུ་བྱོན། །དེ་ལ་རྒྱལ་དབང་རྗེས། ཡང་མར་པ་ནས་མི་ལ། བཀྲ་ཤིས་ཚེ་རིངས་མ། ཞི་བ་འོད་དང་། ངམ་རྫོང་རས་པ་
གཉིས་ལ། དེ་གཉིས་ཀ་ལ་གཡག་ཕུག་པ། དེས་གླིང་རས། དེས་རྒྱ་རས། དེས་ཇོ་ཡེས། དེས་གཡག་རས། སྤྲུལ་སྐུ་ཡེ་ཤེས། རྫ་རི་རས་པ། རྫ་སྒོ་བ། བློ་བཟངས་པ། སྨོན་ལམ་དཔལ། ལུང་མང་
བ་ཡོན་ཏན་བཟང་པོ། །རྒྱལ་དབང་རྗེ། སྒྲུབ་ཆེན་ཤཱཀྱ་འཕེལ། འགྲོ་མགོན་ཆོས་སྐྱབས་པ། ཆོས་ཀྱི་གྲགས་པ། ཀུན་སྤངས་རྗེ། པདྨ་དཀར་པོ་ལའོ། །སོ་སོ་འབྲང་མའི་རྗེས་གནང་སྒྲུབ་ཐབས་བསྲུང་འཁོར་གདགས་ཐབས་
དང་བཅས་པ་སངས་རྒྱས་ཡེ་ཤེས་ལུགས། སུ་མ་ཏི་ཀཱིརྟིས་ཡིག་རིས་སུ་བཀོད་པ། ལོ་ཙ་བ་གཉན་དར་མ་གྲགས། བླ་མ་ཤོ་ཆེན་པོ། ངོར་རྗེ་ཀུན་དགའ་འོད། དེས་ཚལ་སྒོམ་པ་ཆེན་པོ་
མན་ཤེར་སྙིང་དང་འདྲའོ། །ཕག་དཀར་རྡོ་རྗེ་དྲིལ་བུ་པས་མཛད་པའི་རྗེས་གནང་སྒྲུབ་ཐབས་བརྒྱུད་པ། མར་དོ་བརྒྱུད་པའི་ཕྱག་རྒྱ་བཞི་པ་དང་གཅིག །སློབ་དཔོན་ཆེན་པོ་བཱིརྻ་པས་མཛད་པའི་ཕག་མོ་
དཀར་མོ་སྐུའི་སྒྲུབ་པ། དམར་མོ་གསུང་གི། ནག་མོ་ཐུགས་སྒྲུབ་གཞུང་ཞལ་གདམས། ལས་ཚོགས་ལ་གབ་ནས་བཅུ་ཙམ། ཉེར་ལྔ། ཞེ་གཉིས་མ་གསུམ་ཕྱི་མ་མ་སྦས་པའོ། །ཕག་མོ། བཱིརྻ་བྷ་དྲ། ཆོས་ཀྱི་པ། 
7-304
ནཱ་རོ་པ། མར་པ། མི་ལ། རས་ཆུང་པ། སུམ་པ། གླིང་། རྒྱ་རས། བ་རི་བ། ཙ་རི་རས་ཆེན། རྟོགས་ལྡན་མགོན་ཡེས། མཁས་པ་དཀོན་མཆོག་དབང་པོ། གཙང་ཆེན་པ། དུས་ཞབས་པ། ཆོས་ཀྱི་
གྲགས་པ། ཀུན་སྤངས་རྗེ། པདྨ་དཀར་པོའོ། ། པཎ་ཆེན་ཤཱཀྱ་ཤྲཱི་ནས་བརྒྱུད་པའི་བདེ་མཆོག་དཀར་པོའི་བྱིན་རླབས་རྗེས་གནང་། དེ་ཉིད་ཀྱིས་མཛད་པའི་ཚེ་སྒྲུབ། སྒྲོལ་དཀར་ལྷ་དགུ་སྔགས་དཔའ་བོ་ཆིག་སྒྲུབ་ཀྱི་
ཚེ་སྔགས་སྦྱར་བ་རྣམས་ཀྱི་བརྒྱུད་པ། པཎ་ཆེན་ཤཱཀྱ་ཤྲཱི། དཱ་ན་ཤཱི་ལ། བཙན་ཐང་པ། བླ་མ་ཀ་ལཱ་པ། རྟོགས་ལྡན་གྲགས་སེང་། གཡའ་བཟང་པ་བསོད་ནམས་འོད། བླ་མ་བསོད་ནམས་རྡོ་རྗེ།
བློ་བཟངས་པ། སྐྱེས་མཆོག་པ། གྲུབ་ཆེན་བློ་གྲོས་ཆོས་རྒྱལ། འབྲུག་པ་རིན་པོ་ཆེ། རྒྱལ་ཚབ་དམ་པ་གཅུང་རིན་པོ་ཆེ་ལས་པདྨ་དཀར་པོས་ཐོསོ། །གཞན་འབི་རུ་པས་པཎ་ཆེན་ནགས་རིན་ལ་གནང་
བའི་ཚེ་སྒྲུབ་པདྨ་ཚེ་ཁྲིད་དང་མཐུན། པཎྜིཏ་ཤཱ་རི་པུ་ཏྲ་ལས་བརྒྱུད་པའི་རླུང་འཆི་མེད་ཐོབ། སྨན་གྱི་དྲང་སྲོང་སེར་སྐྱའི་སྒྲུབ་ཐབས་རྗེས་གནང་། ཙཀྲའི་ལྷ་མོ། །ཨརྨོ་ནི་ག་གི་སྒྲུབ་ཐབས་ཆོས་
རྗེ་ལ་ཐོག་ཟུར་མཁར་བ། སྔགས་འཆང་རྒྱལ་མཚན་ལྷུན་གྲུབ། ཚེ་བདག་བཀྲ་ཤིས། པདྨ་དཀར་པོའོ། །སྤུ་རངས་མཁའ་སྤྱོད་མའི་རྗེས་གནང་སྒྲུབ་ཐབས་གྱི་བརྒྱུད་པ་ནི། རྣལ་འབྱོར་མ། བླ་མ་ཤིང་དྲུང་པ། 
7-305
བླ་མ་མཁའ་སྤྱོད་པ། སྤུ་རངས་ལོ་ཆུང་། དགེ་བཤེས་གསར་གུང་ཐང་རས་པ། རྒྱ་ཕོ་བོ་ལུང་པ། བླ་མ་རས་པ། དེས་བླ་མ་དར་མ་སྒང་པ། སློན་དཔོན་སྟོན་དར། བླ་མ་ལེགས་ལྡན།
བསོད་ནམས་དཔལ། ཁ་རག་གྲུབ་ཆེན་བསོད་རྒྱལ་བ། རྒྱལ་དབང་རྗེ། གྲུབ་ཆེན་ཤཱཀྱ་འཕེལ། གྲུབ་ཆེན་ཀུན་དགའ་རྒྱ་འཕེལ། ཆོས་ཀྱི་གྲགས་པ། ཀུན་སྤངས་རྗེ། །པདྨ་དཀར་པོའོ།། །།བཀྲིས།། །།


